『十八年後的終極告白2.0』拍攝跟蹤

ching2506

劇名: 十八年後的終極告白2.0

監製: 王偉仁
編審: 黎家明

主要演員: 譚俊彥, 陳山聰, 龔嘉欣, 譚凱琪

錄影廠: 12

拍攝時間: 01/03/2021 - 15/05/2021


日期： 24/3/2021 (三)
活動： 「十八年後的終極告白2.0」拜神
嘉賓： 譚俊彥、陳山聰、龔嘉欣、趙希洛、
          譚凱琪、曹永廉、何啟南、尹詩沛、
          鄧卓殷、李國麟、阮兒、杜大偉、
          邵展鵬、粱皓楷、蔡國威、吳嘉儀、
          鄧伊婷、吳展驊、曾海昌、史穎喬、
          黃子桐、李明芙、蕭文諾、鄧美欣、
          黎康祺、陳熙蕊、鄭雋熹、馮子亮、
          文竣瑋、程浩駿、陳銳鋒、劉桂芳、
          林子超、王偉仁、黎家明。
時間： 13:00

ching2506

(on.cc)
陳山聰再拍《十八年後》續集　視后龔嘉欣嗌緊張
01月22日(五) 22:15

近來無綫不時翻拍口碑佳的劇集，之前《金宵大廈》、《香港愛情故事》、《十月初五的月光》第2輯統統都開工，據知無綫即將開拍神劇《十八年後的終極告白》，男主角同樣是陳山聰、譚俊彥，而女主角則由楊秀惠變為新鮮出爐的「馬國視后」龔嘉欣。而譚凱琪於產女後首次復出拍攝，其他演員包括第1輯演技備受讚賞的「豬肉婆」尹詩沛、趙希洛等。

《十》劇於2018年開拍，播映時口碑相當不俗，奈何收視卻只一般，不過當時已有網民指此劇是「神劇」，要求開拍續集，此劇劇情緊湊，由第1集開始已發生命案，之後一路追尋真兇，相當緊張。大結局有悲有喜，陳山聰飾演的「阿一」最終要死，而譚俊彥亦要坐監，不過最後一幕幾兄弟居然齊齊於山上「重逢」，給觀眾「另類」大團圓結局的感覺。據知，今輯故事雖然與上次的因果報應有關係，但故事不同，上輯已拍得相當懸疑、緊湊，今次會加入更多元素，戲味比之前濃、更有張力。

龔嘉欣接受東網訪問時坦言此乃獲「視后」後的第1部劇，她謂：「觀眾對我嘅要求高咗，所以我對自己的要求都會更高。（有壓力？）咁又唔會，係好開心，攞完獎之後喺街啲人都會祝福我，呢個係好寶貴。」今次她於劇中跟譚俊彥飾演一對，二人首次正式合作，她謂：「我自己都有睇第1輯，口碑好好，我未拍過懸疑片，都幾得意，而今次個角色係好沉重，有啲緊張。」

上一輯飾演「阿一」的陳山聰受訪時謂：「好開心收到呢個消息，因為之前我同譚俊彥好希望監製可以開第2輯，觀眾、網民又好鍾意，內地網播咗都好受歡迎。（未能原班人馬會否可惜？）係可惜啲，今次古仔、角色完全唔同，我唔係演黑社會，會斯文好多。（上次要除衫打擂台，今次要否再操？）今次梗係會畀啲難度我啦！但暫時唔可以透露住，都係好激，自己都開始做運動Keep弗。」說到與「視后」龔嘉欣合作，他謂：「有個視后幫我哋坐鎮，成個劇唔同晒，要叨佢啲光！」

此外，陳山聰最後播出的劇集正是上年播的《十》劇，計埋剛剛抽起延遲播出的《大步走》，他拍了《唐人街》、《超能使者》及《金宵大廈2》亦未出街，相信牛年他將會有大把劇集上場。

ching2506

(東方日報)

龔嘉欣視后空降 陳山聰：要叨佢光！

(節錄)
「神劇」《十八年後的終極告白》開拍2.0，主角除了原有班底陳山聰、譚俊彥外，更加入馬來西亞視后龔嘉欣坐鎮，難怪山聰笑說：「真係要叨佢啲光！」

出爐視后蔡思貝將與王祖藍拍攝古裝喜劇，而「馬國視后」龔嘉欣亦有着落，3月夥拍陳山聰、譚俊彥等開拍新劇《十八年後的終極告白2.0》！《十》劇去年播出時口碑甚佳，更被網民封為「神劇」，紛紛要求開續集，今次網民終於集氣成功，而參演的還有產後復出的譚凱琪、上輯表現突出的「豬肉婆」尹詩沛及趙希洛等。

據知今輯故事雖與上次的因果報應有關係，但故事不同，會加入更多元素，比之前更有張力！

ching2506

ching2506

TVB官方微博VM :#东张西望# 18年後的終極告白2.0再掀奇案

《18年後的終極告白》收視同人氣都高企，原班人馬再次一齊拍攝《18年後的終極告白2.0》，仲加入大馬視后龔嘉欣同埋產後復工嘅譚凱琪。佢哋未開工已經互有火花，山聰話唔敢同視后合作呀！另外，仲有靠行運嘅曹永廉一齊合作，大家喺咪好想睇呢？

TVB官方微博的微博视频:
https://m.weibo.cn/s/video/show? ... 41543&fromWap=1

lily123

(HK01)
《十八年後的終極告白》開拍2.0版全新故事　監製：愛情戲會減少
撰文：林迅景   2021-02-05 17:15

無綫劇集《十八年後的終極告白》於2020年4月播出時大受歡迎，全劇收視26.5點，大結局跨平台收視更達至29.7點，成績相當不錯。原來近日《十八年後的終極告白》第二輯已經現在準備當中，日前（05/02）譚俊彥、陳山聰、龔嘉欣、譚凱琪、趙希洛和曹永廉亦已經開始試造型。

《十八年後的終極告白》的監製王偉仁接受《香港01》訪問時，就表示第二輯將比第一輯更為精彩。他說：「張力會大啲，人與人之間鬥得再勁啲，故事都會緊張啲！」他透露，第二輯的劇情格式與第一輯也會類似：「由一個案件做出發點，再發展落去人物之間好多猜疑，就係大家可以一路睇一路估。」

故事人物不一樣，為什麼不改劇集名？他解釋：「同上一輯《十八年後的終極告白》故事都有關係，係故仔唔同咗，同埋套劇國內都有名，有口碑，好多製作人同觀眾都覺得好睇，公司support之餘，跟返個名大家睇之前都知係咩類型。」

雖然劇情類似，但監製在劇本上也落了不少心機，他表示為了增加劇集的緊張性以上懸疑感，作出了一個大改動。他說：「好多時愛情戲會溝淡咗，所以今輯愛情戲會減少，會偏故事性，而且劇情會緊張啲，節奏都會更加快。」

ching2506

(on.cc)
同居試婚搞唔掂？阮兒宣布同衛志豪分手
02月07日(日) 13:46

無綫咪神阮兒跟大13歲的衛志豪拍拖近3年感情穩定，更進展到同居試婚階段，惟今日她出席開張活動時自爆已分手，現忙於搬離愛巢，新一年展開1人生活！

目前寄情於工作療情傷的她，透露3月會拍攝無綫新劇《十八年後的終極告白2.0》，劇中將跟譚凱琪有段「SheShe」戀，她說：「之前都演過1次，公司覺得幾好就嚟多次，今次仲係譚凱琪產後復出嘅第1套劇。（有親熱戲份？）唔知，應該冇嘅，但我希望有！（唔介意錫女仔？）男、女都唔介意，完全唔抗拒，讀書嗰陣身邊有好多朋友都係同性戀，私下玩都有錫過女仔。」續謂角色有少少變態，更揚言難保拍完都會變「SheShe」！

ching2506

01/03/2021 開拍

ching2506

lily123

(on.cc)
【事業家庭兩兼顧】譚凱琪產後復工：掛住BB！
03月05日(五) 19:06

無綫剛開拍的劇集《十八年後的終極告白2.0》，演員有上輯的陳山聰、譚俊彥，再有新加入、產後首次復出的譚凱琪，其囡囡Baby G 4個多月大，受訪時被問到首次長時間離開女兒開工拍劇，會否不捨得？她謂：「當然會掛住BB啦！但始終喺香港做嘢，做完咪趕返去睇佢囉！我對自己有信心，希望可以家庭、工作都兼顧得好。」又要拍劇又要湊女，問怕否體力支持不到時，她謂：「都休養咗咁耐，之前我都有做番多啲運動，令自己強壯啲、狀態好啲。」

說到與好姊妹龔嘉欣合作，她表示之前大家都是合作拍攝《平安谷之詭谷傳說》而認識，之後都有齊齊合作《誇世代》，她謂：「大家都知大家脾性，有個照應都係好嘅，而譚俊彥我都合作過，反而山聰我就較少合作，到時希望大家可以擦出火花。」