《飲食節目》相關報導

lily123

(on.cc)

藝人黎諾懿、林盛斌與戴祖儀（Joey）今日出席《疫境廚神秋冬盛宴》錄影，諾懿透露邀請了100名素人參賽者參與，他們要炮製指定菜式：「有個環節最特別，要3分鐘煮8人餸，我都有下廚示範，我煮咗葱爆聖子。當日煮嘅時候個效果都幾靚，啲火升到幾層樓高，因為我比平時加多咗一殼油，所以個火超勁，但我又要扮冇嘢，其實好驚，驚燒到上面啲機器。」

至於Joey最舒服，在節目中毋須下廚，只負責食，她自嘲：「係為咗大家生命着想，我今輯學吓嘢先，下輯應該難逃一劫。（你本身識唔識煮嘢食？）識淥水餃。」諾懿聞言即說：「幸福嘅人先可以咁，好似我太太都唔識煮嘢食。」問到Joey是否要找個擅長烹飪的對象？她坦言：「識煮嘢食會加分，但依家科技發達，外賣都OK。而且我今次拍攝都學到嘢，經過呢個節目，我學識煮好多嘢。」諾懿就笑言最重要是在節目中識到不少名廚嘉賓，光顧他們的餐廳時不用排隊等位。

lily123

(on.cc)

叫周柏豪介紹住家男！菊梓喬霸氣：我賺錢養家

由藝人黎諾懿、陳敏之主持的無綫綜藝節目《今晚請客》錄影最後1集，今次請來同在11月生日的壽星仔周柏豪和壽星女菊梓喬（Hana）擔任嘉賓，敏之更捧出蛋糕送驚喜。諾懿以「女廚神」形容Hana，大讚她廚藝高超，Hana亦冧讚對方外貌俊朗與擺碟技巧不錯，並笑指面對2位「暖男爸爸」的家庭話題，自己完全搭不上嘴，感到冇癮。Hana坦言生日願望是盡快找到另一半，更不排除閃婚！

望拍劇日久生情
Hana接受東網訪問表示：「見到呢2位靚仔爸爸，會即刻問佢哋點樣先有幸福家庭。我都好希望盡快加入行列，因為佢哋嘅話題我搭唔到嘴！（生日願望係搵到男友？）係呀，要發力搵，但仲係搵唔到，覺得好難。歌手唱完歌就走，可能拍劇日見夜見，會容易啲產生感情！（叫人介紹？）我都有叫柏豪介紹吓，以前覺得緣分好老土，依家終於相信呢句說話。如果真係搵到，可能會閃電結婚呢！（有咩條件？）我事業心強，唔介意另一半喺屋企做家務，我出去搵錢養家！」