TVB藝人合約事件簿 (2021)

lily123

(on.cc)
張明偉自嘲被「雪藏」：今日出嚟溶雪！
09月30日(四) 18:01

早前透露將離開劇集《愛．回家之開心速遞》的藝人張明偉，今日（30日）出席活動，見他心情十分佻脫輕鬆，自稱今日走出雪櫃，暗示正被「雪藏」，他自爆將離開無綫，但與公司還有幾個月約，今日是朋友邀請出席活動，他說：「今日好似雪櫃走出嚟，做吓嘢，見我喺度跳跳吓，要溶吓雪。」透露有其他公司向他招手過檔，但坦言十畫未有一撇，暫尚未知會否外闖，會聽候公司發落。

他透露未來希望向音樂方面發展，本身有組樂隊Charming Way的他指原本以唱英文歌為主，但現在聽取民意會創作中文歌。問到是否想競逐下年樂壇新人？他笑言真有此想法，會趕快在雪櫃冰天雪地下作歌，家人亦支持他每個決定。至於《愛》劇10月2日會播他最後一集的戲份，至於角色的去向，他叫大家拭目以待。

另外，他在社交網上載半裸身在雪櫃的照片，留言：「入咗雪櫃成個月，比我想像中更加冰凍JESUS。」

ching2506

(HK01)
愛回家｜49歲「細力」秦啟維獲珍姐賞識提早加簽：有人工加好開心
撰文：黃欣華
出版：2021-10-04 07:00
更新：2021-10-04 11:53

現年49歲亞視出身的秦啟維自從2015年轉投TVB後，擔任娛樂新聞台的主播，並開始參與劇集拍攝。秦啟維除了在處境喜劇《愛·回家之開心速遞》中飾演細力一角有固定演出外，並接連參與劇集的拍攝，不少角色都令觀眾留下深刻印象。最近，他在Facebook講道：「我有很多不足，但我演每一（場）戲真的好有心機，從來沒有hea 做，我沒有知名度，但我真的認真對每一場戲，謝謝每一位朋友，同學，同事，還有上天嫲嫲。」，令不少粉絲擔心。

秦啟維接受《香港01》訪問時就透露在朋友的聚會中，聽到一些說話，心感自己知名度不足而有感而發，並未被人攻擊或受到挫折，他更趁機公開一個好消息：「放心，其實呢排發展都比較順利，而且公司啱啱同我加簽到2024年都好感恩。（有冇人工加？）有呀，其實公司舊年啱啱先同我簽完，今年再renew份約而且有人工加都好開心，聽講係珍姐（曾勵珍）嘅意思，好多謝佢。 」秦啟維更視廖啟智為目標 ：「一直都無諗過做主角，反而一直視智叔為目標，做每個角色都好有層次，之前成日同佢做訪問，佢都同我講好多嘢又會叫我去爭取。」

秦啟維近年劇接劇，機會不斷。在剛播完的《智能愛人》中，飾演關楚耀的死黨，即奇點創辦人之一的Cook，結局是從高處墮下後失常；在近劇《把關者們》又客串出軌老公：「呢排終於冇人叫我『ATV嗰個』或者『TVB嗰個』，反而多人叫返我個名維維同角色名『Cook Sir』同『細力』，喺TVB發展的確好過ATV，人工雖然冇咁高，但機會真係多咗。」

今年年初，秦啟維更投資6位數加盟一間健康食品公司升呢做老闆：「呢間公司都有30、40年歷史，是做活絡油起家，近十年開始專注做健康產品。我喺上年年尾時做代言人，係收友情價，之後投資咗6位數字，公司生意幾好，除咗香港推出產品，都會外銷去世畀各地。（怕唔怕影響演藝工作？）唔怕，兼顧到，雖然我就仲未回本，但都有錢賺。」

lily123

(HK01)
金剛正式回巢TVB孖余思霆拍節目　火藥味濃寸女方「錢多唔憂做」
撰文：黃欣華
出版：2021-10-07 13:45

曾志偉和王祖藍自從今年上任後，先後邀請了不少昔日好友回巢TVB，刺激收視！今年5月，有傳曾志偉將邀請曾一度過檔ViuTV與許婥婷主持飲食節目《掃街達人》的金剛回巢綫拍綜藝節目，當時金剛就未有承認傳聞，然而金剛日前就孖住余思霆在台灣一同拍攝TVB全新工作體驗節目，兩人更會在節目中體驗不同類型的工作，正式宣布回巢！

lily123

(HK01)
男神廚房｜落選港姐簽TVB唔怕捱　「花女」陳聖瑜好有火唔諗轉行
撰文：蘇國豪
出版：2021-10-14 17:15
更新：2021-10-14 17:15

無線（TVB）即將推出全新飲食節目《男神廚房》，今（14日）在電視城進行拜神儀式，除了有主持人鄭裕玲（Do姐）、王菀之、何廣沛現身之外，還有三位靚女助手出席，她們就是今屆港姐陳聖瑜（Yvette）、關楓馨（Tiffany）同葉靖儀（Michelle），她們目前己經同TVB簽了藝人合約，不約而同都表示對演藝工作有興趣。

己同TVB簽了藝人合約的她們，被問到娛樂圈這一行不是這麼容易做，而且起初人工低會好難捱？她們都表示作為新人可以接受，其中Yvette就表示：「一開始做新人，一個新人嘅角色都要慢慢去學習，咁樣我哋慢慢進步先OK。」而Tiffany亦覺得作為新人就是要多點學習，趁這一段時間好好去裝備自己。

既然她們剛簽約不久，再被問到對合約條件滿不滿意時，Michelle就第一個表示：「我覺得呢樣唔係我考慮因素。因為始終自己有心做呢一行，咁條件唔係我太過考慮因素之一。」而在旁的Yvette就認為合約這些東西是有一個演變過程，終會因為成績而有所不同出現效果：「睇我哋做到幾多嘢，好似分數咁去計，做好自己自然有人會見到。」

眼見她們言語間都好喜歡演藝工作，但過去有太多例子有不少藝人因為收入低同未達成自己目標就中途離場。被問到有沒有為自己定下時間目標，Yvette就表示沒有想過放棄：「我想做嘅都冇諗過放棄。都會畀心機去做好每一次拍攝，做好自己希望有好嘅表現。轉唔轉行依家言之尚早，我哋都未知自己表現成點，自己能力範圍做一段時間，努力過先再諗吓呢啲嘢。」而在旁的Tiffany同Michelle都好贊成她的說話，認為新人就是要作出嘗試，目前只要做好自己就可。

ching2506

(on.cc)
新劇被劉穎鏇「爬頭」！王君馨不滿變蛋散心淡劈炮
10月24日(日) 00:01

無綫花旦王君馨近日疑不滿在新劇《超能使者》的宣傳片及海報被忽視，排位不及小花劉穎鏇，她向公司「投訴」後未獲回應，加上與無綫傾續約時不咬弦，有感被冷待。繼缺席公司節目巡禮後，她再將行動升級，決定劈炮離巢，與無綫結束14年賓主關係！

現年35歲的王君馨，2007當選港姐亞軍，卸任後轉戰演戲，由花瓶角色躍升至無綫花旦之列，還染指樂壇，早前又擔任跳舞真人騷導師，可謂百足咁多爪。雖然最愛還是演戲，但近年所接的劇集角色未見發揮空間，她與無綫傾續約時，要求未得到配合，而稍後推出的新劇海報及宣傳片中，她有見排位竟不及「師妹」劉穎鏇，曾向公司反映，惟不獲理會，不受重視的她萌生向外闖的念頭。

發火辭演新劇

君馨有份參演的新劇《超能使者》宣傳片日前曝光，但片中她竟然只得揸槍鏡頭，手槍更遮住其樣貌，一不留神或未能發現她的存在！反而小花劉穎鏇頻頻登場，加上一身性感造型，比起「女一」詩詠還要搶鏡！不僅如此，該劇的宣傳海報中，劉穎鏇與詩詠、陳展鵬及陳山聰站在前排，君馨卻只在後排位置，相片比例小而且不顯眼，她內心當然不好受。

《超》劇是《城寨英雄》同一班底，只是女主角由胡定欣變成詩詠，打得出色的君馨當年憑「花曼」一角成功上位，後來更勇奪「最受歡迎電視女角色」，認為自己在《超》劇應備受重視，故曾就海報排位問題向監製文偉鴻及公司反映，惟情況未見改善，令她有感被公司冷待。《超》劇早前再以同樣班底開拍《隱形戰隊》，起初亦有安排君馨參演，惟有指她嫌戲份不突出而推卻，角色最終落在劉佩玥手上。

節目巡禮冇影

上述種種事件令君馨重新思考去向，眼見身邊好友鍾嘉欣、岑麗香及苟芸慧等雖然先後離開娘家無綫，但發展尚算不錯，「回歸」拍劇同樣可以做女主角，反觀其事業卻一直未能更上一層樓，所以她決定放手一博向外闖！大抵是有了新目標，前晚（22日）無綫舉行節目巡禮，她一於No show，上位的劉穎鏇則以性感姿態亮相。

監製認鏡頭少
東網昨日（23日）就續約一事求證，君馨笑說：「大家想像力豐富啫，我好好。因為要離港拍劇，準備緊隔離嘅嘢先冇去節目巡禮。（係咪唔滿意喺《超》劇海報個樣好細？）其實大細唔緊要，對我嚟講每一個人都好畀心機去演，所以比較緊張觀眾反應，希望收視爆燈開續集。」

至於被指風頭蓋過君馨的劉穎鏇，表示對傳聞不作評論，但力撐對方戲份不少：「條宣傳片係打鬥場面多啲啫。（傳佢唔續約？）真係唔知，只係聽講佢想放多啲心機喺跳舞同唱歌上，想努力做多啲作品。」對於有指君馨不滿宣傳片及海報被冷待，《超》劇監製文偉鴻指對方未曾向他反映，更說：「宣傳片佢少鏡頭，係因為佢個角色身份好神秘。（佢唔滿意《隱》劇角色，所以推咗套劇？）冇，本身都冇安排佢參與。」

ching2506

(on.cc)
做完女一入雪櫃！鄧佩儀10個月冇劇拍執包袱返加國
10月27日(三) 00:01

前華姐冠軍鄧佩儀在台慶劇《換命真相》中首度擔正做女主角，去年拍攝期間已傳出她難抵壓力，表現失準頻NG，開工10多日已辣㷫「好好先生」張頴康，更因而鬧不和！劇集去年煞科後，本已上位做「女一」的她，離奇地由備受力捧變成投閒置散，至今10個月一直沒有劇拍，連被視為力捧指數、日前舉行的無綫節目巡禮也冇影！

有性格拒聽意見
《換》劇近日出街，觀眾焦點落在男主角譚俊彥身上，鄧佩儀的表現未見太大回響。被送入「雪櫃」的她，除被彈演技平平、未夠班做「女一」外，據悉真正「死因」是開工期間麻煩多多！原來外表溫文的她，實質相當有性格，但往往過於堅持己見，對拍檔甚至導演的意見也充耳不聞。

開工時未知是否壓力太大，她不時擺出「生人勿近」的樣子，獨自匿在一旁不與對手溝通，令人覺得難相處。幕後工作人員亦對她有微言，因為愛整潔的她一向親自化妝，對於拍劇要用公家化妝品相當抗拒，導致出現摩擦，種種負評令她「一劇玩完」，拍畢《換》劇後便再沒戲劇監製起用她，今年只能偶爾在綜藝節目中亮相。

勇奪《2013年度國際中華小姐競選》冠軍入行的鄧佩儀，當年隻身由加拿大來港發展，一直獲無綫栽培，出道作已獲安排在黃宗澤主演的《點金勝手》演出，拍過《金宵大廈》、《機場特警》及《降魔的2.0》等十多套劇集。談及10個月冇劇拍，她說：「因為呢一年有啲事要做，但暫時唔講得住。」又坦言即將離港：「可以問工作人員，我哋合作得好愉快，本來有個監製準備開劇想用我，但我要返加拿大陪家人，所以接唔到。」並預告將放一個「悠長假期」：「呢次會探耐啲，因為工作同疫情關係，已經4年冇見家人。」

lily123

(HK01)
《東張西望》主持黃穎君突然宣布離巢　為中大碩士生轉打政府工
撰文：黃欣華
出版：2021-12-08 14:33
更新：2021-12-08 14:49

現年33歲的《東張西望》主持黃穎君最近勇闖大埔富亨邨「曱甴屋」，獲網民讚專業和勇敢，更被封「東張女勇士」。人氣急升的她突然在IG宣布離巢TVB，並留言：「怎料到有一天，我也會派散水餅，給這段美好回憶劃上完美的句號。」，令不少粉絲都驚訝不已。

黃穎君參選《2012年度香港小姐競選》後入行，由於樣貌被指與藝人謝安琪相似而備受關注，她除了是《東張西望》外景主持之一，她更曾因在《降魔的》裡飾演「龍貓嫂」而受到注目。有消息指，黃穎君已獲聘為民政事務局媒體主任，昨日(7日)已正式上班，月薪為$67,595。對此，黃穎君接受《香港01》訪問時就講道：「我去面試嘅時候，勝算都唔係好大，始終都未做過咁大型嘅機構，所以都好開心有呢次機會，用另一個崗位同角色繼續去關注我哋個社會。當時面試都好大壓力，我都溫咗好耐書，所以一路都冇講道，令好多朋友都覺得好突然。」

值得一提的是，黃穎君絕對是一名才女，她本身是香港大學（教育學士）及中文大學（社會學文學碩士），她更曾推出散文集《曾幾何時》和集《未見》。問到她入行10年，有沒有不捨時，她稱：「又唔會好唔捨得，都做咗接近十年，好多謝TVB畀咗個好老公我，同埋《東張》畀咗份使命感我，令我更加關注社會同生活嘅地方。」而她的老公正是J2節目《後生仔傾吓偈》的監製丘一峯。她又憶起當初入行的原因：「喺讀大學嘅某一日，屋企人打畀我話因生意失敗欠債，連交學費亦出現問題，但以我當時嘅收入，要幫忙還債同交學費係有一定難度。」為幫家人扛下債務，黃穎君毅然加入演藝圈，並曾最高峰時打5份工。

lily123

(on.cc)
羅浩銘離開TVB為求跨出舒適圈：返嚟實有劇搵我
12月10日(五) 09:02

早前Anson Lo主演電影《假冒女團》擔任武指的羅浩銘（Ken），在TVB默默耕耘10年，之前更獲頒長期服務獎，多年來都會為慈善大騷《歡樂滿東華》出力的他，今年更被委以重任，將負責其中一項重頭表演，一支公玩齊爆破、飛車兼火燒，日前，他綵排「火燒」環節，在腳上點火然後踢板，踢完之後要靠自己的腳風「撲熄」火，見到都覺得牙煙！Ken亦直言今次練習時間不多，所以好考功夫，他謂：「因為之前一直忙拍電影《裡應外合》同劇集《隱形戰隊》，所以呢次表演都好靠基本功。（今次係咪好有難度？）今次嘅難處係因為喺室內，好難得先可以說服到畀我喺室內做呢啲危險動作，控制時間每一秒都要好準，計算其他人的配合，任何一方搞錯也很危險，特別有咁多現場觀眾。

效力TVB足足10年，估不到今次亦是Ken最後一次為東華表演和做動作設計，因他已決定離開TVB！Ken謂：「真係好唔捨得！（離開原因？）主要係因為喺TVB太安然，我冇嘢做就返TVB，一返實會有好多劇搵我，但係角色變化唔大，一般都是紀律部隊或者拳手、流氓，2021年係一個轉捩點，多咗好多人搵我演唔同嘅角色，亦多咗好多人請我擔任動作設計，所以決定放手一搏離開Comfort zone，說實話真係好唔捨得，過去10年喺呢度識咗好多台前幕後嘅朋友，有好多回憶，我亦學咗好多嘢，不過，離開係為走更遠嘅路，逼自己冒險一下。」

lily123

(on.cc)
正式離巢無綫！王君馨戴四方帽宣布「畢業」
12月18日(六)
12:10更新
11:44建立

藝人王君馨早前傳出不滿新劇《超能使者》宣傳片及海報被忽視，輸畀同劇劉穎鏇，加上無綫傾續約時不咬弦，有感被冷待，當時已傳出劈炮離巢。

今晨（18號）王君馨於社交網宣布正式與無綫結束14年賓主關係，佢晒出一張戴上四方帽及身穿畢業袍並於無綫55周年布景板前嘅相片，留言：「我畢業啦！」2007年參選港姐奪得亞軍入行嘅佢，直言感覺似一間由BB班讀到高中學校，選美、主持、司儀到演戲生涯，感恩有唔同嘅經歷，又指對唱歌、跳舞及演戲嘅熱誠難以三揀一，全部都獲得滿足感。

之後又逐一答謝每位同事及工作人員，尤其經理人、監製同導演，給予演出機會，最後留言：「我第一日入行就係21歲嘅生日5月5號。今日最後一日亦都有呢個邁向55周年嘅里程碑俾我。It’s been a great journey here and I wouldn’t have changed it for anything because it made me into the person I am today! Thank you TVB!」

lily123

(HK01)
開心速遞丨劉丹證實曹總離巢 期待對方再回歸：養好身體再搏
撰文：賴家杰
出版：2021-12-21 22:30
更新：2021-12-21 22:30

劉丹（丹爺）今天（21日）出席《愛·回家之開心速遞》之「喜慶過冬至」的宣傳活動。俗語有云「冬大過年」，因此丹爺非常重視這個日子，他接受《香港01》訪問時說：「呢個大節嚟，所以一定要早少少返屋企，一家人開開心心食餐飯。」

今年冬至除了和孫女「小糯米」一起聚餐之外，兒子劉愷威也特意從內地回港一起渡過冬至，丹爺說：「佢早成一個月已經返嚟，佢諗住過冬至過埋年先安排工作。因為佢一年到尾好辛苦，又見唔到屋企人，所以特登安排呢個時間返嚟，之後再返去做嘢。」

至於兒子每次回港，丹爺透露孫女看見爸爸一定會會非常「嗲」他：「佢見到佢爸爸就唔會嗲我，因為孫女見到佢就成日痴住佢。（有冇呷醋）咁又冇。」

另外劇中由劉一飛飾演的曹總大受歡迎，不過最近有網民發現他的配音藝員資料已經在無綫藝人網頁被刪除。據知，劉一飛與TVB已經完約，意味着曹總的角色可能不會再出現，亦有傳他的身體抱恙。丹爺表示得知這消息：「聽講最近佢有少少病痛，想休息下，都啱嘅，養好身體再搏。我都有透過公司了解佢，公司話好似冇咩，幾好，自己要休息。」丹爺直言雖然曹總戲份不多，但比起其他人他是更辛苦，「佢啲對白要講廣東話已經要攞佢命，佢真係好勤力拎劇本讀。覺得唔啱就會係咁問人點讀，感覺到佢記對白比我哋仲辛苦。」