『兒科醫生』拍攝跟蹤

ching2506

劇名: 兒科醫生
監製: 方俊華
編審: 潘漫紅, 孫浩浩

主要演員: 鄭嘉穎，馬國明，鍾嘉欣，周家怡

拍攝時間: 07/2020 - 11/2020

ching2506

海俊傑 IG story:

ching2506

(東方新地)
51歲鄭嘉穎回巢無綫首次挑戰做醫生 妻債夫還疫市下獲TVB加酬勞
東方新地 Jun 10, 2020 － 23:13

已經離巢無綫三年的鄭嘉穎，曾兩度成為無綫視帝，又憑內地劇《步步驚心》及《葉問》在國內爆紅，事業一帆風順，近日老婆陳凱琳（Grace）宣布再陀B，婚後同樣兩年未有再幫無綫拍劇的Grace，更屢傳約滿後會隨嘉穎離巢外闖。但實情鄭氏夫婦飲水思源，同無綫關係友好，近日嘉穎更落實回巢拍無綫新劇《兒童醫院》（暫名）；婚後變愛妻號的嘉穎，今次再效力舊東家，除了留港賺錢方便照顧妻兒，更重要是幫為趕生B、多次推劇的老婆Grace向無綫高層還人情債，今次回巢更首次擔演醫生角色，是個新挑戰，在疫市下還獲無綫加酬勞，一舉多得，如意算盤打得響。

陳凱琳為生B推劇轉型做KOL
現年51歲的鄭嘉穎，與細二十二年的13年冠軍港姐陳凱琳，在18年感情修成正果，兒子鄭承悅（Rafael）轉眼已經十六個月大，早前「 520 」大日子，鄭氏夫婦更公開再陀B喜訊。有仔萬事足的Grace，婚後一直專注家庭，同嘉穎都熱愛小朋友，自18年拍完劇集《包青天再起風雲》，已經兩年冇再拍劇，生B大過天，對無綫剩餘的幾年合約只好採拖字訣，多次向無綫推劇。據知情人士透露：「Grace本身好鍾意小朋友，生咗Rafael之後，更加母愛氾濫，湊仔事事親力親為，連事業鬥心都冇埋，佢完全唔捨得離開個仔半步，有時出外工作太耐，佢都會心掛掛，所以只會揀啲唔太困身，時間短嘅活動或者廣告先會接，一做完嘢就會即刻撲返屋企湊仔，雖然生完一路都有監製搵佢復出拍劇，但Grace完全冇興趣，一嚟唔捨得個仔，二嚟佢兩公婆一早諗住盡快追多個，既然決定趕生B，根本冇時間接劇，Grace仲話唔想錯過Rafael每個成長Moment ，近年已經轉型做KOL，方便安排時間！」

不過，同無綫還有頗長合約的Grace因拖劇太久，高層亦曾出面斟她復出，現在兩年抱兩，拍劇恐怕難上加難，同無綫向來關係友好的鄭嘉穎，就出面幫Grace還債，等老婆專心做全職媽咪。早前因新冠肺炎閉關幾個月，嘉穎近日亦開始收拾放假心情，陸續開工賺奶粉錢，除了日前為電影《焚身》開機，離巢無綫三年的他，已答應七月回無綫拍新劇《兒童醫院》。

同無綫關係友好幫老婆還劇債
據知情者透露：「雖然喺內地知名度高，嘉穎有唔少工作，但始終新冠肺炎疫情未全面受控，屋企仔細老婆嫩，佢都唔想返內地開工住，而且佢好享受家庭生活，叫佢離開老婆同個仔太耐佢都唔捨得。咁話晒佢出身 TVB，一路以嚟係樂易玲愛將，佢喺無綫機會好多，又做埋視帝，嗰時公司又肯放佢返內地拍劇，如果唔係都唔會拍到《步步驚心》、《葉問》喺國內爆紅，就連老婆Grace，樂小姐都好睇重，所以嘉穎離巢之後，同樂小姐都 keep住友好關係，對於 Grace多次推劇，嘉穎都覺得唔多好意思，所以今次樂小姐傾佢返嚟再拍劇，嘉穎都冇托手踭，除咗為幫老婆還劇債，更重要係還人情債！」

同羅仲謙拍檔首次做醫生
在無綫十七年，鄭嘉穎一直備受力捧，早在06年，已經憑《天幕下的戀人》揮低陳豪、林保怡及林峯首奪 TVB視帝，又拍過不少為他度身訂造的好角色，先後演過消防員、鑑證人員、律師、重案組沙展、拳手等，不過多年來，原來嘉穎都未曾演過醫生角色。據知情人士說：「其實樂小姐一路都好想嘉穎返嚟拍劇，今次畀嘅酬勞都高過以前好多，加上近期 TVB有唔少破格嘅劇集，嘉穎對再拍劇都好有信心，今次更加係首次演出醫生角色，佢覺得好有新鮮感，而且經過近期肺炎疫情之後，大家對醫生都好有親和感，今次拍檔仲有同樣係新手爸爸嘅羅仲謙，相信到時開工又可以圍埋交換湊仔心得！」萬事有老公嘉穎來頂的陳凱琳，當然可以安心做幸福少奶奶！

ching2506

(on.cc)
「出軌」拍激情戲禁老婆監場！鄭嘉穎唔敢講BB
06月11日(四) 15:28

由鄭嘉穎、朱晨麗主演的電影《焚身》，今日進行開鏡拜神儀式，同場還有監製黃百鳴、羅蘭及小演員黃嗣舜。嘉穎今次是自太太陳凱琳（Grace）宣布再懷孕後首度現身，他透露戲中飾演朱晨麗老公及醫生，不過後來會跟患精神病的「小三」出軌，惹來一身麻煩：「搞到好大鑊！就嚟家破人亡，呢套戲係畀已婚男士睇，作為一個警惕，千祈咪（出軌）！」

講到有傳Grace密謀離巢，嘉穎就話唔清楚：「但佢當年應該簽咗好長，下次你哋問佢啦！」另外，問到他是否會返無綫拍劇，替多次推劇的Grace還「人情債」，嘉穎聞言笑話：「呢個世界有啲咁嘅嘢咩？父債子還呀？會唔會有啲咁嘅事呀？唔好信啦！（真係返去拍劇？）一日都未Confirm嘅嘢都唔會撇除可能性，適當時候先再講。」


(明報即時娛樂)
否認代妻還劇債 鄭嘉穎拍親熱戲 主動向大肚陳凱琳備案
2020年06月11日 (16:38)

鄭嘉穎、朱晨麗、陳靜、羅蘭今日出席電影《焚身》開鏡禮，老闆黃百鳴也到場支持。嘉穎在戲中背住老婆朱晨麗出軌，搭上有精神問題的陳靜，差點弄致家破人亡。

有傳陳凱琳欲離巢外闖，故他代老婆還劇債，返無綫拍攝新劇《兒童醫院》。嘉穎不排除會回巢拍劇，但稱計劃未落實，適當時再談。對於代妻還劇債的說法，他說︰「會有這樣的事？父債子還呀？會不會有這種事？不要信！」至於陳凱琳是否離巢，嘉穎透露太太當年簽的合約年期頗長，但詳情要問當事人，又指太太好似仍有接出席活動的工作。

ching2506

(hk01)
傳鄭嘉穎代妻還債拍TVB新劇　夥拍回巢女主角曾7次險奪視后
撰文：秦志鴻
2020-06-11 18:55
最後更新日期：2020-06-11 20:01

鄭嘉穎近年積極北上發展 ,但自從與陳凱琳（Grace）結婚兼榮升人父之後，似乎已將事業重心轉回香港，據知鄭嘉穎已落實事隔3年回巢TVB拍劇，將為方俊華監製的新劇《兒童醫院》演出主角，更是他出道27年首次挑戰醫生角色。加上太太阿Grace成功創業做女強人，早前還公開懷第二胎的好消息，嘉穎都兼負起照顧老婆和小朋友的重任，父愛泛濫。

但日前有傳今次嘉穎回巢其實是代妻還劇債，事源Grace對上一次擔正已經是2018年的《翻生武林》，而2019年的《包青天再起風雲》只是單主女主角，直到現時還未再有參演任何劇集的消息，對比起2013選完港姐後的幕前演出少很多，加上Grace與嘉穎在2018年8月結婚後，同年11月就宣布懷孕 ，2019年2月誕下兒子Rafael後又專注休息和湊B，到去年年底又自創個人品牌做女強人，上月「520」更宣布懷第二胎，故一直未有拍劇的時間，所以傳出嘉穎「代妻還劇債」的消息，《香港01》記者向Grace查詢時，她寫下：「of course not true la（當然不是事實啦）」。而嘉穎亦在今日的電影《焚身》開鏡禮上否認「還債」一事。

除了鄭嘉穎之外，《兒童醫院》還有網傳的演員名單，當中包括馬國明、姚子羚、羅仲謙、何廣沛、何依婷、還有周家怡等，但該名單真偽難測，事關周家怡近年在ViuTV積極發展，而何廣沛亦已向《香港01》記者否認參演。而今日出席《2020香港小姐競選》記者會的何依婷亦向記者透露將會參演一部新劇飾演實習醫生，但對劇集的卡士和內容仍然一無所知，甚至不知道主角由鄭嘉穎飾演。

鍾嘉欣回巢做女主角
雖然《兒童醫院》真實演員名單還未正式公開，但據知TVB已經成功邀請鍾嘉欣從加拿大回巢擔任女主角，是她繼2018年《再創世紀》後再次復出。其實鍾嘉欣自從在2015年與脊醫老公Jeremy結婚後已長居加拿大，再加上先後在2016年5月和2018年9月誕下一女一子後 ，幕前工作大幅減產，更成功轉型做「KOL」頻頻做直播。不過其實嘉欣自入行以來都參演過不少無綫劇集，能夠提名視后兼打入最後五強更高達7次，可惜直至長居加拿大前仍然與視后無緣，今次回巢夥拍視帝人馬鄭嘉穎，勢必有資格問鼎帝、后寶座。

ching2506

(on.cc)
傳李佳芯「出雪櫃」拍新劇：未敢公布
06月15日(一) 17:00

無綫「TVB Amazing Summer」在將軍澳電視城舉行記者會，逾半百藝人出席包括王浩信、李佳芯、高海寧、張振朗、馮盈盈、江嘉敏等。今年大會口號以「Amazing Summer TVB線上線下 同樣精彩」為活動揭開序幕。暑假將推出的重頭劇集包括黎耀祥、陳豪、李佳芯主演的《殺手》；王浩信、張振朗、湯怡、高海寧演出的《反黑路人甲》。而非戲劇節目包括有《Do姐有問題》、《女人必學100道菜》、《娛樂大家》、《2020香港小姐競選決賽》等，外中還有由J2「搬家」到翡翠台播出的《姊妹淘》。

當中藝人李佳芯（Ali）早前傳因政治問題而被無綫「放雪櫃」，自年初已甚少出席公開活動，原本有份演出劇集《BB大晒》亦遭易角。今午Ali代表主演劇集《殺手》出席記者會，該劇被安排於暑假播出，意味着她正式「解封」，可喜可賀。狀態大勇的她對於「走出雪櫃」回應：「唔答喇，我怕答完轉個頭返屋企又傳我被雪藏，總知依家為《殺手》落力宣傳，同時好期待自己本散文集出世。」

Ali透露著作初版月底會印好，交到其手中，預計書展內推出。談到籌備個程，她表示：「由2月開始撰寫，花咗足足3個月完成，記錄咗我由小至大嘅生活感受，當中包括愛情嘅經歷同想法。（寫埋「被雪」嘅感受？）生活感受會有，但就冇必要特登去講呢樣嘢！」

至於有否獲安排拍攝新劇？Ali被傳將會有份參演重頭劇《兒童醫院》，她卻口密表示：「一日未開工，一日都未敢公布，自己心態上已經準備好隨時投入工作。其實上年年底我先拍完《愛美麗狂想曲》，之後寫書都冇停過手。（解封後公司叫慎言？）冇，從來都冇呢方面壓力。」

ching2506

(HK01)
周家怡七月回巢拍醫療劇　榮歸變女主角：心情係開心同愉快
撰文：鄺鈺瑩
2020-06-15 22:30
最後更新日期：2020-06-15 22:30

無綫歷年來有不少以醫療為題材的劇集，，近年嘅《跳躍生命線》、《白色強人》更係有口碑有收視。將在七月將開拍《兒童醫院》，網上流傳嘅演員名單除有羅仲謙、馬國明、鍾嘉欣等人之餘，赫然出現周家怡！由於周家怡近年與ViuTV關係良好，加上無綫出名「方丈」，所以唔少網民都認為可能性不大，之不過，原來「方丈」已轉性，因為周家怡已落實回巢，她透過經理人回覆《香港01》時，大方表示：「係會拍《兒童醫院》，但其他嘢交返比無綫公佈。心情一定係開心同愉快，因為都好耐無合作過。」

周家怡於98年報讀無綫嘅藝員訓練班，唯畢業後一直未被重用，直到06年《火舞黃沙》才以「兔唇女」為觀眾認識，2012年周家怡轉投香港電視網絡，於《導火新聞線》首次擔正女主角，隨後在ViuTV的《瑪嘉烈與大衛系列 綠豆》中同樣是演出女主角瑪嘉烈，去年她以憑《無雙》首度獲香港金像獎最佳女配角提名，雖然最終無緣更進一步，但演技明顯已獲肯定。離巢8年，周家怡再與TVB合作，身份、地位唔同晒，加上又有羅仲謙、馬國明等對手，確係令不少劇迷期待。

admin

ching2506 发表于 2020-6-15 22:40
(HK01)
周家怡七月回巢拍醫療劇　榮歸變女主角：心情係開心同愉快
撰文：鄺鈺瑩

周家怡終於官宣

ching2506

(明報即時娛樂)
【See you】鍾嘉欣承認返港拍《兒童醫院》：期待
2020/6/18 (18:54)

無綫今年下半年度會連開兩齣重頭製作的合拍劇，題材同樣關於醫療，其中一齣《兒童醫院》將於7月開鏡；有指劇中兩位女主角，除了相隔8年重返娘家的周家怡外，身在加拿大忙於照顧子女的鍾嘉欣也歸隊。《明報》記者聯絡鍾嘉欣，她回覆「期待！See you. 」承認將會接拍此劇。

鍾嘉欣婚後在加拿大生活，偶爾返港出席活動，2018年曾客串演出劇集《再創世紀》，但她的戲分全部在加拿大拍攝。今次她返港拍劇兼擔任女主角，令粉絲及觀眾期待。

ching2506

(on.cc)
返娘家拍劇！周家怡升呢做主角：唔係酬勞問題
06月22日(一) 21:13

藝人周家怡出席英皇電影《死因無可疑》首映。談到她即將回歸「娘家」無綫，夥拍羅仲謙同鄭嘉穎等，演出重頭劇《兒童醫院》時，她開心表示：「其實今次返去拍劇，係因為同導演及編劇方俊華同潘漫虹嘅關係，當年佢哋開劇，我先有人識，所以對今次嘅合作相當期待。」

問到是否有「衣錦還鄉」的感覺？她即謂：「講咩呀？不過今次返去拍劇真係有好大感覺，最緊要係拍到一部大嘅作品。」記者打趣指她以前拍醫生題材的劇都是扮護士，今次終於「升職」做醫生，她說：「都咁嘅年紀啦，我以前拍醫護劇從未入過手術室，今次終於可以一償夙願。（酬金方面好吸引？）唔係酬勞問題，最重要導演及監製好好，加上遇到好劇本同好對手。」劇集預計七月初開工。

有指家怡今次以「女一」身份登場，她謙稱：「唔好咁講，係主角之一囉。（今次有冇提出特別嘅要求，例如休息時間長啲？）劇組會採用拍攝電影嘅手法，預計會比較舒服。（角色有咩要準備？）染黑番啲頭髮，因為我個角色好乖嘅，所以外型上都要配合。」