《綜藝節目》相關報導

lily123

(on.cc)
【蔡思貝為愛車置業】胡鴻鈞開口恨收車位做禮物
04月06日(二) 22:09

歌手胡鴻鈞在將軍澳電視城為進行新改革的《勁歌金曲》擔任嘉賓。近日忙於拍攝新版《十月初五的月光》電視劇的他今朝一早開工，隨即趕來為節目擔任嘉賓，他說：「好開心見到皇上（張敬軒），好緊張，每次見親佢都有心動嘅感覺，因為佢係我偶像，我未出道已經鍾意佢，每次見親佢都好似小粉絲咁。」近日生日的他指生日願望是能與偶像合作，無論唱歌、拍劇也可以。

被問到緋聞女友蔡思貝怎樣為他慶祝生日？他表示：「佢同我講咗句生日快樂，同埋叫我加油拍劇。（佢最近買車位喎？）恭喜佢做車位業主。（送新車畀佢？）我有錢都自己換車先啦。（希望佢點同你補祝生日？）叫佢送咗個車位畀我，或者畀張相我望吓，等我羨慕吓都好。」

lily123

(on.cc)
為新版《勁歌金曲》打頭陣　張敬軒感覺返晒嚟
04月06日(二) 23:11

張敬軒、胡鴻鈞、衛蘭、衛詩、王灝兒（JW）、李幸倪、林奕匡等近30名歌手在將軍澳電視城為進行改革的《勁歌金曲》擔任嘉賓，無綫高層曾志偉和星夢娛樂CEO何麗全亦到場支持，場面熱鬧。
張敬軒受訪表示很久沒有這種感覺，台上台下皆精彩，台上有不少新面孔，台下見回以前頒獎禮的場面，碰見不少舊同事，開心見到這個趨勢。

講到新版《勁歌金曲》被指用作對撼ViuTV的《Chill Club》？他認為播放時間是黃金時間，證明大家也很重視音樂。講到他為節目打頭陣？他說：「一個節目好唔好睇唔係取決於一個人，係要靠大家齊心協力，我覺得做音樂節目，最緊要係尊重音樂，作為歌手就可以多個宣傳渠道。」

lily123

(on.cc)
接受其他歌手評分　衛詩獻Sing有壓力
04月06日(二) 23:33

歌手衛蘭（Janice）與妹妹衛詩（Jill)在將軍澳電視城為《勁歌金曲》錄影。唱新歌《面對後悔的各種方法》的Jill要在新環節接受其他歌手評價，她直言緊張：「算係第一次（被評價），有少少壓力，咁就一路都有練歌，但係因為疫情小咗上台唱歌。」Janice則稱反而喜歡這種新模式，相信會好玩，食飯時也有叫妹妹唱給她聽，她說：「佢已經唱得好好，不過，問我意見就唔公平，我一定偏心，哈哈。」

lily123

(HK01)
Eric Kwok任新版《勁歌金曲》有份度橋：呢個節目可以再精彩啲

即時娛樂 撰文：葉詩 2021-04-07 00:30

曾志偉回巢無綫（TVB）擔任副總經理後積極改革綜藝、音樂節目，周二（6日）《勁歌金曲》在改版後首次舉行錄影，三大唱片公司亦有派員出席，場面星光熠熠。為新版節目擔任主持的Eric Kwok（郭偉亮）坦言甚緊張：「始終唔係太多主持經驗，但見到咁多同行朋友嚟撐場都開心。」Eric為了節目更出謀獻計：「呢個節目可以再精彩啲！有個環節係歌手帶新歌上嚟，靠現場觀眾話畀佢哋聽鍾唔鍾意同意見，對歌手嚟講可能都係壓力，估唔到佢哋又肯大膽地接納，我諗都會幾精彩，雙方都唔知對方會講啲咩。」

除了增設交流環節，令歌手可以直接面對觀眾意見，新版《勁歌金曲》現場更增設樂隊伴奏，問會否覺得形式上與ViuTV《Chill Club》相似， Eric Kwok則說：「好多有質素嘅音樂節目都有呢個Set up，大家一齊做得好樂壇就愈好，希望有競爭就會有更好嘅質素。」Eric Kwok說到接下來都會相繼在兩個免費電視台出現，問起兩者分別，他就說是受眾不同：「兩者做法好唔同，一邊負責呢種觀眾，另外一邊就負責另一種觀眾。」

lily123

TVB Weekly

【娛樂熱話】
《日日媽媽聲》
聆聽媽媽心聲

媽媽唔易做，一連八集的全新節目《日日媽媽聲》由三代星級媽媽余安安、羅敏莊及陳凱琳擔任主持，一同剖析媽媽的智慧、怒吼與心聲，讓大眾更了解媽媽心路歷程，了解媽媽苦與樂，引起母親們共鳴。

《日日媽媽聲》
4月10日起
逢星期六
10:00PM
翡翠台

星級嘉賓分享湊仔經
每集《日日媽媽聲》召集家長與專家齊談湊仔經，也會邀請身為父母的藝人，暢談坊間多不勝數的生兒育女話題。此外，亦會邀請不同的媽媽分享感人親子故事，滿載親情與感動。節目特設「媽媽圍攻」的環節，邀請未做爸爸或已任爸爸的男士前來，接受媽媽們「圍攻」，看他們能否招架得住媽媽的尖銳問題。此外，節目亦有環節「爸爸體驗館」，準備小道具，讓爸爸們親身體驗媽媽的感受。
第一集節目將於4月10日首播，邀請袁詠儀、鄧兆尊、張慧儀及游莨維擔任嘉賓，久未在熒幕露面的袁詠儀將會分享媽媽心聲，張慧儀亦會帶同囝囝Hanson出現。

lily123

(on.cc)
認為ViuTV題材偏門　曾志偉：只係可以同J2比
04月11日(日) 14:38

無綫全新節目《開心大綜藝》今晚首播，高層曾志偉率一眾藝人包括伍詠薇、方力申、阮兆祥及鄧佩儀等出席拜神儀式，席間志偉獲一眾舞蹈藝員邀合照，場面墟冚。

談到《開》節目首播，志偉直言：「見番咁多舊人，係好開心嘅，況且香港好耐冇長壽通告式節目，可以畀一家大細周日晚欣賞。（收視有冇壓力？有信心撼贏對家？）冇壓力，最緊要係有口碑，同埋換番觀眾對無綫節目嘅信心。翡翠台係照顧全華人觀眾嘅，選港姐就選港姐，戴住個口罩又點選呢？坦白講ViuTV得4點收視，同埋節目題材比較偏門，只係可以同J2比，嚟緊我會檢討J2嘅發展。」

談到《開》節目記者會上「扮姜濤」出事，志偉坦言：「都係試點啫，我都冇喺節目做，我最唔明白係，點解記者會3日後先攞出來講。其實由當年盧海鵬扮嘢開始，其他地區好多節目都效法我哋，事後我有約啲同事出嚟食飯，驚佢哋因為咁唔開心。（姜濤話想上無綫節目。）我一返工就打畀魯暉（ViuTV高層魯庭暉）問佢攞姜濤，佢話唔好玩，邊得呀？我就開放嘅，好似用郭偉亮同羅敏莊，都毋須要過冷河。」

至於TVB大股東兼非執行董事黎瑞剛批評無綫「老化」，志偉說：「請我就已經老化，哈哈！無綫係最大嘅華人媒體平台，冇講過所有人都可以做好耐，始終都有退下嚟嘅一日，我哋就致力喺呢兩、三年培養接班嘅新血。（余詠珊辭職呢？）其實係公司方面暫時未有接到正式通知，所以我冇嘢可以回應。（李寶安退休？）情形都一樣，暫時唔知道。」

至於無綫今年不播奧斯卡，相信未能見證兒子曾國祥代表香港出席盛事，志偉笑言：「呢件事係我入嚟之前已經決定，都唔會因為我個仔而播，咁樣唔公平，不過我個仔都幾慘，由金像獎開始已經冇得上台致謝辭。」

lily123

(on.cc)
怕出現蝦碌鏡頭　方力申隨時飲威士忌定驚
04月11日(日) 15:13

藝人方力申與伍詠薇出席《開心大綜藝》拜神。小方自爆因當年主持奧運時出現蝦碌事，至今存在着陰影，又笑言：「即使主持《美女廚房》，都已經係十幾二十年前嘅事，況且今次係現場直播嘛，志偉仲提議我哋玩遊戲時即興，搞到我仲驚。（飲酒定驚？）我真係帶咗支威士忌返嚟，放咗喺車，睇吓有冇需要用。」
而伍詠薇則表示對上一次主持無綫節目，已經是很多年前的《變身男女Chok Chok Chok》，她說：「入行以來好少做直播節目，不過一眾後輩主持都經驗十足，呢方面依家可以話係我前輩添，大家一埋位就互相溝通，過程非常享受。」

lily123

(on.cc)
「復出」拍《媽媽聲》！葉翠翠為囝囝悉心布置豪宅慶生
04月11日(日) 17:26

前港姐冠軍葉翠翠生咗3個「小王子」後，一直專心相夫教子，前排佢下定決心減肥，最後成功收身搣甩10磅肥肉！而早前更終於「復出」為ViuTV拍攝，最近就參與無綫節目《日日媽媽聲》！

工作完成後佢又繼續做好媽媽喇，尋日佢為咗今日4歲生日嘅大仔準備生日Party，吹咗好多動物氣球，悉心布置豪宅，壽星仔見到後非常開心，一面滿足！翠翠喺社交網上載照片，留言：「今日4歲喇呢個小朋友好開心好開心」一班網民都送上祝福，仲不忘大讚翠翠係絕世好媽呀！

lily123

(on.cc)
《開心大綜藝》首播大晒冷！港姐團晒舞功　劉佩玥谷事業線
04月11日(日) 21:13

無綫全新綜藝節目《開心大綜藝》在將軍澳電視城進行首集直播，對撼ViuTV舉辦的《最後一屆口罩小姐選舉總決賽》，主持陣容強勁，包括森美、林盛斌、阮兆祥、陸永、C君、陸浩明、方力申、伍詠薇、江美儀、麥美恩及馮盈盈，首集嘉賓有朱晨麗、劉佩玥、鄧佩儀及張秀文等靚女坐鎮，現場招待近200名觀眾，全部來自非牟利慈善機構，場面熱鬧，而曾志偉、王祖藍及何麗全等高層也有到場支持，明顯相當重視。

港姐朱晨麗（朱朱）、劉佩玥（Moon）及鄧佩儀（Gloria）以壓軸身份表演跳舞，3人均悉心打扮，其中Moon微谷事業線。問到朱朱缺席早上的拜神儀式，她解釋：「因為尋日返到屋企見暈，我估係操勞過度，休息咗一晚先好番啲，依家冇事。」Gloria就指之前因經期而影響表現，Moon練舞時亦扭傷頸，3人今日都算是頂硬上，她們希望聯同其他舞蹈員及排舞師帶來一個熱血的演出，又笑言今次表演喚醒到她們的跳舞細胞，希望再有舞蹈演出機會。講到心情，Moon表示：「雖然拉傷頸，但唔太擔心，不過心情好緊張，緊張過選港姐。」Gloria自言未識驚，可能要入到後台才會緊張。

另外，吳嘉儀、黃頌明、姜麗文及張秀文裝扮成韓國女團BLACK PINK，何遠東、鄧智堅、張翼東、吳佩隆、郭子豪及李頊珩就扮韓國人氣男團BTS。

lily123

(on.cc)
蔡思貝買車位銀行冇晒錢　點解搞到唔想同胡鴻鈞做朋友？
04月12日(一) 15:32

藝人袁偉豪、蔡思貝、陳山聰、鄧佩儀在將軍澳電視城為節目《魅力凝聚新時代2021》錄影，與外地粉絲見面。蔡思貝指會表演歌舞，但並不是唱緋聞男友胡鴻鈞的歌曲《到此一遊》，又自言較少登台的「飲歌」，要好好儲歌為演出準備。講到她以200萬購入日出康城車位，她指月租停車場費很貴，長遠計買車位較划算，她說：「銀行已經清空，今次買車位仲問屋企人借啲，所以依家要努力搵錢喇。（胡鴻鈞叫你送車位做生日禮物？）咁市儈㗎，咁我要考慮吓同唔同佢做朋友，哈哈。（疫情放緩可有增加收入？）暫時都係聽天由命。」

對於無綫執行副主席及集團行政總裁李寶安將退休，其職位懸空，袁偉豪笑謂計數差，未有打算自薦做高層，但認為可以用輕鬆形式跟高層分享對公司發展的意見。蔡思貝則笑言若由她管理公司停車場，一定會增設單車泊位，因當年踩單車返工，卻沒有單車泊位，若有泊位，大家可踩單車做運動返工。