TVB節目巡禮2024

ching2506

舉行日期: 27/10/2023 (五)


日期： 27/10/2023
活動： 無綫節目巡禮2024
嘉賓： 陳展鵬、馬國明、鄭則士、馬德鐘、
          林夏薇、蔡思貝、張振朗、洪永城、
          黃智雯、陳煒、高海寧、劉佩玥、
          劉穎鏇、黃智賢、黎諾懿、楊明、
          陳貝兒、丁子朗、樊亦敏、郭柏妍、
          謝東閔、朱敏瀚、徐榮、曹永廉、
          羅毓儀、賴慰玲、游嘉欣、陳榮峻、
          魯振順、冼靖峰、周嘉洛、羅樂林、
          焦浩軒、鄭世豪、陳浚霆、阮政峰、
          呂慧儀、蘇恩磁、古佩玲、張景淳、
          林景程、孔德賢、林溥來、葉泓聲、
          許俊豪、鄭衍峰、曾展望、黃建東、
          陳庭欣、鄺潔楹、江嘉敏、何泳芍、
          吳幸美、陳懿德、何沛珈、何依婷、
          吳沚默、姜嘉琳、莫韻諰、黃美棋、
          黃婧靈、林鈺洧、邢慧敏、梁超怡、
          利穎怡、陳若思、廖慧儀、梁敏巧、
          黃嘉雯、葉靖儀、丘梓謙、陳楨怡、
          蔡國威、徐文浩、吳兆麟、林俊其、
          區峻陞、莊子璇、姜依宁、鄧凱文、
          潘明璇、梁晶晶、李佳、羅啟豪、
          吳大強、龍婷、顏志恒、黃洛妍、
          彭家賢、侯雋熙、劉詠彤、李茵彤、
          陸浩明、麥美恩、林秀怡、林正峰、
          許濤、蕭世和、尹錦輝、李兆康。
時間： 17:00 - 18:30
地點： 將軍澳創新園駿才街77號電視廣播城一廠

ching2506

劇集 (x 10)

1) 巾幗梟雄之懸崖
2) 反黑英雄
3) 企業強人
4) 再見．枕邊人
5) 法證先鋒6 倖存者的救贖
6) 非常檢控觀
7) 飛常日誌
8) 神耆小子
9) 逆天奇案2
10) 奪命提示

綜藝
1) 2024國際中華小姐選舉
2) 早啲知 早啲醫 (主持: 宋宛穎)
3) 亞洲超星團
4) 芷珊約您
5) 金牌媒人BOB
6) 紅白聲級戰
7) 福祿壽訓練學院


J2:
1) 怪宿宿 (旅遊)
2) 動物森有島 (旅遊)
3) 膽粗粗 Here We Go 2 (旅遊)
4) 世伯唔知我去西伯利亞 (旅遊)
5) Home即是識
6) 尋醉蘇格蘭
7) 網紅甜卡
8) La La Girls 選拔賽
9) 超級毛特兒大賽2

ching2506

ching2506

ching2506

ching2506

(on.cc)
無綫節目巡禮︱高海寧兩劇孭飛　蔡思貝僅一套：貴精不貴多
10月27日(五) 19:28

藝人蔡思貝與高海寧（高Ling）今日（27日）現身節目巡禮，高Ling透露有兩劇孭飛，包括與佘詩曼合作的《新聞女王》與《飛常日誌》均快將出，問她會否擔心之後無劇？她笑言：「之後再拍，唔停咁拍。」又謂對有阿佘坐鎮的《新》劇有信心：「阿佘嘅演繹真係不得了，個氣場會令人窒一窒，又穩又準，要向佢學習。」

至於蔡思貝雖然只有一套《飛行日誌》，她認為貴精不貴多，又不擔心飛行題材跟之前的劇集相似，高Ling補充：「之前係講空姐同機師，我哋呢套講機管局同航空公司。」思貝稱拍攝工作場口時專業，拍攝休息場口則笑到流眼淚，大家相處好開心。問是否現場靚仔多而開心？高Ling笑指：「我對面嗰個係洪永城，佢個角色好得意，好暖男又有少少佢嘅風格，流露喜劇細胞。」

另外，對於視后寶座，思貝在《你好，我的大夫》中大獲好評，她謙稱：「多人鍾意呢套劇已經好開心，我反而好期待阿佘套劇。（你同佢拗手瓜？）唔係拗手瓜，係錫佢面珠墩。（睇好佢視后？）因為佢好耐冇拍劇，佢出現一定會嘩一聲，覺得佢好有機會攞視后，而且套劇咁有發揮。」

ching2506

(on.cc)
無綫節目巡禮︱周嘉洛專心《愛‧回家》　江嘉敏澄清非零劇
10月27日(五) 19:12

藝人周嘉洛與江嘉敏今日（27日）在《無綫節目巡禮2024》中未見有劇集，江嘉敏在大合照中更靠邊站，問到近年備受力捧的嘉洛來年零劇，他大方表示：「係喎！一定係因為我要拍《愛‧回家》，全力拍《愛‧回家》，嚟緊都未收到通知拍新劇，不過對我嚟講好Casual。（會唔會失望？）一啲都冇，見到公司咁多好製作，非常開心，戥客戶同觀眾開心。」

至於江嘉敏澄清自己並非零劇，有份在《非常檢控觀》其中一個單元演出：「對我嚟講係一個從未接觸過嘅角色，可以話如願以償，個角又唔可以話係壞人，而係一個有苦衷嘅女人。我要飾演一個專業人士，係心理學家，要花好多時間去準備。（咁少劇會唔會唔開心？）唔會，今年係拍得少，但我有做綜藝，拍咗一個綜藝劇《香港重案》。」

至於嘉洛的劇集《痞子殿下2》未有在巡禮上播預告片，嘉洛笑言：「可能套劇已經有足夠廣告商卦，唔需要再搵廣告商，已經插針都插唔入，哈哈！（知唔知幾時播？）唔知，未收到風。（心唔心急？）急唔嚟，可能大家想搞個好成件事先播出，後期好重要。（你有好多廣告商力撐？）唔關我事，劇中好多重要嘅人，好似監製。」

ching2506

(on.cc)
無綫節目巡禮︱陳展鵬視帝呼聲高　林夏薇望楊茜堯合作
10月27日(五) 19:42

陳展鵬與林夏薇（薇薇）今日（27日）現身無綫節目巡禮，薇薇以粉紅色低胸裙示人，非常搶眼。兩人在巡禮中有一套劇集《逆天奇案2》，薇薇透露今年已播了3套劇，除了《逆2》再無存貨，展鵬的情況跟薇薇相同，他認為除了劇集，也希望有其他合作，例如綜藝節目，薇薇即自薦跟展鵬一齊拍攝旅遊節目。問他們想到哪兒拍攝？展鵬直言：「去邊都冇所謂，最重要係內容，講啲爆啲嘅嘢。（怕唔怕離開屋企太耐？）都唔怕，可以帶埋屋企人一齊去。」

提到他的新劇《香港人在北京》反應好，被視為視帝大熱，他謙稱：「唔會咁快，睇埋其他劇先。（有邊個係勁敵？）例如陳豪、馬國明等等，今年有好多好劇，好有台慶劇嗰種氛圍。」另外，有指楊茜堯將返回無綫跟薇薇合作拍劇，薇薇表示：「我留意到有呢個消息，希望成真，我都好想同佢再合作，我同佢對上一套合作已經係《收規華》。」