TVB藝人合約事件簿 (2021)

lily123

(HK01)
開心速遞丨劉丹證實曹總離巢 期待對方再回歸：養好身體再搏
撰文：賴家杰
出版：2021-12-21 22:30
更新：2021-12-21 22:30

劉丹（丹爺）今天（21日）出席《愛·回家之開心速遞》之「喜慶過冬至」的宣傳活動。俗語有云「冬大過年」，因此丹爺非常重視這個日子，他接受《香港01》訪問時說：「呢個大節嚟，所以一定要早少少返屋企，一家人開開心心食餐飯。」

今年冬至除了和孫女「小糯米」一起聚餐之外，兒子劉愷威也特意從內地回港一起渡過冬至，丹爺說：「佢早成一個月已經返嚟，佢諗住過冬至過埋年先安排工作。因為佢一年到尾好辛苦，又見唔到屋企人，所以特登安排呢個時間返嚟，之後再返去做嘢。」

至於兒子每次回港，丹爺透露孫女看見爸爸一定會會非常「嗲」他：「佢見到佢爸爸就唔會嗲我，因為孫女見到佢就成日痴住佢。（有冇呷醋）咁又冇。」

另外劇中由劉一飛飾演的曹總大受歡迎，不過最近有網民發現他的配音藝員資料已經在無綫藝人網頁被刪除。據知，劉一飛與TVB已經完約，意味着曹總的角色可能不會再出現，亦有傳他的身體抱恙。丹爺表示得知這消息：「聽講最近佢有少少病痛，想休息下，都啱嘅，養好身體再搏。我都有透過公司了解佢，公司話好似冇咩，幾好，自己要休息。」丹爺直言雖然曹總戲份不多，但比起其他人他是更辛苦，「佢啲對白要講廣東話已經要攞佢命，佢真係好勤力拎劇本讀。覺得唔啱就會係咁問人點讀，感覺到佢記對白比我哋仲辛苦。」

lily123

(on.cc)
傷「賈明昇」被判守行為　潘梓鋒再簽無綫等復工
12月26日(日)
22:29更新
21:13建立

藝人尹揚明今日（26日）以太極會長身份，在九龍灣舉行慈善晚宴，出席圈中人包括潘梓鋒、楊玉梅、導演劉偉強、李麗霞（黑妹）及王俊棠等，成為全場焦點的，是早前打傷「賈明昇」鄒兆霆而被判傷人罪成的《東張西望》主持潘梓鋒，獲判守行為36個月，不留案底，法庭並下令他不得企圖作出暴力行為或威嚇別人，特別是對事主鄒兆霆。

潘梓鋒受訪時被問到何時復工，他說：「咁啱合約喺發生事時即10月嗰陣完咗，嗰陣樂易玲都有搵過我傾，依家案件完結咗，啱啱喺平安夜簽番約，新約1月1日生效。（工作有新安排？）未知，暫時未必會做番《東張西望》，起碼公司搵番我，支持我都開心，自己係犯咗錯，自己係唔啱，都希望有機會重新工作，自己都有沉澱過，做得唔好嘅地方再做好啲。（學吓太極淨化心靈？）都好喎，學吓太極有咩就四両撥千斤。」對於過去的感情狀況包括是否已婚，他則不願多談，只說因停工影響收入，希望再工作，從新出發。

lily123

(on.cc)
《東張》離巢潮月走3個！林希靈隨時過檔ViuTV？
12月31日(五) 18:02

無綫資訊節目《東張西望》多次製作專題報道成為城中熱話，更帶挈不少主持人氣急升，惟近日節目更出現「離巢潮」，1個月內已有3名主持先後離職！

繼早前直擊「曱甴屋」爆紅嘅黃穎君轉職政府工後，早前採訪聾啞人士美華公屋單位被女保安員娟姐霸佔一事而為人認識嘅林希靈，呢日亦宣布離開TVB，並發文感謝兒童節目組及《東張》嘅台前幕後，又透露將會主力經營旗下食品品牌。林希靈曾於節目中多次質問娟姐，大爆金句：「你咁樣好冇人性喎！你又話好錫佢？」、「我唔係要惹嬲你，我係講道理啫！」而大受網民歡迎，獲封「無綫的一股清泉」，甚至力推攞最佳主持人獎項，如今離開《東張》，令唔少網民都大感可惜。

另邊廂，與林希靈同樣兒童節目出身後轉做《東張》嘅好友黃愷怡，亦於同日發文宣布離巢，據知佢與林希靈都係自由身，有意向網上影片頻道發展，而有指林希靈隨時跟隨男友陳安立過檔ViuTV，雖然2人未有與ViuTV洽談，但林希靈亦坦言期待與男友同台演出，意味隨時轉投ViuTV。