音樂節目 / 樂壇消息 (2021-)

ching2506

(on.cc)
港台強調冇同無綫不和　MIRROR缺席冇獎攞？
02月08日(三) 16:21

去年港台與無綫合辦《香港金曲頒獎典禮》，但盛傳兩台因爭控制權反面，導致合辨的頒獎禮一屆玩完。港台今日（8日）在廣播道舉行「廣播九十五周年 十大中文金曲」揭幕記者會，宣布頒獎音樂會將於5月6日假紅館舉行，記者會上各大唱片公司皆有派出高層撐場，惟無綫未有高層現身，只有旗下歌手JW到場，令傳聞甚囂塵上。

岀席記者會的歌手包括鄭欣宜、李幸倪 （Gin Lee）、王灝兒（JW）、泳兒、馮允謙、曾比特、Ansonbean、PIX3L、雲浩影等。而MIRROR、COLLAR、張敬軒、炎明熹、林家謙皆缺席。

助理廣播處長（電台及節目策劃）李慶華對於傳與無綫鬧不和，他多番強調兩台沒有不和說：「唔傳在不和，上年同TVB合作係愉快嘅，冇不和，合作亦唔止喺音樂上，唔同層面亦有合作。我哋係一個公營廣播機構，希望同唔同媒體合作，亦都辦過4台聯頒，作為公營廣播機構都希望團結各大媒體，集合較大力量，推動本地音樂，初心不變。」

講到無綫沒有高層到場可覺得唔畀面？大會總監李錦明則說：「TVB有JW、工作人員喺度，高層好似去咗放假今日先返香港。」講到有指MIRROR在發生紅館意外後再在頒獎禮踏上紅館，李慶華表示：「MIRROR出唔出席我呢刻講唔到，跟番個機制，依家正係選舉工程嘅初階，喺我哋嘅立場，無論獲獎唔獲獎，都希望佢哋出席，因為好多獎都係當日先知道，所以好難猜測MIRROR有冇獎。」

對於網民發現林家謙竟然在「中文金曲」投票名單上冇影，李錦明表示：「我哋都係根據選舉機制，曾經上過中文歌曲龍處榜三甲嘅歌曲同歌手，都會進入我哋嘅候選名單。」講到女團COLLAR未能入選「最有前途女新人獎」，她指根據機制COLLAR屬上屆新人，不符合選舉資格。

頒獎禮今年共設十個獎項，計有：「十大中文金曲獎」、「最有前途新人獎」、「優秀流行華語歌曲獎」、「優秀流行歌手大獎」「CASH最佳創作歌手獎」 「最佳中文唱片獎」、「最佳進步獎」「最佳樂隊/組合獎」「全球華人至尊金曲獎」及「廣播九十五周年金曲榮譽大獎」。

ching2506

(HK01)
十大中文金曲｜港台高層親解林家謙點解唔入圍：佢嘅歌未上三甲
撰文：趙允琳
出版：2023-02-08 18:32

香港電台主辦的《十大中文金曲》將於今年五月在紅館舉行，早前大會公開「十大中文金曲獎」、「優秀流行歌手大獎」、「優秀流行華語歌曲獎」、「最有前途男新人獎」、「最有前途女新人獎」及「全球華人至尊金曲獎」共六個獎項的投票名單，但卻因為多位大熱歌手如林家謙、陳柏宇及陳蕾等無份入圍而引起外界嘩然，助理廣播處長（電台及節目策劃）李慶華以及《十大中文金曲》大會總監李錦明今日（8日）於記者會時釐清外界的質疑，又強調全部都是按照港台自己的機制去挑選。

去年港台宣布與TVB合辦，由《十大中文金曲》變成《香港金曲頒獎典禮》，但今年卻又突然分道揚鑣，李慶華強調港台與TVB並沒有不和：「今年係我哋95周年，所以有特別嘅意義，好多人都問點解同TVB停咗（合作），咁冇理由搵第二個機構去幫你慶祝95周年生日㗎！所以我哋一早安排好今年自己搞返《十大中文金曲》。」至於下年會否再次與TVB再合辦，他表示不會排除任何可能性：「我哋同TVB嘅合作一向都好好，亦唔只係喺音樂方面嘅合作，並不存在不和。」

謝安琪、Serrini、方皓玟及許廷鏗等歌手曾經傳出被港台「封殺」，他們一樣未有入圍今次的《十大中文金曲》候選名單，李慶華表示，港台不存在封殺問題：「我哋唔存在封殺嘅，大家都明啦，每個台都有自己嘅一啲標準，我哋都歷史悠久，我哋有播歌嘅標準，又有我哋選舉嘅標準，所以都冇存在係唔係封殺嘅問題。」至於多位大熱歌手如橫掃多個頒獎禮大獎的林家謙無緣入圍讓觀眾投票引起外界嘩然，《十大中文金曲》大會總監李錦明解釋是根據港台的選舉機制，只有過往有打入中文歌曲龍虎榜三甲的歌曲才能夠登上候選名單：「因為佢（林家謙）嘅歌未有上到三甲，所以就未能夠成為候選名單。」

另一焦點亦放在橫掃新城和叱咤頒獎禮新人獎的女子組合Collar身上，為何沒有入圍今年《十大中文金曲》的女新人獎，李錦明這樣回應：「其實Collar基本上，根據我哋嘅選舉機制係唔合符我哋候選新人嘅名單，因為佢哋出歌嘅日期唔喺我哋嘅提名期，而且除咗要合乎我哋資格之外，仲要有唱片公司嘅提名，要幾樣嘢夾埋。同埋Collar係屬於舊年嘅新人，如果按照我哋嘅提名期，但歌曲獎同其他獎項佢哋都有候選嘅。」然而，記者翻查記錄，Collar於上年港台與TVB合辦的《香港金曲頒獎典禮》上亦沒有入圍新人獎。她續指，現在大家在網上看到的只是部份的候選名單，其實還有一些專業獎項未公佈，亦強調林家謙等歌手都一樣有機會競逐：「可以，如果佢哋合乎我哋嘅選舉資格嘅話。」

有網民質疑為何資深的歌手如譚詠麟、郭富城和劉德華等都能入圍「優秀流行歌手大獎」，但受年輕人喜愛的林家謙、陳蕾等歌手依然繼續失蹤，她解釋：「先講譚詠麟，佢同炎明熹（Gigi）有合作一首《明天仍要繼續》，係有上我哋榜嘅三甲，所以係合乎成為我哋候選歌手，劉德華都有同易烊千璽合唱咗《還是笨小孩》，郭富城都有隻聖誕歌係有上我哋榜嘅三甲。」被問到會否擔心被外界覺得太少新晉歌手入圍《十大中文金曲》，她否認：「唔係啊，今日你哋都見到好多（新人）入選候選金曲，例如Lolly Talk都係我哋嘅候選歌手嚟。」

《十大中文金曲》因為種種原因受到網民的質疑，會否擔心與其他頒獎典禮上相比太過我行我素，李錦明表示不擔心：「每個選舉都有每個選舉嘅機制，我哋都係根據我哋嘅機制去提名，我諗每一個機構都係根據自己嘅機制去做嘅。」

ching2506

(HK01)
曾志偉望TVB繼續與時並進　年尾前將舉辦《大灣區音樂頒獎禮》
撰文：趙允琳
出版：2023-02-19 15:15

曾志偉今日（19日）以節目內容營運總經理身份現身沙田馬場出席「TVB賽馬日」，他笑言因疫情馬場再開放給公眾入場，TVB事隔二十多年再舉辦賽馬日別具意義：「希望可以帶到歡樂俾大家，賽馬日最適合大家相聚，可以見面、玩下，最重要係可以做善事！」

通訊事務局日前公布免費電視台及電台牌照中期檢討，根據2021年諮詢期間收集意見，指出TVB「劇集和綜藝節目千篇一律」、「只播放懷舊和沒有新意的節目」、「節目經常介紹大灣區」等等的批評聲音，曾志偉回應道：「我哋公司係以觀眾層為原則，都係家庭觀眾多，所以好似《獎門人》咁雖然都做咗20幾年，但都係一個老少咸宜嘅節目，我哋都有個部門會繼續研發啲新嘅節目同劇情，不斷與時並進。」

曾志偉又透露，TVB將會將《勁歌金曲頒獎典禮》變成兩年一屆，並於中間穿插《大灣區音樂頒獎禮》：「即係每隔年就係大灣區、勁歌金曲、大灣區、勁歌金曲，今年就會舉辦《大灣區音樂頒獎禮》。」被問到香港歌手爭獎機會會否較少，曾志偉強調香港歌手在大灣區很受歡迎：「內地歌手都會有，我哋嘅榜會有哂所有唔同嘅機構一齊計票數，頒發畀無論係香港、內地定係東南亞（嘅歌手）！」他表示現時仍處於籌備階段，但預計會於今年八月之後才會舉辦。