TVB藝人合約事件簿 (2021)

ching2506

(on.cc)
無綫與三大唱片破冰！林穎彤唔怕競爭大
02月23日(二) 15:55

藝人林穎彤在流浮山為無綫新劇《十月初五的月光》拍攝外景。無綫人事大變陣，何哲圖將離任星夢娛樂行政總裁，旗下歌手未來方向受到關注。身為星夢歌手的Bella表示昨日與何麗全及無綫助理總經理樂易玲見面，她說：「唱片公司老闆轉咗，但係對我哋冇乜影響，都會有唱歌機會，都有表達咗自己嘅意願，希望多方面發展，大家都傾得好開心。」她又指何哲圖公布離職前已經向歌手交代工作安排，稱對未來工作安排沒有影響，故到正式公布也沒有感到突然。

講到有傳星夢歌手將缺席無綫與三大唱片公司明天舉行的「破冰」記招，她則否認說：「星夢歌手會去，但我同胡鴻鈞聽日要開工拍劇就去唔到。」問到可擔心多了三大唱片歌手競爭大？她說：「唔會影響機會，多啲人競爭可以百花齊放，觀眾都想見到多啲歌手喺TVB亮相，所以係開心事。」

lily123

(on.cc)
盛勁為同麥明詩冇可能：日後會避忌啲！
02月23日(二) 20:43

盛勁為（Keith)在無綫節目《衝上雲霄大選》奪得亞軍後，由飛機師變成藝人，晚上為《流行經典50年》表演唱歌。他日前被發現與前港姐麥明詩野餐，他說：「都係即興食啲嘢，傾吓偈，問佢關於TVB嘅嘢。（有冇發展機會？）我睇唔到呢個可能性。（被拒絕？）冇，我冇開過聲。（麥明詩係唔係你鍾意嘅類型？）係做朋友鍾意嘅類型，日後可能都會避忌啲，我都估唔到會畀人影到，都有啲驚訝。」

Keith與無綫簽了經理人合約一個月，講到無綫出現人事變動可擔心發展受影響？他說：「都擔心唔嚟，我係做幕前，管理層變動都管理唔到。」

lily123

(on.cc)
譚嘉儀留喺星夢：冇過檔嘅意向
02月23日(二) 21:15

藝人譚嘉儀、鄭俊弘在將軍澳電視城為主持的節目《流行經典50年》錄影。講到到何哲圖辭任星夢娛樂行政總裁一職，星夢歌手嘉儀表示不擔心會受到公司人事變動影響，覺得最緊要做好自己和做好音樂。

嘉儀透露已與何麗全見面，她說：「何生非常nice、人脈又廣，相信何生能幫助我哋擴大音樂市場。（派定心丸作出一啲保證？）冇，工作都係計畫緊。（何哲圖另組公司有冇搵你傾？）冇，自己亦冇過檔嘅意向，因為仲有合約在身。」

去年約滿星夢的鄭俊弘指無綫仍是他的經理人公司，透露音樂方面正跟其他唱片公司洽談中，但何哲圖沒有斟洽他加盟。問到可擔心多了3大唱片歌手競爭變激烈，獎項也會分薄？他謂今日不知聽日事，待明日記招公布再打算，但對樂壇百花齊放感到開心。

lily123

(on.cc)
轉行做主播　黃婉恩放咗工起人底
02月24日(三) 22:43

落選港姐黃婉恩去年底簽約無綫後，原來已靜悄悄加入娛樂新聞台做主播，她表示雖然之前做銀行也好開心，而且收入穩定，不過因為喜歡演戲，最終還是決定投身演藝界：「做落原來都幾鍾意，有分開廠同外景，頭一個月就以廠景為主，學寫稿、對住鏡頭講嘢，咬字要清晰，所以我覺得我啲廣東話、口才都有進步。」

於英國長大的她，對亞洲藝人不太熟悉，自嘲是做主播的「致命傷」，故將勤補拙，希望能追趕進度：「要做更多嘅功課，返工又會返早啲，放咗工會揀一疊演員嘅名，逐個去查佢哋個背景、新聞、工作，頭1個月係比較辛苦，但對我嚟講都係挑戰。」

lily123

(on.cc)
吳孟達不敵肝癌病逝　終年70歲
02月27日(六) 17:35

【最新消息】藝人吳孟達不敵肝癌，在家人的陪伴下離世，終年70歲。

他2個月前曾做手術保命及接受化療，但今日情況轉為危殆，並陷入昏迷狀態，轉入ICU留醫，而醫生通知他的家人到醫院見他。而近日有不少好友探過他，吳孟達不停向好朋友講好痛、好辛苦，當時他每隔4小時打一次嗎啡止痛，但已起不到作用，他手上拿着檸檬，不時舐一舐，以刺激口腔分泌口水。

下午1時左右，好友艾威趕到醫院，神色凝重的他被問到是否見吳孟達最後一面？他回應：「係！」便匆匆上樓。艾威約下午2時半離開醫院，他說：「因為佢啲屋企人同摯友親朋個個做晒核酸檢測，我哋只可以上去見一陣，唔可以逗留，所以見完佢都係返屋企先。（佢情況點？）大家都知，唔係太樂觀。（即係有心理準備？）係。」他亦謂有位好好的朋友一路陪伴吳孟達：「由佢一個月前喺澳門留醫嗰陣時開始，大約1個月前佢（達哥）發訊息講『你搵唔到我㗎喇』。」
他又謂吳孟達之前已做過1次化療：「佢話第1次打贏咗，跟住抖一抖再做第2次，我喺呢段期間每日都發個加油嘅公仔畀佢，唯一可以做到嘅嘢就係幫佢打氣。」他又透露對方已插喉，日前注射嗎啡，現時打了強心藥。問到對方可是昏迷？他謂：「係唔係昏迷呢？瞓着覺咁，不至於冇晒反應，又唔係聽到嘢咁。」他又謂對方太太、兒子、弟妹亦在場，但就未見到其母親，並希望對方可以大步檻過。下午近4時，駱應鈞到達醫院，神色凝重，急急腳行入去未有受訪。

田啟文在下午4時半現身受訪，透露吳孟達現時彌留狀態：「醫生話佢幾個鐘就會走，依家太太、仔女，屋企人都喺晒度。（佢有冇交代啲乜嘢？）佢之前唔知個情況會咁嚴重，所以完全冇交代，仲諗住可以康復出院見面，佢依家工作全部停晒。」其家人接受不了？他謂：「我唔方便透露，但相信冇人願意接受親人突然離開。（佢之前仲諗住會好轉，依家咁樣太突然？）肯定，我都希望佢會好番，但要面對現實，只可以接受。」
問到周星馳可知道達哥情況？他表示：「佢知道晒。（會唔會嚟探佢？）佢淨係問我依家嘅情況，我都係啱啱先知道晒佢嘅情況，但佢家姐有做代表嚟探，希望大家唔好將個焦點拉埋周星馳嗰度。（周星馳有冇託你講乜？）佢之前都係講睇有咩方法可以醫到佢，但估唔到病情轉得咁快。」他又表示今早已有親密朋友來探達哥。問到可有與其家人討論身後事？他表示：「初步有傾過，我會全權做代表，圈中人想幫手都可以嚟幫，之後會舉行追思會。」他又謂達哥近年有儲蓄，未聽過其家人說有經濟問題。他又叫大家不要亂傳達哥去世的消息，因這對達哥不負責任及不尊重，他亦謂會繼續留在醫院幫手處理。

吳孟達早年曾因心臟衰竭險喪命，近年不時傳出身體情況欠佳，早前為電影《少林寺之得寶傳奇》拍攝海報時，他突然心臟不適，不停用手揉搓胸口，面露痛苦，之後曾到澳門醫治，直至上月初向身邊友人透露自己患病的消息，並指有很好的醫療團隊照顧他，而吳孟達太太亦已從馬來西亞來港照顧丈夫。

lily123

(HK01)
蝦頭楊詩敏正式離巢　官網即時被下架：自己好多嘢搞緊！
即時娛樂  撰文：鄺鈺瑩  2021-03-10 12:30

本身係舞台劇演員嘅蝦頭(楊詩敏)2013年因《My盛Lady》而成為無綫合約藝員，曾參演《超時空男臣》、《BB來了》、《是咁的，法官閣下》、《愛美麗狂想曲》，雖然均屬女配角，但演技早獲觀眾讚賞，與無綫合作8年，上月曾志偉出席公司新春賀年節目時，曾「開咪」搵蝦頭，足見其重視程度。

不過，有網民發現蝦頭在無綫女藝人網頁中，照片和個人資料頁已被下架。而接慣例，只有離巢藝人才會有此「待遇」，求證於蝦頭，她承認現階段屬於自由身：「因為自己好多嘢搞緊，最近做歌女，想喺樂壇發展，哈哈！同埋又有舞台劇要做，所以想停一停。」蝦頭表示與無綫的關係依然友好，唔續約純粹係私人決定，亦感謝公司願意給予空間。問到之後會否因志偉而回巢，蝦頭就話：「志偉哥當然鍚我，所以之後再睇下點，其實都有同佢傾過嘅。」咁睇怕好快會見到蝦頭回歸無綫。

lily123

(on.cc)
加簽無綫經理人約先有得留低？菊梓喬乜都唔知
03月13日(六) 15:04

何麗全掌管星夢後，有傳要求星夢歌手加簽TVB經理人約先「有得留低」，據知菊梓喬、林穎彤、譚嘉儀及戴祖儀都會簽約。對此菊梓喬接受東網訪問說：「乜都唔知，本身兩邊仲有合約，要佢哋傾先得。」

譚嘉儀就否認加簽傳聞：「合約上簡單嚟講一直都屬TVB！現在我嘅經理人約屬TVB，而唱片約都係TVB嘅星夢娛樂！其實變化不大。（唔係加簽？）我上年剛剛續咗TVB經理人合約，所以唔使加簽啊，而歌手合約都依然係星夢，所以之前同依家分別都唔大。」

lily123

(on.cc)
簽經理人約留低？菊梓喬自認「小朋友」：交畀大人去傾
03月13日(六) 23:02

歌手菊梓喬（Hana）與JW晚上為《博愛歡樂傳萬家》演出，一身大露背打扮的Hana被記者取笑玩性感，她大方謂：「大露背唔係第1次喇，背脊見得人，多骨顯瘦，咁着幾舒服。（乜唔係公司有變動，要搶多啲鏡咩？）搏殺唔係咁，如果係我再sexy啲啦，只係我性感，人哋極其量只會聯想到型格咋。」

談到有傳星夢旗下歌手要加簽無綫經理人約才可「留低」，Hana謂：「我個情況比較複雜，事關依家嘅經理人約，都牽涉兩間公司。所有嘢交畀大人去傾啦，我哋係小朋友嚟咋。」

她又直言早前已與星夢新高層何麗全見過面：「大家傾過未來嘅方向同發展，知道音樂路會點，所以唔擔心，我反而想拍劇，之前都客串過，但想試做主線角色，有得發揮。」

至於JW則大方承認已簽無綫經理人約，當問到其他歌手未有「進一步消息」，是否代表她獲力捧？JW答：「唔係嘅，一步步嚟，佢哋遲啲都要轉埋過嚟㗎喇。」

ching2506

(明周娛樂)
【朱咪咪專訪】與無綫緣份減半 朱咪咪計劃再開紅館騷

(節錄)
六十六歲的朱咪咪因為工作的關係，經常新加坡及香港兩邊飛，兩地都有自己的物業，但去年因為疫情，受隔離政策影響，朱咪咪全年只來了香港三次。「因為每次都要兩邊隔離十四日，所以不敢像以前密密飛，記得第一次來香港就是拍《陀槍師姐2021》，第二和三次都是拍廣告，頭兩次在香港是家居隔離，感覺還可以，但十二月最後那次就要酒店隔離，過程很繁複，我怕再隔離會變自閉，所以我已跟朋友說，非必要事，暫時都不要再叫我回港。」

至於劇集方面，除了在早前在《陀槍師姐2021》演出過二妹姐外，也再沒有新作。「我以前真的很多劇拍，但近幾年無綫也沒有再找我，其實我還是他們的合約藝人，我不知為什麼？就連專唱舊歌的《流行經典50年》都很少找我上，節目做了四年，我都是上了三次，反而我看到有些歌手經常都上，令我感覺跟無綫的緣份好像少了一半，最近自己也找了一個經理人幫忙處理國內的工作，可能有機會的話，會嘗試多點在內地發展。」

ching2506

(明周娛樂)
【蘇皓兒專訪】簽邵氏雙線發展 蘇皓兒努力擺脫組合味

(節錄)
Netflix港劇《把砒霜留給自己》本月初上架，劇中搞笑又帶cult片風格，加上每個單元半小時，節奏明快而大受歡迎，一度打入香港排行榜三甲，蘇皓兒在劇中飾演一名私影妹，突破形象，曾是跳唱組合成員的她，自演出無綫劇集《那些我愛過的人》而為觀眾熟悉，更因為此劇令她簽約成為邵氏兄弟旗下藝人，她坦言仍有不少導演覺得她有股組合味道，所以要努力進修演技，全力向影視方面發展。

曾經在無綫劇集《那些我愛過的人》飾演林文龍女兒的蘇皓兒，憑清純學生妹形象，加上有一雙修長美腿，成功升呢做女神，更成功入屋，而且獲邵氏兄弟簽約成為旗下藝人，之後更有份拍攝《金宵大廈2》，「我本身是太陽娛樂的藝人，公司主要幫我發展電影及音樂方面，自從劇集播出後，發現電視的威力是很大的，所以去年就跟公司商量，簽了一半合約給邵氏，希望未來在影視雙線發展，我是一個很新的演員，也希望演多些不同的角色及儲多些作品，被多些觀眾認識，我一路有學戲，有跟邱頌偉（阿雞），近日就有跟彭秀慧及袁綺雯進修演技，希望增值多點自己，我以前是比較封閉自己，上課後發掘到自己其他方面，有些爆發性的情緒及與別不同的自己，上戲劇課也是要累積，入行幾年都沒人教如何分析劇本，近日上袁綺雯的課，她就有教我如何去分析及揣摩角色，我不想別人看我演每一個角色，都像演回自己，希望每次別人看也有新鮮感。」