『凶宅清潔師』拍攝跟蹤30

lily123

(on.cc)
摸黑挑戰高難度！鄭俊弘凌空撻落海嗌救命
08月02日(一) 23:03

藝人鄭俊弘（Fred）日前去沙灘為老友洪永城所監製的新劇《凶宅清潔師》拍攝落水場口，他謂劇中角色「洪仔」小時候因為遇靈異事件而患上抑鬱症，其後一發作就會被惡魔拉入「黑空間」。拍攝期間，劇組為營造Fred被惡魔抆腳的感覺，特意租來快艇於海上劃分安全領域進行拍攝兼出動吊威吔組。而Fred落水前亦有做齊所有安全措施，包括着潛水衣打底、背脊加浮板、腰間戴腰封保護等，導演甚至安排蛙人駐場， 又有請替身示範動作。

正式拍攝時已是晚上，加上海面又會突然有急浪，落水可謂難度倍增，不過Fred絕無怯場，非常敬業做足導演所有要求，先凌空跳起再撻落水面，表情扭曲大嗌「救命」，即使海水倒灌入口都冇影響演出！

多謝洪永城帶挈

事後「落湯雞」Fred受訪，坦言全晚進出大海起碼有半百次，早已飲飽海水︰「全劇最劇烈嘅場口喺晒今晚！識游水都OK，劇組又唔會叫我去太深嘅位，就算有事都會即刻有人落去救我。」如此搏到盡，可有向監製洪永城及編審C君找晦氣？他竟大方多謝二人：「好多謝搵我做呢個角色至真，雖然辛苦， 但好享受，預咗會開第二季。」

lily123

(on.cc)
蔡菀庭客串《凶宅清潔師》扮演女鬼：要放好深嘅感情
09月07日(二) 09:01

前華姐蔡菀庭近期先後為無綫劇集《雙生陌生人》、《痞子殿下》、《凶宅清潔師》與處境劇《愛．回家之開心速遞》開工，忙過不停。其中以客串《凶宅清潔師》扮演女鬼印象最深刻，她說：「最初諗住客串兩集好簡單，去到現場先發覺原來唔簡單，角色要求放好深嘅感情落去演，呢個係暫時做過最有挑戰角色，仲要不停喊，化妝亦要化到好醜樣。不過，同事、監製都好照顧，拍攝嘅時候好幫我，好期待播出嘅時候大家睇見會驚。」

lily123

日期： 7/12/2021
活動： myTV SUPER原創劇集《凶宅清潔師》記者會
嘉賓： 李成昌、鄭俊弘、傅嘉莉、方紹聰、
          阮政峰、羅浩銘、杜燕歌、韓馬利、
          李梓謙、邵展鵬、劉頌鵬、王虹茵、
          倪嘉雯、吳卓衡、李紹堅、呂靜文、
          洪永城、C君、盧思麟、程哲、
          林桂興、邱健忠、魏玉華、鄺家銘。
時間： 12:30
地點： 將軍澳工業村駿才街77號電視廣播城十六廠