《綜藝節目》相關報導

ching2506

lily123

(on.cc)
想阿女林愷鈴帶男友返屋企？龔慈恩畀咁嘅反應
04月30日(五) 21:02

藝人林愷鈴（Ashley）與媽媽龔慈恩到電視城為節目《日日媽媽聲》錄影，問到母親節有何表示？Ashley笑言：「講咗就冇surprise。」龔慈恩亦幫口表示：「佢唔會送禮物，但會自己DIY送啲小手作，例如試過寫卡、整早餐畀我食，又用長笛吹首歌畀我聽，好有心思，總之見到佢同個仔就好開心，如果冇禮物，但見到佢哋，有人畀我鬧，我就ok啦。」問到可想囡囡帶個男朋友回家？她即望住囡囡，Ashley即扮聽唔到，她續謂：「佢開心就好，佢開心我就開心，冇壓力，雖然我都有啲希望，哈哈。」

Ashley就坦言：「依家冇拍拖，因為學校同工作都好忙。」龔慈恩又話女兒近日要趕功課：「因為佢讀建築要砌模型，搞到成廳都亂晒，心痛佢做到隻手都爛晒，幾晚冇瞓覺，叫佢take it easy，不過我都欣賞佢認真。」講到媽媽很矛盾，Ashley笑言：「所以好大壓力時，佢就叫我take it easy，但當我hea時，佢就叫我認真，永遠都係做Balance。」

lily123

TVB Weekly

【娛樂熱話】
《好聲好氣》
星級參賽者同台鬥聲

TVB於5月3日推出香港首個配音比賽明星真人騷《好聲好戲》，節目邀請藝人同台鬥聲，考驗他們的聲演實力，並向配音從業員致敬。為隆重其事，TVB於5月1日舉行記者會，公布節目詳情，並率先播放節目的精彩片段，讓傳媒先睹為快。會上，主席評判汪明荃分享對參賽者的評審標準，同場的參賽者馮盈盈、張振朗、何廣沛、陳自瑤、鄧智堅更盡訴參賽時的壓力及得著，五位打氣嘉賓姚子羚、劉佩玥、譚嘉儀、黃庭鋒、戴祖儀亦分享拍攝感受。節目主持阮兆祥及賴慰玲亦即場出題考驗參賽者及打氣嘉賓，以不同的速度、情緒去演繹對白，考驗大家的咬字及情感表達能力。

《好聲好戲》將於5月3日起，逢星期一至五，晚上10時30分於翡翠台播映。該節目由阮兆祥及賴慰玲擔任主持，12位星級參賽者將分3組進行比賽，分別接受3個回合的考驗，透過演繹台詞、配音、與拍檔合作聲演等，比拼聲演實力。節目邀請資深配音導師龍天生及黃鳳英於比賽期間，為參賽者提供專業指導和訓練，強化參賽者的配音技巧。同時，每輪比賽將由汪明荃夥拍兩位著名藝人、資深配音員擔任「主席評判團」，另有4位人氣配音員組成「專業評判團」，評選出每輪比賽的「好聲好戲 傑出聲演」出線者。三位獲選晉級的出線者將於最後階段再決勝負，爭奪「好聲好戲 傑出聲演」總冠軍殊榮。

此外，每組比賽均設「好聲好戲 殿堂聲演」大獎，向業界公認的殿堂級配音員致敬，感謝他們為配音事業付出的努力及貢獻。首輪比賽由馮盈盈、何廣沛、陳安瑩及易宇航參賽，由汪明荃、劉江及配音員陳欣組成「主席評判團」，人氣配音員黃啟昌、劉惠雲、何璐怡及袁淑珍組成「專業評判團」，嘉賓劉佩玥及譚嘉儀將為參賽者加油打氣。

ching2506

導演: 何嘉華 (Leo Ho)

王菲, 林秀怡, 何依婷, 黃嘉雯, 林浩文, 姚宏遠, 陳俊堅, 林穎彤, 鄭雋熹, 程浩駿

lily123

(on.cc)
張美妮食TVB名物舔舔脷　孟瑤齋食青瓜…
05月09日(日) 11:08

幾位靚媽張美妮、張嘉兒、陳爽及孟瑤雖然平時忙於湊小朋友，但為了無綫節目《娛樂大綜藝》母親節的一夜，連日來不停綵排、日跳夜跳，還要練歌，真的忙到不得了。

而身材已經好Fit、還經常嚷着要減肥的美妮，為了慰藉和報答自己，昨日於排舞前，與好姊妹齊齊品嘗電視城Canteen名物炸雞脾，更笑言排練之前食咗先，因為排完舞就會攰到胃口都冇埋。相反可憐的孟瑤坦言為了這此表演，緊張到失眠之餘，每次練習前她都只吃一條青瓜便上陣，望住美妮同嘉兒食，真係好難忍，笑言見到都好肚餓。

ching2506

(註: 東京奧運日期: 7月23日至8月8日)

(星島港聞)
政府購入東京奧運轉播權 全港電視台免費播放港台無份
2021-05-11 10:36

行政長官林鄭月娥表示，政府購入東京奧運轉播權，將交予本地電視台播放，確保市民可以免費收看奧運實事。

林鄭月娥表示，今次係特殊安排，條款列明可轉交不超過五個電視廣播機構，保密條款不可披露購買費用，但她形容費用合理，較過往兩屆商用電視台費用低。她稱，若奧運取消，全數費用將獲發還。

她稱，已聯絡五間廣播機構，包括TVB、VIUTV、香港開電視、香港有線電視以及NowTV，須各自承擔有關製作節目費用，並同意符合體育廣播要求，包括必須播放港隊項目、廣播時數等，收費電視均需於網上提供相關節目，包括精華片段。

林鄭月娥指，港台未有能力轉播奧運賽事，因需製作節目，涉及大量設備及製作費用，需額外聘請團隊，形容費用可觀，故會確保相關電視台有人手處理，而港台則可以轉播其他電視台製作的片段。

lily123

(on.cc)
【東京奧運】曾志偉有意派藝人赴日採訪：睇邊啲藝人打咗針
05月17日(一) 17:11

「2020東京奧運會」於電視城舉行記者會，姚子羚、鄺潔楹、朱智賢、鄧佩儀、陳庭欣、麥美恩、方力申、吳業坤等半百藝人出席，電視廣播有限公司主席許濤亦聯同一眾無綫高層曾志偉、樂易玲、杜之克，體育委員會成員霍啟剛也有現身，場面熱鬧。

曾志偉透露無綫旗下5條頻道，將於奧運期間提供500小時直播節目及賽事精華，OTT平台亦提供13條奧運頻道全天候24小時無間斷轉播賽事，坦言籌備節目時間倉卒，幸而有做前期工作，故有意於奧運倒數15日前舉行明星運動會，除了全台藝人出席，亦會邀請歌手及名人參與。問到會派藝人到東京採訪？志偉表示：「諮詢緊，要睇邊啲藝人打咗針，有關方面又畀到幾多人去，因為依家好嚴謹，唔可以周圍走，去到又要隔離，時間有啲急，要睇睇呢幾日嘅疫情變化，會唔會有機會搞唔成，所以做又大件事，唔做都大件事。」

lily123

(on.cc)
姚子羚首做奧運主持　鄧佩儀恨參加明星運動會
05月17日(一) 18:02

藝人姚子羚與鄧佩儀（Gloria）今日出席《2020東京奧運會》揭幕禮，2人將於奧運期間擔任主持，子羚稱已有多年沒有做主持，做奧運主持更是首次：「呢個係個盛事，好想參與，但真係要惡補吓，我向來有睇奧運，但對上一屆已經係5年前，我就最鍾意睇女排。」

而Gloria透露出席活動前已特意去惡補：「我鍾意睇體操，但對人名唔係好熟悉，所以都要上網搵資料。」問到會否想參加無綫舉行的明星運動會？她表現雀躍：「我好想，短跑同所有跑步項目我都可以參加，跳高同射箭都想嘗試。」愛好長跑的子羚笑言平時跑得太多，所以不會選擇跑步項目：「我會揀打乒乓球同籃球，我細個有打過籃球，不過有20幾年冇打，其實我最應該惡補番運動多過係賽事資料，因為同場會有專業評述員幫手。」

lily123

(on.cc)
重提同葉璇互寸！方力申為採訪奧運放棄6位數工作
05月17日(一) 18:28

藝人方力申（小方）出席「2020東京奧運會」記者會，對於2004年雅典奧運曾代表無綫到當地採訪，期間與葉璇對話時「互寸」惹來誤會，他於台上也重提事件：「17年前同葉璇成為經典，今年我期待再有另一個經典，不過係正面嘅。」

他坦言望有機會赴東京奧運場地任主持：「之前以運動員身份做主持比較抗拒，覺得訪問番運動員會好面懵，但係到今時今日就冇咗呢個包袱，咩都做啦！」更指為了爭取到東京，不惜推掉6位數的搵銀機會：「本來6月要返內地隔離，之後拍網絡大電影。（如果奧運取消咪兩樣都冇晒？ ）咁都冇辦法，人生就係咁樣，冇觀眾嘅奧運都好想參與，不過我有信心可以如期舉行嘅。」

lily123

(on.cc)
吳業坤恨到東京奧運採訪　最大敵人係周奕瑋！
05月17日(一) 19:13

歌手吳業坤現身「2020東京奧運會」記者會，剛接受激光矯視手術的他，特別戴上平光眼鏡保護雙眼，笑指現時終感受到眼前一片光明：「就好似我嘅前途一樣，不過最唔慣係眼前冇咗副眼鏡，試過有時習慣托眼鏡，唔小心插到自己隻眼，亦試過起身會周圍搵眼鏡，25年嚟嘅習慣真係要重新適應。」

對於無綫高層曾志偉有意搞「明星運動會」，他表示有興趣參與：「好想參加籃球項目。（想唔想去埋日本做奧運節目主持？）之前去Working Holiday，所以有機會都想代表公司去做主持。（你日文叻喎！）但我最大敵人係周奕瑋，佢仲勁，希望可以兩個一齊去，互相照應。」