《非常檢控觀》拍攝跟蹤

lily123

劇名: 非常檢控觀

監製:林志華
編審: 黎倩儀
演員: 吳偉豪、馬德鐘、陳煒、陳曉華

造型: 31/03/2023
拍攝時間: 11/04/2023 - 15/07/2023

日期： 31/3/2023 (五)
活動： 《非常檢控觀》造型
嘉賓： 馬德鐘、吳偉豪、賴慰玲、陳煒、
          陳曉華、程可為、張國強、潘志文、
          蔣家旻、游嘉欣、吳天佑、丘梓謙、
          何廣沛、江嘉敏、羅毓儀、羅蘭、
          袁鎮業、周百恩、吳兆麟、何晉樂、
          翟威廉、林浩文、程浩駿、黃一鳴、
          煒烈、楊證樺、李紹堅、章景恒、
          譚焯升、周嘉全、吳嘉儀、吳展驊、
          張翼東、魏惠文、李善恆、梁超怡、
          阮浩棕、吳子冲、陳庭欣、梁証嘉、
          郭浩皇、蔡菀庭、林正峰、林俊其、
          關嘉敏、何啟南、陳榮峻、張本立、
          莊易羚、潘芳芳、周麗欣、張武孝、
          阮嘉敏、史穎喬、林志華、黎倩儀。
時間： 13:00
地點： 將軍澳創新園駿才街77號電視廣播城五廠

日期： 5/5/2023 (五)
活動： 《非常檢控觀》拜神
嘉賓： 馬德鐘、陳煒、吳偉豪、賴慰玲、
          陳曉華、蔣家旻、周嘉全、林景程、
          楊玉梅、吳天佑、游嘉欣、丘梓謙、
          李成昌、江嘉敏、翟威廉、吳嘉儀、
          林浩文、程浩駿、布樂文、林智樂、
          黃一鳴、袁鎮業、周百恩、吳兆麟、
          何晉樂、林凱恩、羅毓儀、戴祖儀、
          蔡菀庭、林正峰、Joe Junior、梁超怡、
          阮浩棕、黎澤恩、林志華。
時間： 14:30
地點： 將軍澳創新園駿才街77號電視廣播城十五廠

lily123

(on.cc)
吳偉豪升呢擔正有望父子兵上陣　馬德鐘患奇症挑戰高難度
03月11日(六) 09:05更新 00:01建立

無綫小生吳偉豪（Ricco）早前在台慶勇奪「男飛躍」，將升呢男主角拍新劇，挑戰臥底角色。其父吳大強是歌唱節目《中年好聲音》的冠軍大熱，人氣甚高，網民一直期待他們父子檔拍劇，監製亦不排除邀他客串助陣！至於馬德鐘劇中飾演「鏡反射觸覺症」檢控官，難度甚高。

吳偉豪近年備受公司重用，之前更在台慶奪得「飛躍進步男藝員」獎，有如打了一支強心針。監製林志華即將開拍奇案式題材新劇《非常檢控觀》，今次吳偉豪將「升呢」做男一，與另一男主角馬德鐘齊齊挑戰高難度角色！

向來多演乖乖仔角色的Ricco今次一償心願演臥底及執法人員角色，受訪時開心表示：「我嘅心情係好興奮又期待！我唔係太在意戲份重定輕，但呢個機會好難得！我細細個就受警匪片影響，好似電影《新警察故事》、劇集《學警狙擊》，自己入行一直好想試呢類角色，今次終於畀我遇到喇！」他之前拍攝劇集《回歸》受到監製林志華賞識，指今次對方提供這個難得的機會，他會好好珍惜：「因為佢對我咁有信心，我先冇上次咁緊張。我知道只要跟住佢哋方向，出嚟效果應該唔錯。我睇咗幾集劇本，非常得意，多咗馬德鐘個角色，令到成套劇更有新鮮感。」問到是否要操大隻上陣？他說：「今次可能要成熟啲，又唔使超大隻，自己一直有操，心態上亦已經準備好。」Ricco首次擔正，其父吳大強亦憑《中年好聲音》人氣急升，更成為冠軍大熱，不少網民之前都提議兩父子合作拍劇，問到監製林志華會否達成網民的心願？他直言：「都可以搵佢玩吓嘅，不過吳大強個期都唔係咁易度㗎！有機會可以搵佢客串吓！」

陳曉華再遇絕世渣男

至於劇中另一主角馬德鐘飾演充滿正義感的檢察官，立意為受害者找出真相，讓他們釋懷。這個角色有罕見的「鏡反射觸覺症」，完全感受到別人的感覺，甚至是痛楚，由於全球只有1、2%人有此症狀，馬德鐘坦言做資料搜集及準備工夫時相當困難，演繹上絕對是一大挑戰：「呢個角色個病好特別，喺網上資料唔多，都要同監製、導演溝通得好清楚，睇吓佢哋想我點演繹、輕重有幾多。都有一定難度，佢除咗感受到人哋嘅感覺、觸感，連痛感都可以同步感受，要睇劇入面嘅Case點表達，觀眾睇落一定有新鮮感。」

女主角陳煒則飾演律師，一心向馬德鐘報仇，角色相當「狠」，她受訪時表示：「今次做打官司好叻嘅律師，律師我唔係第一次做，但要真正睇咗劇本先諗點演。我同馬德鐘、吳偉豪合作過，有晒默契，依家淨係想盡快開工。」

而陳曉華亦有份參演此劇，今次監製更找來其好拍檔何廣沛客串渣男角色，雙方再次過招。陳曉華之前在《美麗戰場》遇上渣男丁子朗，今次再遭渣男傷害，她說：「我仲未知道實際內容會有啲咩，但都好期待今次角色。雖然已經係第4次同廣沛合作，但就係第一次畀佢欺負，希望出嚟感覺會有驚喜。」何廣沛則坦言今次是新嘗試：「因為我從來未試過做Case人物，多謝林志華監製繼《曙光》後再畀機會我同陳曉華合作，希望觀眾唔會厭啦！咁第4次合作，當然要畀啲突破，其實今次角色難度幾大，暖男做得多，渣男真係第一次，仲要係衰到貼地，我聽古仔嗰陣都聽到呆咗，冇諗過編劇寫呢個角色可以去到咁盡，希望Fans睇完唔好驚咗我啦！」

小花輪流客串　江嘉敏窺探心理

無綫劇集《非常檢控觀》包含8個不同案件，全部耐人尋味，甚有啟發性。馬德鐘、吳偉豪及陳煒貫穿整套劇，而多位無綫小花都會客串助陣，包括江嘉敏、戴祖儀及羅毓儀等。當中江嘉敏飾演心理治療師，與吳偉豪有不少對手戲，至於甜姐兒羅毓儀的角色與靈異事件有關，劇中她以為父親已死，經常撞鬼！

江嘉敏之前在《新四十二章》的男仔頭造型不討好，但憑演技挽回聲勢，頭髮長了不少的她近日積極做運動，旋即變回美少女。她受訪時表示：「之前公司成日安排我拍飲食節目，所以我真係好努力Keep fit，比平時努力好多，依家有啲成績喇！」對於客串《非》劇，她指還未收到公司通知，不過監製找她客串，相信角色會特別好玩。她又透露月底將與薛家燕到馬來西亞登台，現時積極練歌：「今次我首次挑戰自彈自唱，所以都去咗謝東閔同吳業坤新開嘅音樂中心上堂，佢哋輪流幫我執正啲音同字。」

lily123

(on.cc)
游嘉欣自爆愛收花　目標考車牌一Take過！
03月10日(五) 17:12

(節錄)
近日忙於拍飲食節目的她，表示寓工作於娛樂，日日有好嘢食，而下月她將回歸劇組，夥拍吳偉豪拍攝新劇，但拒絕透露戲中關係：「遲啲再同大家講。（咁今次有咩準備工夫？ ）戲內我要揸車，我都啱啱考完筆試，但未開始正式學車，所以今次都應該係綠布景前扮揸。（跑車有信心？ ）都有，因為我份人比較謹慎，會係好安全嘅道路使用者。（排咗幾時考路試？）8月。（依家肥佬嘅話再排考試好耐喎。）唔好畀壓力我，我預自己一Take過。（跑到即刻買車獎勵自己？ ）又唔會，我哋平時收工比較攰，冇乜精神揸車，其實我都係考個牌嚟傍身啫。」

ching2506

日期： 31/3/2023 (五)
活動： 《非常檢控觀》造型
嘉賓： 馬德鐘、吳偉豪、賴慰玲、陳煒、
          陳曉華、程可為、張國強、潘志文、
          蔣家旻、游嘉欣、吳天佑、丘梓謙、
          何廣沛、江嘉敏、羅毓儀、羅蘭、
          袁鎮業、周百恩、吳兆麟、何晉樂、
          翟威廉、林浩文、程浩駿、黃一鳴、
          煒烈、楊證樺、李紹堅、章景恒、
          譚焯升、周嘉全、吳嘉儀、吳展驊、
          張翼東、魏惠文、李善恆、梁超怡、
          阮浩棕、吳子冲、陳庭欣、梁証嘉、
          郭浩皇、蔡菀庭、林正峰、林俊其、
          關嘉敏、何啟南、陳榮峻、張本立、
          莊易羚、潘芳芳、周麗欣、張武孝、
          阮嘉敏、史穎喬、林志華、黎倩儀。
時間： 13:00
地點： 將軍澳創新園駿才街77號電視廣播城五廠

ching2506

ching2506

lily123

(on.cc)
陳煒忍痛剪短髮　被滾粥熨傷手
2023年03月31日 16:01

藝人陳煒與馬德鐘今日（31日）出席無綫劇集《非常檢控觀》試造型，剪了一頭清爽髮型的陳煒，表示為配合角色忍痛剪髮：「留咗廿幾年長髮，今次係第一次剪到咁短。（習唔習慣？）Ok，都幾爽。（老公呢？）佢仲未睇慣，其實今次主要為變而變，想畀以前有種耳目一新感覺。」

談到再與馬德鐘合作，陳煒坦言雙方已有默契，但相比以往，今次要全程懷恨在心演繹：「我哋係初戀，但後來嫁咗畀佢哥哥，加上我演大律師，有好多案件係同馬德鐘演嘅檢控觀對立，我哋係會借案件去針對對方。」劇中患有鏡反射觸覺症的馬德鐘，會感應到別人的痛，他表示角色相當複雜，故要在家中反覆練習。

手背貼上膠布的陳煒，透露被滾粥熨傷：「仲要係白粥，平時好少可咁大頭蝦，依家有水泡，要等佢慢慢好。」而演陳煒後生版的梁超怡，對於未卸任已被安排入劇組表示興奮：「好榮幸，又有啲緊張，今次角色會周旋吳子沖同阮浩棕嘅感情之間，但應該唔便獻螢幕初吻。（有咩要準備？）要讀熟劇本，唔止係自己角色，仲要知道個故事點發生，會上網睇多啲片同請教前輩。」陳煒聞言即場傳授心得：「你做我個角色完全相反嘅嘢都得，因為角色長大後有轉變，所以你可以盡情可愛。」

cdn

ching2506

(HK01)
73歲潘志文有望演第五次中風：人哋覺得你做得好先叫你做多啲
撰文：吳子生
出版：2023-04-01 08:00

被封為「御用中風王」的甘草演員潘志文今日（31/3）現身將軍澳電視城出席無綫新劇《非常檢控觀》造型記者會。潘志文透露在劇中飾演一名大富豪：「今次程可為就做我家姐，而張國強就做我細佬，我哋生於一個大家族，當中會發生好多複雜嘅事情，變咗而家我唔能夠透露太多劇情。」

被問到在新劇中會否再度演中風？潘志文笑言：「嗱，呢樣嘢就唔講得，因為監製話唔可以講嘅。（又可能會有！）唔排除會有。（唔怕被定型？）咁又唔會嘅，人哋覺得你做得好先叫你做多啲。（成日演中風，你唔覺得好悶？）我咁樣答你咁多問題，咁咪暴露咗個劇情嘅真相。咁唔會嘅，如果所有戲都叫我做嗰樣嘢，其實我都好樂意嘅。」

雖然潘志文好大機會在新劇再有中風演出，但大家不用擔心潘翁的演技，當年被網友封為「御用中風王」的他接受《香港０１》訪問，他表示每次都以不同方式演繹中風，絶不會只用一招，更會在生活中取材，更試過訪問身邊朋友家人的中風經歷，潘翁希望將中風感覺由外到內再去返外，認真的演戲方法，絶對值得後輩學習。

ching2506

(HK01)
莊易羚加入無綫半年極速上位 為演黑化角色睇肢解電影：睇到暈
撰文：吳子生
出版：2023-04-01 16:00

前韓國女團CLC成員莊錠欣(Elkie)的家姐莊易羚(Axity)去年8月低調簽綫無綫加入《娛樂新聞台》做主持，憑住甜美外貌，加上高䠷身形成功突圍而出，在短短半年時間，就極速上位加入劇組拍攝劇集，可謂「前途無可限量」。

昨日（31/3）莊易羚現身將軍澳電視城出席無綫新劇《非常檢控觀》造型記者會。她透露在劇中飾演一名時裝設計師：「劇情講我細個嘅時候，因為妒忌江嘉敏畫畫叻，加上知道佢家境唔好，就走去欺淩佢。而我為咗今次嘅角色，我特登去睇電影《踏血尋梅》。」

莊易羚續指希望可透過電影令到自己更加變得黑化，但睇的過程相當辛苦：「因為當中有好多殘忍肢解鏡頭，我係睇到暈，心跳加速仲大叫咗出嚟，嚇到我媽咪問我發生咩事。因為本身我個人係好細膽，連見到人流血我都會驚嘅人嚟，變咗要演呢啲黑化角色，對我嚟講係有好大挑戰性。（怕唔怕太過入戲抽嚟唔到？）我都驚，不過好彩我都會同屋企人傾偈去平衡返自己個心態。」

lily123

TVB周刊

【娛樂熱話】
《非常檢控觀》
非一般檢控官揭露真相

新劇《非常檢控觀》（暫名）除了有強勁演員卡士參演，劇情亦有別一般律政劇，講述馬德鐘所演的非常檢控觀帶領一眾團隊，透過非一般的手法，為受害人尋求公義，帶出非常檢控觀念。

八個單元陣容鼎盛
《非常檢控觀》於3月31日舉行造型記者會，並由馬德鐘、吳偉豪、賴慰玲、陳煒、陳曉華、蔣家旻、游嘉欣、何廣沛、江嘉敏、羅毓儀、羅蘭等超過50名演員，以及監製林志華、編審黎倩儀出席，場面壚冚。劇集分為八個單元故事，出席演員以劇中造型分組亮相，並逐一介紹有份演出的單元故事。

劇中馬德鐘擔任檢控官，陳煒是大律師，二人關係由愛變恨，更因為身分對立，變成敵對關係。煒哥的角色對馬德鐘懷恨在心，甚至恨得要下嫁她哥哥作報復。煒哥為了新劇，改了一頭清爽短髮示人，她表示上一次剪短頭髮已經是20年前，她已習慣新造型，反而丈夫還未看得慣。「這次是為變而變，想畀大家耳目一新的感覺。」馬神的角色患上鏡反射觸覺症，因此能感應對其他人的痛，他笑說：「角色好難演，現在要在家中反覆練習。」

不尋常律政劇
律政劇以法庭戲為主打，《非常檢椌觀》卻反其道而行，不會有打官司的戲份，充分展現非常檢控官的非常手段。曾經炮製《盲俠》，對法庭戲十分熟悉的監製林志華坦言構思劇本的難度更高。「馬德鐘雖是檢控官，但他不會上庭，因為他注重受害人的感受，認為最重要是協助受害人。而且對他來說，法庭只是一個辯論地方，所以他會帶領團隊運用非常方法，在上庭前令犯人認罪，真相大白的同時，亦令到受害人得到公義而釋懷。」

馬德鐘在劇中將會夥拍助手賴慰玲及警察吳偉豪組成鐵三角組合查案，一同申張正義。至於馬德鐘與陳煒的關係則是錯綜複雜、愛情交纏。「馬神角色有鏡反射觸覺症，他們相戀、分開，以至變成敵對，也是與這個病有關，是一個比較另類愛情。」

這套劇主要角色卡士強勁，單元故事的參與演員亦同樣不能睇少，部分演員更是其他劇集擔任主角之位。有如此鼎盛的陣容，林志華表示十分幸福。「這是TVB強項，有很多外型演技好，又獨當一面的演員，而且大家都好齊心，知道做好一套劇，不介意付出。能擁有這些演員拍戲，是我的幸運。」

8個單元:
圖1: 第一個單元「煤氣燈之謎」中，何廣沛飾演萬人迷，陳曉華陷入他的心理操控，迷戀得不能自拔
圖2: 「血古董」中，羅毓儀（左二）因為家族傳下來的古董，引來殺身之禍
圖3: 「蝴蝶花殺手」有個專殺靚女的殺手，江嘉敏（左三）笑指愈是靚女愈早死，叫大家估估她會不早死。
圖4: 「暗黑基因」中，程可為（左四）說他們一家人因為基因，關係並不是表面般那麼簡單。
圖5: 檢控官試場竟然變成「殺戮試場」，唔係你死就我亡？
圖6: 「孤兒怨」中，游嘉欣將會聯同其他身懷絕招的孤兒犯案。
圖7: 丘梓謙飾演陳煒兒子，身為醫學美容醫生的他更會捲入「美麗誘罪」。
圖8: 「仁義何價」有羅蘭姐參與，單元與黑幫及婆孫關係相關。

cdn