《飛常日誌》拍攝跟蹤

ching2506

(Topick!)
【飛常日誌】蔡思貝演駐機場主管感大開眼界　Sisley形容「妹妹」戴祖儀似BB
17:23 2023/09/25

由馬國明、蔡思貝（Sisley）、高海寧、洪永城、朱敏瀚等主演的TVB劇集《飛常日誌》於今日（9月25日）在香港國際機場一號客運大樓舉行開鏡儀式，眾演員以劇中制服造型示人，十分有型！

Sisley在劇中演航空公司駐機場主管張若玲，與馬國明演的中央控制中心值班經理楊尚偉，為前夫前妻的關係，二人在劇中又有甚麼火花呢？

蔡思貝：大開眼界
Sisley開心地指參演此劇未有遇上很大挑戰：「都幾愉悅，是很開心的一個角色，因為可以體驗到機場工作人員嗰種生活，我覺得自己好似小朋友、大開眼界，機場係一樣這麼近、那麼遠嘅東西，我哋由細到大一定點都接觸過機場，但那麼遠就係其實佢背後係點運作，我哋係唔會咁清楚，直至今次接到呢套劇，真係見到好多，咁就覺得好特別、好有意義。」

Sisley稱很快有機會到中央控制中心拍攝，她表示那裡是她最想看到的。她續指在拍攝期間會經神秘通道進入禁區、以員工的身份行通道。

與馬國明+戴祖儀「有關係」
Sisley與馬國明首次有這麼多的對手戲，她解構二人前夫前妻的關係：「其實係心裡面仲有情，呢套劇個感覺唔係好dramatic、喜劇性，而係生活、淡如水。唔係好戲劇性嘅嘢發生令到佢哋分開，純粹就係生活上嘅不如意令到佢哋分開。」

她續說：「其實你話係唔係無愛呢？絕對唔係，純粹就係大家心裡面都明，一路做落去就係大家都有感情，但係就偏偏一路大家成日因為要處理唔同嘅工作問題、會見到面，大家就會好成熟去處理，私事還私事、公事還公事。」

問到會否覺得劇集只有十集「唔夠喉」，Sisley也擔心十集的劇情會未有完整的結局，但就要視乎劇本接下來的走向，「開頭大家就係好明確嘅工作夥伴，到慢慢有轉捩點，我又開到個閘畀佢（馬國明所演的角色）、佢又向我示好，開始有呢一啲進展。」

至於面對劇中的妹妹張穎（戴祖儀飾），Sisley覺得與對方合作是舒服的，她說：「望住佢好似望住個BB，我要發掘佢係阿妹嗰種感覺，有一場戲就係講佢鬧脾氣，我只不過係家姐、受靶，但我就覺得呢個BB好得意。」

ching2506

(Topick!)
【飛常日誌】馬國明澄清婚事如期舉行　自爆湯洛雯曾呻辛苦全力協助未婚妻
17:09 2023/09/25

馬國明、陳豪、蔡思貝、高海寧、洪永城、朱敏瀚、戴祖儀﹑劉穎鏇、郭柏妍等，今日（9月25日）為演出的TVB新劇《飛常日誌》在機場進行開鏡拜神儀式。

曾參演《衝上雲霄》系列的馬明今次不再做機師，演中央控制中心值班經理，他接受TOPick訪問指此劇與《衝上雲霄》大有不同：「以前《衝》會集中在機師﹑空姐身上，但今次主要講述機場幕後的英雄，他們怎樣令到機場能正常運作，例如當遇上黑雨﹑十號風球的時候要怎樣處理。」

難忘在控制中心拍攝
馬明透露今次有幸參與此劇，才可進入控制中心拍攝，令其大開眼界：「入面有近百人工作，還有一個超大的螢幕，可以看到機場每一個位置﹑天文台的資訊，甚至機場附近的交通，就由他們負責令到機場正常運作。」

他續說：「記得有一場戲在裏面拍攝，我5點半化妝，但我們入禁區，過了所有安檢，差不多11點才能拍第一個Shot，可想而知保安非常嚴密，不是因為這套劇，不會知道機場有這個地方。」

澄清婚事冇受影響
新劇只有10集，馬明透露11月便完成拍攝，並澄清絕無影響到他與湯洛雯的婚事：「我們的婚禮如期舉行，公司亦很好，之前請了的假，亦會照批給我，讓我籌備婚事。」

ching2506

(Topick!)
【飛常日誌】高海寧感謝機場幕後人員付出　透露現時感情狀況
18:57 2023/09/25

馬國明、陳豪、蔡思貝、高海寧、洪永城、朱敏瀚、戴祖儀﹑劉穎鏇、郭柏妍等，今日（9月25日）為演出的無綫新劇《飛常日誌》在機場進行開鏡拜神儀式。

今次在劇中演機場客運服務經理的高海寧（高Ling）接受TOPick訪問直言拍攝前對於這個職位的工作範疇不太清楚：「最初以為只是普通的客戶服務，原來要負責中間很多調節的工作。」

尊重機場幕後人員
她續說：「機管局亦安排做這個崗位的同事與我聊天，令我更加了解他們的工作。（加深對這班幕後人員認識？）對，因為開拍前，我還很興奮能在機場拍攝，因為每次來到機場也是來去匆匆，不會知道背後工作人員的辛苦，拍了這個角色後，才明白在我們方便的背後，很多人付出了很多努力，令到我更加尊重航空公司每個崗位的人。」

高Ling又指今次與馬明﹑徐榮與洪永城，在劇中被封為機場四劍俠：「我們是好兄弟，與洪永城亦有淡淡的感情線。」

ching2506

(晴報)
飛常日誌｜馬國明開劇不影響籌備婚事 高海寧無得演空姐唔可惜
發佈時間: 2023/09/25

馬國明、高海寧、朱敏瀚、陳豪、蔡思貝、洪永城等今日為TVB新劇《飛常日誌》在機場進行開鏡儀式。馬國明今次在劇中唔係做機師，而是做機管局中央控制中心，他指工作有時比機師更忙，而這套劇正正就是講呢班幕後英雄的故事。

馬國明接受《晴報》訪問，指在劇中同徐榮、洪永城同高海寧係機場四劍俠，提到感情戲，他指：「主要同思貝有對手戲，被郭柏妍暗戀，全部都係淡淡感情戲，主要focus機場幕後工作。」

馬國明又指今次角色唔係做機師，是做機管局中央控制中心，「其實打起仗上嚟仲忙過機師，佢哋有句說話叫『機場無小事』，我睇劇本，入面講有件行李有問題又關我事，有個轉機乘客掛住shopping遲咗上機又關我事，大到十號風球同黑雨又要同唔同部門開會，去維持成個運作，今次呢套劇就可以講番呢班幕後英雄。」

高海寧今次演客運服務經理，她笑言不會可惜無得演空姐，「呢套劇比起機師空姐仲好睇，可以接觸平時見唔到嘅嘢。呢個角色唔惡，好淡定。」

提到有指馬國明開劇影響他與湯洛雯婚期，馬國明就澄清無影響婚事，「呢個戲得十集，之前同公司請咗假，佢哋會就我，係自己辛苦啲，收工仲要籌備。（靚湯無投訴？）無投訴嘅。」

*********************************
飛常日誌｜戴祖儀羨慕「家姐」蔡思貝臉細 「不過大臉都係福氣嚟嘅」
發佈時間: 2023/09/25

馬國明、高海寧、朱敏瀚、陳豪、蔡思貝、洪永城等今日出席TVB新劇《飛常日誌》在機場的開鏡儀式。蔡思貝、戴祖儀飾演兩姊妹，被笑是「細臉」與「大臉」的組合，後者聽到後爆笑，指兩人有辦法去「調較」上鏡的角度，務求上鏡時兩人臉型看起來不會相差太遠。

蔡思貝、戴祖儀接受《晴報》訪問，兩人是第一次合作演姊妹，有好重的姊妹情，蔡思貝︰「對住親人，妹妹係掌上明珠，錫晒佢，保護住佢。」戴祖儀的妹妹角色，卻有點無理取鬧，「開心做番自己！角色幾似我，但上到機工作會保持專業。」

提到「細臉」與「大臉」的組合，戴祖儀：「我哋有夾過上鏡的角度，一個左邊一個右邊，思貝鍾意左邊臉，我鍾意右邊臉，好自然調較位置。」她又表示羨慕「家姐」細臉，「第一日開工，已經話你做我家姐啦，我哋兩個一定有一個係執番嚟！不過大臉都係福氣嚟嘅！」

ching2506

(晴報)
飛常日誌｜蘇可欣魏柏豪重操故業做空中服務員 史穎喬大爆空姐髮髻潛規則
發佈時間: 2023/09/25

馬國明、高海寧、朱敏瀚、陳豪、蔡思貝、洪永城等今日出席TVB新劇《飛常日誌》在機場進行的開鏡儀式。其中蘇可欣、史穎喬及魏柏豪也曾經是空中服務員，今次可謂「重操故業」，蘇可欣稱事隔十幾年再穿空姐服，幸好紮頭髮的手勢仍然記得清楚，史穎喬則大爆原來空姐的頭髻是有階級之分！

蘇可欣、史穎喬及魏柏豪三位「老本行」接受《晴報》訪問，他們稱好開心重操故業。蘇可欣：「2016年離開空姐崗位，到而家七年，好開心著番制服同梳呢個頭，memory返番嚟！」做過空少的魏柏豪就指感覺親切，「我呢套劇入面係做空服，以前都做過地勤，入機場禁區所有嘢都接觸過，好似返番去以前，感覺好親切同熟悉。」

史穎喬笑指由空姐到演員是「轉行」成功，「今日一返嚟，冇嚟機場三年以為會好陌生，機場有『香港味』，廁所依然咁乾淨。（自己set頭？）今日返公司set頭，因為佢哋話想set法式髮髻，我以前set開低髮髻，通常畀人恰；因為以前航空文化係髮髻越高代表越強勢，冇咁易畀人蝦；紥低髮髻代表新人，個腍善啲，容易啲畀人恰。」

不過蘇可欣就否認史穎喬的說法，「其實唔係，因為佢飛得半年。我頭一年都係低髮髻，之後先向上發展。入咗行同其他空姐熟啲就會一齊研究扮靚，就會梳高啲扮靚。」魏柏豪問史穎喬：「點解你有呢個諗法呢？可能有啲高級啲嘅阿姐唔鍾意啲人個髮髻梳得高過佢，飛之前要睇吓係咪嗰個阿姐嘅髮型？哈哈！」

蘇可欣近日被指搭上有米男友，立即生活富貴，她則暗示自己可能再做空姐，表示︰「睇到新聞之後，心諗我月尾就入劇組，幾時唔使做？可能大家之後係飛機度見番我都唔定。」問到男友是否有錢？她笑言：「呢個男友都識咗幾年，佢有冇錢好難定義，我相信佢嘅工作能力。」

史穎喬及魏柏豪在2020年參加無綫舉辦嘅《衝上雲霄大選》入行，後者加入TVB後，主力主持《東張西望》，這次是首次多戲份演出。魏柏豪：「我同可欣識咗十幾年，同老朋友拍劇好開心。今次可以兼顧主持《東張西望》同埋可以拍劇做熟悉嘅嘢，對我嚟講係非常之難得。」

ching2506

(HK01)
飛常日誌｜郭柏妍未入行前任機場品質控制員：檢查飛機餐有冇異物
撰文：吳子生
出版：2023-09-25 22:15

郭柏妍（Rosita）今日（25/9）現身香港國際機場出席無綫新劇《飛常日誌》開鏡儀式。Rosita透露在新劇中飾演一名中央控制中心實習行政人員，令她回想起未入行前在機場某間航空公司擔任品質控制員，確保航機上所提供的食物要安全及符合衛生標準：「好多時我哋都會檢查飛機餐會唔會有異物，例如頭髮同昆蟲咁，不過好多時都係會見到有呢啲咁嘅情況。如果飛機上淨咗冇人要嘅嘅飛機餐，通常都會棄置，因為食物嘅安全係會有個時間點，當去到嗰個時限就會唔要得。（當時有冇想做空姐？）其實都有諗過做空姐，不過當時因為唔捨得離開屋企人，咁所以冇去投考，你知做空姐要經常飛嚟飛去，你要我見唔到佢哋，我又唔得，始終屋企人係好重要。」

ching2506

ching2506

ching2506

ching2506