『青春不要臉』拍攝跟蹤

lily123

(on.cc)
丁子朗新劇露腰又晒腿　孖江欣燕演母子擦出火花
04月10日(六) 13:09

丁子朗、余德丞及江欣燕日前為無綫新劇《青春不要臉》趕工，兩男表示跟欣欣有對手戲，戲服露腰又露「美腿」的子朗飾演其子，大讚「媽咪」是個好前輩，合作零壓力：「今次先算係正式合作，上一套劇《把關者們》只係同場擦身而過，冇對手戲，覺得佢好畀我哋發揮，對新演員嚟講係非常之好嘅事，想點演佢都take到，掉番轉頭係佢就番我哋。」余德丞亦笑言只要欣欣在場，氣氛必定好好，覺得她為人好隨和。

欣欣禮上往來讚子朗乖仔，更稱與他合作火花十足：「記得第一場戲係喺舞廳拍，主力係拍我哋唱歌，佢哋嗰日好早到，就周圍搵佢對稿，搵搵吓撞見，原來佢都搵緊我，大家未夾過想試吓個感覺，出嚟效果好OK。（有冇爆肚？）呢套冇得畀我做啲突如其來嘅嘢，因為比較煽情。」

lily123

(on.cc)
「後生女」踩過界拍劇　勝在夠青春！
04月12日(一) 09:09

《#後生仔傾吓偈》一班「後生女」踩過界，殺入劇組拍《青春不要臉》！陳欣茵喺社交網晒出同黃凱儀（波波）、杜穎珊、黃紫恩嘅合照，留言：「青春，就是能夠一起入劇組，為了共同目標一起努力練舞排舞，經歷熱血沸騰的感覺，仲有。。。一齊流哂（晒）大汗餵蚊。」佢哋平均年齡先23、24歲，佢哋着上80年代造型，夠晒Colorful，完全冇突兀嘅感覺，佢哋絕對唔係青春不要臉，而係青春大晒，網友們都留言話好期待佢哋嘅演出！

ching2506

lily123

(on.cc)
拍青春劇圓願！江欣燕「仔大女大」過足阿媽癮
04月18日(日)

藝人江欣燕（欣欣）正投入拍攝新劇《青春不要臉》，與一班年輕演員合作，原來她最大心願是演青春劇，這次終於得償所望，她說：「拍青春劇係我一直心願，估唔到，我做青春劇男主角丁子朗嘅媽媽，做番80年代，我嘅年代，我Handle到，我唔係第一次做媽媽角色，幾好玩！我角色係好後生就生BB，今時今日，好多職業女性同個女裝扮好接近。」
在《把關者們》中與陳家樂演母子，《十八年後的終極告白》與黃智雯做母女，欣欣笑言闖出一條「媽媽路」，可能現實中她沒有小孩，故在劇中「仔大女大」，十分過癮。她說：「以前嘅演員會覺得做媽媽Undergrade咗，其實唔係，我唔係廿幾三十歲，好想繼續演出，同新人有交流，我又唔等錢使嘅，幾好玩呀！個心唔覺得就得。」

照顧貓咪終老

現時單身的欣欣，將所有愛投到家人和愛貓當中，對寵物如子女般看待，不過最後一隻愛貓「八白」，不幸患上重病導致癱瘓、眼睛生瘤，終在二月離世，她說在這段日子，每日衣不解帶照顧牠，將所有愛獻上。她亦明白媽咪終有百年歸老的一天，她不擔心最後剩下她一個，充滿正能量的說：「不嬲世界得我一個人，世界就係咁好玩。」

唔急再組家庭

至於自己感情世界又如何？她說：「冇放咁重。（放棄感情？）我唔急搵丈夫，我試過有家庭，依家想做番自己，好慶幸單身有機會畀我同媽咪多啲時間相處。我唔係宅女，只不過唔使好嚴重咁拍拖，但又算散拖，會同朋友食吓飯嘅！」

lily123

(on.cc)
疏遠余德丞丁子朗　劉穎鏇：佢哋係衰人！
04月21日(三) 00:02

藝人余德丞、丁子朗、劉穎鏇、戴祖儀等，日前於大埔為無綫新劇《青春不要臉》開工，眾人拍攝一場考藝員訓練班的戲份，劇集以80年代為背景，劉穎鏇的角色由英國返港，故服飾上都帶有英倫味道。之前清減不少的她，坦言想繼續減磅，余德丞、丁子朗更唱雙簧玩踢爆，指她朝早不吃早餐，她解釋：「我一肥就肥喺塊面度！」

兩子從未肥過

兩位小生余德丞、丁子朗得天獨厚，吃極不肥，問到身形瘦削的他們是否要諗計增肥時，余德丞坦言：「都冇乜需要，因為阿爸阿媽都係瘦底，我做極運動都唔會好大隻。」劉穎鏇扁晒嘴說：「佢哋放消夜食晒一盒腸粉，仲食粥！」余德丞更「囂張」的說：「食嘢開心嘛！所以一定要食多啲嘢，我由細到大都未肥過。」面對他們的美食誘惑，劉穎鏇無奈謂：「我都想食呀！你哋真係衰人嚟！（你放消夜都忍口？）盡量唔食囉！因為太容易增磅，惟有放消夜時離佢兩個遠啲！」

丁子朗反而希望新陳代謝可以如劉穎鏇一樣，他謂：「我唔係特別鍾意食嘢，但身體有啲肉操大隻時會容易啲，瘦底要增肌真係好辛苦，我依家都要食增肥奶粉，因為我一開工就會瘦。（你得23歲新陣代謝最快！）所以咪好快消耗囉！食完就屙咗，增唔到肥真係好慘。」氣煞在旁的劉穎鏇。

恨拍綜藝節目

說到公司現時有很多綜藝節目，丁子朗都想挑戰一下《開心大綜藝》的新環節：「之前劉佩玥、朱晨麗佢哋都跳K-POP，我都有問戴祖儀，有咩可以一齊玩吓！依家都諗緊。」

ching2506

ching2506

(HK01)
青春不要臉｜戴祖儀學生look拍啜戲Take咗十次　邊個男星咁幸福？
撰文：林迅景
2021-04-20 15:00
最後更新日期：2021-04-20 17:07

由戴祖儀、余德丞、丁子朗和劉穎鏇等主演的無綫新劇《青春不要臉》正拍得如火如荼，日前（18/04）一班藝人在拍攝學生畢業才藝的場口，戴祖儀、游嘉欣、王虹茵、黃凱儀余德丞和丁子朗等人還以中學生造型亮相。

戴祖儀接受《香港01》訪問時說：「我個角色係一個為夢想而奮鬥，勇敢嘅女仔，所以我覺得同自己都幾似。」她表示，現在劇組台台前幕後都習慣了叫她做劇中角色「溫楚瑜」：「Cut咗機都會咁叫我，佢哋覺得個名係屬於我。」

提到中學生生活，原來戴祖儀在中學時十分活躍，她說：「足球隊、籃球隊、排球隊、游水、田徑、長跑、越野（賽跑）全部都玩過，又做過學生會會長，仲有好多唔同嘅幹事，中學生活真係非常多姿多彩。我真係好掛住中學時光，數數吓都畢咗業有一月啦。」

其中有一幕戴祖儀還在丁子朗拍攝接吻戲，她更形容感覺十分好：「其實之前已經拍過幾次同丁丁嘅Kiss戲，所以都冇咁緊張，不過個場景有好多人意外發現我哋Kiss，今次好多人望住，所以又變咗好緊張，哈哈，緊張係太多觀眾，不過呢個唔係螢幕初吻，螢幕初吻係喺《刑偵日記》。（事前有沒有食香口膠？）事前有食嘅，丁子朗都冇口臭，感覺良好！」她也表示，這一場戲拍了好幾Take：「唔同角度鏡頭加埋，差唔多鍚咗10次。」

ching2506

lily123

(on.cc)
處女劇扮學生妹！「後生女」王虹茵跳出綜藝框嗌正
04月23日(五) 13:29

「後生女」王虹茵（Sharlene）除了主持無綫節目《#後生仔傾吓偈》、《Think Big 天地》外，近期更由綜藝節目加入劇組。首次拍攝劇集《青春不要臉》，戲中以學生妹造型亮相，相當青春。講到第1次拍劇，Sharlene說：「拍劇同做綜藝節目好大分別，綜藝最重要係搞好氣氛，同拍檔夾好已經好睇。但演戲係要好好揣摩角色，第1次拍劇真係好開心，每次拍群戲，見到大家都好投入角色，感覺好正。」她又指拍劇經驗尚淺，不用埋位時會留意前輩怎樣演繹角色、鏡頭會怎樣拍攝，首次拍劇學到很多，希望將來拍劇會發揮得更好。

lily123

(on.cc)
丁子朗余德丞玩HeHe搶攻　戴祖儀組「3 She」女神隊反擊
04月24日(六) 23:02

歌手戴祖儀近日忙於為新劇開工，同劇的丁子朗與余德丞以「HeHe」形象搶Fo，她宣布拉攏劉穎鏇及伍樂怡組成「3 She」，實行與兩男一較高下！

戴祖儀、余德丞、丁子朗、劉穎鏇（Tiffany）及伍樂怡（Kelly）日前為無綫新劇《青春不要臉》開工，一班年輕演員朝夕相對，早已打成一片。

對於子朗與德丞近日頻頻Sell「HeHe」，劇中與子朗有感情線的祖儀大表無奈，忍不住踢爆兩位男士在戲外有私情：「佢兩個成日黐埋一齊，仲要好細心，德丞連丁丁剪咗少少髮尾都發現到，絕對係真愛！我先至係第三者！」為免被搶鏡，她笑指要效法他們組隊：「我要同Tiffany、Kelly整隊『She She She』對撼，佢兩個又係女神，掂啦！」兩位女神亦贊成組隊，笑說：「兩個男仔對望嘅眼神，真係甜蜜過我哋，我哋女仔反而豪邁啲，好似身份掉轉咗！」

德丞與子朗直言只要觀眾受落，不介意繼續扮「HeHe」，更即席來個情深對望及笑說：「最緊要開心，娛樂到觀眾，啲客戶又鍾意！（祖儀話要組『3 She』撼你『HeHe』！）難啲喎！雖然佢哋係女神級，有樣有身材，但我哋要對自己有信心，唔會輸嘅！」

另外，拍攝當日適逢監製林肯生日，同劇另一位監製潘嘉德及同劇演員送上驚喜，在放飯時間舉行小型派對，送蛋糕之餘又齊唱生日歌慶祝，場面熱鬧。