《反黑英雄》

lily123

劇名:反黑英雄

監製:鍾樹佳
演員:陳山聰、袁偉豪、張頴康、姚子羚、蔡潔、傅嘉莉

lily123

(on.cc)
袁偉豪作「反」　惡鬥陳山聰
08月03日(四)  08:27更新 00:01建立

視帝陳山聰將於下月中夥拍袁偉豪（Ben）、張頴康、姚子羚、蔡潔、傅嘉莉等開拍鍾澍佳的無綫新劇《反黑英雄》，劇中山聰飾演執法人員，據知當中袁偉豪角色最大特破，首嘗飾演大反派，至於子羚則首演黑幫大嫂。

山聰與袁偉豪向來老友，二人自2014年拍過《宦海奇官》後都未有合作拍劇，相差10年再度兄弟「埋班」，二人開心又期待，陳山聰表示：「當年拍《宦》時我啱啱返無綫，Ben係第二男主角，之後各有各忙，大家知道我哋幾Friend啦！除咗Crazy Runner仲係將軍澳福利會，所以收到消息真係開心又興奮。」今次女主角是蔡潔，山聰指首次跟她合作，希望可以擦出火花。問今次要否狂操Body時，他謂:「都要操嘅，跑吓步啦！又唔使操6嚿腹肌，我哋以戲行先，唔係腹肌行先，同埋我都唔夠時間，暑假要陪仔。」

而袁偉豪已2年多沒有拍劇，今次除了班底吸引外，劇本都是他接拍的其中最大因素。Ben謂：「今次劇本非常好，現時準備完太太及自己的事務就會開工，今次演大反派，我真係未做過，唔同以前心理醫生、天堂哥嗰啲，今次角色好實在、好好玩，反派不嬲大發揮，好玩過正派，自己都期待已久，一切準備就緒。」說到與山聰10年沒合作，Ben謂：「大家各自拚搏多年，佢依家已經係視帝，平時大家一齊登台多啲。」說到太太張寶兒已有6個月身孕，他謂：「屋企啲嘢都安排得好好嘅，之後都會夾時間陪佢做產檢，基本上11月尾就會卸貨。（仔定女？）歡迎大家落盤，競猜遊戲，依家唔開估住，都好期待BB出世。」

而另一女主角姚子羚於劇中首演江湖大嫂，子羚說：「今次呢個大嫂唔係好江湖味，係有學識有教養。（使唔使打？）我仲未知呀！但係我諗做大嫂應該有好多手下，應該唔使點打，但都要收到劇本先知！」說到跟兄弟們開劇，子羚亦指很開心：「緊係開心啦！咁佢哋全部都係我啲兄弟姊妹，山聰就合作得最多，但今次唔知有冇對手戲，Ben我都好少合作。」

說到之前《一舞傾城》有人將她跟蔡潔比較戲份，如今再同劇會否再有比較時，她笑言：「唔會啦！而且《一》劇最多戲係法蓉姐，其實今次最開心係可以同佳導合作，之前拍《一舞傾城》同《狀王之王》都有見過佢，嗰陣佢喺內地拍《香港人在北京》，大家有食飯傾偈，我都睇過佢之前拍嘅內地劇，佢啱啱又拍完《新聞女王》，所以都好期待同佢合作，佢係一位好好嘅監製、導演，睇吓自己今次角色會唔會有新鮮感。」

lily123

(on.cc)

張振朗孖陳山聰袁偉豪合作新劇　開工前搵朱敏瀚嬉水
08月07日(一) 23:21更新 22:01建立

藝人張振朗下月中將會跟視帝陳山聰、袁偉豪、姚子羚及蔡潔等拍攝無綫新劇《反黑英雄》，劇中他首次跟袁偉豪合作，而不久前跟山聰合作完拍攝《奪命提示》的他，今次都有不對手戲，據知劇中他們做執法人員，但後來發生一些事，令振朗要去做卧底，二人因而產生矛盾。

振朗接受東網訪問時坦言之前於《奪》中跟山聰的戲份不太多，故希望今次能擦出更多的花火，而振朗與子羚劇中都有感情線，振朗謂：「對上一次同子羚合作已經係2017年拍《包青天再起風雲》，嗰陣大家都係得幾場戲，所以今次配搭都好新鮮，而且鍾澍佳監製我都未合作過，希望大家拍得好玩。」

ching2506

蔡潔辭演，轉拍法證系列 (未知是劇還是電影，或是不是tvb劇)

(on.cc)
蔡潔挑戰踢波　自爆恨做媽咪：我好有母愛
08月26日(六) 17:42

提到近日工作有變動，原本下月開拍劇集《反黑英雄》，但現在改為開《法證先鋒》系列，問她是否揀黃宗澤而捨棄陳山聰？她忙否認：「唔係我揀，係公司決定，原本第一次同山聰合作，諗住做一對新CP，不過可以原班陣容再合作《法證》都好開心，始終自己都係因為呢套劇多人識。」

她稱原本為準備《反黑》她花了好長時間操肌才有成果，笑言沒有浪費，因為剛接了一個廣告，覺得藝人亦要時刻保持最佳狀態，並透露在開劇前會與家人出外享受陽光與海灘，着泳衣騷身材。

ching2506

(on.cc)
袁偉豪電單車自駕遊歐洲　張振朗炒車畫面曝光
09月07日(四) 17:07

(節錄)
另談到太太張寶兒將於11月生產，他表示本月尾會跟振朗及陳山聰到深圳拍《反黑英雄》：「會拍個半月，到時會請幾日假返嚟陪太太生，唔夠膽請一個月。」他指太太會以開刀方式生產，自己會陪入產房剪臍帶，問他會否擔心到時見血會怕？因太太曾指他膽很大，他搞笑稱：「我最驚係佢。」身旁振朗即大讚他説：「怕老婆會發達呀！」

ching2506

(on.cc)
無綫有劇開冇人用︱朱智賢跟隊離巢　朱晨麗翻生擔正
09月23日(六) 00:00

(節錄)
無綫近年有不少藝人離巢，據知之後會再有小生、花旦外闖。在這個劣勢下，坐了冷板櫈一年多的朱晨麗有幸「翻生」做女主角，「攝位」開拍新劇《反黑英雄》演魅力Madam。至於另一位「朱朱」朱智賢雖然正在拍攝《企業強人》，但已透露與無綫完約後離開，另闢新天地。

近一年多無綫有不少藝人選擇離巢，包括簡淑兒、趙希洛、陳欣茵、伍樂怡、許子萱、黃祥興及陳國峰等，連效力數十年的綠葉蔣志光及秦煌亦決心結束與無綫多年賓主關係。近日無綫與內地平台合作開拍多套新劇，鑑於陸續有藝人離巢導致欠缺人選，邀請外面的藝人亦需花較大資金，加上據知之後仍會有一線小生、花旦相繼離開，面對持續惡性境況，一直備受冷待的花旦如李佳芯及朱晨麗等都有機會「翻生」。

朱晨麗之前惹上不少是非，分別跟龔嘉欣及洪永城鬧翻，高層看在眼裏，是非纏身的她最終被無綫「雪藏」，自從拍完《大醬園》及《美麗戰場》後，已整整一年多沒有拍劇。不過現時無綫正值等人用之時，坐了冷板櫈多時的她終於打破悶局，將拍攝新劇《反黑英雄》。原本該劇其中一位女主角是蔡潔，但因她要拍《法證VI》而未能參演，故劇組以朱晨麗的形象及特質調整劇本，安排由她及姚子羚擔任女主角。據知劇中朱晨麗與陳山聰有感情線，2人讀書時拍過拖但後來分開，長大後重遇，雖然飾演Madam，但朱晨麗的角色絕非男仔頭，硬淨之中又充滿女人味。