TVB 剧集情报社 - tvbfiles.com

 找回密码
 立即注册
搜索
楼主: lily123

《綜藝節目》相關報導

[复制链接]

67

主题

3384

帖子

8741

积分

超级版主

Rank: 15Rank: 15Rank: 15Rank: 15Rank: 15

积分
8741

热心会员突出贡献优秀版主论坛元老

发表于 2021-11-7 19:00:28 | 显示全部楼层
梁思浩香港V :
一大清早已經開始拍攝
火速趕工中..........#通靈之王# 前傳
唔睇到我啲相,找唔找到亮點?

11月21號播出
一直拍一直播到明年三月底,為咗選秀公平起見,邊拍邊播
香港最強勁嘅大師級班底
令您們意料之外嘅參賽者
通靈大揭秘
亞洲第一個通靈選秀真人騷
#梁思浩 ##無綫電視 ##翡翠台

回复

使用道具 举报

67

主题

3384

帖子

8741

积分

超级版主

Rank: 15Rank: 15Rank: 15Rank: 15Rank: 15

积分
8741

热心会员突出贡献优秀版主论坛元老

发表于 2021-11-11 14:37:38 | 显示全部楼层
(HK01)
專訪︱梁思浩重返TVB預咗再遇「世仇」樂易玲:唔原諒我都唔緊要
撰文:陳栢宇
出版:2021-11-11 07:00
更新:2021-11-11 12:54

梁思浩主持有線靈異節目《怪談》系列長達17年,但他早前卻突然宣布退出,更有消息指他獲無綫(TVB)總經理曾志偉邀請,即將重返娘家擔任新節目監製兼主持。梁思浩昨日(10/11)接受《香港01》訪問時承認消息屬實,亦坦言對《怪談》、對有線電視感到不捨:「因為簽咗保密協議,我返TVB呢個秘密係收埋咗半年,我唔可以同有線講我咩理由唔可以繼續做,而佢哋(有線)一直對我好好,無條件就我時間同人工,我係好難過,甚至係有一個合作咗好多年嘅監製打嚟搵我,『思浩,你保重身體呀,有咩要搵我呀,唔好收收埋埋』,人哋以為我有絕症,我就話,『咩都有可能,唯獨我身體冇出現問題。」

保密協議到期,終於咩都講得,梁思浩亦不諱言今次相隔17年再度回巢,與曾志偉有莫大關係,眼見他過去一年對TVB仆心仆命,明顯對公司有一份情:「呢一份情我都有,我唔知你有冇試過,個感覺係,你經過你母校,突然間你返番去你剛剛入學嘅歲數,好難去用言語去形容,第二份工、第三份工唔會有呢份情,雖然而家好多嘢改變咗,但係份情係冇改變到。」他又指自己在過去半年激減25磅,只為回復當年離開TVB時的體重:「當日我行出呢個門口有幾多磅,我返入去就幾多磅,我將自己冇變到咁交番個人返去。」

2004年,TVB大裁員,有份被炒的梁思浩不但怒斥公司無情無義,亦向當時高層陳志雲和樂易玲隔空開火:「我做Live show都超過一萬小時,但係佢(樂易玲)睇電視都唔知夠唔夠一萬小時」,而他多年亦曾數度追擊過樂易玲:「張黑名單喺樂易玲個手袋入面,我同黃日華都返唔到無綫,除非等樂易玲唔喺無綫做就有機會。」怨氣甚深。

梁思浩今次回巢,雖然不會再見到已經離開TVB的陳志雲,但仍然有好大機會與樂易玲碰頭。怎樣面對她?梁思浩坦言三日前致電給一位圈中猛人搭路,希望與樂易玲擺和頭酒,並親口向對方說聲對不起:「當年每一個人都有個位置,佢未必想咁做,但係公司要佢咁做,佢身在其位,唔可以唔做,我同佢無仇無怨,只不過係因為佢嘅職位同我有衝突,但我就不停咁鬧佢,我而家人大個咗,睇法都唔同,我今日學識咗放下,我係欠佢一個道歉。」

你肯道歉,別人未必肯原諒,始終當天確實鬧得太盡、太不留餘地,梁思浩亦承認如果自己是樂易玲,聽到他鬧得如此狠,也會火上心頭:「我都嬲啦,咁鬧你,你都唔嬲,聖人咩?(對方唔原諒點算?)唔緊要,咩叫釋出善意,就係畀咗先,佢係咪接受,我都釋出咗,起碼我都有咁大嘅勇氣。如果你要在意你嘅勇氣有冇結果,你就唔夠勇氣喇。好多人都覺得,梁思浩咩都夠膽講,咁點解我唔夠膽講『對唔住』三個字?」

向來言辭辛辣的梁思浩,或許受最近數年的大環境影響而肯放下身段認低威:「呢幾年我同好多香港人都學識包容同埋放下,對樣樣嘢包容多啲,對樣樣嘢放下多啲,你個人就會活得自在啲,因為我哋經歷咗好多唔同嘅嘢,例如疫情,我哋仲唔放下?咁我哋咪好辛苦?」
回复

使用道具 举报

67

主题

3384

帖子

8741

积分

超级版主

Rank: 15Rank: 15Rank: 15Rank: 15Rank: 15

积分
8741

热心会员突出贡献优秀版主论坛元老

发表于 2021-11-11 14:38:25 | 显示全部楼层
(HK01)
專訪︱梁思浩重返TVB搞捉鬼大賽? 「搵幾位大師一齊鬥」
撰文:陳栢宇
出版:2021-11-11 07:30
更新:2021-11-11 12:54

梁思浩主持有線靈異節目《怪談》系列長達17年,但他早前卻突然宣布退出,更有消息指他獲無綫(TVB)總經理曾志偉邀請,即將重返娘家擔任新節目監製兼主持,有傳節目是靈探騷《搵鬼去電視城》,但他昨日(10/11)接受《香港01》便指這個是一個美麗的誤會:「我個節目叫《通靈之王》呀!唔係淨係得一季,係連續性嘅,亦唔止香港,仲會包埋東南亞。首站香港會搵一班喺玄學界發展,但唔算好有知名度嘅人參加比賽,一出場有六位大師,後期會加到八位,會教大家點樣做一個『通靈之王』。(鬥法真人騷?一齊捉鬼?)類似喇,搵個Case出嚟,幾位大師一齊出手一齊鬥。」

梁思浩直指《通靈之王》製作費用不菲,既要搭製廠景,又要至少出動八部攝影機一同拍攝:「參賽者亦都好犀利,好多年青人,我哋都係刻意挑選比較後生嘅,有一個係幫泰王睇風水,有一個曾經係電影明星,有一個係選過亞洲小姐,有一個係TVB藝人,我睇到入圍名單嗰時都覺得好出奇。」

提到《通靈之王》未開播已獲東南亞電視台斥七位數字購買放映權,梁思浩直認自己主持的靈異節目從來深受東南亞觀眾歡迎:「只要係梁思浩靈異節目,東南亞電視台已經係買硬,如果暫時冇出貨,甚至係會叫我去拍,所以我先喺新加坡、馬來西亞拍過過靈異節目。(多數拍靈異節目,怕唔怕悶?怕唔怕俾人話食老本?)雖然都係靈異題材,但我係不停做新嘢,我係一個幾唔願意做番舊嘢嘅人,我唔鍾意『食老本』三隻字,我覺得呢三隻字對一個人嚟講係侮辱嚟,咁觀眾咁蠢,咁多年都一樣都仲睇你,你要佢揀你,你就要拎出功夫。」

TVB近年成為網民攻擊對象,最近更有不少杯葛事件,梁思浩直認決定回巢有預計過被鬧,但事實又非如他所想:「原來香港人好善良,係好鍾意睇大團圓結局,和好如初,哈哈!完全係放低咗件事!都有負評嘅,一千個裏面有一個。」他又直認見到娘家遭各方面負評而感到心痛:「就算我以前同TVB有幾多恩恩怨怨都好,原來我睇到人鬧TVB,我係會唔開心,就好似一家人咁,就算發生過咩事都可以冇事,有時見到佢哋鬧得唔啱,點解要鬧佢,久而久之就成為咗我返TVB嘅其中一個動力。(會唔會帶動TVB改變?)我冇睇到自己咁大,我只係想觀眾用另一個眼光,睇17、8年後嘅梁思浩。」他又指自己不局限於主持真人騷,隨時會在劇集和大騷中亮相。
回复

使用道具 举报

67

主题

3384

帖子

8741

积分

超级版主

Rank: 15Rank: 15Rank: 15Rank: 15Rank: 15

积分
8741

热心会员突出贡献优秀版主论坛元老

发表于 2021-11-13 00:05:44 | 显示全部楼层
(on.cc)
古巨基閉關2年復工響頭炮 群星唱好無綫跨年騷
11月13日(六) 00:01

年底跨年騷必是巨星晒冷之黃金機會,無綫強勢請得閉關2年的古巨基首度出山,夥拍「完美CP」周慧敏及「好聲音」李克勤等巨星雲集中環開唱,跟落實於西九演出除夕騷的男團MIRROR隔岸打對台,以集體回憶力撼至強人氣。

香港疫情緩和下,演藝娛樂活動逐漸回歸,東網收到消息無綫正密鑼緊鼓籌辦除夕跨年騷,之前誤傳無綫未能投得西九文化區藝術公園復辦的倒數大型活動製作權,結果由ViuTV負責製作,並安排人氣男團MIRROR參與演出,事實無綫今年會繼續與製作公司、內地平台和央視頻攜手再次舉辦跨年晚會,演出巨星陣容鼎盛,亦是疫情下容納超過15,000 人的最大型演唱會。

據知無綫有份主辦的《香港最美的夜2021 跨年演唱會》將於除夕晚假香港中環海濱活動空間舉行,有關方面早就向各大唱片公司廣發英雄帖,演出單位超過30組嘉賓以上, 群星拱照,落實演出有古巨基、李克勤、周慧敏、「聲夢」人氣學員等,而「歌神」張學友、陳奕迅、容祖兒、Twins、譚詠麟、郭富城、草蜢、陳慧嫻、莫文蔚、林子祥等正在洽商中。古巨基自從兒子出世後,他就閉關休息,雖然無間斷的真人騷、商演、廣告邀約, 但他全部推掉,停工2年終選擇除夕晚會作為復工的頭炮,「基」迷都引頸以待。

為香港復甦作一個起始點,無綫着意為香港市民打造一個大型集體回憶演唱會,當晚還有無人機在璀璨維港夜空表演,讓業界與市民一起狂歡倒數同慶,迎接新年。去年他們搞的跨年騷就空前成功,晚會同步在線人數高達2.8億人次,香港有多達150萬人次觀看。

無綫今次有份主辦製作的跨年騷,跟ViuTV製作的除夕晚會無可避免撼到正,兩個都是戶外大型演唱會,不過無綫在中環海濱活動空間,預算可容納15,000觀眾,不但比紅館座位多,亦比ViuTV在西九文化區的3,580個座位多出幾倍。西九的門票以抽獎形式免費派發,而無綫的海濱騷則採取售票方式,演唱會門票收益扣除成本將予以一個份額捐給從事「香港現場演出及製作行業協會」。ViuTV除了有MIRROR,還有Gin Lee、AGA、許廷鏗等助陣;而無綫方面參與演出巨星歌手更是空群而出,陣容聲勢絕對是近年罕見。
回复

使用道具 举报

61

主题

1736

帖子

4683

积分

版主

Rank: 10Rank: 10Rank: 10

积分
4683

活跃会员推广达人优秀版主

 楼主| 发表于 2021-11-13 15:25:30 | 显示全部楼层
(星島)
麻雀教室丨薛家燕請高手上節目 等乖孫識行即教家傳十字步
2021-11-13 15:00

薛家燕、戴祖儀、吳若希等主持的TVB全新綜藝節目《麻雀教室三缺一》今日在將軍澳電視城舉行拜神儀式,家燕姐表示是去年4月結束《流行經典50年》後再做主持,預計拍12集,每次都要錄足半日,除了請藝人上節目也會請「高人」,因為疫情很多人打麻雀打出心得。提到開工掛住孫仔?她笑說:「最近屋企裝修,搬咗去酒店住,新抱每周會帶孫仔嚟探我,依家5個月大聽到我唱《皆大歡喜》會跟住吖吖叫,將來學行後就教家傳十字步。」

另外,戴祖儀(Joey)自言是運氣型玩家,自己也會在工作室與助手開戰,經常與她合唱的涂毓麟也會參戰,笑指對方雖然牌品好,但個性大男人又喜歡後生女,因此想做媒人介紹女仔給他認識。
回复

使用道具 举报

67

主题

3384

帖子

8741

积分

超级版主

Rank: 15Rank: 15Rank: 15Rank: 15Rank: 15

积分
8741

热心会员突出贡献优秀版主论坛元老

发表于 2021-11-14 21:25:45 | 显示全部楼层
(on.cc)
重返TVB搞通靈選秀騷!梁思浩碌人情卡請佘詩曼
11月14日(日) 21:02

「鬼王」梁思浩和無綫世紀破冰,18年後光榮重返娘家,主持東南亞首個通靈選秀的全新節目《通靈之王》,構思相當新穎。節目中他私碌人情卡請得6位至具人氣,來自不同門派的大師級任導師圑,包括李居明、麥玲玲等,在14集節目中透過不同的考驗選出冠軍成為「通靈之王」,而節目有2集前傳先介紹比賽,之後14集節目正式開始選秀。

日前思浩接受專訪時表示:「比賽係就好似搵特異功能嘅人咁,譬如要佢哋用自己嘅方法去估牆後有幾個男人、女人,參加者全部都係有料嘅,佢哋會計到出嚟。」而香港只是節目的第一站,第二季開始則在東南亞,如新加坡、馬來西亞,作全球性選秀。至於參賽的候選「通靈王」,他直言連自己都感意外及驚喜:「好得意,15個參賽有電影明星、亞洲小姐、TVB藝人,同泰王睇風水嘅,全部都平均30歲,我冇諗過,佢哋轉咗行,因為玄學風水好搵錢。」

思浩話真心欣賞這班「環璄不變,心態變」的年輕參賽者:「放開眼光,試多啲新嘅嘢,覺得原有行業賺唔到錢、冇去向,咪試吓其他嘢。」正如沒有人知道陳自瑤是「新一代配音之王」,當時他亦有讚過她具配音天分,所以他覺得「唔試又點知呢?」他還爆料,指節目中還有大班圈中令觀眾驚喜的好友撐場,近年鮮在無綫出現但觀眾感期待的藝人,將會在特別環節跟觀眾見面,其中一位就是跟他相識23年合拍《雪山飛狐》的佘詩曼(阿佘):「我打畀阿佘,點知佢二話不說話得,仲話我18年同無綫破冰喎,『點解唔賀你呀』佢依家喺成都拍戲,一返嚟香港就上我度,有啲嘉賓超過20年冇返無綫,佢哋個個都講我返無綫成為熱搜,原來大家咁有興趣,呢樣係意料之外。」

雖然外界對他重返無綫第一炮充滿期待,但沒有構成任何壓力,因為他再為無綫效力只為圓夢而非「求分數」,他又說:「原來大部分人都鍾意睇大圑圓結局,感覺係家人返咗屋企。」但他沒有「返無綫返得遲」的感覺,因人與人之間要講緣分,冥冥自有主宰,否則若不是離開娘家,令他到有線、NowTV「深造」,助他取得「東南亞鬼王」之名,現終可載譽歸來:「覺得我今日以咁樣返去TVB嘛?返嚟都遇上困難,但人唔係遇上困難就退縮囉,堅持到最後都會贏,每個人有條路,可以行遠啲,我唔會抹殺咗喺呢17年嚟嘅其他電視台嘅功勞嘅。」對於回歸無綫後的感覺,他覺得:「既溫馨又陌生囉,好開心遇番啲舊同事,學柴九話齋『人生有幾多年10年』。」

除返無綫任節目監製外,思浩已準備好兩個類似金宵大廈的劇本,不排除相隔逾20年再拍劇:「想我拍劇、做司儀都冇問題,新一代應唔知我係拍劇出身,呢幾年我鍾意做創作,如果曾志偉要我畀。」不過他亦有條件就係要開心:「我喜歡同人合作寫劇本,仲要加入我哋嘅班底,要保住佢飯碗,可以集合黃宗澤、阿佘、吳家樂同苑瓊丹,當朋友聚會,要我再度多個劇本出嚟都得。」
回复

使用道具 举报

61

主题

1736

帖子

4683

积分

版主

Rank: 10Rank: 10Rank: 10

积分
4683

活跃会员推广达人优秀版主

 楼主| 发表于 2021-11-14 23:11:47 | 显示全部楼层
(on.cc)
2022年第一擊!《聲夢》學員開元旦騷
11月14日(日) 23:01

由NEW TV主辦、無綫豪擲2,000萬元製作的除夕夜跨年演唱會,落實有多位樂壇紅星坐鎮,包括古巨基、李克勤、陳慧嫻和周慧敏等,載歌載舞與市民倒數迎新年。由於疫情關係,政府已宣布當晚取消煙花匯演,但無綫為加強氣氛,當晚除了無人機匯演外,亦會在舞台上綻放煙火,倒數前30分鐘更會作全球直播。

而這個中環海濱活動空間的舞台,無綫更會留給「聲夢」學員翌日、即元旦開演唱會之用,元旦騷暫定一場,將會公開售票。有新人王之稱的炎明熹將偕姚焯菲和冼靖峰等今年8月完成《聲夢傳奇》後,曾在容納1,500人的麥花臣場館舉行演唱會熱身,今次將挑戰多十倍觀眾,可容納超過15,000人的臨海舞台,相信演唱時一定High爆。
回复

使用道具 举报

67

主题

3384

帖子

8741

积分

超级版主

Rank: 15Rank: 15Rank: 15Rank: 15Rank: 15

积分
8741

热心会员突出贡献优秀版主论坛元老

发表于 2021-11-15 19:54:36 | 显示全部楼层
(on.cc)
古巨基坐鎮跨年倒數演唱會 11.25優先預售門票
11月15日(一) 19:27

由NEW TV主辦的《2021美麗的夜香港跨年演唱會》將於12月31日於中環海濱活動空間隆重舉行,NEW TV預計耗資3,000萬元製作,請來多位樂壇巨星坐鎮,除了之前宣布的古巨基、周慧敏、李克勤外,其他出席歌手還有林子祥、菊梓喬、衛蘭、泳兒、任賢齊、草蜢、Supper Moment、曾比特、陳凱詠等,更有不少歌手應邀落實當中,而活動記者會將於本月22日舉行,屆時會正式再公布演出陣容。

雖然今年取消了煙花滙演,但為了加強氣氛,節目中有大型無人機滙演外,舞台上亦會綻放煙火及鐳射燈火音樂匯演,倒數前30分鐘作全球直播,屆時除了16,000位現場觀眾齊齊感受新年氣氛外,內地網台及無綫亦有播映權,觀眾可齊齊迎接精彩的新一年。
演唱會門票將於11月25日優先預售,而整個活動的門票收益扣除成本後將予以一個份額損捐贈給「香港現場演出及製作行業協會」,幫助疫情期間沒有工作及收入的業入人士。
回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2021-12-3 12:12 , Processed in 0.027837 second(s), 18 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表