《飲食節目》相關報導

lily123

(on.cc)
錯失同毛舜筠赴法國讀藍帶機會！趙希洛搵男友洗碗

藝人趙希洛日前為無綫飲食節目《煮場爭霸》擔任嘉賓，問到私下是否經常下廚？她表示今年比較少，因為忙於工作，變得生疏：「以前讀書再煮得密啲，最拿手係煮西餐，最開心、最有成功感係煮威靈頓牛排，呢個菜係考牌菜。（男友有大讚你嘅廚藝？）無論我煮咩，佢一定都要畀面嘅！」

她自爆早年曾有機會跟毛舜筠遠赴法國修讀藍帶課程，惟因有要事在身未能成行：「有聽番佢講上堂嘅流程、有幾辛苦，同埋話我實會畀人鬧到喊，呢樣嘢其實我都預計到，因為佢哋要求煮食枱面係好乾淨，而我喺屋企煮飯成日畀媽咪笑我似打仗咁，所以呢一環我應該係Fail咗！」續笑話好鍾意下廚，但就最憎洗碗，記者打趣說將洗碗重任交給男友，她冧笑話：「又好啫！但我想要個全職洗碗。（結婚就住埋一齊。）我全職煮、佢全職洗，咁邊個搵錢？哈哈！」

講到日前生日的她獲不少好友送上蛋糕慶祝，其中跟李施嬅及陳山聰的聚餐惹禁聚令疑雲，她重申是誤會一場：「好開心喺疫情期間都有得切蛋糕，同佢哋係喺禁聚令前慶祝，睇啲相喺電話入面個日期就知。」男友有何安排？她怕醜話只是簡單食餐生日飯，又說不需要任何禮物，只想大家身體健康、工作上有突破，希望可向視后進發。

lily123

(on.cc)
畀黃翠如鬧係「八公」　蕭正楠變被虐狂：打者愛也！

藝人蕭正楠、區永權和伍仲衡在《慈善星輝仁濟夜》獻聲，蕭正楠對再向樂壇進發，表示沒有太多諗法，覺得有機會上台是好事，唱Live好難得。早前拍攝飲食節目時，因曾到訪有員工確診新冠肺炎的食肆，被列為緊密接觸者需要隔離，最近開始再繼續拍飲食節目，他直言做足防疫措施，鏡頭外會戴口罩及不會圍着對稿，擔心自己之餘亦擔心年紀大的廚師健康。

提到黃翠如笑鬧他是「八公」一事，他笑說：「佢做陶藝好Sweet嘅，整咗一隻杯係佢，一隻係我！（佢成日打爛嘢？）OK啦！佢四肢唔協調，行路都仆，我要飛身扶佢。（公開鬧你八公？）甜絲絲，打者愛也，互相虐待，（唔會話番翠如？）我係男仔，梗係就吓佢。」

lily123

(on.cc)
胡定欣朝朝食花膠拉麵？陳山聰投訴食「下欄嘢」

藝人胡定欣與陳山聰早前為無綫節目《煮場爭霸》擔任嘉賓，負責出題挑戰「廚神」保哥及Ricky。定欣竟棄「山珍海味」，選擇豬手作今次比拼食材，搞到山聰「失望」兼搞笑謂：「點解揀呢樣呢？有鮑魚同魚翅都唔揀喎！定欣朝朝食花膠拉麵，打開雪櫃就係得呢啲『下欄嘢』。」

lily123

(on.cc)
陸浩明孖陳詩欣首次情侶檔做主持　點都唔肯畀女友表現滿分

藝人陸浩明（6號）與模特兒女友陳詩欣（Ayan）首次情侶檔合作主持J2節目《疫境廚神500道滋味》，昨晚（25日）播出後反應很好。6號接受東網訪問表示，今次與女友合作可謂寓工作於拍拖：「Ayan雖然做開Model，但要面對鏡頭講嘢會好緊張，佢用咗兩晚時間睇稿，我就幫手準備，不過女友都好快上手，拍到第2﹑3日已經明顯有進步，表現都有90分，但女友問我點解唔畀100？我話都要有進步空間，我做咗10幾年都係得8﹑90分咋！」

對於電視製作，Ayan有新體會，終於明白男友日以繼夜工作的辛勞，6號笑言：「佢起初都好有新鮮感，不過每日拍10幾個鐘，都覺得好攰，佢話終於明白我工作既辛苦，我講笑話：咁你就要努力啦‥呢度交畀你，好好賺錢照顧我！」

ching2506

(on.cc)
無綫「限廚令」被迫封刀　黎諾懿北上掘金謀出路
04月20日(二) 00:02

最近無綫大股東黎瑞剛公開批評飲食節目氾濫，令有關節目全被煞停，近年獲「疫境廚神」美譽的藝人黎諾懿遭受牽連，由他孭飛、原定4月底開拍的飲食節目緊急叫停，慘被「封刀」的他即時另謀出路，爭取到內地拍攝網絡大電影的機會，走出逆境！

無綫自從新管理層上場後積極改革，大股東黎瑞剛於月初公開批評無綫節目內容未能創新，直指「不能老是天天在做菜」，連汪明荃也認同表示「晏晝、晚上乜節目都加煮餸，好悶！」相關節目即時被擱置，首當其衝是近年因節目《疫境廚神》而人氣急升的黎諾懿，他原定本月底便出發到內地為無綫拍攝一個介紹深圳及上海等地特色食肆的節目，雖已準備就緒，但都要臨時叫停，而其他王牌飲食節目包括肥媽的《食平D》系列及李家鼎的《阿爺廚房》等亦未能幸免。

搵《舞動》班底搭路
成也飲食節目，敗也飲食節目，被迫封「刀」兼掛「鑊」的諾懿無用武之地，「疫境廚神」也要逆境求生，在主動出擊下終有機會拍攝內地的網絡大電影，他受訪時表示：「我10年前喺內地拍過湖南衞視嘅《舞動奇跡》，之前搵番呢班幕後人員，問佢哋有冇工作，喺呢個情況下搵到網大去拍，都係當年種下嘅根。今次套網大全部係內地演員，得我一個香港人。（你啲港普好『勁』，擔唔擔心？）我啲港普真係好『猛』，不過唔擔心，當年啲普通話仲猛呀，人哋都聽得明，所以今次會用咁猛嘅普通話去拍。（酬勞？）好過TVB。」

講到在疫情下不少藝人冇工開，問他曾否感到前路茫茫？他直言從不擔心，因自己為人正面，相信好事自然來。至於暫時未能拍飲食節目，會否感可惜？他樂觀地說：「唔會，之前做《疫境廚神》同《今晚請客》兩個節目，煮咗超過100道菜，畀大家知道我係識煮嘢食，已經無憾，呢段時間畀我停一停，等我發展吓其他方面都好。」他透露下月便起行北上，預計逗留半年，問到跟太太分隔兩地，豈非要延遲造人大計？他即笑說：「唔緊要，依家不斷努力中，希望有好消息。（囝囝小春雞會唔會好唔捨得你？）佢仲細暫時唔識，未知我要起行。（唔捨得個仔？）係唔捨得，但搵錢都好重要。好彩之前疫情出唔到街，同家人多咗時間相處，同囝囝多咗接觸，見到佢嘅成長，我上半年陪咗佢，下半年去工作賺錢，都係好好嘅安排。」

李家鼎：藝人好被動
至於李家鼎對於公司向飲食節目下禁令，他直言不知情，但會聽從公司安排：「唔會覺得可惜，我冇所謂，作為藝人，都係打份工，而且好被動，我本身係演員，只係中途搵咗我去做煮食節目，最重要係做好自己本分。」

ching2506

(on.cc)
《煮場爭霸》逃出生天！獲利添食變真人騷
04月20日(二) 00:11

雖然無綫不少飲食節目暫時要擱置，但由中廚黃亞保（保哥）及西廚張錦祥（Ricky）聯手打造的飲食節目《煮場爭霸》卻可「逃出生天」，並加碼添食再開新一輯！

《煮》每集會找嘉賓提供食材，兩位主持利用同一食材分別以中西烹調方式炮製佳餚，開播以來口碑佳、話題度高，連保哥及Ricky人氣也大大提高。據知有見《煮》反應熱烈，加上是有最多贊助商支持的節目，所以無綫決定添食，拍攝新一輯並名為《煮場挑戰賽》。節目於本月底正式開拍，預計5月播出，內容更會搞搞新意思，今次以真人騷形式拍攝，會有保哥及Ricky訪尋素人廚師的經過，高手在民間，他們要各自找到3位廚技超卓的素人廚師，並分成兩隊對戰，同時會邀請名人明星擔任試食嘉賓。

ching2506

(明報即時娛樂)
8月無綫新節目登場 《智能》李佳芯演機械人 《我家》鮑姐演非一般母親
文章日期：2021年07月21日 (14:56)

無綫翡翠台於8月黃金時段，推出劇集《智能愛人》、《我家無難事》及推廣煮食文化、培養廚藝接班人的《煮戰》。

《智能》將於8月3日首播，奧運期間由8月3日至8月6日，於晚上10時15分播映，由8月9日起回復晚上9時半播映。李佳芯首次挑戰飾演人工智能機械人角色，演出獲讚自然到位，非常搶眼。機械人缺乏情感，既要有表情，但又不能太人性化，演繹極有難度，她不但需要長時間配戴有色隱形眼鏡、不能隨便眨眼，就連說話語氣、肢體動作和表情都與機器人無異。因應劇情需要，她更會以多個意想不到的驚喜造型登場，例如美少女戰士、古裝俠女和女僕等；陸永首次當男主角，與兩大女神李佳芯和馮盈盈，展開一段三角關係，配搭充滿新鮮感。

《我家無難事》則於8月9日起，晚上8時半播映。該劇由鮑起靜（鮑姐）、馬德鐘、唐詩詠、王君馨等合演。鮑姐於劇中飾演單親母親郭羅美蘭，是資深花鈕導師，劇中育有三名子女：大仔郭得勤（馬德鐘飾），二女郭得寶（車婉婉飾），三子郭得明（楊明飾）。

金像影后鮑起靜飾演風趣幽默的「非一般」母親，角色有別於傳統母親形象，思想較開放，以另類方式教養子女；同時今次亦是馬德鐘父子檔上場，馬德鐘兒子馬在驤客串演出，兩人的樣貌、身高、外形都非常相似，分演同一個角色的成人及年輕版，成為劇集的一大亮點。

《煮戰》將於8月23日起在翡翠台播映，該節目由江美儀主持，為了推廣煮食文化及培養廚藝接班人，大廚Ricky（張錦祥）及保哥（黃亞保）再度出擊，於《煮戰》化身成隊長，帶領廚壇新秀接受考驗，以味道交鋒，節目將會以真人騷形式進行，Ricky和保哥將挑選廚藝精英隊員，然後就每集主題食材或指定任務，進行廚藝對壘、互相挑戰。

ching2506

(HK01)
TVB正式徹回「限廚令」　李家鼎肥媽將執刀回歸救收視
撰文：黃欣華
2021-08-06 00:01

TVB推出的烹飪節目多年來深受觀眾歡迎，更一直是收視保證。惜自4月起，一度傳出「限廚令」，更指肥媽《食平D》系列以及李家鼎《阿爺廚房》一律叫停，令不少觀眾失望！但最新消息指TVB正式徹回「限廚令」，將會由兩大名廚張錦祥（Ricky）及黃亞保打頭陣，推出培養廚藝接班人的真人騷節目《煮戰》將會在8月23日，逢一、三、五播出，共15集。

由江美儀主持的《煮戰》將會由兩位大廚Ricky及保哥化身成隊長，分別帶領12廚壇新秀接受一個又一個考驗，每集的主題食材或指定任務進行廚藝對壘、互相挑戰。留到最後的6位廚壇新秀，將會進行師徒大戰，挑戰Ricky及保哥地位，再決定誰是真正的《煮戰》冠軍，相信煮壇會再掀起一場風腥血雨，相當刺激！

對於烹飪節目是否再次復活，無綫非戲劇分部經理暨節目監製張志明接受《香港01》訪問時透露：「其實我之後一直都有飲食節目，完咗呢個之後，都會做返鼎爺、肥媽和三姐。」相信他們的回歸，觀眾都會非常期待。