TVB 剧集情报社 - tvbfiles.com

 找回密码
 立即注册
搜索
楼主: ching2506

TVB藝人合約事件簿 (2021)

[复制链接]

66

主题

3069

帖子

8008

积分

超级版主

Rank: 15Rank: 15Rank: 15Rank: 15Rank: 15

积分
8008

热心会员突出贡献优秀版主论坛元老

 楼主| 发表于 2021-1-19 16:50:25 | 显示全部楼层
(on.cc)
爆黃心穎想復出 樂易玲:要睇其他人接唔接受
01月19日(二) 15:36

無綫高層樂易玲出席開幕禮,問到最近有否跟黃心穎聯絡?她坦言一直都有保持聯絡,上星期還相約一起食早餐。問到心穎現時心情如何?她表示:「都OK㗎!咁耐冇見食吓早餐、傾吓偈、關心吓佢,覺得佢開心嘅,有好多朋友關心,佢話有做運動,見到佢都好Fit。」

樂易玲大爆心穎有提出回歸幕前意向:「今次佢真係有講,大家商量吓,佢咁後生,諗吓將來有啲咩機會。(繼續喺呢行發展?)大家冇深入去傾呢件事,唔想畀壓力佢,反而嗰日食到臨尾我都有問佢有咩打算、考慮留抑或離開,我唔係講緊TVB,我係講香港、娛樂圈,佢都話會返去認真諗吓。」問到有否給予對方更多意見?她續說心穎至今仍然是無綫藝人、簽下長合約,若然決定離開亦要同公司處理合約問題:「希望佢唔係意氣用事,之後會再約佢。」另外,她提到心穎還有人工未取,下次可能帶給對方!

有傳心穎有8年綁死長約,樂易玲代為澄清:「當時佢係公司力捧嘅一批花旦之一,都簽咗好耐,冇數過幾多年,但一定唔會少過嗰個數(8年)。 (如果佢要走就賠錢?)唔會,我覺得唔係錢嘅問題,佢又唔係跳槽。」問到如果心穎最後決定留低,公司會再給她機會?她欲言又止:「呢啲唔係咁主觀佢話想就想,都要睇佢出嚟其他人會唔會接受,唔接受又冇理由行出嚟畀人講。」
回复

使用道具 举报

54

主题

1557

帖子

4226

积分

版主

Rank: 10Rank: 10Rank: 10

积分
4226

活跃会员推广达人优秀版主

发表于 2021-1-21 18:08:12 | 显示全部楼层
(on.cc)
TVB綠葉湯俊明再次離巢 曾經轉行裝修維生

曾參無綫劇集《大帥哥》、《木棘証人》、《金宵大廈》的綠葉藝人湯俊明,透過社交透露離開任職4年多的無綫,並有感而發表示:「4年多前回來TVB,今日正式又再離開了,謝謝這4年用過我的監製,還有謝謝所有合作過的導演、PA、演員和所有幕後的同事,最後,這4年過真的得很開心,謝謝TVB,再見。」不過未有透露原因和往後的去向。人緣甚好的他,獲曾合作過的張振朗、徐榮、蔡思貝和張達倫等人留言送上祝福。

湯俊明1993年報讀藝訓班,畢業後正式入行。雖拍攝過不少劇集但未見突破,2013年便轉投香港電視,雖曾拍攝過不少劇集,惜最終因公司牌照問題需要離開,並轉行裝修工作。及至2016年回巢無綫效力。

回复

使用道具 举报

54

主题

1557

帖子

4226

积分

版主

Rank: 10Rank: 10Rank: 10

积分
4226

活跃会员推广达人优秀版主

发表于 2021-1-23 15:12:31 | 显示全部楼层
(HK01)
梁舜燕孫仔阮浩棕殺入《愛.回家》 獲兩大高層加金牌監製護航

有「星三代」之稱嘅阮浩棕(Nicholas),嫲嫲乃已故資深女星梁舜燕,父親阮惠源則為前亞洲監製,畢業後未有投身銀行界,反而因報讀了無綫電視藝員訓練班而入行。於2017年離巢北上嘅阮浩棕,去年回流香港並加入邵氏兄弟,早前獲安排出演《愛.回家之開心速遞》,飾演「米剛」追求熊家乖乖女「熊心如」(蘇韻姿飾)。《愛.回家》長播長有,如果阮浩棕成功入組,無疑係好事,不過他接受《香港01》訪問時,就透露暫時只係拍咗一集,未知其角色會否成為固定系列。「好多人都唔知我係咩演員,所以公司畀我試一試,再睇觀眾反應如何,但如果可以做到固定都係好事,畢竟劇集咁受歡迎。」

阮浩棕表示早年北上是因為約滿後,一直考慮自己的出路。「其實係做得開心,但都諗到底應唔應該繼續。當時亦有諗爸爸喺內地工作多年,我係咪可以趁佢仲未退休,帶我見識更多唔同嘅文化呢?」阮浩棕在內地兩年拍過《招搖》、《七劍下天山之修羅眼》及《狄仁傑探案之天煞孤鸞》等劇集及電影。去年回流香港,他說除了是因為疫情之外,最大原因是無綫監製王心慰(Amy姐):「因為Amy姐覺得我好適合《我家無難事》嘅一個角色,問我有冇興趣,Amy姐之前作品同成績都係有目共睹,能夠呢個機會係完全唔需要有任何嘅考慮;另外亦都好多謝樂小姐,因為佢簽我去邵氏,最後亦好感謝珍姐,因為佢令我有機會嘗試唔同嘅角色。」

有監製以及兩大高層「護航」,阮浩棕真係不愁無嘢撈,而為了充實自己,除了買大量演技書籍之外,他有不時向前輩請教。對於「星三代」稱號,阮浩棕表示剛入行時,因為怕影響了嫲嫲的名譽,所以曾經感到壓力,但後來才發現自己想得太多。「原來只要盡力做好本份就可以,希望嫲嫲好快可以喺天上見到我嘅成績。」

回复

使用道具 举报

54

主题

1557

帖子

4226

积分

版主

Rank: 10Rank: 10Rank: 10

积分
4226

活跃会员推广达人优秀版主

发表于 2021-2-6 11:15:18 | 显示全部楼层
(on.cc)
譚炳文愛女血流披面嚇親人 譚淑瑩簽無綫做藝人
02月06日(六) 09:09

已故藝人譚炳文愛女譚淑瑩,受父親耳濡目染而愛上幕前演出,在父親點名安排下,曾跟粵曲導師黃綺雯學唱歌外,還愛演戲,但為人低調的她,過去多年只以玩票性質做特約演員,參演無綫《愛.回家之開心速遞》一些小角色,一嘗戲癮。

譚淑瑩自父親譚炳文去世後,無綫亦對這名「星二代」有興趣而主動招手,希望瑩瑩簽約成為旗下正式藝人。本身任職航空公司內部工作的瑩瑩,近年因為疫情而返工日子不多,才有機會考慮這份全職演員工作,日前她更為無綫新劇《拳王》拍外景,演出一場意外反車場面,抱着兒子演戲的她,「血流披面」造型頗為嚇人,她受訪笑言:「拍戲真係唔易,抱住個小朋友幾個鐘屈喺架車廂內,都辛苦!(改簽藝員約有乜唔同?)之前做特約嘅時間會自由啲,依家就時間長啲,不過會好玩啲,戲都多啲!(人工?)當然有分別,但我都係玩票性質,以前爸爸都有叫我簽,但我嗰時有份正職,但依家因為疫情,唔係日日有工返,所以我就簽嚟玩吓!」
回复

使用道具 举报

66

主题

3069

帖子

8008

积分

超级版主

Rank: 15Rank: 15Rank: 15Rank: 15Rank: 15

积分
8008

热心会员突出贡献优秀版主论坛元老

 楼主| 发表于 2021-2-18 18:44:53 | 显示全部楼层
(HK01)
何哲圖離任 傳愛將鄭俊弘跟住走:多謝佢對我嘅栽培
撰文:林迅景
2021-02-18 18:13

無綫電視人事大執位,曾志偉回歸TVB後,今日(18/02)正式出任副總經理(綜藝、音樂製作及節目),同時掌管綜藝節目以及音樂業務,而本身掌管音樂業務的星夢娛樂行政總裁何哲圖亦於同日宣布離任。一班星夢歌手的去向同時受到關注,未幾,同日又有傳鄭俊弘(Fred)跟隨何哲圖的腳步離巢。

2001年因參加《全球華人新秀歌唱大賽》而入行的鄭俊弘,賽後翌年就轉換了跑道做演員,其後直至參加無綫藝員歌唱比賽節目《星夢傳奇》成為雙料冠軍後,才一夜成名。因為節目《星夢傳奇》的成功,更間接促成了TVB成立自家唱片公司「星夢娛樂」,鄭俊弘更正式加盟成為旗下歌手,並為「星夢娛樂」打頭炮成為公司第一個出唱片及第一個舉行個人演唱會的歌手,由他主唱的《熊貓》、《愛同行》和《炮火》都大受歡迎。

鄭俊弘接受《香港01》訪問時回應了離巢傳聞:「剛剛喺新聞睇到呢個消息。 好多謝Herman(何哲圖)呢幾年對我喺音樂上嘅栽培,衷心希望佢嚟梗會有更好嘅發展。上年尾我同唱片呢邊嘅合約都完咗,所以都係睇新聞先知呢件事。嚟梗新一年我都有新嘅開始,新嘅嘗試,繼續努力做好自己。祝大家新年快樂身體健康。」經理人也表示鄭俊弘現時仍是TVB合約藝員身份。
回复

使用道具 举报

66

主题

3069

帖子

8008

积分

超级版主

Rank: 15Rank: 15Rank: 15Rank: 15Rank: 15

积分
8008

热心会员突出贡献优秀版主论坛元老

 楼主| 发表于 2021-2-19 23:04:27 | 显示全部楼层
(on.cc)
胡鴻鈞約滿星夢盼與何哲圖續前緣
02月19日(五) 23:00

歌手胡鴻鈞兩年前被指激嬲星夢老闆何哲圖(Herman)而遭「雪藏」,「解凍」後總算得老闆撐腰,年初更首奪「最受歡迎男歌星」獎,剛由無綫經理人約轉簽邵氏旗下的他,據知與星夢的唱片約已屆滿,他說:「星夢已經完約,但音樂一路繼續做緊,有新消息再同大家分享。」

對何哲圖於3月離職,他說:「希望Herman會有更好嘅發展,繼續為香港音樂出一分力。(佢會成立自己公司,會再同佢合作?)亦希望嚟緊我哋可以有其他形式嘅合作。」
回复

使用道具 举报

66

主题

3069

帖子

8008

积分

超级版主

Rank: 15Rank: 15Rank: 15Rank: 15Rank: 15

积分
8008

热心会员突出贡献优秀版主论坛元老

 楼主| 发表于 2021-2-22 16:26:01 | 显示全部楼层
(星島即時娛樂)
唔驚被列余黨 施匡翹自爆是曾志偉大粉絲
2021-02-22 14:28

施匡翹為新歌拍MV,預告不會有性感造型,因公司不想她行性感路線,透視已好大尺度;今次邀韓國模特兒當男主角,笑言可以扮韓劇女主角夢想成真。她透露喜歡韓星南柱赫,被對方單眼皮、怕醜及陽光氣迷倒,太型及靚仔反而有點驚。

問到何哲圖離開無綫對她可有影響?施匡翹相信沒影響,音樂方面她簽了臻世娛樂,同時是big big channel旗下藝人。她透露年少是曾志偉的大粉絲,好鍾意看《獎門人》節目,如果可以做一集嘉賓會已覺好幸福。就余詠珊亦失勢,會否擔心被定為「余黨」?她說大家是合作關係,她也期待何哲圖有更多新音樂。至於何哲圖另組公司,她稱未有聯絡,祝對方的音樂及公司都做得好。
回复

使用道具 举报

66

主题

3069

帖子

8008

积分

超级版主

Rank: 15Rank: 15Rank: 15Rank: 15Rank: 15

积分
8008

热心会员突出贡献优秀版主论坛元老

 楼主| 发表于 2021-2-22 22:34:40 | 显示全部楼层
(HK01)
樂易玲證實約見菊梓喬 討論星夢歌手未來工作方向:傾得好好
撰文:邱愛霖
2021-02-22 21:40

無綫(TVB)人事大變天,曾志偉入主TVB和星夢娛樂後,余詠珊被削權轉任助理總經理(業務發展),何哲圖(Herman)亦會離任星夢娛樂行政總裁,本來由何哲圖帶領的一眾星夢歌手未來方向頓成疑問。

今日(22/2)《香港01》收到消息指,無綫助理總經理兼邵氏電影執行董事及總經理樂易玲(樂小姐)近日在電視城約見一班星夢歌手,討論未來工作方向,今日下午已與菊梓喬會面,未來數日亦即將陸續約見吳若希等其他星夢歌手討論相關事宜。據悉,剛與星夢完約的胡鴻鈞亦獲約見。

《香港01》向樂小姐查詢有關消息,她證實近日約見星夢歌手一事,「我陪何生一齊見嘅,傾得好好呀」。至於問會否考慮與菊梓喬和其他星夢歌手重新簽約,樂小姐則指:「菊梓喬在星夢的合約仲有一段長時間,Herman離開不會影響公司旗下的歌手的」。
回复

使用道具 举报

66

主题

3069

帖子

8008

积分

超级版主

Rank: 15Rank: 15Rank: 15Rank: 15Rank: 15

积分
8008

热心会员突出贡献优秀版主论坛元老

 楼主| 发表于 2021-2-22 23:27:00 | 显示全部楼层
(on.cc)
樂易玲約見星夢歌手談去向:傾得好開心
02月22日(一) 23:01更新 22:43建立

無綫人事大變陣,何哲圖(Herman)離任星夢娛樂行政總裁後,一班星夢歌手的未來方向受大家關注,不過,原來何麗全與無綫助理總經理樂易玲都相當關心「公司」的歌手,樂易玲接受東網訪問時,坦言今日與何麗全齊齊約見了JW及胡鴻鈞等,大家傾得相當愉快,有不少更表示希望嚟緊除了唱歌,可以拍多啲無綫劇集。樂小姐謂:「今次主要係我同何生想了解多啲佢哋對音樂上嘅睇法,鍾意啲乜,希望了解佢哋多啲,我哋傾得好開心,佢哋都係公司嘅藝人,我哋會好好珍惜,(咁星夢其他歌手好似菊梓喬、周柏豪等會否約見?)之後都會陸續見埋。」
回复

使用道具 举报

66

主题

3069

帖子

8008

积分

超级版主

Rank: 15Rank: 15Rank: 15Rank: 15Rank: 15

积分
8008

热心会员突出贡献优秀版主论坛元老

 楼主| 发表于 2021-2-23 14:59:02 | 显示全部楼层
(on.cc)
胡鴻鈞自爆同何麗全見面:好緊張好大壓力!
02月23日(二) 14:42

藝人胡鴻鈞(Hubert)在流浮山為無綫新劇《十月初五的月光》拍攝外景。無綫人事大變陣,何哲圖離任星夢娛樂行政總裁,Hubert約滿星夢後,唱片合約回復自由身,他透露昨日與何麗全及無綫助理總經理樂易玲見面,他笑說:「第一次見何生,咁啱主席許濤路過,所以好緊張,好大壓力。我有祝主席新年快樂,佢就祝我身體健康。」

他指已約滿星夢,今次與何麗全見面只是互相了解,未有深入討論發展,但進度理想兼有共識,不過合約問題則交由經理人處理。他又謂不擔心星夢舊拍檔變成「孤兒仔」,相信公司會有安排。問到可有其他唱片公司招手?他說:「OK嘅,自己想搵一間有共同音樂理念嘅公司。(何哲圖話開新公司,有冇搵你?)有傾過可能性,但都係交畀經理人處理啦。」

講到新劇,他指沒有咀戲,而且經驗也不多,又笑言可能是女拍檔拒絕,不過並非怕緋聞女友蔡思貝扭耳仔!講到新年他到蔡思貝親友家拜年,Hubert否認是見家長,只是聚會,也沒有被催婚,大家多關心他的腳傷,媽媽也有幫他攝太歲。
回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2021-10-18 03:56 , Processed in 0.028768 second(s), 18 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表