《非常檢控觀》拍攝跟蹤

lily123

(on.cc)
吳偉豪瞓身爬貨車頂　游嘉欣恨做打女
07月01日(六) 14:04

藝人吳偉豪（Ricco）與游嘉欣今日（1日）為無綫劇集《非常檢控觀》拍外景，兩人為救被脅持的蔣家旻而上演飛車追逐場口，Ricco要由私家車頂跳過貨車再爬入車廂，嘉欣則駕電單車配合。拍攝前，Ricco從木梯爬上貨車頂，有8位工作人員從旁協助，為他掛上安全帶，做足安全措施。Ricco透露今次場口雖然有替身幫手，但部分會由自己親身上陣：「我同導演溝通過車跳車會由替身負責，但我都要爬上車頂，係考身手，我都有啲信心，我有拉吓筋。（第一次拍呢類動作場口？）都係第一次，所以太危險就要交畀專業人士，冇安排替身我都唔知點。（公司好錫你安排替身畀你？）機會嚟到我都會頂硬上，本來諗住全部動作要自己做晒，但點知有替身，我做都未必好睇，而且有一定危險性。」

嘉欣自嘲今日只是行行企企擺甫士：「因為我冇電單車牌，所以就交畀專業人士去做，我都係出嚟Chok幾吓，同埋最後碌落地。」她表示最近正在學車，打算考私家車牌，並自認車神，希望一次過考牌合格，又謂想做打女：「我之前套劇都係半打女，覺得幾好玩，想打多啲，我平時有做Gym同學打拳，體能上應付到。」提到兩人在劇中飾演一對，問到會否有愛情動作場口時，他們笑言只有愛情，不會有太激烈場口，又稱其他激烈場口已夠多。                                                
另外，問到周嘉洛是否被急召拍攝處境劇《愛·回家之開心速遞》，Ricco表示不清楚，又謂自己與嘉洛從來沒有離開過：「片頭曲仲有我哋，而且我哋間中都有出鏡。（你一年都冇10次喎？）公司對我哋好，Keep住有劇畀我哋拍。（對《愛》有影響？）係好影響，冇咗我哋收視更好，我哋耽誤咗套劇。」至於爸爸吳大強最近工作忙碌，會否擔心對方身體？他稱戥爸爸開心，覺得對方很享受工作，最重要爸爸開心，同時有留意對方健康：「我哋全家都有幫佢調理身體，媽咪有煲湯畀我哋飲。

lily123

日期： 6/7/2023
活動： 《非常檢控觀》探班
嘉賓： 馬德鐘、陳煒、賴慰玲、吳偉豪、
          陳曉華、張馳豪、蔣家旻、程可為、
          潘志文、張國強、楊玉梅、黎澤恩、
          梁超怡、李岡。
時間： 19:00
地點：淺水灣海灘道16號ClubONE Repulse Bay會所一號淺水灣銀海廳

ching2506

(晴報)
馬德鐘結婚30周年拒送樓給太太 搵錢先最重要：呢幾年好艱苦
發佈時間: 2023/07/06

馬德鐘和陳煒今晚到淺水灣出席《非常檢控觀》（暫名）活動，馬德鐘在活動上化身「聖誕老人」大派禮物，包括送生日禮物給吳偉豪和賴慰玲，又補送結婚禮物給陳煒，認真大手筆。

由於該劇快要煞科，馬德鐘透露眾人已開始籌備收工飯，心情既不捨又興奮，陳煒笑言：「興奮嘅心情去期待搵錢。」稍後到內地和馬來西亞工作的馬德鐘，形容自己是遊牧民族，他表示：「我好鍾意喺邊頭做嘢，就喺附近遊歷吓，橫掂都要出埠做嘢，咁不如睇下附近有咩地方未去過，就去見識多啲，心情都想放慢啲。（喺外地買樓？）之前喺大連拍戲有間屋好靚，本來好想買，但因為係清水樓，因為要諗裝修我就放棄咗。」

馬德鐘和太太結婚30周年，問他可會送層樓給太太？他反應甚大說：「嘩，咩呀？大家呢幾年都好艱苦，要搵番啖食先，其實大家一齊已經好開心，唔使送禮物。」而陳煒亦希望拍完劇可以放假去旅行，她表示：「都想去日本，但又驚輻射，依家研究緊去日本邊個位置安全啲。」

ching2506

(晴報)
賴慰玲37歲生日想追個女 預告去囝囝畢業禮會喊到跪地
發佈時間: 2023/07/06

賴慰玲和陳曉華今晚到淺水灣出席《非常檢控觀》（暫名）活動，後日37歲生日的賴慰玲，透露正日生日當天要出席兒子的畢業典禮，她笑言：「我驚會喊到跪喺到，我易好感動，好易喊，好期待，到時要帶埋個跪墊去。（班契媽會去？）唔會，得兩張飛。」

問賴慰玲有甚麼生日願望？她表示：「有個宏大啲嘅願望，希望世界上所有小朋友都有自己嘅父母鍚，有時睇新聞，見到父母對佢哋唔好，好辛苦，有父母鍚係好幸福嘅事；至於膚淺嘅願望係大家都開開心心、身體健康。」

至於老公有甚麼表示？賴慰玲稱：「冇！我拍呢套劇好辛苦，成日朝早先收工，但佢好體貼就晒我，已經好滿足。（想再生多個？）想呀，拍完套劇，再拍埋個旅行節目，希望仲生到，未到更年期。（追女？）一定係女。」

ching2506

ching2506

(星島)
非常檢控觀丨吳偉豪預告與周嘉洛合體拍《愛回家》 陳煒等老公放假去旅行
2023-07-13 23:15

馬德鐘、陳煒、陳曉華、吳偉豪、游嘉欣等晚上出席劇集《非常檢控觀》慰勞宴，現場更有不少獎品讓一眾台前幕後抽獎，呂珊和程可為更提供現金獎讓大家盡興，程可為笑言玩得開心會再加碼，張馳豪即揚言要不醉無歸。

陳煒感謝粉絲和贊助商送出獎品和禮物，馬德鐘雖沒有送出獎品，但笑言會夾大份錢請大家食飯，又說《非》劇還有一日才拍完，但怕煞科後大家各散東西才提早食飯。談到拍攝的難忘事，陳煒最難忘是拍了很多個通宵，所以拍完後要休息一下，如果老公有假期或會一起去旅行。馬德鐘同樣表示要休息，但未考慮一家人去旅行，笑指現在天氣很熱，之前每日外景都熱得很辛苦，所以更想在家休息。

吳偉豪表示完成《非》後會繼續拍攝《愛．回家之開心速遞》，透露知道與周嘉洛有同場戲份，非常期待。吳偉豪笑指與周嘉洛分開很久，至少一年多無合作，又說與吳偉豪拍劇很開心，很想念吳偉豪。問吳偉豪是否想繼續讀大學？他坦言有想過，但要做全職學生有難度：「之前都試過邊讀full time邊工作，但最後都是不能兼顧而放棄，所以要再看情況，如果有機會都想讀與演戲和電影有關的課程。」陳曉華則表示稍後將開拍新劇，很開心劇接劇，正努力看劇本，問她可有留意今年的港姐？她大讚應屆佳麗青春有活力，很多都有燦爛的笑容。

另一方面，游嘉欣被問到是否不醉無歸，她即表示自己千杯不醉，皆因平時很節制，從未試過讓自己醉，更自認酒量好，又說有計劃和朋友到泰國旅行，也想趁休息期間去沙灘玩，但笑指未必會穿泳裝，要看身形是否夠fit，游嘉欣最近剪了一頭短髮，她指未有因短髮而掉粉，粉絲反而有上升趨勢，可能大家都覺得她短髮好看，至於是否再留長就再看情況，稱夏天很熱，短髮易打理，如之後拍劇有需要再留長都可以。

ching2506

ching2506

ching2506

15/7/2023 全劇殺青

lily123

(on.cc)
何廣沛扮韓星出巡引粉絲追車　陰險奸詐踏上成魔路
07月24日(一) 08:45更新 00:01建立

無綫小生何廣沛（Matthew）首次「奸到出汁」，笑言喜見自己面目猙獰，希望將來演更多不同類型的角色。而吳偉豪上演「火海中英雄救美」，獲游嘉欣讚有安全感。

何廣沛、吳偉豪及游嘉欣等日前於佐敦街頭拍無綫新劇《非常檢控觀》，場口講述飾演「萬人迷」韓星的Matthew被跟蹤，出動不少臨時演員扮粉絲追車。他表示於劇中有鮮為人知的陰暗面：「首次演奸角真係過足戲癮，做戲咁耐都未試過，有時睇回帶見自己面目猙獰，都估唔到有咁嘅效果。」

將於8月3日踏入35歲的他透露將與粉絲搞生日聚會﹕「疫情過咗3年，大家依然對我不離不棄，仲有啲海外粉絲訂咗機票，為咗見我專程飛嚟香港，真係好感動。（有咩生日願望？）想演多啲唔同角色、拍多啲劇，呢啲係最基本嘅。」他表示已連續拍兩劇，故《非》劇煞科後會作短暫休息。

游嘉欣難忘入火場

而游嘉欣透露拍攝時的難忘事：「有場戲講我同吳偉豪入火場，雖然有放火組同事喺現場監控，但用嘅係真火同埋好近好熱，真係有啲驚，吳偉豪對我嚟講起到保護作用。（暫時最難忘嘅經驗？）絕對係，我真係大嗌咗出嚟，每次Roll機都叫工作人員快啲。」

談到吳偉豪久未返處境劇《愛．回家之開心速遞》劇組，對於該劇不停有新角色加入，可擔心被搶飯碗？他笑言：「我係返公司開工，成日經過《愛．回家》個廠，所以Keep住知道劇組情況。」