TVB 剧集情报社 - tvbfiles.com

 找回密码
 立即注册
搜索
12
返回列表 发新帖
楼主: lily123

藝人專訪

[复制链接]

41

主题

1130

帖子

3121

积分

版主

Rank: 10Rank: 10Rank: 10

积分
3121

活跃会员推广达人优秀版主

 楼主| 发表于 2021-5-15 17:47:21 | 显示全部楼层
(on.cc)
【心腎出問題】曹永廉難抵劇痛秘密入院通波仔
05月15日(六)10:04更新

近年劇接劇的藝人曹永廉,多年來為孭起頭家,經常搏命工作,由於太操勞,結果身體響起警號!早前秘密做過心臟手術的他,最近又因腎石問題住院一星期,之後即繼續工作,結果出現耳水不平衡,苦不堪言的他日前仍「頂硬上」開工,連其拍檔譚俊彥亦看不過眼,向劇組要求取消開工通告要他休息,以免他暈倒片場!

現年56歲的曹永廉,入行27年,經歷不少高低起跌,初入無綫時因人工不高,一度出現財困,曾患上抑鬱,幸最終都能捱過逆境。2007年他與姜大偉的大女姜依蘭結婚,事業亦漸有起色,2016年更憑《公公出宮》奪得「最佳男配角」殊榮,演技備受認同。

曾經捱過最艱苦的日子,他非常珍惜任何的工作機會,加上是家中經濟支柱,令他更加深明「機」不可失,近年劇接劇的他,雖非擔正,但戲份吃重,通告排到密麻麻,結果捱出病來,近日有消息指他因心臟有事入院,記者致電他,原來入院另有因由,他說:「的確係住咗一個禮拜醫院,因為個腎有啲問題,有腎石,痛到行都行唔到,20幾歲嘅時候都有過,但今次要入院,不過唔需要做手術,係等啲腎石自然排出。」

至於心臟是否曾出現問題?他亦坦承其事,原來前年他曾秘密入院做通波仔手術:「拍《愛美麗狂想曲》嘅時候,突然覺得個心好翳,去咗做Body Check,發現有一條血管塞咗,需要做通波仔手術,但我唔想影響劇組,所以頂硬上拍完套劇先去做,依家冇事喇,但當然都會小心,慶幸我冇家族遺傳史,只係外父做過(通波仔手術)。」

譚俊彥睇唔過眼「逼」休息

雖然沒有遺傳性心臟病,但早年曹永廉曾在鄭丹瑞主持的節目中自爆有遺傳性糖尿病,所以飲食會格外小心,但一講到工作,雖已五勞七傷,他至今仍是「拚命三郎」瞓身做,早前拍攝無綫新劇《十八年後的終極告白2.0》,被拍檔譚俊彥爆他有嚴重耳水不平衡!拍攝當日,雖只是一場簡單的跟蹤戲,但阿廉的精神狀態略見疲憊,譚俊彥即「爆料」指:「佢飽受耳水不平衡折磨,加上通告頻密缺休息時間,前一晚佢仲要拍浸水戲,情況就再差啲。本來佢深夜要返廠拍多場,我見佢咁辛苦,主動同劇組提議取消咗場戲。」

為子女將來籌謀

而除了浸水戲,曹永廉早前拍攝一場扮死屍的戲份時,由於沒有枕頭輔助,頭部貼地瞓足成晚,令病情加劇事後更頭暈,不過捱慣的他卻不感辛苦,除了感恩有工開,還表示為了一對子女,再忙都無所謂:「唔算捱得辛苦,好多嘢都係為咗小朋友,希望做好儲備為佢哋將來。(有冇諗過立平安紙?)咁又冇,我身體冇大家想像咁渣嘅!」

他參演另一新劇《痞子殿下》現已入組,而他同時要兼顧內地的生意:「同緊林丹(前羽毛球手)等合作,近期傾成咗重要嘅項目,我哋會同內地著名飲料品牌推出一種新嘅飲品,希望成績好啦!」雖然錢照搵,但始終身體已響了多個警號,他亦言會好好照顧自己,Keep住檢查身體,以免家人擔心。

回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2021-6-24 10:30 , Processed in 0.023266 second(s), 17 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表