TVB 剧集情报社 - tvbfiles.com

 找回密码
 立即注册
搜索
8pm  愛.回家之開心速遞830pm  愛美麗狂想曲   逆天奇案 (5/3) 930pm  伙記辦大事   一笑渡凡間 (5/24) 
11廠: 愛.回家之開心速遞   
12廠:十八年後的終極告白2.0 
13廠:
 合拍: 外景:白色強人II
拍攝中:青春不要臉   雙生陌生人 

邵氏:
即將開拍:凶宅清潔師  痞子殿下  童時愛上你 
楼主: ching2506

TVB幕後人員新聞

[复制链接]

58

主题

2305

帖子

6128

积分

超级版主

Rank: 15Rank: 15Rank: 15Rank: 15Rank: 15

积分
6128

热心会员突出贡献优秀版主论坛元老

 楼主| 发表于 2021-4-28 16:22:15 | 显示全部楼层
(on.cc)
藝員訓練班變真人騷!曾志偉:好似《全民造星》
04月28日(三) 15:07

無綫《2021藝員及電視製作人員訓練班面試》在將軍澳電視城進行面試,約有1,800人遞交報名表,年紀最細18歲,首輪面試約有1,200人出席參與幕前面試,坐爆一廠。無綫副總經理曾志偉率領首席創意官王祖藍、訓練班主理人馬浚偉、助理總經理曾勵珍與樂易玲等高層出席面試。

志偉上台鼓勵大家,表示很開心,很久未見過那麼多人塞爆一廠,歡迎大家加入無綫大家庭。他說:「今年係特別嘅一年,因為由祖藍嘅創意下,正構思將今年藝員訓練班變成好似《全民造星》嘅真人騷,將訓練班學員變成演員嘅培訓過程呈現觀眾眼前。我哋唔一定揀靚仔靚女,我同祖藍都得囉,最重要係對演藝有興趣,有信心、努力,對演藝忠誠,熱愛演戲。努力係必需嘅,如果唔勤力,縱使充滿藝術細胞,機會都會流失。」祖藍則自嘲說:「我咁都捱到今日,所以門檻唔係咁高。」志偉台上發言後則一支箭離開現場,未有接受訪問。

講到訓練班真人騷化與ViuTV《全民造星IV》相撞?樂易玲受訪時表示:「其實我哋上年已經有咁嘅計劃,不過祖藍上年比較忙,佢今年返嚟就即刻就同佢提議,同埋其實TVB造星已經造咗50幾年。」祖藍則說:「籌備中,大家會有啲唔同,TVB訓練班歷史悠久,亦都係TVB嘅獨有嘅文化。(招募學員年輕化?)好似我門檻咁低都得囉,其實最緊要係創造多啲就業嘅機會。」曾勵珍則強調訓練班並不是為了做騷,學員是需要有長遠發展。馬浚偉指公司對訓練班投放了很多資源,希望學員珍惜,會對學員作全方位訓練,3個月理論課程、3個月實習,他說:「希望大家學習認真、虛心、唔好遲到,呢個係我恩師珍姐教嘅。」
回复

使用道具 举报

58

主题

2305

帖子

6128

积分

超级版主

Rank: 15Rank: 15Rank: 15Rank: 15Rank: 15

积分
6128

热心会员突出贡献优秀版主论坛元老

 楼主| 发表于 2021-4-28 16:31:03 | 显示全部楼层












回复

使用道具 举报

58

主题

2305

帖子

6128

积分

超级版主

Rank: 15Rank: 15Rank: 15Rank: 15Rank: 15

积分
6128

热心会员突出贡献优秀版主论坛元老

 楼主| 发表于 2021-5-5 10:59:30 | 显示全部楼层
(晴報)
名人啟示錄丨何麗全佩服盧海鵬粗口收放自如 懷念樂壇蓬勃年代望搞「六台聯頒」
2021/05/04

馬浚偉的新節目《同理·繼續傾》於星期一至五晚10點在FM94.8-96.9「香港電台第二台」播出,至於每逢星期一就會推出《名人啟示錄》,由馬浚偉專訪各行各業不同界別的知名人士,了解其人生成功路。

昨日播出的第一集《名人啟示錄》請來資深電視人何麗全。何麗全70年代加入無綫,之後又加盟電訊盈科,任職執行副總裁兼總經理(生產),同時負責Now TV的營運;又成立智樂演藝文化有限公司,籌劃演唱會製作。後來他加入亞洲電視,擔任亞洲電視數碼媒體高級顧問及首席內容官以及行政總裁。輾轉間,何麗全相隔多年後重返「娘家」,出任無綫電視星夢娛樂集團行政總裁,為無綫「革新」擔當重要角色。

何麗全有「電視城橋王」之稱,馬仔亦表示一間電視台有全哥就必定會成功,何麗全就謙虛指自己只係食正電視黃金時代。何麗全參加第一屆編劇訓練班出身,製作出唔少綜藝節目同趣劇,包括膾炙人口嘅《歡樂今宵》、《溫拿狂想曲》等等,後來參與製作行政工作。何麗全熱愛「做電視」,又投資演唱會製作,全因為可以好快睇到觀眾反應。

何麗全憶述當年最鍾意落一廠睇現場觀眾反應,尤其鍾意睇一星期一次,由劉定堅製作嘅《蝦仔嗲哋》,節目中會睇到一眾藝人嘅急才同埋「蝦碌」情況,可以笑餐飽;何麗全仲話好佩服平日不拘小節嘅盧海鵬去到做節目嘅時候可以將粗口收放自如。何麗全又指當年選香港小姐、播《倚天屠龍記》等Hit爆節目時,因為大家都安坐家中睇電視,所以成條街靜晒;而以往星期日都有好多嘢睇,佢同曾志偉都認為無綫應該要製作現場直播節目,於是衍生出《開心大綜藝》以及《日日媽媽聲》等一系列嶄新嘅綜藝節目。

何麗全表示自己當年離開做咗34年嘅TVB,並唔係因為做得唔開心:「冇理由成世人做同一份工做到退休,乜都未見過。當時有機會做另一個收費電視機構,可以同內地好多電視台合作,覺得要去學嘢。湖南衛視有個節目《超級女聲》,有3億人投票。」馬仔聽完之後大讚全哥有勇氣走出comfort zone不斷學習,值得借鏡。不過全哥就話當年去到內地工作最怯係講普通話,又表示書到用時方恨少,寄語年輕人要學好兩文三語。

何麗全又提到最近的選秀節目《聲夢傳奇》:「要做得好都好難,由歌唱比賽變真人騷,最重要係可以令鍾意唱歌嘅人有出路。」佢表示希望樂壇再現昔日盛況:「以前做無綫因為收視好,好多歌手集中嚟咗TVB;而家平台太多,一個歌星一台出現係行唔通,其他地方都可以睇到佢出現。我哋希望百花齊放,個餅越做越大。」又話希望出現「六台聯頒」,做一個有認受性嘅頒獎禮:「不同歌星,唱片公司(可以喺不同平台出現),TVB都仲係最強力嘅宣傳媒介,令歌手曝光多啲,多啲人認識佢哋,(我)好懐念當年等唱片出嘅蓬勃年代。」
回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2021-5-18 20:06 , Processed in 0.026926 second(s), 19 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表