藝人戀情/婚事/創業/置業/投資相關新聞 (2023 -

ching2506

Jumbo曾淑雅上月結婚今宣布陀B 晒凸肚孕照報喜：是時候學做媽媽
2023-08-11 15:10

現年32歲的TVB女神曾淑雅（Jumbo）上月24日宣布升呢做人妻，月底貼出花裙照旋即被指肚凸凸，因而被網民推測疑奉子成婚。大肚消息傳出後，曾淑雅一直未有作出任何回應，直到今午（11日）她終在IG晒孕肚，正式公布即將做媽咪了！



曾淑雅於帖文中寫道：「#mumtobe 30+2 感恩小寶寶選了我，希望你健康長大，肥肥白白，我也是時候學做媽媽了，夢想實現，期待的改變。今年是超開心的一年。#如願 #家 #圓滿人生 #滿足」相中，穿粉紅色Deep V吊帶貼身裙的她，一臉幸福笑容摸住孕肚，雖然已腹大便便，但其四肢仍然非常纖幼，一眾網民紛紛留言送上祝福，並大讚這位準媽媽好靚：「恭喜Jumbo, 最美麗嘅媽咪」、「仲係咁瘦」、「我相信bb出世時會有55cm長」。

ching2506

(on.cc)
譚俊彥諗計箍食客　豪擲百萬擴充餐廳
08月12日(六) 00:01

視帝譚俊彥近日逆市豪擲七位數字擴充旗下西餐廳，由九龍搬到港島區2千呎地舖，為應付20多萬月租，準備年中無休兼增設特色菜單，又全數聘用前空少、空姐當侍應，實行以索樣及能操多國語言取悅食客！

譚俊彥（Shaun）於2019年在土瓜灣投資西餐廳，惟期間遇上疫情令生意額創新低，幸最後也成功捱過。早前Shaun有感市道逐步復甦，加上餐廳租約期滿，即萌生擴充念頭，並開始搜尋合適地點，期間碰過無數釘子，最後終在港島區覓得理想面積達2千多呎的新舖。

面對逆市擴充，Shaun卻滿有信心，還豪花7位數字投資，為應付每月20多萬元租金，據知他也來個大改革，準備年中無休，並由以往於晚上營業，計劃改至午餐開始營業，並諗定星期天特色餐，小朋友菜單等，實行大包圍。而餐廳侍應方面，將全數聘請前空少空姐，貪其懂得多地語言兼樣貌省鏡。

近兩年拍了2套劇集及1部電影的他，笑指酬勞已全數用作投資，他說：「都唔係我一個人畀晒，有幾個拍檔嘅，不過工作我當然唔介意多啲嚟密啲手。（一次過用晒啲錢咁博？）依家我仲有2套劇準備開拍，檔期都排到明年3月，我唔會去到咁盡嘅，仲有小朋友同屋企要養。」

談到餐廳聘請前空少空姐，Shaun說：「呢個係緣分，喺航空業唔好景時，我哋收留咗佢哋。（依家航空業復甦唔驚佢哋走？）有啲鍾意飛就轉做兼職，有啲就會留低繼續同我哋一齊捱。其實餐廳企足10幾個鐘都好辛苦。」

Shaun透露現時餐廳裝修已接近尾聲，預計今個月內可進行試業，對於將餐廳搬過海，Shaun直言不太擔心客人流量：「只要啲食物好，客一定會返轉頭，雖然依家仲裝修緊，但訂枱情況都收得幾好，多謝熟客支持，希望同啲Staff減少磨合期，盡快訓練好佢哋，令到餐廳保持應有水準。」

ching2506

陳嘉慧Ig發文認結婚 強調已籌備一段日子絕非閃嫁
2023年09月27日 (18:47)

無綫小花陳嘉慧傳與富家子Calvin閃婚，有指男方家庭背景顯赫，兩人的婚宴將於10月1日在深圳文華東方酒店舉行，每圍酒席最低消費1.4萬人民幣（約1.5萬港元），並由米芝蓮大廚主理。由於事出突然，不少網民猜測陳嘉慧是雙喜臨門。

陳嘉慧今日在Ig發文承認婚訊，但未透露出嫁日子。她說︰「好多謝大家對我嘅關心。冇錯，我是準備要結婚了。本身諗住慢慢處理好婚禮嘅事，之後先再同大家分享呢件開心事。不過我想講其實我唔係閃婚，其實我哋籌備咗一段時間。只係另外一半係圈外人，所以想低調。希望大家明白同支持，俾啲空間我們吧﹗應承大家一定會post相同大家分享呢份喜悅。」