TVB 剧集情报社 - tvbfiles.com

 找回密码
 立即注册
搜索
楼主: lily123

《綜藝節目》相關報導

[复制链接]

66

主题

3107

帖子

8096

积分

超级版主

Rank: 15Rank: 15Rank: 15Rank: 15Rank: 15

积分
8096

热心会员突出贡献优秀版主论坛元老

发表于 2021-4-15 21:18:24 | 显示全部楼层
(on.cc)
李佳芯任人魚肉被摸胸 麥美恩期待同鄧萃雯合作
04月15日(四)
18:14更新 17:24建立

無綫逾20藝人李佳芯(Ali)、蕭正楠、方力申、馮盈盈、麥美恩、敖嘉年、蔣家旻等在將軍澳電視城出席《myTV SUPER 5周年•myTV Gold快樂 Triple Up》記招。席間宣布推出多個不同劇集及節目,包括原創劇《智能愛人》和《欺詐劇團》、五周年特備節目《SUPER FIVE》、蕭正楠主持的節目《Testing Menu》及方力申主持的鬼古節目《鬼上你架車》等。

Ali與麥美恩演出的新劇《智能愛人》將下周在myTV Gold推出,她們受訪時直言沒有預計劇集那麼快出街,相當期待。Ali笑言沒有想到扮演機械要打到飛起,宣傳片中她被麥美恩摸胸,Ali笑說:「戲中好似任人魚肉咁,因為我係機械人,所以畀人摸、掂都唔可以有個人情感,好似你嚟啦,從來未試過咁自信,今次角色可以滿足到男士對機械人嘅遐想。」


回复

使用道具 举报

66

主题

3107

帖子

8096

积分

超级版主

Rank: 15Rank: 15Rank: 15Rank: 15Rank: 15

积分
8096

热心会员突出贡献优秀版主论坛元老

发表于 2021-4-15 21:20:19 | 显示全部楼层
(星島)
上靈異節目鬼殺咁嘈 方力申被馮盈盈尖叫聲嚇親
2021-04-15 17:46

TVB旗下OTT平台今日舉行「myTV SUPER 5周年.myTV Gold快樂Triple Up」記者會,逾20位藝員現身支持,包括劇集《智能愛人》的李佳芯、馮盈盈、麥美恩;《Testing Menu》主持蕭正楠;節目《鬼上你架車》的方力申和蔡潔;劇集《欺詐劇團》蔣家旻外,還推介5周年特備節目《SUPER FIVE》以及音樂、綜藝、球賽等不同類型節目。

方力申(小方)與當奴主持靈異節目《鬼上你架車》,馮盈盈是嘉賓之一,她以古裝造型現身,還向高層樂易玲自薦拍古裝劇。事後盈盈說沒有特別自薦,因一身俠女造型,又未試過拍古裝劇,戲言有少少古裝韻味。小方表示聽聞古裝街好猛鬼,盈盈稱不怕可用聲煞,有得拍絕對會拍。

小方笑稱拍攝時被盈盈的尖叫聲嚇親,凌晨開工好嘈沒冷場,不過盈盈好專業,事前問了好多朋友鬼故事經歷分享;他爆盈盈在節目中被假人嚇到花容失色。盈盈說請她做嘉賓有少少整蠱,因怕鬼平日對靈異事件比較避忌,由細到大未看過完整的鬼片。小方指節目賣點是嘉賓講出真人真事的鬼故,其他嘉賓有關智斌、張繼聰、蔡思貝、胡鴻鈞、高海寧及唐詩詠等。



回复

使用道具 举报

55

主题

1582

帖子

4287

积分

版主

Rank: 10Rank: 10Rank: 10

积分
4287

活跃会员推广达人优秀版主

 楼主| 发表于 2021-4-19 19:26:00 | 显示全部楼层
(on.cc)
仲未見過林峯囡囡!林夏薇押後生B大計?
04月19日(一) 19:02

藝人林夏薇(薇薇)為無綫新節目《好聲好戲》擔任打氣評判團。受訪時,提到堂兄林峯上年9月升呢做老竇,她早前曾表示未見過林峯女兒真人,她透露原來至今仍未見過姪女,並希望可以盡快通關:「有視像嘅,之前買落啲衫仔想寄畀佢,但都寄唔到,最怕Size唔啱。(唔啱就留番畀你自己嗰個?)咁個款會過時喎!」

問到幾時進行生B大計?她表示一直以來都沒有着急,連自己的父母和朋友從來冇替她急過:「本身想順期自然,私下亦完全冇諗呢樣嘢,之前拍少啲戲,多啲時間放喺屋企,但又要搞生意,分配唔到咁多時間,生B陪伴係好緊要,暫時都未有呢個時間,放慢腳步先。」

向前輩偷師

講到這次前來為《好聲》參賽者加油、打氣,問到為何不參賽?她笑謂因為名額已滿,今次就當是抱學習心態,前來向前輩偷師:「覺得配音前輩好犀利,好考專注力、反應、觀察同想像,自己之前都有配音經驗,配過動畫入面嘅男仔小朋友,同埋有時拍劇都要配番自己音,但已經好難,如果要配喊戲就要由頭演多次。(想挑戰配咩角色?)或者係女仔小朋友,自己唔係專業,揀番啲同自己聲線比較接近嘅角色好啲。」另外,她對配韓劇都有興趣,特別是壞女人角色:「挑戰唔同嘅感覺,奸角有發揮空間。」
回复

使用道具 举报

55

主题

1582

帖子

4287

积分

版主

Rank: 10Rank: 10Rank: 10

积分
4287

活跃会员推广达人优秀版主

 楼主| 发表于 2021-4-19 19:48:58 | 显示全部楼层
(on.cc)
被阿Bob惡搞黑面!陳自瑤唔嬲:我依家笑緊㗎!
04月19日(一) 19:22

無綫新節目《好聲好戲》今日進行錄影,主持人有阮兆祥及賴慰玲,汪明荃、韓馬利及陳永信是主席評判,嘉賓方面有陳自瑤(YoYo)、洪永城、林夏薇、郭子豪、楊潮凱及羅毓儀。參賽者之一的YoYo於受訪時表示壓力爆煲,練配音練到把聲都拆,早兩日又疑喉嚨痛發炎,即刻要食消炎藥:「今日把聲算好番啲,練到係唔敢再練,嚇死我!導師話我長期咁練會搞到聲帶疲勞,所以叫我咪嘴記位先,把聲沙可能關壓力、緊張、情緒事。」

她又自爆昨日臨醒發噩夢,夢見類似舞台設計,下個便要上台演出,但臨時不見稿:「勁驚咁喺個櫃到摷,夢到埋楊潮凱,佢安慰我、叫我唔好緊張。(怕夢境重現現實?)都驚!今日錄咗少少都Feel到喉嚨收窄。」續透露為突破自己,專登於自選配音環節挑選非經常演出角色:「既然要玩就玩突破,咁先有新鮮感,不過難度好高。(覺得自己演戲好啲?)鍾意演戲,但如果要搵我配音都無任歡迎!」

講到林盛斌(Bob)跟太太Pearl於新一集的《開心大綜藝》惡搞王浩信攞視帝多謝YoYo,但她「黑面」的經典場面,YoYo多次表示未有睇節目,因要咪劇本準備配音比賽,更笑嘲:「我依家笑緊㗎!冇睇所以唔知發生咩事,但OK嘅、唔緊要,最緊要啲觀眾睇得開心。(唔會嬲、唔開心?)唔會!呢個節目都係想大家開開心心。(之後成日扮你會唔鍾意?)向好嘅方面諗係開心,起碼有人扮我。(黑面係你嘅代表作?)大家留意我嚟緊啲戲啦!」

另外,有傳港姐冠軍黃嘉雯介入好姊妹連詩雅(Shiga)跟男友陳家樂的戀情,YoYo聞言即單手遮掩O嘴,然後反問:「係咩?」繼而耍手擰頭兼求饒:「我呢排真係好忙,有單咁嘅新聞我都唔知,而我係乜都唔知,唔好問我,我唔識答亦唔方便。(有同Shiga聯絡?)有,佢好辛苦開緊工,希望佢快啲返。(冇Send唔開心嘅Emoji?)冇,依家係新聞講啫、都係傳媒講係佢男友啫,留番畀當時人答啦!」
回复

使用道具 举报

55

主题

1582

帖子

4287

积分

版主

Rank: 10Rank: 10Rank: 10

积分
4287

活跃会员推广达人优秀版主

 楼主| 发表于 2021-4-19 20:56:08 | 显示全部楼层
(星島)
家中聲演「丁蟹」惹誤會 洪永城被拍門投訴恰女人
2021-04-19 20:12

洪永城今日為TVB節目《好聲好戲》錄影,參賽挑戰配音的他透露,將聲演經典劇集《大時代》中「丁蟹」一角及扮羅嘉良,與女友梁諾妍同居的洪永城笑稱:「練習時因『丁蟹』對白太勁,被鄰居誤會我欺凌女人,拍門投訴問是否要報警。我自覺沒配音天份,專業評審給我很多意見,自己虛心學習,有待改進。」並透露即將監製新劇《凶宅清潔師》,對監製工作感困難。

回复

使用道具 举报

66

主题

3107

帖子

8096

积分

超级版主

Rank: 15Rank: 15Rank: 15Rank: 15Rank: 15

积分
8096

热心会员突出贡献优秀版主论坛元老

发表于 2021-4-20 01:37:01 | 显示全部楼层
(on.cc)
入行9年!袁鎮業有得上《開心大綜藝》:好感動
04月20日(二) 00:29

無綫全新綜藝節目《開心大綜藝》新增藝人比賽環節,跳舞出身又是合約藝員的袁鎮業和陳俊堅,與師兄麥秋成齊齊跳舞參演的《我要上台慶》環節,最後入圍有機會演出11月台慶而大表興奮。

袁鎮業稱:「嗰晚我哋一齊跳嘅舞就好似電影《翻生侏羅館》咁,有清潔工人啦,而我就係古代兵,冇人參觀後我哋就『上身』咁玩,而我同陳俊堅,以前都係舞蹈員,大家識好耐,而自己都入行9年,好似冇乜人識,所以今次有機會參與咁大型嘅綜藝節目,仲可以做壓軸,好感動,排練時又特別拍我哋訪問,覺得好受尊重,入行咁耐都未試過,仲有髮型、服裝啲同事,大家都好幫手,雖然戲服好重,紮到好緊,唔太抖到氣,但效果真係好型,好有氣勢,所以我對幕後一班人員都要講句多謝,因為演出太完美。」
回复

使用道具 举报

55

主题

1582

帖子

4287

积分

版主

Rank: 10Rank: 10Rank: 10

积分
4287

活跃会员推广达人优秀版主

 楼主| 发表于 2021-4-22 00:18:18 | 显示全部楼层
(HK01)
阮兆祥爆TVB籌備選秀節目 節目年輕氣息重:以前係無綫未出現過
即時娛樂
撰文:賴家杰
2021-04-21 21:30
最後更新日期:2021-04-21 21

阮兆祥(祥仔)近來受到曾志偉邀請回到TVB擔任綜藝節目主持,現時正在錄製真人show節目《好聲好氣》,接受《香港01》訪問時候他說:「自己都一陣子冇返嚟TVB做節目,今次重投TVB懷抱,我見到好多幕後幕前,所有兄弟姊妹都想做好個節目,好多趕緊後期,我見到大家都忙得好開心,喺公司梳化瞓覺,又喺洗手間沖涼,完全冇怨言,我見到大家有個種熱血,我覺得TVB太耐都冇呢種熱血,希望呢種熱血化成力量,再用全新節目感動觀眾回歸TVB懷抱,可以再省靚返個招牌。」

祥仔說到希望「省靚返個招牌」幫助TVB,但近年來TVB節目的質素被指下降,他直言:「我諗我意思係想提供更多節目畀觀眾選擇,綜藝節目內容有好多,你見我哋4月嘅攻勢,包括唔少主題嘅綜藝,見到我哋TVB好多音樂節目,好耐冇加強音樂質素,年輕氣息都相當重。遲啲都會有好多唔同選秀節目,聽講有好多節目開緊會籌備當中,以前係TVB未出現過,作為觀眾我好都好期待。」

提到近月來,TVB與ViuTV的電視大戰正式開始,TVB出招有《開心大綜藝》去抗衡ViuTV的音樂頒獎禮,不過有不少網友都力撐ViuTV的音樂頒獎禮比較好看,祥仔說:「當然網上評論我哋非常之接受,但網友嘅評論係咪代表所有迴響呢?咁亦都未必,有時候見到街邊好多朋友可能撞到我哋,會反映好多意見,就我自己經驗所得呢,朋友睇完我哋《開心大綜藝》或者有啲節目都有好多好好嘅迴響,佢哋睇完都話好開心,可以有一家大細一齊坐嚟睇。當然我哋每一集做完都會有檢討,希望大家繼續畀意見,我哋繼續做好佢,因為一個好節目唔易做,希望收集多啲意見,成為一個盡善盡美嘅節目。」

網上不時都會有網友討論到觀看TVB的觀眾都是上了年紀,觀看ViuTV則是較年輕,像分了兩批觀眾層面,祥仔笑言:「咁咪好囉,冇乜所謂,各取所需,咁我哋都有觀眾調查,其實都反映到有一班觀眾係鍾意睇我哋,同樣係佢哋收視報告裡面年輕觀眾多啲年長未必有咁多,咁我哋都係服務大眾。當然希望可以由年輕同年長都鍾意睇,但每個人都有佢選擇,我都尊重,我哋都要承認嘅,因為收視報告成年人係鍾意睇我哋節目多少少,咁希望做一啲內容吸納年輕觀眾。其實我哋冇捨棄呢一班年輕觀眾,其實你見到我哋收到網友們迴響,我哋都積極回應,咁希望越做越好。」


回复

使用道具 举报

66

主题

3107

帖子

8096

积分

超级版主

Rank: 15Rank: 15Rank: 15Rank: 15Rank: 15

积分
8096

热心会员突出贡献优秀版主论坛元老

发表于 2021-4-24 00:09:58 | 显示全部楼层
(on.cc)
拉攏梁嘉琪歸隊 王祖藍力谷「學院派」賴慰玲上位
04月24日(六) 00:02

演藝學院出身的王祖藍「空降」無綫首席創意官後,「學院派」賴慰玲、鄧智堅、何遠東即有運行,其中「最佳女配角」賴慰玲更獲力捧,「撈過界」孭飛做主持。

曾志偉與王祖藍早前獲TVB大股東黎瑞剛「欽點」加入無綫,分別擔任副總經理及首席創意官,除了肩負起改革節目重任,亦要推倒積陋已久的「山頭文化」。不過,有傳「山頭」未動,新勢力「學院派」的賴慰玲、鄧智堅、何遠東、吳嘉儀已抬頭。

演藝學院畢業的王祖藍在內地發展成功,最近獲母校頒授榮譽院士,名成利就的他「升官」後未有忘本,對一班演藝師兄弟妹照顧有加,今年初奪台慶頒獎禮「最佳女配角」的賴慰玲,今年除了拍攝《拳王》、《雙生陌生人》外,更撈過界接連為節目《解構心機女》及祖藍重點炮製的《好聲好戲》擔任主持,獲鋪路雙線發展。據知,王祖藍好友梁嘉琪雖然正為其他電視台擔任節目主持,但有意斟她返TVB幫手。

鄧智堅「演藝BTS」贏話題
而有「演藝小王子」之稱的鄧智堅早年加入無綫後拍過劇集《救妻同學會》、節目《粵講粵㜺鬼》等,實力得到認同,但知名度不算高,幸有祖藍照住,早前在無綫「超級綜藝隆重登場」記者會委以「重任」惡搞姜濤,隨後再掛帥聯同演藝師弟何遠東、吳佩隆、張翼東在《開心大綜藝》中扮演韓國人氣男團BTS,雖然兩次演出皆被認為醜化偶像,遭網民鬧爆,但扮嘢能力毋庸置疑,成功出位,令觀眾認識他。「學院派」亦成為《開心大綜藝》及《好聲好戲》表演的「鐵腳」,曝光率大增。

對於被指「學院派」得祖藍帶挈,鄧智堅回應說:「相信係因為公司近排有好多新嘅節目,幕後想讓不同嘅藝人參與,同增加新鮮感,能夠參與任何一個節目都係榮幸同學習機會,亦期待自己將演戲嘅一面,喺劇集同大家分享。」而王祖藍、賴慰玲則未有回覆。
回复

使用道具 举报

55

主题

1582

帖子

4287

积分

版主

Rank: 10Rank: 10Rank: 10

积分
4287

活跃会员推广达人优秀版主

 楼主| 发表于 2021-4-27 23:08:00 | 显示全部楼层
(on.cc)
無綫繼續重用!陳貝兒爆隨時再《嫁》
04月27日(二) 22:03

因恩師余詠珊即將離巢無綫,不少粉絲都擔心陳貝兒未來路向,而事實上近期她亦減少露面,不過遠方傳來「好消息」,貝兒仍獲無綫重用,今日已低調前往內地,隔離期滿後為全新節目拍攝外景。由於高層對該節目相當重視,暫時嚴禁台前幕後對外透露端倪。

身在內地的貝兒回覆東網表示:「其實拍《嫁到這世界邊端》系列,令我變『執篋達人』,本來唔係好驚執行李,但今次因為隔離關係,一去就要去3個幾月,最快7月尾先返到,要帶好多防疫用品傍身,出發前執行李覺得有選擇困難症!」她笑言很多朋友都關心她會否再拍《嫁》系列節目,貝兒坦言:「係有咁嘅計劃,希望出年年頭可以成事。今次嘅節目就係全新嘅,同《嫁》節目無關啦。」

而出發前貝兒開Live與粉絲聊天「話別」,不少人留言叮囑她小心、好好照顧自己,而最令她感動的,是閨蜜為她預先慶生:「早咗好多,我6月先生日,不過佢哋真係好有心,今個生日應該好難忘。」
回复

使用道具 举报

66

主题

3107

帖子

8096

积分

超级版主

Rank: 15Rank: 15Rank: 15Rank: 15Rank: 15

积分
8096

热心会员突出贡献优秀版主论坛元老

发表于 2021-4-30 17:18:32 | 显示全部楼层
(HK01)
好聲好戲|陳安瑩隔9年重返TVB 專業配音員參賽:拍攝時喊左2次
撰文:洪曉璇
2021-04-30 16:05

《大整蠱》播到尾聲啦,下星期一同樣時段將會播出新節目《好聲好戲》,作為曾志偉王祖藍空降做高層後嘅九大綜藝節目,呢個配音比賽真人騷搵嚟唔少舊人回巢,除咗有劉江擔任導師,呢日有人喺預告中發現「傻姑」陳安瑩蹤影﹗佢接受《香港01》訪問時話:「係呀我有份參賽。」

預告片出街後有列出12名參賽者,包括馮盈盈、張振朗、陳自瑤、黃翠如等,赫然發現「陳安瑩」名字,討論區有人發文,問係咪同名同姓演員,事關陳安瑩早已是專業配音員,足夠資格做導師而非參賽者。陳安瑩1979年第8期入選無綫電視藝員訓練班,畢業後曾三度飾演金庸小說筆下嘅儍姑一角。2012年王維基挖角下,離開工作33年嘅TVB。

陳安瑩接受《香港01》訪問時話:「其實好多朋友知我參加都O晒咀。當日係王祖藍打嚟邀請,當時佢話自己返去搞嘅第一個節目,關於配音比賽想我參加,不過就唔係導師而係參賽者,我諗當下佢都有少少怕我介意但其實真係無。因為大家一直都知我係個演員,但其實都做咗配音員好多年,內地有《聲臨其境》但香港真係未試過有同類講配音嘅節目,可以推動下配音呢一行,畀大家知唔止演員難,配音都需要專業訓練,所以我決定參加。」

相隔9年再返TVB電視城,陳安瑩話一切都好熟悉,見返好多朋友:「除咗其他參賽者基本上台前幕後都識。前後拍攝三日已經完成工作,其實我屋企無電視又無特別上網睇,有人問我預告喊乜我真係唔知係邊幕。記得拍攝時我喊左2次,配音時有喊講嘢時都有喊,有一個位係面對LISA姐,以前我成日同佢做主僕,嗰刻諗起以前好多合作點滴,我同佢講LISA姐你知我演戲時係點,依家終於知埋我配音時係點樣。」
回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2021-10-23 15:12 , Processed in 0.031759 second(s), 18 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表