《綜藝節目》相關報導

lily123

(on.cc)
方力申啟程去東京採訪奧運　帶定罐頭同逾百口罩！
07月16日(五) 23:06

「2020東京奧運會」將於下周五（23日）揭幕，無綫電視派出多隊攝製團隊及5位奧運主持，赴日本東京進行採訪，繼日前，吳業坤及周奕瑋已率先啟程，其餘3位奧運主持方力申（小方）、陳約臨及何振然則於今日（16日）午出發前往東京。

操Fit做主持

首次擔任奧運主持的陳約臨，透露今次可親赴東京，心情難以言喻，並謂自己已準備過百條問題，去訪問不同項目的運動員，事前工作準備充足。何振然笑指自己於疫情期間，身形走樣，所以為了今次作奧運主持，已事前不斷做運動減磅重，共減去20多磅，希望可以最佳狀態示人。

方力申受訪指今次並未有特定的項目負責，預料旅程會十分忙碌，而為了今趟旅程，他都準備充足，帶備逾百個口罩及大量罐頭，望屆時可以買奧運紀念品。他亦稱於隔離時，會熟讀香港運動員的出賽資料，更會重點溫習今屆出戰游泳項目的運動員資料。除了游泳賽事外，小方亦希望現場觀賞單車、體操、劍擊等項目，為香港運動員加油打氣。

ching2506

(on.cc)
《盛．舞者》決賽｜關嘉敏狂野吊帶戰三大舞林高手
07月18日(日) 16:11

無綫跳舞真人騷節目《盛．舞者》將於今晚（18日）進行決賽，陳善渝（Odi）、陳俊堅、鄭雋熹、關嘉敏（卡文）、孖8（李俊華）、Monkey J.及Anisha除了精心設計的個人編舞環節外，還會進行15輪個人Battle，每輪勝出者將有機會「挑機」其他參賽者贏取分數，最後個人表演及Battle戰分數總和最高者，可獲得全場總冠軍。

卡文以「怪誕屍新娘」造型演出個人編舞環節，原本着靚靚裙褂的她，搖身一變成為性感狂野吊帶睡衣女郎，艷壓全場。三位被看高一線的「舞林高手」孖8、Monkey J.及Anisha則分別以「師徒同心」、「個人晒冷」及「異國文化大匯演」主題競逐個人編舞環節最高分數。而個人Battle環節焦點，就落在甚有街舞經驗的Monkey J.及孖8身上，相信屆時定必鬥得難分難解。

ching2506

狂野吊帶睡衣look的卡文


卡文以「怪誕屍新娘」造型演出個人編舞環節


Monkey J.與孖8世紀Battle


Anisha帶埋啲朋友仔上台一齊表演

ching2506

(on.cc)
盛．舞者︱王君馨戰隊Anisha　350分奪總冠軍
07月18日(日) 22:33

無綫跳舞真人騷節目《盛．舞者》決賽經過個人編舞及鬥舞兩個環節後，結果由王君馨戰隊的Anisha以總分350摘下總冠軍，而狄易達戰隊的Monkey J.得亞軍，季軍則是麥秋成戰隊的孖8。至於Carman（關嘉敏）排第5名，Odilia（陳善渝）則是第7名，可謂由頭輸到落尾，不過參賽者全是「舞林高手」，兩女輸比賽屬雖敗猶榮！

比賽最精采部份，莫過鬥舞環節，7位參賽舞者以「鬥地主」方式互相挑戰搶分，而冠、亞、季互相挑機的環節戰況最為激烈，而Anisha全個比賽表現出強超舞感，可算是大熱勝出。

ching2506

(HK01)
TVB兒童節目《Think Big天地》8月中結束　6年前首播換過八代主持
撰文：陳栢宇
出版：2021-07-25 00:00

無綫（TVB）兒童節目《Think Big天地》即將完成歷史任務，並於8月中播出最後一集。節目由2015年1月12日正式出街，至今已經開播超過6年，亦出現過八代主持。現役主持之一的陳嘉慧（Erica）日前接受《香港01》訪問時便指自己已完成所有拍攝：「我知道嚟緊有全新嘅兒童節目，但確實日子、內容我就唔清楚喇！」

初代主持黃愷怡（Jasmin）之前接受《香港01》訪問時便指，《Think Big天地》每隔一段時間便換主持，是因為TVB想節目能夠培訓新血，讓他們能夠參與幕前工作之餘，亦有機會接觸寫稿、錄VO等工作：「公司原意都唔想你留太耐，做兩三年就畢業試其他節目。」所以，《Think Big天地》在這個換血機制下，出產過一代代的靚女主持，而當中更有不少是港姐出身，美貌與智慧並重。

ching2506

(on.cc)
譚玉瑛讚鄭伊健隨和　暗寸周星馳高竇？
07月26日(一) 14:07

藝人譚玉瑛、唐韋琪、杜大偉等在荃灣出席柬埔寨樓盤活動。譚玉瑛被問是否有不少「磚頭」在手，又可有興趣投資海外物業？她笑說：「我都希望係，自己就冇諗過去外地投資，因為又唔想有嘢擔心，自己情願投資係自己身上，飲飲食食。」

譚玉瑛與李家鼎的節目《阿爺廚房》在節目改革下被叫停，問到可有再開拍的消息？她說：「我諗暫時唔會開，因為覺得係老一脫，其實都有佢好睇地方，又唔使冇晒嘅，可能暫時轉吓啲新嘢先，到時睇吓邊樣啱，觀眾有唔同層面，出街都有觀眾問我幾時再開，不過，開創新節目嘅人有佢哋嘅思維。（有乜新嘢節目想試？）冇乜所謂，唔拍劇就得，哈哈。」

她透露將會做一個綜藝節目，過去的兒童節目主持將會歸隊，問到可會親自邀請周星馳參與？她笑說：「公司會搵佢嘅，嚟唔嚟一回事。（鄭伊健會唔會出席？）佢就有機會，佢個人好隨和。」

lily123

(on.cc)
孖《聲夢》潘靜文主持兒童節目　陳煦凝自嘲身形似小朋友
07月31日(六) 18:01

無綫《聲夢》學員潘靜文成為全新兒童節目《Hands Up》主持，她表示感到開心又榮幸：「入行唔夠1年就有主持工作，但都有一定壓力，當係挑戰自己。（你唔唱歌？）我好想繼續唱歌，但有其他發展機會唔想錯過，對樣樣都有興趣，想多方面發展。（擔唔擔心做咗兒童節目跳唔到出嚟？）都擔心，試吓先，希望有人睇到我，畀多啲機會我。」她稱自己修讀幼兒教育，對小朋友有耐性，對於自己是第一個聲夢學員有長線工作，她也自覺好彩。她除擔任主持外，又要忙於籌備《聲夢》演唱會，她笑言：「忙啲好，我可以爆騷。」

至於前港姐陳煦凝亦有份擔任主持，她坦言之前做了《Think Big天地》兩個月，節目便停播：「當時都怕自己失業，可能我個身形同小朋友差唔多，所以畀我留低。」她自言向來說話較快及緊張，做兒童節目主持後變得有耐性及語速減慢，覺得是個很好的訓練。

ching2506

(HK01)
伍文生坦承王祖藍親自邀約回巢：當年已經識佢，大家有好好嘅連繫
撰文：張嘉敏
出版：2021-07-31 19:30

伍文生於2008年離巢無綫，13年後回巢再次擔任兒童節目主持，今日他主持的全新兒童節目《Hands Up》進行錄影，問到他息影多年可會習慣重投演藝圈的工作，他說：「我喺過往嘅時間都有做線上嘅工作，有拍片拍嘢開live咁。當然今次返嚟無論係個環境，定其他好多嘢都唔同晒，但係我覺得唔難pick up嘅。」

提到他的餐廳生意，由他主理的兩間餐廳因租約期滿已結業，現在仍有兩間特許經營的，所以並不需要他去管理，另外的餐廳顧問工作是by project形式，不會影響他做主持的工作。

對於有指他今次重返兒童組是由王祖藍一手促成，對此他坦承：「我同佢本身有好好嘅連繫，佢有好多搞作，咁我做開兒童組，大家傾偈時就覺得可以開個節目畀3-6歲嘅小朋友。」

談到兩人如何認識，伍文生說：「我哋當年喺兒童節目組嗰時識嘅，祖藍以前都係兒童組主持，佢喺pay台。我哋咁多年嚟一直有keep contact，又有返團契，我移民澳洲後，佢都有嚟訪問過我。（有人話你係佢心腹，係咪呀？）係咩？咁開心呀？咁大家都有小朋友，有做父母經驗，會有共同話題，都會明白小朋友嘅需要，可以放喺節目度。（係咪祖藍親自搵你返嚟？）可以咁講，我係直接聯絡佢嘅。」他又透露目前沒有其他幕後工作要負責，主要是做兒童節目，至於這個節目可會參與策劃？他說：「大家都會一齊開會傾。」

ching2506

(on.cc)
無綫《木人巷》選全能藝人　黃嘉雯游嘉欣爭女一
08月04日(三) 00:01

電視城由廣播道、清水灣再入到將軍澳電視廣播城總有一條「木人巷」，裏面全是身經百戰、十八般武藝的全能藝人，而無綫之前銳意改革綜藝節目，先後炮製《好聲好戲》及《盛．舞者》等，發現TVB確是臥虎藏龍之地，繼跳舞、配音後，日前內部再廣發英雄帖，招募能演、能歌、能舞、能Gag、能主持的藝員參與節目《飛越木人巷》大挑戰，如節目中通過「綜藝全能」及「戲劇全能」考驗而獲得「TVB全能藝人」殊榮的藝人，可以成為無綫綜藝節目主持或劇集男一或女一的機會。圈中不少小花及二線男生都躍躍欲試，是時候給懷材不遇的藝人爭取「升呢」機會。

港姐出生的黃嘉雯、郭柏妍已有不少拍劇機會，但二人都坦言想挑戰一下，黃嘉雯受訪時謂：「有興趣試吓，參加完港姐之後都好耐冇試過比賽，都想畀啲challenge自己，想借呢個機會令自己進步，（如果贏咗想演咩角色？）呢排反而想試吓挑戰奸角或反派，令觀眾更想追看角色係咩苦衷令佢做壞事。好似袁偉豪喺《刑偵日記》入邊做嘅奸角，都好打破佢以往嘅正派形象，做得好好睇、好有新鮮感。」她又指自己一直夢寐以求想做旅遊節目主持，更愈講愈興奮的謂：「飲食節目都好適合我，我本身都好大膽，上山落水都冇問題㗎！」

郭柏妍恨拍劇演空姐
而郭柏妍拍過幾個劇集，更曾被監製讚賞，她坦言想參加節目：「如果度到期我都想參加，因為有機會表現自己能力，作為一個新演員，經過之前好好彩有拍劇機會，知道自己真係好鍾意做戲，任何角色都好想去試，不過我細個一直都覺得空中小姐好靚，如果真係有機會我好想試吓做空姐。」

而《愛．回家之開心速遞》的「送水輝」許家傑坦言已報名：「其實賽制係點我未知，自己心態唔係想做男一，而係想透過呢個節目挑戰自己，想除咗『送水輝』之外，畀觀眾睇到我許家傑仲有乜嘢！」他又透露填報名表格當日要寫自我介紹及參加原因：「自我介紹我寫自己係09年香港先生，以前跳過拉丁舞，參加過《舞動奇跡》，而原因我係寫『38歲但仍然好有火嘅演員』，以前冇乜機會自薦，依家有個機會話畀人知，好似《盛．舞者》咁，好多同事係由Dancer轉做藝人，依家又畀多啲人認識，好似陳自瑤咁，幾個節目中大家睇到佢仲係好有火，而之前張頴康學周星馳配音好犀利，同佢傾落先知，原來有段時間佢做過配音，公司真係好多臥虎藏龍。」他又指一係唔做，一做就會好認真，問如果有機會做「男一」，會想拍甚麼劇時，他謂：「梗係籃球或者跳舞啦！不過我仲有個心願，等我有機會勝出我一定會講出嚟！」

而新人游嘉欣演戲出色，她坦言攞經驗，所以會報名：「啱啱接觸演戲，做過嘅角色唔係多，好多角色都有興趣，不過自己從小就好鍾意科幻嘅嘢，好似『蒲松齡』咁，古裝得嚟係有啲科幻嘢，我都想試吓呢類劇集。」

「運動健將」孔德賢坦言已收到通知，他謂：「都希望參加，如果有幸做男一，我好想拍運動題材劇集，演一個運動員，由一個唔叻運動嘅人，經過一段努力同苦練，成為一個成功選手。希望觀眾可以感受到運動員嗰份激情，同埋都想畀觀眾知，台上一分鐘，台下十年功。」而丁子朗之前曾任節目主持及短劇《青春不要臉》男主角，對於今次全能藝人挑戰，他謂：「經理人有通知我，我想挑戰吓自己，難得有個比賽，應希望可以喺其他同事身上學到更多。」

lily123

TVB Weekly
【娛樂熱話】
《代溝關注組》
探討兩代溝通問題

全新節目《代溝關注組》邀請資深及年輕一輩的藝員嘉賓，探討兩代代溝問題。節目由區永權及張秀文擔任主持，並於8月26日起，逢星期四、五，晚上10點半，於翡翠台播映。

TVB於8月11日安排《代溝關注組》錄影探班，除了有兩位主持，亦有李家鼎、Maria Cordero（肥媽）、謝雪心、游嘉欣、蔡嘉欣、林正峰、徐文浩及吳卓衡擔任該集嘉賓。李家鼎與肥媽笑稱與孫兒沒有代溝，就算有也不敢出聲。隨後，肥媽說與年輕人溝通良好，早前更與幾位年輕藝員朋友把酒傾談。鼎爺則說樣子生得惡，說話大聲，做戲多做壞人，所以未合作過的年輕藝人也會驚了他。合作過後才知道他是寶，可以跟他們一齊癲，亦有很多東西教他們。肥媽聽完，幫鼎爺澄清：「講嘢大聲唔代表惡死！」。