《News新聞女王》拍攝跟蹤

ching2506

劇名: News新聞女王
監製: 鍾澍佳
編劇: 郭建樂, 辛雅, 陳家雯

演員: 佘詩曼, 李施嬅, 馬國明, 譚俊彥, 高海寜, 何依婷

拍攝日期： 12/03/2023 - 14/06/2023


日期： 19/5/2023 (五)
活動： 《新聞女王》探班
嘉賓： 佘詩曼、馬國明、李施嬅、高海寧、
          何依婷、王敏奕、鄧智堅、吳業坤、
          何廣沛、林正峰、陳曉華、郭柏妍、
          路芙、姚宏遠、倪嘉雯、朱樂洺、
          蔡誌恩、郭千瑜、鄧美欣、謝采之、
          王嘉慧、李顯曜、李嘉晉、羅雪妍、
          楊家寶、郭浩皇、李偉霆、黃浩霆、
          陳嘉俊、葉凱茵、盧竣峰、陳戬浩、
          霍健邦、何偉業、劉家聰、莫家淦、
          曾淑雅、楊證樺、陳若思、鍾澍佳、
          關文深。
時間： 10:30
地點： 將軍澳創新園環保大道201號邵氏影城3號錄影廠

ching2506

(on.cc)
佘詩曼回巢拍劇　楊茜堯冇份由高海寧頂上
01月11日(三) 16:18更新 00:01建立

視后佘詩曼（阿佘）於1997年參加香港小姐並奪得季軍，之後她於演藝圈發展，更成為TVB最輝煌時的花旦。她自2016年完約離開無綫（TVB），曾在2018年拍《延禧攻略》後便紅到發紫，成功打入內地市場。

去年有傳佘詩曼回巢拍劇，將接拍鍾澍佳監製的TVB新劇《新聞女郎》，據知將於2月底開拍。與老拍檔楊茜堯繼《宮心計》後再度合作，不過最近社交網流出演員陣容名單，除了阿佘外，男主角是馬國明，不過傳聞中的楊茜堯冇份，改為高海寧、何依婷、鄧智堅和前天堂鳥成員許俊豪等，都在演員名單之中。有指楊茜堯因為劇本不適合，所以推卻今次演出，她回覆東網說：「係有接觸過我，之後嘅細節就唔知，都係交畀經理人去傾，角色上嘅嘢如果啱一定有機會合作，就算今次合作唔到，下次都有機會。」

而阿佘接受訪問時說：「繼《十月初五的月光》之後，再次同鍾澍佳導演（現監製）合作，睇完劇本之後，好鍾意，暫定三月開拍。因為劇本好好，所以同各演員必有火花！」

何依婷對於有機會與阿佘合作，她說：「係呀，之前都聽過監製講古仔同造型嘅嘢，但實質詳情都係未知，不過好開心可以同前輩合作，尤其係佘詩曼，因為真係從未諗過會有機會，呢個機會真係千載難逢，所以自己收到消息時，真係好開心好興奮，我會努力去做好個角色。」

馬國明說：「公司未正式通知我，希望係我啦！對上一次同阿佘合作，好似係5、6年前嘅《賭城群英會》，如果真係我拍就好開心，因為同阿佘拍戲係一件好享受嘅事，希望係我拍啦！」

lily123

(on.cc)
高海寧影視雙飛　期待同佘詩曼鬥戲
01月13日(五) 08:54更新 00:01建立

無綫花旦之中，高海寧（高Ling）於內地的知名度較高，2年前憑着拍攝內地劇集《三十而已》備受關注的她，年來受到不少內地製作方垂青，傾談合作，由於高Ling不久前才與無綫續約，故現正在馬來西亞與男星姜皓文、黃浩然等拍攝電影《鎖戰》，3月便要返公司開拍新劇《新聞女郎》，工作不斷。

此劇是高Ling繼多年前《使徒行者》及《賭城群英會》後，再跟前輩兼好友佘詩曼合作，高Ling受訪時坦言很期待，並說：「可以同阿佘合作真係好開心，我恨咗好耐喇！今次係第3次同佢合作，人大個咗，又隔咗咁多年，好期待可以再跟佢學嘢，因為佢係一個好好嘅前輩，佢係會幫你、成就你，可能見到你情緒未到或者唔夠，佢係會加啲對白幫你帶到個情緒出嚟，真係好好，希望今次可以喺佢身上學到更多，順便等佢睇吓我有冇進步。」

ching2506

(on.cc)
同佘詩曼鬥「戲」　李施嬅回巢爭做一姐
02月02日(四) 00:00

視后佘詩曼早前宣布將回巢拍攝主播題材劇集，原來已離巢無綫的李施嬅亦會加入，兩女大鬥演技，此劇女角更全是「惡女」！施嬅大爆之前做電影監製時免疫系統指數再度有變，感到恐懼不安，醫生叮囑不可太操勞及受壓，幸好監製答應演員拍攝此劇不用捱通宵，慢工出細貨！

佘詩曼、高海寧（高Ling）、何依婷及馬國明之前已落實3月開拍由鍾澍佳監製的無綫新劇《NEWS新聞女王》，韓劇及美劇常以新聞主播為題材，無綫則從未拍攝此劇種。預計劇集拍攝期約半年，今次由鍾澍佳親自拍攝，並邀得阿佘再回娘家拍劇。此劇製作相當嚴謹，除了是與內地合作的定製劇外，拍攝亦會依照內地形式，劇本、圍讀及造型等一絲不苟，而劇組的攝影、美術及燈光都會找電影團隊助陣。

監製鍾澍佳日前接受專訪時大爆角色設定，除了李施嬅加入劇集外，視帝譚俊彥更與阿佘有感情線，是阿佘人生中的關鍵人物。據知現時尚有部分重要角色仍在物色合適演員，而劇中的新聞個案會找不少演員演出。鍾澍佳指今次全劇都是「惡女」，故事發生在新聞集團，各人都為了權力鬥爭而成為惡人，主線由主角阿佘要離開主播之位展開。

免疫系統指數有變
劇中女角是不同新聞報道時段的主播，阿佘是坐正黃金時段的最Top女主播，與她搭檔的男主播是馬國明，而午間主播是李施嬅，高Ling及何依婷則分別是早上及晚間主播。隨着阿佘的離開，各人都希望力爭其「Prime Time女主播」之位，幾位主播各懷鬼胎，使出職場手段爭權！

劇中每個角色設定都有其吸引之處，高Ling是馬國明的徒弟，性格開朗又醒目，是人見人愛的萬人迷，造型又靚又吸引，馬國明一心想培育她成為阿佘的接班人。至於施嬅演馬國明的前度女友，性格正直又硬淨，對工作充滿熱誠，本來為人相當正氣，之後才見真章。施嬅自拍畢《金宵大廈2》後就沒有為無綫拍劇，去年更因免疫系統出事一度全面停工休養，她受訪時自爆：「舊年9月為電影《錄影歹》做監製，免疫系統指數有變，嗰個月壓力同工作量太大，指數升番，好恐怖，我即刻好緊張。依家工作我會盡量調節，要Relax啲！不過今次佳導自己拍番我放心嘅，唔會通頂，唔會好辛苦，大家都有足夠時間休息，我依家都一直觀察緊自己嘅情況。」

施嬅坦言今次接拍此劇，除了是角色及劇本吸引外，監製亦是主因：「其實舊年2月佳導已經搵我，一路傾緊啲期，我未同佢合作過，不過好欣賞佢，今次仲係佢寫古仔同拍攝。我一早已經收到10集劇本，一直睇緊。」對於多年後再與阿佘「過招」，她指2人曾合作《東山飄雨西關晴》、《公主嫁到》及《宮心計》等劇集：「好多年冇碰頭，所以好想再拍，而且今次個主題我好鍾意。外國有好多劇講新聞主播，自己都係Fans，好鍾意睇，希望嚟緊所有嘢順利。」她又透露日前去了新加坡登台，與歌手張信哲做了3場演出，笑言：「終於可以登台，好開心。」而她現時正在外地與老公度假，展開洗滌心靈之旅。

至於劇中的萬人迷高Ling受訪時表示：「我個角色EQ比較高，外表亮麗、性格開朗，所以好多人鍾意，但係背後嘅佢因為冇乜家庭背景，所以好勤力，要靠自己得到想要嘅嘢。（劇中全部係惡女！）每個行業都有人事問題，做女主播一定有人事糾紛、爭位，衍生人性善同惡，我覺得會好好玩！」

lily123

(on.cc)
高海寧為拍劇落力Keep Fit　王君馨望新歌衝出香港

藝人高海寧今日（3日）以Tube dress出席KOL頒獎禮，她指要好好向網上發展，努力經營自己的社交網，望能似陳凱琳一樣成功，她說：「有機會都要請教下佢，佢團隊拍片剪片都好靚。」

講到3月將開拍無綫重頭劇《NEWS新聞女王》，她指已收到劇本，隨後要試造型和進行圍讀。因角色要留長頭髮，自然亦要準備Keep fit，她說：「因為今次啲衫好貼身，同埋新年又食咗好多嘢，所以都要Keep fit。」她又透露劇中飾演馬國明徒弟，人見人愛好似女神一樣，但為爭上位亦有自己的手段，新劇相當有挑戰。

ching2506

(on.cc)
陳敏之Keep得又索又Fit　新劇演名媛與阿佘再擦火花
02月07日(二) 02:02

藝人陳敏之近年甚少拍劇，一來要專心照顧兒子，其次是她剛剛開了自家品牌護膚產品，故都相當忙碌，繼之前拍攝無綫劇集《黯夜守護者》後，她都未有接拍劇集。不過，敏之日前獲監製鍾澍佳之邀請，為3月開拍的重頭劇《NEWS新聞女王》客串，劇中會飾演一位名媛，她接受東網獨家訪問時謂：「係呀！我會客串，好開心可以同佳導再合作，好多年前我簽畀黃百鳴嗰陣拍過電影《月滿抱西環》，當時男、女主角係張智霖、佘詩曼，我喺入面都有個角色，當時執導嘅就係鍾澍佳，好開心多年後佢搵我一齊拍攝。」

說到此劇陣容強勁，佘詩曼回巢助陣拍攝，敏之謂：「我對上一次拍阿佘拍已經係《使徒行者》，都好多年前，所以今次好開心可以同佢哋再合作，大家都識於微時。」敏之多年來身材Keep得甚Fit，說到劇內做名媛一定多靚衫着時，她說:「我都冇諗，有靚衫着當然好開心，都好期待快啲開拍！」

ching2506

李施嬅selena VM :準備迎接新工作。
2023/02/17 13:38

cdn
https://weibo.cn/comment/Mtqku03kh?uid=1731864915&rl=0#cmtfrm

lily123

(on.cc)
佘詩曼「女王」回歸3帝拱照　陳山聰出新招等交手
02月21日(二) 00:01

佘詩曼（阿佘）即將返無綫開劇，劇中多位「高手」各出奇謀過招，劇本吸引，令不少新舊藝人搶着加入望跟阿佘合作。除了馬國明、譚俊彥及陳山聰3位視帝拱照阿佘外，王敏奕亦會加入與她及李施嬅鬥戲。

佘詩曼下月返無綫開拍新劇《News新聞女王》，其他女角包括李施嬅、高海寧、何依婷等，除了主打講述女主播的明爭暗鬥外，其他支線亦甚多，有不少藝員都會加入助陣拍攝，除了男主角兼視帝馬國明及客串演出的譚俊彥，應屆視帝陳山聰都會客串一個特別角色，無綫實行出動3位視帝拱照阿佘，而其他演員亦將陸續加入，單看陣容已甚有睇頭。

據知由宣布阿佘會重返娘家拍劇起，不少新舊藝人都毛遂自薦想加入劇組，望跟對方合作，踴躍程度甚高。現時看過劇本的藝人都有讚冇彈，至於山聰今次空降助陣，角色是他從未演過的類型，他受訪時說：「其實我未正式接受通知，依家仲拍緊《奪命提示》，不過難得阿佘同施嬅都返嚟拍劇，有乜嘢行行企企角色，總之可以同佢兩個交手我都係期待嘅！」說到角色是他從未做過時，他開心表示：「咁就好喇！我最鍾意演啲未演過嘅，咁先有挑戰嘛！」

王敏奕讚劇本精彩

至於剛拍完劇集《虛擬情人》的王敏奕亦會新加入，對劇本更是讚口不絕，她說：「個劇本我係非常非常之鍾意，係近年睇過精彩嘅，成為一個演員收到好劇本，真係好興奮，今次個角色好有挑戰性，但我都有信心可以畀到另一個王敏奕大家睇。」她透露將會跟阿佘、施嬅有較多戲份：「啲對手好多都係第一次合作，能夠同前輩學嘢我都想快啲開工，好想帶呢套劇畀香港觀眾睇到。」

ching2506

(HK01)
38歲高鈞賢北上闖蕩六年獲益良多　自爆為爭取角色面試過300次
撰文：趙允琳
出版：2023-02-20 23:00

(節錄)
現年38歲的高鈞賢（Matthew）近年主力在內地發展，甚少回香港公開露面，直到去年年底在TVB劇集《法證先鋒V》中飾演反派「張世熙」再次受到香港觀眾矚目，更憑出色演出獲提名「飛躍進步男藝員」。高鈞賢昨日（19日）出席「TVB賽馬日」，闊別多年再以TVB藝員身份出活動，他笑言之前一直在內地未有通關，因此一通關就回來：「好開心可以兩邊走！」

高鈞賢表示三月將會開拍TVB新劇《新聞女王》，所以預計之後會在長時間逗留香港，現時拍劇會盡量篩選角色，盡可能演一些自己未嘗試、有新鮮感過的角色：「例如《法證先鋒V》（演反派）啦，同之後一套嘅《一舞傾城》，我係做一個20幾歲嘅大學生，我都好鍾意去挑戰一下，就算壞人、搞笑，唔一定要戲份好多嘅，有發揮就可以啦！」

lily123

(on.cc)
佘詩曼風頭勁被喪集郵　夢想有自家製劇集
2023年02月25日 15:42

視后佘詩曼（阿佘）今日（25日）出席公開活動，雖然僅騷長腿，但已吸引在場嘉賓們爭相影合照，就連阿佘受訪時也要遠距離「合照」，實行不放過任何機會。近年長駐內地的她，將於下月中拍攝無綫新劇《NEWS新聞女王》，飾演主播的她正努力練習如個自然地面對鏡頭唸對白：「平時拍戲唔准望鏡頭，依家相反仲要講得好自然，係一個好大挑戰，喺屋企日日Set住機練習。（練成點？）仲係有好大進步空間，因為唔習慣，所以依家世界各地咩新聞都睇。」

除了與視帝馬國明及譚俊彥不乏對手戲，阿佘與其餘一眾女角亦連場對手戲，對於無綫旗下藝人爭相自薦加入劇組與她演對手戲，阿佘笑言不知情：「好多人就唔知，不過我好多謝好兄弟山聰，上年佢聽到我拍呢套劇，話搵個角色同我演都好，因為太耐冇合作，我話睇吓點，估唔到真係好驚喜。」

問到今次留港拍劇，是否要照顧媽咪所致？阿佘表示：「都好多原因，因為劇本非常之好，好耐冇試過自己主動問監製有下集劇本未。」談到繼《使徒行者》後再拍港劇，阿佘笑拍檔林峯已為人父，還大讚其女兒好聰明：「2歲幾，一見到面就叫靚女姐姐，把口咁叻似足爸爸。（有冇激發你想組織家庭？）有好有唔好，我等待中，享受依家生活。（有愛情滋潤？）日日都有，工作、屋企人同朋友。（唔想再潤啲？）旨日可待。」

對於她有意製作自家製劇集，阿佘坦言有此想法：「呢個係夢想，但好多嘢要籌備，亦諗咗好多古仔，要Set定方向先，好難㗎！等拍完套劇先諗。（文頌嫻叫你留番個位畀佢？）如果適合都會，佢講過咩都做。」