新劇.2021年第二季『香港愛情故事』第二季

ching2506

監製: 林肯
編審:

演員: 羅天宇，龔嘉欣

12至15集

ching2506

(on.cc)
【打造3部曲】龔嘉欣《愛情》得意　拍續集「后」勁凌厲
01月03日(日) 00:01

由龔嘉欣、羅天宇、謝東閔與游嘉欣等主演的熱爆劇《香港愛情故事》叫好叫座，無綫乘勝狙擊，打算原班底開拍續集！新一輯由「上車」買樓的話題，改為今年大家最擔心的失業問題，皆因新冠肺炎疫情打擊下，各行各業面臨倒閉危機，打工仔陷水深火熱，故續集內容將會更加煽情！據知，曾揚言床戲與咀戲已到底線的女主角龔嘉欣，續集將挑戰更激場面。

《愛》劇獲外界大回響，無綫副總經理杜之克接受東網訪時坦言，對開拍續集加添信心：「喺myTV SUPER嘅收看數據直線上升，氣勢好勁，直情係三級跳！」由於劇集風格以大家有共鳴的民生問題為主，無綫決定打造「香港3部曲」，首輯講買樓問題，續集將會講失業，第3輯則會關於飲食，暫定每輯為12至15集，於今年第2季開拍。續集以失業為主題，內容環繞疫情後年輕人不單止無錢「上車」，更要面對冇工開手停口停，劇中角色為生活不惜豁出去，貼地之餘還帶煽情！相信觀眾都期待為「搞嘢」由時鐘酒店「大戰」到太空艙的龔嘉欣與羅天宇，在新一輯可以去到幾盡。

去年有4劇播出的嘉欣，憑《殺手》衝擊視后，加上《愛》劇「戲」勢如虹下開續集，她受訪時坦言開心：「作為演員，第一輯有咁好嘅成績，當然開心！自己對班底、監製同公司嘅創作都好信任，所以都好期待！（氣勢咁勁，分分鐘助你今年贏埋視后？）係嘅咩？舊年我有4套劇集出街已經好開心，最滿足係觀眾鍾意我演嘅角色，對自己嘅期望都會更加高，以後一定要做得更加好。」

至於男主角羅天宇被問到將開續集，他說：「如果係真嘅梗係開心啦！我都好心急想知道之後劇本係點樣行，每一個角色感情、事業會發展成點。如果再拍，我會更加做足準備，希望比之前做得更好，唔想令大家失望。」目前正忙拍另一新劇的監製林肯，談及《愛》開續集時說：「細節我哋都仲未認真去傾，觀眾之前反應咁好當然開心，希望之後唔同嘅題材，大家都會一樣鍾意。」

 

lily123

(on.cc)
游嘉欣望原班底再做一家人

藝人謝東閔（Brian）憑劇集《香港愛情故事》、《殺手》及《使徒行者3》角逐台慶頒獎禮的「飛躍進步男藝員」，還憑《殺手》角逐「最佳男配角」。他在《愛》劇中與王敏奕的床戲甚有話題，讓觀眾可看到他的另一番演繹，如今該劇打算開拍續集，Brian受訪時說：「呢套劇咁受歡迎真係好開心！有工開自己都開心，希望再可以帶啲貼地嘢畀觀眾，我都希望自己可以貼地啲！（想唔想咁多床戲？）如果係都唔拘嘅，冇乜所謂，最緊要出嚟效果好。」

因《愛》劇而令觀眾認識的游嘉欣，受訪時表示未收到消息：「續集？如果係真就好啦！拍一季絕對唔夠！我好鍾意劇入面個組合，大家真係好似一家人，好想原班底再合作。（驚唔驚再有吻戲？）自從試過之後，就已經冇嘢再驚。」