『凶宅清潔師』拍攝跟蹤30

ching2506

(HK01)
凶宅清潔師│C君、洪永城首次擔任監製 李成昌：已經當佢哋係老闆
撰文：賴家杰
2021-06-01 22:15
最後更新日期：2021-06-02 11:10

TVB新劇《凶宅清潔師》最近正在拍攝，劇集屬於驚悚喜劇，由洪永城、陸永及傅嘉莉領銜主演，並由李成昌（昌哥）、鄭俊弘及C君聯合演出，而劇集最特別之處是洪永城和C君一起擔任監製。

今天（1日）昌哥出席劇集《逆天奇案》宣傳活動接受《香港01》訪問時候表示近期是忙於拍攝《凶宅清潔師》，他說早知道二人是擔任監製：「佢哋好早之前已經搵過我，同我傾拍唔拍呢套劇，咁我當然拍啦，所以一早就知道。」

二人擔任監製，確實相當新鮮，但對於昌哥來說並沒有太多的想法，「我就冇乜感覺，可能佢哋一早搵我傾個陣已經當佢哋係老闆，知佢哋係監製冇乜問題，仲好傾添，大家都做緊演員知演員會有咩問題，佢哋都好了解。」

另外曾志偉今年初強勢回歸TVB做副總經理兼行政委員會特別顧問，有報道指志偉更打算秘密染指TVB戲劇組，而這劇集便是由曾志偉低調在背後撮成的事情，昌哥回應並沒有聽說過，但認為是一件好事：「我喺現場就唔見，唔敢講佢（曾志偉）有冇出現，但我覺得冇所謂，志偉哥個位置幫公司冇乜問題。」

ching2506

(HK01)
凶宅清潔師｜監製C君冇收到消息曾志偉客串：每日都改緊劇本
撰文：黃梓恒
2021-06-02 17:30

無綫新劇《凶宅清潔師》現正拍攝當中，日前傳出曾志偉會客串加入劇組，事關他是此劇製作公司「勞詩動眾」媒體製作公司其中的一位，因為特別關於這套劇集。《凶宅清潔師》由洪永城、陸永及傅嘉莉主演，配角方面有李成昌、鄭俊弘及C君，而C君更是此套劇的編審兼監製。

在接受《香港01》訪問的時候，C君笑說自己只是一名「掛名監製」，他說：「所謂我做呢套劇嘅監製，我最主要嘅工作就係去現場嗰度請大家食吓嘢飲吓嘢，真正監製嘅工作係我哋監製Tommy Lo（盧思麟）做晒嘅。」對於有指志偉哥特別關注此劇集，更有份客串演出，他則表示：「我係完全唔知呢兩個消息，唔知佢有份客串。」

C君與洪永城（Tony）一向老友鬼鬼，今次兩人在劇中有大量合作，到底火花會有多大？他說：「其實我同Tony今次係台前幕後嘅合作，呢套劇成個概念係Tony同Tommy諗出嚟嘅，佢哋拎去sell成功咗，我當然非常替佢哋高興喇，咁佢哋就問我可唔可以幫手將呢個概念變成一個完整嘅故事，所以我其實主要嘅工作主要係編劇。當然除咗我哋三位，仲有其他人參與創作，包括我哋嘅導演Tony Law（羅俊偉），亦都仲有兩位編劇，所以我主要負責係寫好個劇本。而家當然安心喇，因為已經拍緊，不過每日都改緊劇本。」

lily123

(on.cc)
自演自監！洪永城為新劇唔錫身　半空撻落地
06月05日(六) 23:21

洪永城日前偕C君及新人倪嘉雯為新劇開工，兼任監製的他甚為緊張，在現場打點一切外，事前還與女主角傅嘉莉找好打之人羅浩銘狂操武打動作，務求「打、演」皆精！

洪永城與C君任監製兼演出的myTV SUPER原創劇《凶宅清潔師》日前秘密開工，在銅鑼灣一幢舊式大廈取景，原來女主角除了傅嘉莉外，還有《Think Big天地》女神倪嘉雯，當日她一身學生妹造型，清純又可愛！

搵羅浩銘特訓
首任監製的洪永城除了要兼顧演戲外，還要在侷促場地行來行去，打點一切，搞到大汗疊小汗；而C君則要穿上西裝褸，睇見都熱！2人受訪時表示拍攝尚算順利，又大讚倪嘉雯表現好，問到開工至今有否遇到詭異事？C君打趣說：「有呀！啲攝影機會無端端自己Roll機，又試過有啲嘢跟咗工作人員返屋企咁啦！」明顯冇句真！洪永城則正經地說：「套劇有唔少打鬥場面，我哋特登請武術指導羅浩銘訓練，好彩之前打過吓，叫應付到。」

而羅浩銘受訪時，大讚洪永城非常捱得：「佢喺劇入面成日要捱打，好多好難或者好危險嘅動作，佢都願意嘗試，吊威吔由高處撻落地嘅鏡頭，好易整親，佢都親身去做。除咗佢，傅嘉莉都要打，佢之前已經跟過我學武打，佢好聰明，學嘢一點就明。」

此外，傅嘉莉近日在社交網自爆，因父親的健康問題而備受壓力，體重急跌至不足100磅兼生濕疹。她受訪時叫大家不用擔心，現時連踩兩劇仍應付自如，不用休息。

ching2506

(on.cc)
「屎橋」求婚度咗3分鐘　洪永城計劃做婚禮直播
06月13日(日)
16:35更新 15:45建立

(節錄)
藝人洪永城（Tony）與鄧梓峰今日（13日）出席「甲蟲傳奇車迷會」成立記者會，Tony早前宣布向拍拖2年的女友梁諾妍求婚成功，人逢喜事精神爽的他表示收到很多朋友的祝福，非常喜出望外。

他指現正忙於拍劇，待7月頭拍畢劇後就全力籌備婚禮，到時再正式拍攝婚照，他說：「喺社交網嗰輯相唔係正式，係為咗公布求婚成功同自己留念。」

ching2506

日期： 21/6/2021 (一)
活動： 『凶宅清潔師』拜神
嘉賓： 洪永城、李成昌、傅嘉莉、鄭俊弘、
          C君、歐陽偉豪、杜燕歌、韓馬莉、
          張達倫、阮政峰、羅浩銘、陳榮峻、
          吳香倫、倪嘉雯、邵展鵬、劉頌鵬、
          古佩玲、李梓謙、盧思麟、林桂興、
          邱健忠、關樹明、丁羡儀。
時間： 12:00

lily123

(on.cc)
洪永城C君做靈異劇監製勁驚青　日落前要度劇本
06月21日(一) 15:02

藝人洪永城（Tony）與C君今日（21日）出席新劇《凶宅清潔師》拜神儀式， 兩人除演出外，Tony身兼監製一職，C君更是監製兼編審，Tony坦言首次做監製大感壓力：「原來係好辛苦，好多嘢要處理，我做演員都唔係處理得咁好，好彩有C君互相扶持，公司嘅監製都畀好多意見，咁就放心啲。」

C君表示向來很怕觀看靈異題材的東西，但偏偏身為編劇而需要看大量相關材料，他笑言：「我度完橋都唔敢揸車或者一個人搭電梯，有時做到凌晨收工，我會叫老婆落嚟接我，佢就算一個人睇恐怖片都唔驚，所以佢係一個指標，我會將我哋嘅嘢畀佢睇，問佢驚唔驚，佢話如果喺電視睇會驚，但其實冇乜嘢嚇到佢，佢連我都唔驚。」

Tony笑指要日落前度劇本，日落後收工，又稱為令C君克服恐懼而叫對方負責編劇。問到拍攝期間可有遇上怪事？他們慶幸劇集已拍畢大半，至今沒有怪事發生，C君表示：「我哋去到一啲睇落去好恐懼嘅地方，原來好多外國人鍾意嚟影相，影出嚟好靚，減輕咗我哋嘅恐懼感。」

lily123

(on.cc)
傅嘉莉擔正女主角即賣大包　自爆護身符攝腰
06月21日(一) 14:18

藝人傅嘉莉（Kelly）今日以白色低胸裙現身劇集《凶宅清潔師》拜神儀式，講到打扮性感，她稱之前買了很多靚衫，但因疫情未有機會穿着，今次擔正女主角，終於有機會穿出來示人。她透露之前因父親患病要照顧家人以致體重急降10磅，現時父親已出院在家休養中。

劇集以靈異為題材，Kelly自言曾有靈異事件發生過自己身上，故對這方面十分懼怕：「我係好唔想接觸呢啲嘢，就連靈異電影都唔想睇，但拍呢套劇要睇好多靈異電影去參考，洪永城知道我驚，佢提供咗啲平安符畀我哋，我之前睇師傅，都畀咗好多護身符我，差唔多有10個，我喺劇中成日着Sport Bra，我就將啲符掛晒喺條腰入面，我哋經常去荒廢嘅學校、拆卸嘅樓宇同軍營拍攝，我都忍住唔去廁所，就算要去廁所或換衫，我都唔敢閂門，每日返到屋企就會用百解衣去抺身，再跨火盤先入屋。」

lily123

(on.cc)
鄭俊弘比賽打到周身瘀　戴頭盔保帥樣
06月21日(一) 14:23

藝人鄭俊弘現身劇集拜神儀式，他近期為備戰「明星運動會」的拳賽而進行地獄式減肥，兩周內激減18磅，完成比賽的他表示現時體重已回升：「打到周身都瘀晒，我要拍劇，所以戴咗頭盔打，塊臉就冇事，不過比賽當日真係畀人打到暈一暈。」他稱之前為減磅，每日只食蛋白及香蕉，最後2、3天甚至要脫水，又要不停令自己排汗，非常不健康：「嗰段時間仲邊拍劇邊比賽，劇組盡量遷就我個期。」講到太太何雁詩在社交網發文表示心痛，他說：「佢好支持我，我覺得上擂台係個難得機會，所以好想去完成。（太太有冇叫你唔好再打？）比賽試過就算，但我會繼續打拳運動。」

lily123

(HK01)
凶宅清潔師｜古佩玲凌晨山上拍劇護身符隨身：隻眼不停眼皮跳
撰文：吳子生
2021-06-21 18:00
最後更新日期：2021-06-21 18:00

古佩玲（Kelly)今日（21/6）現身電視城出席無綫新劇《凶宅清潔師》造型記者會。Kelly表示：「我喺劇裡面嘅角色係做一位好曳嘅學生，仲要係大玩一啲靈異遊戲，嘗試與靈界嘅朋友接觸，過程相當緊張。（本身自己相唔相信有鬼？）我相信有。其實嗰晚上山拍嘢嘅時，劇組都有俾護身符我，但係我都有啲驚。因為我拍到凌晨3點幾嘅時候，我隻眼不停係咁眼皮跳，但我同自己講，可能太攰唔夠瞓。」

lily123

TVB Weekly

【娛樂熱話】
《凶宅清潔師》
洪永城、C君首當監製
炮製暗黑靈異劇

洪永城與C君踩過界，聯同盧思麟為TVB OTT原創劇集《凶宅清潔師》首次擔任監製，二人由構思概念、創作劇本、拍攝及演出，事事親力親為，為作品做得盡善盡美。

二人製作首部幕後作品，一改幕前陽光及搞笑形象，反而構思一套題材沉重的靈異劇集，不搞笑，更要嚇得觀眾不寒而慄！

幕前跳到幕後
TVB於6月21日舉行TVB OTT原創劇集《凶宅清潔師》拜神儀式，出席演員包括洪永城、李成昌、傅嘉莉、鄭俊弘、C君、歐陽偉豪（Ben Sir）、杜燕歌、韓馬利、張達倫等。洪永城與C君不止以演員身份亮相，二人同樣另有身份，為《凶宅清潔師》監製。另外，C君亦與劇集另一位監製盧思麟兼任編審一職。

會上，首次擔任監製及編審的洪永城及C君，聯同盧思麟先分享劇集構思、籌備至拍攝的感受。隨後，C君逐一介紹劇集演員登場，並聯同MyTV Super Limited營運總裁林桂興、電視廣播（國際）有限公司助理總經理邱健忠、電視廣播有限公司戲劇製作經理關樹明及戲劇製作統籌經理丁羨儀一齊主持拜神儀式，祈求這套以靈異題材的新劇拍攝順利。

曾被拒五次
《凶宅清潔師》的開端由兩年前開始，洪永城與盧思麟（Tommy）在偶然的機會之下，聽到一個罕見職業凶宅清潔師，認為題材可取、有延伸性。於是二人開始構思故事，將故事大綱交給一位負責高層手上。洪永城表示過程並非順利，故事曾被拒五次之多。「我們將故事大綱交給負責人，期間被拒五次。每當他說故事不夠好，我便與Tommy通宵修改，再印colour copy放到負責人枱上。前前後後經歷差不多半年，他認為故事大綱成立，才真正開發故事。」洪永城在劇中身兼監製與男主角，他認為首當幕後工作是一種好好的學習。「過程經歷很多事情，亦要感謝很多前輩、監製關樹明、編審朱鏡祺、葉天成等，他們畀了很多意見，讓劇集更豐富、更有趣。」

絕不是喜劇
故事獲拍板製作，劇本及場口則交由監製兼編審的C君及盧思麟創作。首當編審的C君說這套劇集以一個有鬼的地方作主舞台，這個地方將所有角色的命運連結一起，改寫人生。「首次要搞清楚鬼與人的邏輯分別，亦要花時間去斟酌對白，希望每個角色講的說話都是聰明同真實。角色遭遇大部份也是由喜變悲，主要角色主要是做兩件事，一是蒙在鼓裏，二是身不由己，希望從新開始或放下。」

C君與陸永組合的「農夫」經常講gag搞笑，所以不少朋友問C君是否創作喜劇，C君則認為人總希望作新嘗試，所以劇集不喜，還相當沉重。「我認為拍一套嚇人電影很難，拍一套集集嚇人的電視劇更難。我將劇本重心放在充滿壓力、沉鬱的調子上，串插靈異事件，將恐怖驚慄氣氛呈現。」C君笑談第一次當編審，無論台前幕後也會有人修改劇本。「副導、製片、道具、演員等，也會走過來，不停修改我的劇本。我以為自己會介意，結果卻沒有，因為我沒有先入為主，認為改就不好。改是改善、改良，台前幕後修改劇本，都是為劇本加分。」

C君說劇集現已拍攝一半有多，拍出來的效果比他想像的畫面更好，並歸功於負責製作的盧思麟。盧思麟希望《凶宅清潔員》能刻畫人物之間的緊張張力，讓觀眾睇得屏息靜氣。「我們三個與導演傾了一種處理方法 ，希望帶出新鮮感。現在一路拍一路修改，我們覺得做到目標，希望作品能在今年年底面世，觀眾請拭目以待。」


-《凶宅清潔師》為一套12集的短劇，所以角色人物也集中，不會太多

- 傅嘉莉飾演為求出位，拍攝探靈片段的網紅KOL小美，鄭俊弘與洪永城飾演凶宅清潔師洪仔與招仔

- 李成昌與Ben Sir飾演捉鬼師傅，C君說Ben Sir是首位搵的演員，角色歐陽暉也是依Ben Sir去寫

- 張達倫飾演洪永城與古佩玲的父親，他在劇中將有十分驚嚇的演出，古佩玲的表現獲幕後好評