《綜藝節目》相關報導

lily123

(on.cc)
鄺潔楹以為今日出發東京主持奧運：準備好去隔離
05月17日(一) 19:05

藝人朱智賢（朱朱）與鄺潔楹（Judy）今日現身無綫舉辦的《2020年東京奧運》揭幕禮，Judy自爆收到通告時以為自己要去東京主持奧運：「我以為係今日出發，後來收到個今日嘅Rundown見到要去公司一廠化妝先知唔係。我本身已準備好過去嗰邊隔離。（但你事前冇打針又冇做簽證？）我個世界比較樂觀同簡單，我完全唔介意去當地。」她又自薦主持劍擊項目，因為之前她為拍劇而學了半年劍擊：「係由港隊嘅劍擊運動員教我，我都同佢哋操過幾吓，如可以去奧運現場幫佢哋打氣，會好感動。」

至於朱朱稱所有運動項目都有興趣，最期待是排球，因讀書時是排球隊，又很欣賞運動員堅持的精神，自言想去東京現場，並不擔心當地疫情。講到無綫將會舉辦明星運動會，朱朱稱想參加，因為覺得很有趣：「我唔介意游水，包尾冇所謂。（身材弗咗有自信？）我包尾都唔介意。」身材的骰的Judy笑言要向高難度挑戰：「我會揀跳高、跳遠同擲鐵餅，大家應該好想睇，咁先有話題性。」

另外，朱朱的愛犬早前離逝，她表示只能叫自己不要去想：「一諗起就好難過，係有啲遺憾，個心會頂住。」

lily123

TVB Weekly

【娛樂熱話】
全力轉播東京奧運
TVB與你 全情奧運

全球矚目的「2020東京奧運會」將於7月23日隆重揭幕，無綫電視台前幕後經已準備就緒，傾盡全台力量，為廣大觀眾全面轉播東京奧運，共賞國際體壇盛事。

TVB於5月17日，舉行「2020東京奧運會」記者招待會，中國香港體育協會暨奧林匹克委員會會長霍震霆GBS太平紳士、香港特別行政區政府體育委員會成員霍啟剛太平紳士、電視廣播有限公司主席許濤先生、副總經理（戲劇製作及節目）杜之克先生、副總經理（綜藝、音樂製作及節目）曾志偉先生、助理總經理（藝員管理及發展）樂易玲小姐及MyTV Super Limited營運總裁林桂興先生出席擔任主禮嘉賓，率領全體奧運主持及藝員、專業評述團主持「TVB與你 全情奧運」啟動儀式，象徵集合全台能量，全力以赴，為全港觀眾呈獻最全面及最精彩的「2020東京奧運會」。

無綫將透過旗下5條頻道翡翠台、J2、無綫新聞台、明珠台及無綫財經．資訊台於奧運期間將提供500小時奧運直播節目及賽事精華；OTT平台myTV SUPER將提供13條奧運頻道，全天候24小時無間斷轉播各項賽事，並設立奧運專區，觀眾可透過解碼器、APP及網頁，隨時點播各項賽事精華。無綫並將推出一連串奧運前奏節目，與觀眾重温及分享奧運相關資訊，包括香港運動員進軍東京奧運歷程。而多個綜藝節目亦會全力支持推廣奧運，與全港觀眾一同迎接奧運。此外，無綫並將派出外景隊前赴東京，7月開始陸續出發，直擊當地實況，緊貼奧運最新動向，為觀眾全面報導奧運最新消息。

出席記者會者還包括：奧運節目主持及藝員方力申、朱凱婷、姚子羚、鄧佩儀、麥美恩、陸浩明、李浩林、陳庭欣、鍾志光、林溥來、鄺潔楹、朱智賢、李思雅、黃碧蓮、陳約臨、黃庭鋒、曾淑雅、黃凱儀、陳苑澄、郭栢妍、鄺美璇、鄺家銘、何振然、何泳芍、吳業坤、周奕瑋、孔德賢；專業評述團鄭景亮（國際排球教練／資深體育評述）、劉知名（香港空手道隊代表）、陳偉豪（香港足球隊前代表）、潘文廸（香港足球隊前代表）、李偉文（香港足球隊前代表）、葉啟德（香港田徑隊教練）、梁志賢（香港單車隊前代表）、俞越（香港跳水隊前代表）、楊思恩（香港華人欖球隊龍隊前代表）、鄭智雄（國際劍擊裁判）、梁兆朋（國際彈網教練）、楊慧玲（香港藝術體操隊教練）、梁國成（香港籃球隊前代表）、肖希露（香港體操隊前教練）、仇多明（香港單車隊前代表）、朱詠康（香港劍擊隊前代表）、陳紹璣（香港女子排球隊助理教練）、黃興桂（資深體育評述）、趙嗣淦（香港職業棒球運動員）、大島田（香港女子壘球隊教練）、崔錦棠（香港三項鐵人前代表）、洪松蔭（香港單車隊前代表）。

lily123

(on.cc)
郭柏妍跳踢躂舞險跣倒　麥詩晴突然皮膚變白變靚
05月22日(六) 17:01

港姐郭柏妍與麥詩晴為《開心大綜藝》跳踢躂舞。2人齊聲表示被考起，僅得4日時間綵排，最難做到啱節奏，問到其實哪位最有天分，她們推說：「鄧卓殷，佢好快就catch up到。」郭柏妍坦言每晚返家着襪繼續練，以免影響樓下，又指鞋底鐵片不時刮傷腳，又曾經跣倒差點跌低！

麥詩晴選港姐時膚色偏黑，今日發現她「變白」，而且五官較前漂亮，她解釋：「之前覺得自己黑得嚟唔均勻，所以做好多美白，同食維他命C。（冇打美白針？ ）冇，傷肝呀，一定唔會試。」

lily123

(on.cc)
方力申係英明定懵盛盛？周柏豪同游嘉欣奉旨拍拖
05月28日(五) 15:08

藝人周柏豪與方力申為無綫新綜藝節目《死因有可疑》進行錄影，方力申表示節目中飾演偵探：「6個人只有1個人係真正兇手，而我都係唔知邊個，要玩遊戲搵佢出嚟，觀眾就可以睇到我係英明定懵盛盛嘅偵探，呢個遊戲係由Card Game演變出嚟，狼人殺早幾年好興，自己都有玩，呢個就有埋劇本唔同，都幾特別。」

柏豪再話由收到劇本一刻就要保密，不可外洩內容、與其他人討論，尤其去到錄影場地要封口，大嗌好正：「變咗全日都要演戲咁，游嘉欣一見到我就笑笑話，可以名正言順可以做我女朋友，但我就喺度諗呢句係咪演緊戲，好危險！哈哈！任何人講任何嘢都唔係好信。」

柏豪恨做奧運主持

問到方力申何時赴日本東京奧運場地任主持？他表示現時還未有定案：「搞得成畀人去就有機會。」柏豪亦指想參加節目：「話晒我都曾經掹車邊代表過香港，係運動員出身，公司遲啲都有機會搞運動比賽，希望可以參加，奧運係萬眾期待嘅盛事，呢2年因疫情延遲，希望順利搞到，好開心香港最近都有控制到疫情嘅迹象。」

lily123

(on.cc)
當「官」兩個月！王祖藍多嘢煩：容許犯小錯空間
05月28日(五) 14:03

無綫新綜藝節目《死因有可疑》今日進行錄影，藝人方力申、周柏豪、張秀文、游嘉欣等有份參與，而首席創意官王祖藍亦有親自到場支持。他表示新節目是返無綫前已着手籌備，睇準全亞太區，日本、韓國、內地等都流行開「劇本殺」的偵探節目，他又透露曾於內地製作過相類似節目，故有相關經驗：「咁啱公司有幾位年輕人想試吓創作，可以畀個機會佢哋發揮，加上又係個新嘅市場。啲劇情全部係虛擬，同狼人殺有少少分別，呢個係每人跟住少少劇情去搵兇手同搵自己個角色。」

問到對新節目收視有信心？他坦言跟副總經理曾志偉已有共識，今年會給予幕後製作團隊空間、機會嘗試不同節目：「收視會顧及，但唔係最重要，要綜合好多嘢，下半年都有好多呢啲節目，依家睇到《好聲好戲》都有幾好嘅反應，畀外面嘅人睇到藝員唔同嘅一面。」

提到有網民指其網上頻道近日推出的《姐姐郊遊遊》跟ViuTV節目《美女郊遊遊》撞名，他直言有留意網上的聲音，無論好與壞都會吸收：「最緊要大家有討論，大家有留意就係鞭策，全部都有留意、全部都會改進。（有好多事情要跟進好費心？）我仲認識當中，其實我（個位）都未坐夠兩個月，哈哈！幾多事情要處理、了解，會同逐個部門約傾偈了解。」他又謂目前會同團隊一齊反省，容許犯小錯空間，因為不想一下子令幕後同事士氣變差：「有好嘅要讚、唔好要討論，工作好大壓力，作為管理層唔想畀太大壓力佢哋。」

另外，講到原由他演出的《痞子殿下》正拍攝中，他表示都好想去探班，又笑說相信他辭演後，服裝部要花好多時間改衫：「要改長好多，我見周嘉洛真人原來好高！雖然佢有啲Baby Face，今次佢頂咗我個位簡直要感謝佢、報答佢。」

ching2506

(on.cc)
陳自瑤奪「聲后」眼濕濕　劉佩玥黃庭鋒原來係絕配
05月29日(六) 10:02

無綫節目《好聲好戲》去到最後一集，馮盈盈、張振朗、陳自瑤（YoYo）齊齊爭奪「傑出聲演總冠軍」殊榮。今集來到第2回合，3人同台較量，合作聲演經典粵語片《雷雨》其中一幕。盈盈及振朗聲演一對，YoYo就演媽媽，他們演得投入，盈盈更不時乸埋口面。他們表現獲讚，其中振朗被評配得好，有比較舊派語氣，丁羽更評他們無懈可擊。汪明荃諗起當年麗的訓練班必定配過此劇，讚他們有當年感覺，但可以再好些。汪明荃、王祖藍及丁羽3位評判退庭商議時，認為盈盈感情已放晒，振朗有甩嘴，而YoYo就獲讚後半段配得好。

最後3位評判都投YoYo勝出，奪得總冠軍！YoYo眼濕濕大叫：「我得咗啦！多謝導師英姐，呢個唔係自己功勞，係大家嘅功勞，多謝祖藍開呢個節目。」盈盈大叫開第2季。節目又預告下周西片《侏羅紀世界》是他們配音畢業作品。

而比賽前，4位旁聽生亦有接受挑戰，其中姚子羚聲演鄧萃雯，但只得3位評合格，4位評不合格，被嫌情緒有點平穩。黃祥興配鄭少秋，但期間不對嘴，更2度甩嘴，自己都擰晒頭，最後獲7盞紅燈，祖藍批他自我放棄，汪明荃亦批他輕視了今次旁聽，謂他入行15年，但廣東話仍未掂，王祖藍亦表示：「曾經拍古裝劇，遇到另一個外國返來嘅演員，佢NG咗20次，後尾先講對唔住我唔知呢個字點讀，覺得點解佢唔做好功課呢？」而劉佩玥及黃庭鋒就各自聲演童年李泳豪及關海山，2人表現獲全場拍爛手掌，7個評判一致好評，王祖藍大讚近乎完美。

ching2506

< 好聲好戲>

第一輪 (1-6集, 03/05 - 10/05)
參賽者: 何廣沛, 馮盈盈, 易宇航, 陳安瑩
聲演拍檔: 何廣沛-方紹聰, 馮盈盈-江美儀, 易宇航-譚嘉儀, 陳安瑩-黃啟昌
勝出: 馮盈盈

第二輪 (7-12集, 11/05 - 18/05)
參賽者: 鄧智堅, 黃翠如, 張振朗, 謝嘉怡
聲演拍檔: 鄧智堅-戴祖儀, 黃翠如-林盛斌, 張振朗-蔡思貝, 謝嘉怡-麥大力
勝出: 張振朗

第三輪 (13-18集, 19/05 - 26/05)
參賽者: 洪永城, 陳自瑤, 羅毓儀, 楊潮凱
聲演拍檔: 洪永城-林夏薇, 陳自瑤-張頴康, 羅毓儀-李紹堅, 楊潮凱-孫慧雪
勝出: 陳自瑤

決賽 (19-20集, 27/5-28/5)
總冠軍: 陳自瑤

ching2506

＜明星運動會＞
李君妍，崔建邦 (教練)，教練，孟希璘
羅孝勇，黃俊豪，吳業坤，潘梓鋒，謝東閔

ching2506

(on.cc)
海俊傑苦練西洋拳備戰無綫真人騷　爆關嘉敏仲慘
05月30日(日) 23:19

藝人海俊傑（海仔）與經理人公司老闆顏培意出席舞蹈學校開張活動，場面熱鬧。顏培意更即席捐出10萬，用作培育舞界後起之秀。海仔多年前以唱跳歌手身份闖樂壇，問到他如今會否技癢，他答：「都會㗎，希望培哥（顏培意）畀多啲資源我去試。」顏培意則大爆海仔忙到冇時停：「佢今朝先練完幾個鐘拳，仲跳舞？」原來海仔正苦練西洋拳，備戰無綫最新的真人騷拳擊節目。他謂：「15、6人參加，分開男女子組作賽，月中先會打一場，睇吓邊個入到圍見觀眾。」他又透露從小跟父親學過蔡李佛等拳術，今次會盡量發揮：「同公司師妹關嘉敏就入女子組，佢仲慘過我，參加埋另一個街舞節目添，真係冇得瞓喇。」

另外，顏培意透露公司今年大計，不會因疫情節省投資：「好似陳展鵬同李施嬅好快會繼續出新歌，天堂鳥Gordon又會單飛發展，關嘉敏即會進組拍劇，旗下藝人個個都有好多工作機會。」

ching2506

(on.cc)
簽約邵氏被網民攻擊　關嘉敏：抹煞咗我嘅努力！
05月31日(一) 18:09

女子組合Bingo成員Carman（關嘉敏）及Odilia（陳康琪）出席活動，講到前者於ViuTV選秀節目《全民造星III》中成功彈出後，近日突然宣布簽約邵氏，事後被網民「攻擊」，指她「倒戈相向」，受訪時她直認睇到網上言論好唔開心，甚至有種被抹煞努力的感覺：「呢件事唔係我話到事，係公司嘅決定，想我喺演員方面發展，我亦尊重、明白公司。始終自己都係呢個演藝行業嘅人，覺得分開（台）咁睇唔係咁好，點解我喺《造星III》做得好，你哋會支持，但當我去到另一個台，你哋會覺得我好差，呢樣嘢係令我最唔開心，好似抹煞咗我好多努力。（網民個理解係《造星III》捧紅你，但你捨棄咗佢。）我喺節目入面都有好多努力、汗水，先造就依家嘅我。」續自爆比賽後ViuTV沒有找她傾合約事宜，問到可得悉有同屆學員簽ViuTV？她指不清楚，並說緋聞男友CY亦未動筆：「傾開偈佢話暫時都唔想簽，仲物色緊。（佢想簽唱片公司？）唔知，但佢係鍾意唱歌。」

靚樣慘成拳靶
講到Carman近日參與無綫新拳擊節目，她表示同時跟Odilia再參加另一個跳舞節目，每日練拳、排舞度日，冇時間休息，又自爆剛處女下海試對打，靚樣慘成拳靶：「打中面好想喊！未試過咁樣畀人打！但OK嘅，雖然未打過拳擊，但學過功夫，覺得幾新鮮。」ViuTV之前亦曾推出過拳擊節目《G-1格鬥會》，問到會否擔心網民又會指無綫撞橋？她無奈說：「無論我依家做啲咩，個處境都係會畀人話，只好盡力做好自己，唔好令支持我嘅人失望。」

而Odilia表示對跳舞比賽信心十足，希望可從中讓觀眾睇到她不同面貌，又自爆練舞練到周身傷，小腿內側更有撻大瘀傷，她爆笑形容似「畀鬼搣」，Carman就話拉傷大腿筋。