TVB 剧集情报社 - tvbfiles.com

 找回密码
 立即注册
搜索
楼主: lily123

電視台大戰新聞

[复制链接]

61

主题

1747

帖子

4709

积分

版主

Rank: 10Rank: 10Rank: 10

积分
4709

活跃会员推广达人优秀版主

 楼主| 发表于 2021-4-17 20:35:56 | 显示全部楼层
(HK01)
TVB《開心大綜藝》加長版內容曝光 瘋狂派錢硬撼ViuTV音樂頒獎禮

即時娛樂
撰文:陳栢宇 2021-04-17 19:45

無綫(TVB)綜藝大騷《開心大綜藝》明晚(18/4)8點半播出第二集,撞正ViuTV直播首個音樂頒獎禮《Chill Club推介榜年度推介20/21》,有消息便指《開心大綜藝》為此加鐘到兩小時,與友台節目作正面交鋒。

今日(17/4),明晚一集《開心大綜藝》的節目內容曝光,雖然取消扮高官環節,但仍然有兩節藝人扮歌手的部份,而全晚重點便是晚上9點半播放的第五節「公關災難頒獎禮」,更分「銅獎」、「銀獎」、「金獎」和「最災難藝人大獎」,實行以頒獎禮硬撼頒獎禮,令人期待。另外,《開心大綜藝》第七節、第八節和第九節,更有派禮券、「派錢遊戲」以及「邊個藝員最應該拎5000蚊」環節,以銀彈攻勢吸收視。

回复

使用道具 举报

61

主题

1747

帖子

4709

积分

版主

Rank: 10Rank: 10Rank: 10

积分
4709

活跃会员推广达人优秀版主

 楼主| 发表于 2021-4-17 22:42:03 | 显示全部楼层
(on.cc)
《開心大綜藝》派錢!張智霖李佳芯拉隊上場
04月17日(六) 22:01

無綫新節目《開心大綜藝》上周首播即錄得22點收視,較過去周日的16點平均收視躍升4成,成績斐然。明晚播出的第2集決定「加碼」,與ViuTV首個音樂頒獎禮《Chill Club推介榜 年度推介20/21》正面交鋒!

長達2小時的節目嘉賓陣容強大,首1小時安排抗疫電影《總是有愛在隔離》一班主角,張智霖、張繼聰、陳家樂及錢嘉樂等,拉隊現身與粉絲見面,緊接的1小時則由劇集《欺詐劇團》及《智能愛人》的演員,包括敖嘉年、張秀文、鄭俊弘、李佳芯、麥美恩及陸永等亮相宣傳及大玩遊戲,並會搞笑舉辦「公關災難頒獎禮」,更有「派錢遊戲」、「邊個藝員最應該拎5,000蚊」及派禮券等環節,皆大歡喜,絕對能夠吸引觀眾繼續捧場!
回复

使用道具 举报

61

主题

1747

帖子

4709

积分

版主

Rank: 10Rank: 10Rank: 10

积分
4709

活跃会员推广达人优秀版主

 楼主| 发表于 2021-4-19 00:49:50 | 显示全部楼层
(on.cc)
獲封最災難藝人 王祖藍「宣布」永久離開《開心大綜藝》
04月18日(日) 23:38

《開心大綜藝》高潮一浪接一浪,於上集扮高官玩自嘲的首席創意官王祖藍,成功令觀眾笑破肚皮,今集節目將網上的負評自抽,舉行一個名為「公關災難頒獎典禮」,其中銅獎得主為「嗰班藝員冇人識」,暗諷部分藝員冇人識;銀獎得主為「呢班老友記先啱睇」,回應網民取笑節目「食老本」。
另外節目亦把旗下藝員擺上枱,當頒發金獎給林盛斌(Bob)時,他便於台上惡搞今年「萬千星輝頒獎典禮2020」,王浩信奪視帝發表得獎感受時,太太陳自瑤於台下黑面的經典情景,Bob更抄足浩信當晚致謝詞:「我要多謝太太Pearl,佢將屋企照顧得特別好,令我可以努力工作。」其太太Pearl更交足戲,全程木無表情,就連在旁的吳若希也睇到「O嘴」!

至於「最災難藝人獎」就由被稱為「毫無創意創意官」的王祖藍奪得,主持森美更抵死指他在電視製作人員訓練班進修,而祖藍則透過短片發表講話,內容幽默又搞笑:「上星期製造咗一個好大嘅關公災難,所以我要自我隔離,繼續食番我喺獎門人入面贏番嚟但未食嘅花之戀壽司.....好多網民話我哋又係做番福祿壽,我係要深切反省,我係唔應該叫陸永上台,我係應該叫番李思捷返嚟,我哋嘅副總經理(曾志偉)亦責無旁貸,佢從來冇講過蘇永康同曹永廉係年輕人嘅偶像,但經過網民改圖之後,一言驚醒夢中人,我哋會搵佢哋返嚟,聯同另外兩位年輕人偶像胡楓同羅蘭,一齊主持新版嘅《#後生仔傾吓偈》,指稍後將開發新節目《廁所辦大事》,屆時會深入探討廁所文化,繼續研究同發揮抽水功能。我決定永久離開《開心大綜藝》呢個舞台,衷心多謝台前幕後,兄弟姊妹們,希望你哋越做越好,我希望你哋永遠懷念我。」其實他並非永久離開節目,只是玩「自抽」。

原定晚上10點30分完結的《開心大綜藝》,遲了15分鐘才完場,事後無綫副總經理曾志偉受訪時,指因玩遊戲環節長了,至於會否需要罰錢?他謂:「只要冇影響新聞報道嘅時間就冇事,今次延長至2小時嘅主要原因係myTV SUPER 5周年同埋要宣傳1部電影、2套劇。」

至於有指今晚節目突然再加長15分鐘,由原本8 part變9 part環節,是為了與ViuTV Chill Club音樂頒獎禮鬥,志偉否認:「上個星期佢哋(《最後一屆口罩小姐》選舉)都Overrun咗,呢啲邊有得預。」
回复

使用道具 举报

61

主题

1747

帖子

4709

积分

版主

Rank: 10Rank: 10Rank: 10

积分
4709

活跃会员推广达人优秀版主

 楼主| 发表于 2021-5-12 18:40:46 | 显示全部楼层
(on.cc)
【娛刺撈飯】《超級綜藝》領銜 無綫圍揼ViuTV
05月12日(三) 14:40

電視圈愈來愈熱鬧,個個都講緊TVB大戰ViuTV,人人都睇實《超級綜藝》究竟有幾超級。曾志偉經驗豐富、王祖藍亦矮仔多計,依家9大節目8個已經出場,講創意超班係呃你嘅,但入面瓣瓣有、熱熱鬧鬧合格有餘,坊間亦都有Noise,《開心大綜藝》就實牙實齒拉多咗30萬人睇TVB,Haters一味話Out話冇料到,似乎冇咩意義。

除咗龍頭節目《開心大綜藝》,《超級綜藝》嘅《尋人記》同《勁歌金曲》收視都唔錯,《聲夢傳奇》、《日日媽媽聲》亦都表現平穩,呢次搞晒大龍鳳、出動台前幕後精英嘅綜藝變革,無論計收視抑或反應,暫時嚟講都係正面嘅;但當睇熱鬧、食花生嘅熱潮過後,嗰陣收視先會見真章。《開心大綜藝》究竟可唔可以好似曾志偉所講,成為香港新一代長壽綜藝王,都仲要睇定啲。

收視升跌有大把因素,但個節目好唔好睇、質素高唔高先最重要。唔少人覺得《開心大綜藝》只係舊時《歡樂今宵》嘅現代版,都係唱歌、跳舞、戲劇、扮嘢、大堆頭,但查實綜藝節目從古到今、由遠到近,都係萬變不離其宗,搵一班大家熟悉嘅面孔,嘻嘻哈哈表演一輪,唔使咩深度旨在輕鬆開心,如果從呢個角度睇,《開心大綜藝》係成功喎。

同埋呢個世界鹹魚青菜、各有所愛,對比ViuTV嘅綜藝例如《ERROR自肥企画》,係呀,可能好多年輕人勁Buy,但對TVB一班Fans嚟講,如果見到男藝人齋着底褲、吹氣入去然後爆炸,又係咪可以接受先?改革不嬲都係講究拿捏,一定要知道受眾嘅底線,相信無綫嘅擁躉,喺《開心大綜藝》見到王祖藍扮特首、阿Bob扮爵富城,聽修哥唱《舊歡如夢》,會覺得親切多過失望。

再睇埋《超級綜藝》其他節目,會好輕易就發現一個特點,就係全面真人騷化。唔講《聲夢傳奇》,《大整蠱》、《好聲好氣》、《勁歌金曲》同埋未出街嘅《演鬥廳》,全部都係真人騷。ViuTV近幾年嘅真人騷拍到出神入化,《全民造星》仲創造咗紅到發紫嘅男團MIRROR,TVB承接住呢個潮流,其實無可厚非,就好似當年亞視《今日睇真D》受歡迎,無綫就開《城市追擊》,結果收視都係大收旺場。

當然,搵《城市追擊》去同依家追真人騷嘅潮流相比,明顯都係有唔同。真人騷注重鋪排同追看性,製作單位又要玩得盡,令每個人有鮮明性格,唔係就好易睇到人生尷尬癌。TVB嘅Fans不嬲比較溫和,最近《勁歌金曲》搵陳海琪嚴格批評歌手,網上已有無綫死忠話咁樣過分,TVB點樣可以造出「有無綫特色而有好睇嘅真人騷」,真係好考功力。藝訓班未來《全民造星》化,肯定係無綫嘅重點Project,對一班幕後製作人嚟講,壓力唔細㗎!

喺香港,真係好耐冇出現過電視大戰喇,雖然曾志偉講過ViuTV嘅收視,只可以同J2比,但今次《超級綜藝》,明顯係衝住ViuTV而嚟。有仗打,最開心梗係觀眾啦,成日風平浪靜冇危機感,點會出現高質素節目先,相信就連TVB Fans,都會希望ViuTV繼續爭氣,等無綫再出多啲真功夫都好吖嘛!
回复

使用道具 举报

61

主题

1747

帖子

4709

积分

版主

Rank: 10Rank: 10Rank: 10

积分
4709

活跃会员推广达人优秀版主

 楼主| 发表于 2021-5-30 12:43:13 | 显示全部楼层
(晴報)
綜藝大戰再起︳ViuTV鎮台之寶MIRROR加《造美人》無綫靠方力申柏豪緝兇保收視?
發佈時間: 2021/05/29

ViuTV近年做綜藝節目越做越見成績,令到大台無綫都要搵曾志偉、王祖藍這對綜藝老臣子回巢救亡,大動作炮製《開心大綜藝》、《日日媽媽聲》、《聲夢傳奇》等,及大革新《勁金歌曲》,觀眾引頸以待等「睇戲」。

經過兩個月來兩台的第一輪對戰,ViuTV《ERROR自肥企画》四子透過出位的遊戲設定及夠癲的大懲罰方式,引發很大迴響,不談慣性收視,口碑已經跑贏九條街!就連幕後製作團隊「無限OT編集團」的成員及靈魂人物「格仔導演」劉諾衡(Mike),都成為網民熱捧對象,節目大成功;相反無綫的綜藝節目予人未有新突破之感,有被「撳住打」的劣勢,似乎救亡行動暫時未見有大太成效。

ViuTV似乎不讓無綫有喘息機會,近日頻頻宣傳重頭節目《調教你MIRROR》及再推出另類選美真人show《造美人》,兩個節目安排在6月7日首播。《調教你MIRROR》逢每周一至周五,晚上11時播出,每集半小時,由當時得令的MIRROR 12子作招徠,肯定有大把「鏡粉」捧場;節目中MIRROR卸下偶像包袱,素顏出鏡,分享成軍兩年來的心路歷情,隊友間的存在著的是非猜忌,呈現真實一面,宣傳片中姜濤說:「由出道到而家,當中有好多誤會!」期待12子「有嘢爆」!

至於選美真人騷《造美人》以「醜女大翻身」為名,打正旗號講整容,6月7日起逢周一至周五晚上9時半播出。16位參賽者的照片和個人資料公布後,網民落力評頭品足,狠批參賽者外形騎呢。日前ViuTV追加的宣傳片上,有整容手術的真實畫面,亦「賣催淚」見到1號參賽者劉芷橋講到淚流披面,「我需要幾多努力先做到合格嘅女人?」主持人強尼提醒她︰「你都知自己喺網上會受到好多評擊,你真係覺得你可以(能夠承受)?」

無綫方面又會怎樣迎戰?今個星期播畢《好聲好戲》,會由新節目《我在隔離的日子》接捧,鄭丹瑞、陳庭欣主持,參予拍攝的嘉賓有張達倫、李君妍、易宇航、張彥博及《白色強人11》監製羅永賢,描述各人在疫情措施下真實的「隔離生活」。另一戰線有偵探節目《死因有可疑》於6月14日上陣,由方力申、周柏豪、鄭融、郭子豪、張秀文及游嘉欣參與「緝兇」。首席創意官王祖藍指睇準日本、韓國以至內地等流行「劇本殺」(透過推理拼湊真相)的偵探節目,他表示:「咁啱公司有幾位年輕人想試吓創作,可以畀個機會佢哋發揮。」

王祖藍稱和曾志偉已達成共識,會給予更多空間讓幕後團隊創作節目,「而家睇到《好聲好戲》都有幾好嘅反應,畀外面嘅人睇到藝員唔同嘅一面。」

回复

使用道具 举报

67

主题

3395

帖子

8769

积分

超级版主

Rank: 15Rank: 15Rank: 15Rank: 15Rank: 15

积分
8769

热心会员突出贡献优秀版主论坛元老

发表于 2021-6-9 10:06:23 | 显示全部楼层
(HK01)
ViuTV、TVB史上最正面硬碰 張建聲唔怕題材撞到應:好睇咪得囉
撰文:葉詩
2021-06-06 21:00
最後更新日期:2021-06-07 10:46

無綫(TVB)與ViuTV之間的電視大戰愈演愈烈,面對討論度愈來愈強的ViuTV,TVB亦在過程中不斷變革製作新節目迎戰,曾志偉以副總經理身份回巢後,便炮製《開心大綜藝》,與《最後一屆口罩小姐選舉總決賽》及《Chill Club推介榜年度推介》對撼。以往的交鋒多是大騷對大騷,兩個電視台的節目內容略有不同,但兩者將於6月14日迎來首個火花四濺的正面交鋒,題材更是「撞到應一應」!

ViuTV將在6月14日(周一)播出由張建聲、談善言、陳凱詠(Jace)、鄧麗英、歐鎮灝(George)擔任主持的偵探類真人騷《嫌疑事件簿》,接檔《中女唔易做》。張建聲日前在社交媒體分享團隊大合照,並發文指:「《嫌疑事件簿》一個非常好玩嘅綜藝節目,最緊要係攝影師一路拍一路笑到hihi,我哋就知道有晒效果啦!多謝創作團隊花盡心思嘅劇本,多謝大家,期待成品!#好玩就自然好睇」

張建聲透露節目已拍攝完畢,有六集內容,每集約為半小時,他接受《香港01》訪問時就談及節目內容:「類似係劇本殺嘅角色扮演,我哋會收到一個劇本,然後要代入角色去解決搵兇手、搵炸彈之類嘅任務,大家互相合作、猜疑。」他又大讚是次製作精良:「可以出動到每人一部機,好似《Running Man》嗰種拍法,希望香港觀眾有新啲嘅綜藝節目睇下。」

為什麼會稱是次為真正的正面交鋒?事緣TVB亦將在同一天(14日)播出全新同為偵探類的綜藝節目《死因有可疑》,並由方力申、郭子豪、張秀文和游嘉欣等擔任主持,大玩燒腦查案遊戲,並在兇案現場中根據線索尋找真正兇手,驟眼看兩台的節目內容可謂十分相似。張建聲在受訪時指未聽過TVB有個類型相近的節目叫《死因有可疑》:「咩嚟?我真係唔多清楚。唔緊要啦,各有各做,好玩、好睇咪得囉,又冇乜所謂嘅!」
回复

使用道具 举报

67

主题

3395

帖子

8769

积分

超级版主

Rank: 15Rank: 15Rank: 15Rank: 15Rank: 15

积分
8769

热心会员突出贡献优秀版主论坛元老

发表于 2021-6-9 10:07:53 | 显示全部楼层
(on.cc)
抄襲《死因有可疑》?張建聲唔敢同方力申鬥
06月08日(二) 18:12

藝人張建聲、談善言(阿談)、陳凱詠、顧定軒、陳海寧(Dee姐)、歐鎮灝、黃溢濠等,齊集為ViuTV下周一(14日)播出的新綜藝節目《嫌疑事件簿》宣傳。其中張建聲及阿談是首次撈過界參與綜藝,笑言將「第一次」奉獻給節目組。節目內眾人將透過「實境動作角色扮演」的遊戲方式緝兇,張建聲表示此遊戲玩法早已於外國流行,不過他只是首次接觸,拍攝初起都要慢慢摸索,到後期直頭豁出去以玩為主。

講到與無綫同日及同時段,晚上十時半啟播的節目《死因有可疑》撞題材,他愕然反問:「有呢樣嘢咩?」阿談就擰頭表示不清楚,張建聲續謂:「2個節目都精彩咪得囉!何必比較呢?最緊要觀眾睇得開心、演員玩得開心,同最緊要有得揀!」再提及有網民指無綫早在上月尾公布有新節目《死》,惟ViuTV今日才正式宣傳,惹來抄襲無綫的疑雲,阿談即澄清:「我哋係喺3月頭開始拍,上2個星期先拍晒。」張建聲接說:「抄襲呢樣嘢我哋冇研究、考究,亦冇問創作團隊,只係做自己份內事。(你哋有咩優勝之處?)Sell經驗!同埋我哋有班好有熱誠嘅新演員,Show到佢哋認真嘅一面,有戲劇、綜藝元素。」而阿談大讚節目贏「即興」:「好多嘢都好即時、即興,有共同創作,會畀到觀眾驚喜。」

對於有網民食住花生指張建聲惡鬥《死》的主持人方力申,張建聲聞言笑謂:「我點敢呀?我又唔識游水!小方游得咁快,你話我增肥就叻啫!冇得鬥,唔使鬥,各有各嘅,最緊要開開心心。」又大方謂會收睇對家節目,互相研究,阿談亦表示會留意:「睇吓對方嘅優勢,咁先會進步!」
回复

使用道具 举报

67

主题

3395

帖子

8769

积分

超级版主

Rank: 15Rank: 15Rank: 15Rank: 15Rank: 15

积分
8769

热心会员突出贡献优秀版主论坛元老

发表于 2021-6-13 17:20:17 | 显示全部楼层
(Topick!)
【兩台大戰】《大叔的愛》Anson Lo呂爵安肉帛相見 TVB《刑偵日記》對撼ViuTV
2021/06/13 (11:57)

自5月起TVB跟ViuTv展開連場收視和節目大戰,繼多個綜藝節目對撼後,6月底兩台便有劇集同時段對撼,

ViuTV將於6月28日晚上9:30播出改編同名日劇的港版《大叔的愛》,由呂爵安(Edan)、盧瀚霆(Anson Lo)與黃德斌主演。而無綫則以視帝王浩信視后惠英紅坐鎮的《刑偵日記》狙擊。

日劇《大叔的愛》當時播出時已受到注目,其後並投成電影版,製造過熱潮,因此當去年ViuTV宣布開拍依此改編的同名劇集,已經得到不少粉絲期待。

《大叔的愛》夠噱頭
在今年影視娛樂博覽已流出過劇照和預告,而播映日漸近,《大叔的愛》正式預告片於周六播出,有更多內容披露,並還原多個日劇版的經典場面!

《刑偵日記》卡士大
另外,TVB同時段則播出重頭劇《刑偵日記》,結合之前《鐵探》班底惠英紅、姜皓文、袁偉豪,以及王浩信、黃智雯、黎諾懿、王敏奕等演出,卡士強勁。

《刑偵》也是TVB跟內地優酷合作拍攝劇,宣傳上落足料,走時裝懸疑驚慄,跟《大叔的愛》題材有別,兩劇同時段對撼,由觀眾選擇追看哪齣。
回复

使用道具 举报

67

主题

3395

帖子

8769

积分

超级版主

Rank: 15Rank: 15Rank: 15Rank: 15Rank: 15

积分
8769

热心会员突出贡献优秀版主论坛元老

发表于 2021-6-14 16:29:02 | 显示全部楼层
(HK01)
又一場大戰|TVB三連發推新製作夠誠意 ViuTV都有類近作品力撼!
撰文:黃梓恒
2021-06-14 14:00

電視大戰成為近三個月的最大話題,一邊是香港電視界龍頭的TVB,一邊是當頭起的ViuTV,兩台都不斷推出新節目,務求在這場電視大戰中爭取更多的觀眾。兩台之爭從來不應存在惡性,互相學習、互相刺激、公平競爭,到頭來對觀眾才是一大福氣,大家只會得到更好的節目質素,以及更多的選擇。

重溫近三個月TVB與ViuTV交戰時間線:

- 2021年2月24號是首件大事,TVB與四大唱片公司(現在環球收購了EMI)正式破冰,聯手舉行《音樂永續 樂壇共享》記者會

- 2021年3月2日,在TVB舉辦完破冰記者會後,ViuTV也舉行音樂性質的記者會—《Chill Club推介榜 年度推介20/21》記者會,同樣多位歌手出席

- 2021年3月24日,TVB舉行「超級綜藝 隆重登場」記者會,介紹九大綜藝登場,不過記者會上最為人記得的卻是鄧智堅惡搞姜濤。

ViuTV監製花姐(黃慧君)回應友台惡搞姜濤時間,認為對方不需要道歉,在這件事上不少人認為TVB助長了他人威勢

- 2021年4月5日,TVB九大綜藝頭炮《尋人記》登場,ViuTV則有MIRROR及ERROR全員出動的遊戲節目《考有Feel》應戰

- 2021年4月11日,《開心大綜藝》正式見街,有指節目是為了力撼ViuTV同晚舉行的《最後一階口罩小姐選舉總決賽》,曾志偉表示對方大約只有4點收視,而且節目題材較偏門,只能與J2作為對比

- 2021年4月11日,同日,ERROR成員193隔空反擊,稱TVB的觀眾年紀比較大,而所謂的「收視」亦只得幾百部電視去統計,更暗諷《#後生仔傾吓偈》的主持或嘉賓年齡已年過40等等

- 2021年4月18日,當晚是《Chill Club推介榜年度推介20/21》,而TVB主動將《開心大綜藝》加長至兩小時,與友台節目作正面交鋒

- 2021年5月24日,「See See TVB」的YouTube Channel,上載有一段名為《Honey初體驗︰姐姐郊遊遊》,有網民指片段的名稱與由沈殷怡和陳欣妍主持的ViuTV節目《美女郊遊遊》撞名,在網上熱烈討論

- 2021年6月7日,ViuTV在晚上九時半連環播放《造美人》、《中女唔易做》及《調教你MIRROR》,而無綫則只在J2推出僅在收費頻道myTV SUPER播放的《鬼上你架車》

- 2021年6月14日,TVB將會有新綜藝《死因有可疑》,大玩燒腦查案遊戲,並在兇案現場中根據線索尋找真正兇手,而ViuTV竟在同日播出同類節目《嫌疑事件簿》

- 2021年6月28日,TVB今年重點劇集《刑偵日記》將會播放,而同日,ViuTV的重頭劇《大叔的愛》也會同時段出街

6月14日,又是電視大戰的一個轉捩點,TVB一口氣推出三個新製作,包括劇集的《寶寶大過天》,由馬國明及岑麗香領銜主演,乘著前作《BB來了》的好評,今次再次添食講解父母與小朋友之間的關係,一定適合媽媽級觀眾收看。

再來是無綫全新燒腦綜藝節目《死因有可疑》將於晚上10 時半至 11 時 15 分翡翠台播出,《死因》是以角色扮演查案遊戲形式進行的綜藝節目,共有兩個案件,分別為「校園幽靈殺人事件」及「大時代殺人事件」,並分五集播放。每個單元由不同藝人扮演偵探、嫌疑人及兇手等角色,並在節目製作組提供的線索中尋找真兇。首個單元查案藝人有方力申、張秀文、郭子豪、劉佩玥、游嘉欣及何廣沛。

接著還有於J2播放的,由林盛斌(Bob)、江美儀主持的全新綜藝節目《Mean Talk》,如果大家還記得,這個節目曾經出現在《大整蠱》的環節中,將瞄準城中名人嘉賓好友,以最Mean方式「盤出」各人不為人知秘聞,務求「全城齊齊食花生」;嘉賓於接受訪問前,更要簽署「Mean爆生死狀」,承諾必定會講真話,第一輯更請來最近半年話題性爆燈的鍾培生與林作。

至於ViuTV,除了有本身的真人騷《造美人》和深受鏡粉歡迎的《調教你MIRROR》之外,今晚10 點半將放首播同樣是燒腦節目的《嫌疑事件簿》,節目以LARP (Live Action Role Playing實境動作角色扮演遊戲)的形式,並在不同實景地方進行拍攝。每個單元故事都會環繞各種懸疑謎題。藝人會先收到一份簡單劇本、角色設定及零碎的時間線,然後需要根據各自劇本演出角色,在拍攝場地中與眾演員互動。在找尋線索的同時,眾人鬥智鬥勇,一邊解謎一邊向觀眾揭開各種愛恨情仇。
回复

使用道具 举报

61

主题

1747

帖子

4709

积分

版主

Rank: 10Rank: 10Rank: 10

积分
4709

活跃会员推广达人优秀版主

 楼主| 发表于 2021-6-16 01:03:55 | 显示全部楼层
(on.cc)
《死因有可疑》《嫌疑事件簿》首播 反應平平
06月16日(三) 00:09

無綫節目《死因有可疑》與ViuTV新節目《嫌疑事件簿》同於前日(14日)晚上10時半首播,兩個節目均類似韓國綜藝《犯罪現場》,兩台事前大做宣傳,可惜首播都反應平平!

《死因有可疑》以「校園幽靈殺人事件」開場,方力申飾演偵探,跟何廣沛、張秀文與劉佩玥等5位玩家調查一宗校長兇殺案,全程一問一答,被網民指毫無緊張感,而節目播映時亦先以「嚴正聲明」,預告會有大量穿崩位,歡迎cap圖恥笑,自嘲一番。

ViuTV方面,首集請來張建聲、談善言、陳凱詠與黃溢濠等參與的《嫌疑事件簿》,亦被網民轟劇情太快太複雜,未能一時消化。看來今次兩台之爭,可謂打和收場,之後如何,就請看下回分解。
回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2021-12-5 22:02 , Processed in 0.027701 second(s), 18 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表