TVB藝人合約事件簿 (2021)

ching2506

(on.cc)
獲林作介紹5位數筍工　「東涌羅浩楷」已簽約無綫
07月03日(六) 19:21

本屆落選港姐「東涌羅浩楷」利愛安（Kirsten）獲林作介紹，以5位數擔任社交平台的廣告工作，她以吊帶連身裙上陣拍攝，首次拍廣告的她表示對酬勞感滿意。至於林作也會在廣告中現身，不過2人合照時就略顯生硬，今次是她與林作第2次見面，她大讚對方：「佢個人好貼地，好風趣又有魅力，同識佢之前嘅印象好唔同。」她又指希望廣告陸續有來，最想拍洗頭水廣告，自言不介意性感上陣，行泳衣騷也可以。

另外，Kirsten透露已簽約成為無綫旗下藝人，但哥哥仍然是她的經理人：「酬勞好好，但暫時未有工作安排，我希望可以唱歌同演戲，我依家自學廣東話，跟哥哥同上網睇片學。（公司有冇叫你減肥？）冇，叫我保持呢個外形。」

而林作就讚Kirsten喜感好強：「見到佢就會莫名其妙想笑，係女版林作，認真又好笑，界定唔到佢嘅類型。（有冇機會再合作？）今次只係開始。」

講到Kirsten不懂廣東話，難在娛樂圈發展，他就不太認同：「呢個反而可能係佢優勢。電影《破壞之王》入面嘅鍾麗緹都係配音，如果2021年要搵個鍾麗緹進化版，要搵嘅就係Kirsten，依家未必要女神嗰種感覺，依家嘅口味正正係要Kirsten嘅感覺，佢係為時代而生。」對於Kirsten簽約無綫，林作稱自己也鼓勵對方簽，認為對她來說是最好的發展機會及平台，問他會否幫對方練好廣東話？他說：「當年鍾麗緹都得，佢依家都得，佢做好自己就得，繼續講英文，唔好暴露自己缺點。」

lily123

(on.cc)
劉思希公布噩耗　甘草演員夏玉麟今病逝
07月07日(三) 18:13

甘草演員夏玉麟2018年患上肺癌，當時已是第4期，而癌細胞已經擴散，要定期食標靶藥，因醫藥費龐大，要靠綜援度日，而他患病後慘遭親友離棄。
曾為夏玉麟眾籌醫病的劉思希，今日（7日）在社交網公布噩耗，她上載蠟燭照悼念並留言：「夏玉麟先生已於今早8時50分安詳離世，衷心感謝所有熱心朋友在他患病期間一直給予他的關懷及幫助，他在最後的日子中，在溫暖和愛中離世，祝願大家保重，特此公布。」
對於夏玉麟離世感到難過，劉思希受訪時表示：「佢兩個星期前仆親，情況較嚴重，治療後反反覆覆未見好轉，最後幾天陷入昏迷狀態。前幾日佢昏迷，我哋都估到，但係可能對佢係一種解脫，因為佢最後階段癌細胞入骨，發作時真係好痛，昏迷可能減輕佢一啲痛楚。」她又指夏玉麟的堂弟將為他安排後事。
夏玉麟於1976年報讀第一屆麗的電視藝員訓練班，張國榮是同班同學，夏玉麟曾演出不少作品。後期他加入無綫，曾參演《法證先鋒II》、《烈火雄心3》、《On Call 36小時》等。

ching2506

(on.cc)
樂易玲爆炎明熹已簽無綫長約　粉碎Foul出三甲傳聞
07月09日(五)
18:18更新17:59建立

無綫歌唱節目《聲夢傳奇》進入白熱化階段，炎明熹（Gigi）、姚焯菲和鍾柔美勢均力敵，鬥得相當激烈。不過一直於網民心目中是大熱的Gigi日前被傳因她不肯與無綫簽約，故將三甲不入！但原來Gigi於比賽開始前，已跟無綫簽了一段很長的合約，對此，無綫高層樂易玲接受東網訪問時，表示參賽者比賽前已跟無綫簽約，問到是否5年時，她說：「簽咗好長，年期唔透露喇！」

問為何會傳出此消息及有否親自接見炎明熹，她謂：「見過，其實呢班學員正式受訓前，已經全部簽咗一份好長嘅合約，年期幾耐唔講，係全經理人合約加埋星夢唱片公司合約，佢哋個個都好專業，好有鬥心，呢班小朋友個個都讀緊書，訓練得好嚴謹，初時我哋都有啲擔心佢哋可唔可以捱得住，佢哋比賽、訓練之餘，日日都要返學，自己另外又會搵導師練歌，成個聲夢團隊，就連李克勤都好緊張，一有時間就睇佢哋練歌，個個變咗呢個大家庭成員咁。」

lily123

(on.cc)
身價曝光︱陳展鵬傳扭計要求加薪　被無綫減戲份懲罰
07月18日(日) 18:25

無綫視帝陳展鵬早前憑《逆天奇案》贏盡口碑及收視，令他人氣急升，更成為無綫新一代「收視福將」，不過近日有消息指他年底約滿，有傳他跟公司傾談續約時，有感要照顧患病的母親，加上家中添新成員後開支大增，逐要求加人工，每集酬勞要跟另一視帝黎耀祥睇齊，無綫對此未有答允，還將他在新劇《隱形戰隊》及《童時愛上你》的戲份大減以作懲罰，展鵬無計可施下無奈就範，更指他的年薪約500萬元。

對有關傳言，展鵬統統否認：「嘩！呢個價位（500萬）真係好可觀喎！雖然我份約未到，但係如果底薪係咁，唔好話逆市，就算最旺嗰陣呢個價都簽得過啦！仲話要加薪？冇可能啩！依家各行各業都喺冰點之中，係咪要同公司一齊過度艱難期呢？仲敢有人爭取多啲人工？係嘅話呢個人一定好有才華，但我自問唔係咁有才華嘅人囉！如果真係呢個價錢，我簽10年，年薪底薪Over再計，簽15年都OK呀，幾可觀呀！」而高層曾勵珍對於有指展鵬扭計、推劇，得罪高層一事，她謂：「絕對是謠言！做乜無端端會得罪公司？」

lily123

(HK01)
獨家｜息影13年　伍文生回巢TVB入兒童節目：有3個小朋友要供養！
撰文：
秦志鴻
出版：2021-07-23 00:00
更新：2021-07-23 00:00

最近由於翡翠台深宵劇場播放《阿Sir早晨》（1994年），於2008年離巢的伍文生又再次亮相TVB電視畫面，令不少觀眾非常懷念！但是，相信觀眾亦不需再等「重播」才能見到伍文生，因為伍文生正式復出幕前，最近更與TVB簽約回巢，他受訪時表示：「咁啱就係7月1日回歸嗰日！返到嚟見到TVB好咗好多，起碼有間便利店！同埋啲以前用開我嘅監製喺電視城見到我都嚇親，仲即時問我要唔要入劇組，好有親切感。」

伍文生在2005年與圈外女友結婚後一度移居澳洲，回流香港後開始密謀轉行，向岳父拜師學藝進軍飲食界，並於2014年開設蛋牛治外賣店榮升老闆，現時共有2間分店。與此同時，伍文生亦有擔任餐廳顧問、司儀等工作。至於今次回巢的原因，伍文生表示與王祖藍有關，更透露自己將會主力參與主持及製作兒童節目，問他是否去《Thing Big天地》做大哥？伍文生笑言：「係大哥哥啫，年紀做大嗰個嘛！（即係會主持《Thing Big天地》？）呢個暫時未清楚喎，都係等公司安排。」

其實伍文生的兒童節目經驗相當豐富，由1997年開始，伍文生曾加入當時的兒童節目《閃電傳真機》擔任常駐主持，更加因為「吱吱鼠」一角而為人所熟識。再加上他與太太結婚後共生了三位小朋友，經驗可謂相當豐富！問他今次回巢報酬可觀？伍文生笑言：「人工係比以前高嘅！不過做返幕前都可以帶動到它工作機會，例如廣告呀、司儀呀咁，我仲有三個小朋友要養呀，全部都喺外國讀書，太太都喺嗰邊照顧佢哋。」雖然伍文生「一支公」留港工作對家人非常不捨，但他表示礙於澳洲當地的防疫政策較為嚴僅，所以自己短期內都會繼續留港發展。

lily123

(HK01)
何雁詩宣佈離開12年娘家　跳出舒適圈：明日展開事業新一頁
撰文：張國基
出版：2021-07-26 18:46

何雁詩日前有傳不再與無綫續約，她昨晚出席活動時不置可否，但她今日終於在facebook說再現：「估唔到我人生第一份工一做就做咗12年，由中學畢業到結婚都係係呢間公司渡過！我所有關於呢一個行業嘅知識，都幾乎完全係TVB學習翻嚟！不過，呢個世界係好大架，有好多地方&事情我都仲未見識過同埋需要學習。我都係時候跳出自己嘅comfort zone，去出面嘅世界學習一下。所以呢⋯由明天開始，會展開人生及事業的新一頁啦！」

lily123

(HK01)
Ronny@Mr. 簽約邵氏做黃宗澤師弟　八足咁多爪仲考埋地產經紀牌
撰文：林迅景
出版：2021-07-27 09:30

邵氏兄弟主力中港兩地的電影和合拍劇發展，旗下藝人馬德鐘、黃宗澤、郭晉安、李施嬅、胡定欣、蔡潔、陳瀅等發展也相當不錯。自去年12月開始，原來音樂人，樂隊Mr.的結他手Ronny（黎澤恩）經已加盟成為其中一員，除了在《愛．回家之開心速遞》客串演出外，最近也跨界合作，為日本潮牌設計Tee Shirt。

Ronny受訪時笑言，自己除結他手身份之外，最近還考獲了地產經紀牌、健身教練牌、保險經紀牌，真的是「八足咁多爪」，同時他也表示，Tee Shirt的靈感正正是來自他的歌曲《等不了》，帶出一種如夢似幻的感覺。

ching2506

(on.cc)
陳山聰秘密轉簽邵氏　博殺兩年賺夠阿仔學費
07月31日(六) 11:03

藝人陳山聰與無綫關係一直良好，多年來都以包薪經理人合約合作，而山聰亦一劇接一劇，不斷挑戰不同角色，演技及成績有目共睹，公司亦相當重用他。現時正忙於為無綫新劇《隱形戰隊》的他，原來已秘密地轉投「邵氏」公司，正式簽約為旗下藝人。

而「邵氏兄弟國際影業有很公司」人才濟濟，旗下藝人包括黃宗澤、吳啟華、馬德鐘、郭晉安、胡定欣、李施嬅、方力申、伍詠薇、梁競徽、胡鴻鈞、高鈞賢等等。山聰接受東訪問時坦言：「係呀！簽咗邵氏經理人合約，阿仔過多2年就要讀書，要為家庭努力，好好把握呢幾年時間，努力為屋企拚搏，我依家都仲係無綫合約藝人，只不過係Management轉咗啫，TVB嘅劇都會仍然拍，希望簽咗邵氏之後可以有更多唔同發展空間，多啲新嘅衝擊。」

ching2506

(星島日報)
「佛祖」利愛安示範廣東話變爆粗
2021-08-04 00:00

曾在港姐首輪面試中現身、有「佛祖」及「東涌羅浩楷」之稱的利愛安（Kirsten），雖然最終未能入圍港姐，但經過林作「抽水」加持成為一時熱話！熱愛唱歌的她，最近以藝名Lenar Bata推出EP碟後即被TVB睇中，已簽約3年，而且更會加入處境劇《愛．回家之開心速遞》，實行歌視雙棲發展！

今年22歲的Kirsten，擁有中國、菲律賓及西班牙血統，自小夢想就是參選港姐。在港姐首輪面試時，她自爆來自東涌，加上天生佛相令人留下深刻印象，事後再經林作網上加持，更令Kirsten成為熱話！

Kirsten「佛氣逼人」，加上有喜感，又能歌善舞，TVB當然迅即加以聯絡，希望率先簽對方做旗下藝人，不過Kirsten年紀尚輕，加上還未完成學業，TVB遂特別安排先簽下一年一騷合約，據知每個騷為1,000元，亦特許Kirsten繼續歌唱事業和由哥哥擔任經理人繼續接job，給予十足的空間。Kirsten興奮表示：「幾個星期前，我終於同TVB簽約，最初佢哋打電話俾我哥哥，起初我哋都以為搞錯，以為對方係打錯電話，之後我哋同TVB見咗第一次面，第二日就簽約，本來我同哥哥都有商量同埋考慮係咪應該簽約，但因為TVB好尊重我哋，繼續畀我哥哥做我經理人，我哋就決定簽！」

早前黃建東在社交平台上載了一張和Kirsten合照，除了大讚對方甜美外，更留言歡迎對方加入《愛．回家》，雖然Kisten尚未收到通知，但《愛回家》監製林建祥接受傳媒訪問時，已坦承Kirsten和港姐冠軍謝嘉怡都即將加入劇組，目的是希望加入新面孔測試觀眾反應，監製更表示不介意兩人廣東話差，認為這次機會對她們是一個很好的學習機會。Kirsten得知自己會加入劇組，當然抓緊時間惡補廣東話，她說：「佢哋只係同我講會有演戲同埋拍劇機會，我係有聽過有機會加入《愛．回家》，不過現時仍未開始拍，好興奮有機會加入呢個大家庭。我有上網睇過啲片，我希望為試鏡做最好嘅準備，我有盡力去理解成個故事，雖然都會睇到好迷失，我掛住睇佢哋演戲，有時會唔記得咗睇啲中文字幕，乜嘢角色我都唔介意，醜角都唔介意！」直言不懂廣東話的Kirsten，已經不斷上網睇片學習中文，又會抄筆記，當記者要求Kirsten示範幾句已學的廣東話，她搞笑地表示自己沒有帶筆記在身，又笑指中學時有聽同學經常說一句話，隨即爆肚說了一句粗口，場面搞笑！

哥哥不但擔任Kirsten的經理人，更兼任她的新碟監製，他們在家中籌備和錄音半年，終於在七月頭以藝名Lenar Bata推出EP碟《Dear Diary》，獲得不少網民大讚聲音甜美。訪問當日，Kirsten特別到監製Anthony鄭汝森的錄音室，重新灌錄自己EP中最喜愛的歌曲《Dear Diary》，平日只是在家錄歌的她，首次踏入專業錄音室，表現得相當興奮，Kirsten十分專業，兩Take搞掂，監製大讚Kirsten靚聲，又指她和哥哥炮製的原唱歌曲旋律動人。Kirsten：「我錄音都好睇感覺，呢隻碟有啲歌一日就搞掂，有啲就要錄兩三日，今次反應好好，未來會繼續出歌，唔會放棄！今日真係好開心，第一次嘅經驗，期待可以快啲有機會同監製Anthony合作！」

lily123

(HK01)
「艾粒」少爺占、Donald雙雙離開TVB　已被官網剔出藝人名單
撰文：陳栢宇 出版：2021-08-06 19:00

二人DJ組合ILUB（艾粒）成員少爺占（甄子康）和Donald（當奴、唐劍康）曾為無綫（TVB）參與過多套無綫（TVB）綜藝節目，包括《逐格鬥》、《阿笨與阿占》以及最新的《大整蠱》，套套深受觀眾歡迎，不過近日卻有消息傳出，他們已經離開效力多年的TVB，而TVB和邵氏兄弟官方網站顯示的男藝員列表，亦已經移除了兩人的資料。