『拳王』拍攝跟蹤

ching2506

(HK01)
【反黑路人甲】朱敏瀚入行10年有肌有運行：成日演細佬都幾唔忿氣
撰文：鄺鈺瑩
2020-08-22 07:30
最後更新日期：2020-08-22 13:32

28歲嘅朱敏瀚（Brian）近年因狂操肌而終於擺脫「萬年細佬」嘅印象，接連三劇播出（《機場特警》、《迷網》、《反黑路人甲》）令入行10年嘅佢終於被認識。他接受《香港01》訪問時，坦言最開心係可以透過幾個角色予觀眾不同的感覺，並感謝《反黑》監製林志華：「係佢要求我要有改變，唔想再咁細佬，自己無辜負佢嘅期望，所以都值得開心。」

與TVB簽長約：從來冇諗過要走！
朱敏瀚17歲便報讀藝員訓練班，他表示當初曾向家人承諾給自己3年時間追夢。「我拍完《點解阿Sir係阿Sir》後，公司同我簽份約都唔只三年，所以一直做落去。從來都冇諗過要走，因為真係鍾意做戲，所以當初公司想《都市閒情》年輕化而調我入去做主持時，係好唔開心，雖然嗰段時間係搵得最多。」

由於一心想拍劇，所以朱敏瀚當初收到通知要主持《都市閒情》，他與監製第一次見面已表示自己唔會做得好耐，絕對係膽色過人。「不過都好多謝《都市閒情》監製同大王（安德尊），雖然知我唔想主持，但都教我好多嘢。其實而家諗返，如果當初有拍劇機會，自己都未必掌握得好好。」

何謂搵得多？朱敏瀚表示主持《都市閒情》時，一個月平均已有12至15騷，如果再拍埋劇的話，爆騷毫無難度。「而家拍劇的話，20集拎盡可能都係40騷，但講緊係3個多月嘅時間。收入少一半，但過程開心。同埋劇集多人睇，有機會帶嚟outside-job機會嘛。」朱敏瀚又謂多年來，從來都不是以錢為首，否則應該已經生存唔到。「最近自己有多餘錢都會投資返自己身上，好似新劇要講韓文我就去學，之後《拳王》有八成時間都係除衫，為咗突破上一個level ，我搵關曜儁（Leo）師傅教我，呢啲都係要錢，希望之後會有回報。」


擺脫「萬年細佬」形象誓要操肌
主持《都市閒情》兩年，朱敏瀚為拍劇向監製請辭，奈何又遇上「細佬」角色，令他下定決心操肌改變形象。「嗰下係幾唔忿氣，唯有係咁做gym。好在拍《機場特警》時關曜儁佢本身係健身教練，可以幫我有效地操肌。我當時係一星期操5日，當中包括做一個鐘頭多啲既重力訓練，另外Cardio就要做足7日，每次45分鐘。除咗做gym，仲要戒口，淨食雞肉、番薯同菜，一直keep住咁樣，大概直至拍完除衫戲份，維持咗3個月左右。」為了擁有鋼條身形，朱敏瀚確係付出不少。

經濟方面，朱敏瀚笑言自己尚算「生活到」，亦未曾出現「撳唔到錢」嘅情況：「應該係話好在屋企雖然唔係有錢，但都唔係等我開飯，自己平時慳啲使，加上我唔會買奢侈品，淨係鍾意踢波，所以無咩太大花費。之前主持《都市閒情》時搵最多，就俾咗媽咪一大舊錢。」朱敏瀚入行多年，就算再窮都從未向屋企人拎錢。「媽媽有時擔心就會塞張八達通俾我，其實自己都覺係任性，咁大個仲要佢擔心。」

ching2506

姚子羚

lily123

(on.cc)
成王浩信「第三者」　張振朗朱敏瀚「肌」情洋溢
2020年09月08日(二) 08:38

藝人張振朗在無綫劇集《反黑路人甲》中與王浩信的「He He情」相當冤氣搞笑，但現實中卻被「第三者」朱敏瀚（朱仔）介入。

張振朗與朱敏瀚接着有合作機會抱括劇集《機場特警》、《反黑路人甲》及將開拍的《拳王》，加上兩人同出身於訓練班，更加同聲同氣，張振朗說：「嚟緊同朱仔一齊拍《拳王》，依家成日一齊操Fit，同埋大家又鍾意滑水，成個禮拜都見住咁滯，變咗Friend，好開心一齊去為新劇努力。」

ching2506

許家傑, 譚俊彥

admin

ballmang ig story ​​​

ching2506

又是低調造型會
有蔡潔

ching2506

ching2506

嘉駿LeslieV:
開始分析劇本了!
我真的很喜歡演員這工作!
#拳王
#程大邦James  

lily123

(on.cc)
NG多令張頴康發火？鄧佩儀開心終於惹是非
2020年10月04日(日) 00:00

藝人劉佩玥（Moon）、鄧佩儀（Gloria）、譚俊彥及張頴康，到九龍灣一間車行拍攝無綫新劇《換命真相》，見四人拍攝時不時有講有笑。他們表示拍攝已進入尾聲，張頴康對兩女說：「我諗你哋難捱嘅日子都過咗。」兩女即你眼望我眼，Moon說：「你啫！」Gloria則謂因現時可以恢復拍外景，故這幾日每天只得三小時睡眠，Moon亦說：「我住得遠啲，佢嗰日話『你好似仲瞓得少過我』，其實蔣家旻仲住得遠過我，所以大家一齊努力啦！」

劉佩玥幫口澄清
講到之前有傳首度做女一的Gloria壓力大常NG，令譚俊彥大呻及張頴康發火，對此他們笑言常拿傳言來講笑，Gloria說：「入行都慣咗，好多嘢睇完就算，同埋第一眼見到反而幾開心，之前啲人成日話我冇新聞，依家終於有新聞價值，係好事嚟㗎，Keep住嚟都仲得。」張頴康坦言入行以來真的未發過火，Moon亦幫口說：「之前同佢拍過兩套劇，就算大家做到好攰，佢都唔會有脾氣，今次大家拍得好開心。」

問到不夠瞓可會搞到常NG？Gloria說：「我反而調番轉，我發覺我唔夠瞓啲戲係好啲，可能我個人雜念比較多，唔夠瞓對角色情緒會集中啲，因為諗唔到其他嘢。」Moon即說：「我陣間會同PA講你嘅Rundown可以再密啲！」

譚俊彥讚表現好
譚俊彥亦力撐Gloria：「我覺得係誤會，因為呢套劇係穿越劇，所以好多場戲要拍完再拍，可能同一場戲要做兩次，令人以為係重拍，但其實唔係。」他亦大讚對方表現愈來愈好：「第一次擔正可能有啲位做得冇咁準，要等出街先知，我都係喺無綫拍到第三、四套劇睇番Feedback先慢慢改變到。」講到他瘦了不少，他表示因拍完此劇後要緊接拍《拳王》，故收工都要不停做運動操Fit。談到表哥林曉峰與康子妮離婚，他謂不太知整件事的來龍去脈，但有短訊慰問對方，現階段最好給對方空間沉澱。

ching2506

(on.cc)
黎耀祥朱敏瀚爭做拳王　姚子羚變身「最瘀」女神
10月06日(二) 22:12

無綫新劇《拳王》將於十月中開拍，演員包括黎耀祥、姚子羚、朱敏翰、蔡潔、黃子恆及張振朗等，由於疫情關係，劇組日前已秘密進行造型活動，多位要角都飾演拳手，黎耀祥、姚子羚、張振朗、黃子恆等更打到飛起，雖然他們之前拍過不少打戲，可謂經驗十足，但泰拳就很少接觸，故趁有時間，都找師傅上堂練習，惡補一番。

子羚與黃子恆現時忙於為邵氏劇集《飛虎之壯志英雄》埋尾，但仍抽空練習。子羚到拳館跟冼林沃師傅「補鐘」，更練到腳背瘀了一大片，相當誇張，她說：「其實練拳時冇瘀，係練完之後我要試沙包，點知我揀咗個勁硬嘅，踢一腳即刻腫咗，師傅即刻幫我推散佢（瘀血），所以散開瘀咗一大撻，依家仲瘀緊，我不嬲都係豆腐肉嚟！」

由於打拳要有足夠體力及氣力，女神子羚話要做番「跑友」練氣：「泰拳好多唔同走位，講節奏，打一陣已經好CHUR！」為了配合角色，她還要剪短頭髮，由於現時拍緊另一套劇，要連戲，所以造型當日要戴上假髮示人。

之前於劇集《反黑路人甲》中做打手的朱敏瀚今次都要打拳，他謂：「我有練過幾次拳，今次比上次打得仲多，主要都係同振朗打，有一場要同佢打擂台，我哋喺未開劇時已經搵健身同拳擊教練練習，所以好期待。」

而子恆坦言仍未有時間操練：「今次係做拳手，理論上比《機場特警》操得仲甘，之前有時間我都有去運動場跑步練拳、練氣。」