《飲食節目》相關報導

ching2506

(on.cc)
Aska孖譚俊彥經營餐廳　挑戰80份西餐冇難度
12月20日(一) 20:02

《聲夢傳奇》學員Aska（張馳豪）早前勝出無綫節目《男神廚房》其中一輪比試，成冠軍廚男，之後孖譚俊彥、方力申、伍允龍、關禮傑等人分別經營餐廳，招呼80人作終極考驗，事前佢笑話有少少緊張，冇諗過要打理一間真實餐廳︰「平時都係煮畀自己食多，最多都係煮埋畀屋企人、朋友食。（有冇煮過畀女朋友？）希望有一個我可以煮嘢食畀佢嘅人啦！」

講到今次一次過出80份餐，Aska話有好多預備工作要做、準備材料，亦同咗廚師諗咗個菜單，目標明確，希望到時唔好有咩出錯、食客又會食得開心！提起對手強勁，笑問佢有冇壓力？佢自爆有︰「因為我覺得自己未稱得上『男神』呢個名，有好多地方要改進，所以今次開餐廳係抱住個輕鬆心情，冇諗過要去角逐冠軍寶座。（以西餐為主？）係，我會整個好鍾意食嘅甜品。（『男神』封號出街之後有好多人叫你煮嘢食？）都有！聲夢班朋友、屋企人，但開心嘅，因為我真係鍾意煮嘢食，遲啲Fans Meeting都可以考慮一齊煮，今次煮完80份會有啲經驗，之後可以再煮多啲。」

另外，談及同時「聲夢」嘅炎明熹、姚焯菲（Chantel）都分別出Solo新歌，佢哋兩個仲同埋鍾柔美同詹天文組成女子組合After Class。問到Aska會唔會心癢癢都想出歌？佢話︰「梗係會想！但都好開心見到佢哋成功，又角逐女新人獎，自己都好想快啲有歌，私下有寫咗啲歌，《青春本我》入面都有幾首作品。」

ching2506

馬浚偉力撐「阿妹」鍾嘉欣一向友善 稱大肚婆壓力大有情緒好正常
07/10/2022 21:08:00
   
馬浚偉、陳煒、黎諾懿、周汶錡、Amanda S及蔡瀾等今日到電視城出席《黃金盛宴》記者會，身為星廚之一的諾懿透露每集節目中均會煮4道菜式讓嘉賓選擇，剛新婚的煒哥被問到拍攝前，會否找老公充當白老鼠試味，她指早前自己工作很忙，加上老公又因結婚減肥關係，故很少下廚：「拍埋今日，拍完就可以煮返啲好嘢比佢食。」煒哥笑言會將在節目中學會的菜式煮給老公食，而諾懿則提意可以叫節目中的星廚上煒哥屋企煮餸，當是結婚賀禮般送給煒哥：「叫佢哋成班上嚟煮一道餸，煮完就走唔好畀佢哋食。」問兩人有否興趣開餐廳，他們異口同聲表示不打算自立門戶，因為以他們的性格一定蝕本。

至於鍾嘉欣最近被網民指是雙面人，身為嘉欣「阿哥」的馬浚偉就說大肚婆壓力大、有情緒很正常，自己認識的嘉欣人前人後十分有禮貌和友善：「啲人成日搵佢同發哥比，發哥同佢唔同輩份，見嘅場面都唔同，有乜場面發哥未見過？」馬浚偉又表示相信嘉欣沒有惡意，希望大家不要誤會她。