邵氏網劇『飛虎3之壯志英雄』拍攝跟蹤

ching2506

監製:
編審:
主要演員: 苗僑偉、黃宗澤、吳卓羲、馬德鐘、張兆輝, 梁競徽, 陳瀅


拍攝時間: 07/2020 -

ching2506

留位

ching2506

(on.cc)
《飛虎3》5月尾開拍　馬德鐘張兆輝強勢回歸
05月02日(六) 00:00

邵氏《飛虎》系列劇集之前成績斐然，播映期間話題不絕，網上平台亦創下不少紀錄，第二輯《飛虎之雷霆極戰》鐵定於5月18日在翡翠台隆重首播，而第三輯《飛虎3壯志英雄》（暫名）據知於5月尾開拍，卡士陣容一次比一次鼎盛，除了原有班底苗僑偉、黃宗澤（Bosco）、吳卓羲、梁競徽多位型男坐陣外，向來是無綫「飛虎ICON」的馬德鐘及之前第一輯有份參與的好戲之人張兆輝都會「歸隊」拍攝，與苗僑偉一起帶領眾後輩繼續行動。而今次擔任女主角的，是邵氏力捧的陳瀅。

馬德鐘向來是TVB「飛虎ICON」，今次正式「歸隊」，坦言很開心，他謂：「其實第一、二輯樂小姐都有搵我，不過當時我拍緊大陸劇撞咗期，所以拍唔到，自己都好期待開拍，因為劇入面大家都係熟口熟面嘅演員拍檔，相信會拍得好開心。」馬德鐘表示，由於疫情關係，之前內地不少商演都延期，閒時會跟太太行山。現時吃素的他，身體明顯好了不少，問吃素會否影響肌肉增長時，他謂：「所以依家會多吃鷹嘴豆同藜麥呢啲健康植物，從而吸取蛋白質，希望狀況好啲。（操定？）都要，要Pick up番體能，阿仔依家又喺香港，有時間都會同佢一齊做運動。」

而Bosco之前拍第二輯時傷了左腳，一度要停工休養，就算復工都要撐住拐杖。受訪時被問到會否有陰影，他謂：「陰影又冇嘅，都係咁樣拍嘅啫！依家隻腳已經康復咗好多，都有九成半。」現時不能到Gym Room，Bosco坦言有行山及在家做運動操肌。問到今次接拍有否加價時，他笑謂：「加價？依家有工開都開心啦！加唔加價呢啲樂小姐話事喇！」

吳卓羲就表示：「開心到不得了，希望疫情快啲過，其實拍攝期已經比之前遲咗，可以早啲拍到就最好。（要操Fit？）梗係要操，對住佢哋呢啲強人，三哥（苗僑偉）唔使操都好Fit，我梗係要努力。」

而身在加拿大的陳瀅接受訪問時表示放完長假便會返港拍攝，今次飾演O記高級督察，坦言與苗僑偉、Bosco較多對手戲，她說：「之前未試過同三哥合作，不過我第二套電影時就已經同Bosco合作，嗰陣完全唔知自己做緊乜，勁怕醜，所以同佢冇乜溝通，所以咁多年後能夠有機會再合作都好開心。」

ching2506

(on.cc)
《飛虎》再添食拍第三輯　苗僑偉：有工開唔怕辛苦
06月02日(二) 17:11

藝人苗僑偉（三哥）、馬國明、黃宗澤、吳卓羲及陳山聰等現身電視城，出席熱播劇《飛虎之雷霆極戰》宣傳，場面相當熱鬧。席間公布收視，該劇首播錄得31.7點，更成為自2016年起，二線劇收視之冠，可謂飲得杯落！而高層樂易玲宣布即將添食，開拍《飛虎3之壯志英雄》：「夏天開工，相信大家會辛苦啲。」三哥笑言：「有得開工唔怕辛苦。」

三哥及馬國明齊齊受訪，三哥笑指馬國明是「鎮台之寶」：「依家兩單線劇都係佢喎。」馬國明回道：「你先係呀。（《飛虎3》有冇你？）冇，我仲拍緊《BB大晒》，下次再同BB合作都真係要考慮清楚，有啲難搞，湊佢哋好攰，每日都拍唔晒啲戲份。」談到吳啟華就內地萬人迷女星「送上門」一事致歉，馬國明坦言：「件事好似都因我而起，發生誤會搞到有人唔開心，我都鄭重道歉，希望大家唔好再發酵落去。」

ching2506

(on.cc)
《飛虎》變喜劇？黃宗澤揚言配蝦頭：吳卓羲配細細粒
06月02日(二) 16:57

藝人吳卓羲（Ron）及黃宗澤（Bosco）出席主演劇集《飛虎之雷霆極戰》宣傳活動，活動上分別播出二人吻戲時，Ron打趣說：「前面兩集都安排咗兩個女角畀我，嚟緊第三集3個女仔我都得㗎！」

據悉，《飛虎3之壯志英雄》將於本月開拍，二人即將再結片緣，但受訪時卻搞笑謂：「仲有冇我哋份就要問過三哥（苗僑偉）喇，講明《飛虎3》嘛。（有乜要準備？）大約講過故事，其他嘢未知。（出埠拍？）本來要，但疫情關係決定留港。（今次想同邊個女仔合作？）有得揀嘅咩？」

Bosco表示已知女拍檔，但「唔講得住」，又搞笑謂：「我配蝦頭（楊詩敏），Ron配細細粒（陳嘉佳）囉，邊個話《飛虎》唔可以係喜劇？」二人更抵死補充：「叫三哥搵樂小姐（樂易玲）演出，係佢先搞得掂，夠晒綽頭呀！」

現場所見，Ron全程行動不便，他解䆁：「做運動深蹲整傷咗兩條大腿筋，依家發炎。5日冇落過床，落得到床就用咗5分鐘、行兩條樓梯又用10分鐘。（邊個照顧你？ ）工人姐姐囉，好彩佢以前照顧過老人家，有呢方面經驗。」

ching2506

(明報即時娛樂)
【爆女星誘上房】馬國明跟隨吳啟華道歉：不想件事發大
2020年06月02日 (21:37)

【今日直擊】馬國明今日出席劇集《飛虎之雷霆極戰》記者會。對於樂易玲公布新一輯《飛虎之壯志英雄》預算6月底開拍，馬明笑言可能自己表現不合格，無緣參與第3輯演出，笑言待苗僑偉（三哥）於第4輯開拍時召喚歸隊，「其實是我未拍完《BB大晒》，檔期不容許，將來再跟BB拍戲要考慮一下，原來湊BB拍戲好攰的」。

ching2506

(on.cc)
吳卓羲爆《飛虎》第三輯大換血：會有安仔
06月16日(二) 15:58

藝人吳卓羲（Ron）今日到電台宣傳劇集《飛虎之雷霆極戰》，問到有否劇透時，他笑言半年前已看過，但不太記得內容，講到劇集少宣傳活動，他解釋：「唔係，只係因為禁聚令關係，而且之前拍咗好多集《飛虎同學會》已經係宣傳。」他稱聽聞劇集收視不俗，講到《飛虎》第三輯，Ron透露原定三、四月開工，但因疫情而延遲，預計七月初開拍，他大爆會有幾位視帝加盟：「會有安仔（郭晉安），女演員就會全部換新，有啲我都未合作過。（好期待？）好期待，又可以同三哥（苗僑偉）合作，依家有工開已經好感恩，又可以同班好兄弟合作。（新女拍檔擔唔擔心傳緋聞？）仲細咩？！冇人傳，拍完就冇人講。」

講到好兄弟黃宗澤被指追求同劇的余香凝，他力撐對方：「佢之前都回應咗，佢話係夾硬砌佢，背脊骨落，我相信佢，佢話冇就冇，我都冇見過佢咁大反應，我拍劇時有留意佢，佢朝早拍完劇，夜晚又要打理間餐廳，邊有時間。」

至於另一兄弟馬國明拍拖，他戥對方開心，並表示：「佢好叻仔，緣分冇得講。（你恨唔恨？）恨又點，有先得，我緣分未到，點去渴望都冇用。（叫三哥介紹？）佢都冇時間，佢要照顧三嫂。」

ching2506

(on.cc)
陳豪做白色強人　朱智賢冇得留低？
06月17日(三) 00:00

視帝陳豪將會加盟《白色強人2》演醫生，現時他忙於拍攝《陀槍師姐2020》，據知之後還會開拍邵氏劇集《飛虎3壯志英雄》，陳豪受訪時說：「我未知《白》劇角色係點，因為劇本仲寫緊，不過呢部劇嘅演員全部合作過，大家好專業，所以好期待！我同郭晉安好少合作，都想合作吓。」

ching2506

(on.cc)
同3個男友困獸鬥！蔡思貝一啲都唔尷尬
07月03日(五) 21:59

藝人蔡思貝、關楚耀、胡楓、羅蘭、樂隊Mr.成員Ronny（黎澤恩）等出席仁愛堂晚宴，提到思貝日前出席無綫高層樂易玲的生日派對，其中她的三個緋聞男友余德丞、胡鴻鈞、麥秋成也同場，她表示：「其實同平時返公司冇分別，都係見呢班同事，唔會尷尬，嗰日大家真係同樂小姐慶祝生日，想開開心心！」

此外，她透露即將拍攝邵氏劇集《飛虎3壯志英雄》，現時積極運動與節食雙管齊下減肥，她說：「之前拍《踩過界2》唔需要理形象，因為醜角可以肥腫難分，但一收到通知要拍飛虎，即刻開始做帶氧運動，飲食又變得好清淡，戒碳水化合物，但其實我好鍾意食嘢，所以要為角色要忍口。一開始會有慾望想食麻辣火鍋，但克服咗呢啲慾望，身體會好舒服。」

ching2506

(on.cc)
被欽點拍《飛虎3》！蔡嘉欣「姊妹」踩過界拍劇等上位
07月05日(日) 22:37

無綫節目《姊妹淘》起死回生，最近經已重新開機，「姊妹」之一蔡嘉欣再次投入拍攝大感興奮，據知她還獲睇重加入劇組作新挑戰，自言已接受特訓把握機會。

除了做「姊妹」，據知嘉欣還會參與新劇《飛虎3》演出，她支吾以對說：「等公司公布！如果成事，聽聞可以同好多有經驗嘅前輩交戲，真係既緊張又期待，就算企喺隔籬睇都好開心！」為了處女劇有好成績，她已經密密進行特訓，包括讀報紙練習咬字：「我平時把聲比較尖、講嘢比較快，所以都要練一練。（想做咩角色？）特別想做專業人士同古裝妃嬪，呢啲係我一生人都唔會有機會做，真係勁想做娘娘、奸妃，發揮空間大啲，啲人成日話我唔出聲個樣就好惡。」