《奪命提示》拍攝跟蹤

lily123

劇名: 奪命提示

監製: 文偉鴻
編審: 譚劍偉, 梁恩東, 湯健萍
演員:  陳山聰，劉佩玥，張振朗，劉穎鏇，吳家樂

拍攝時間: 02/01/2023 - 31/05/2023

日期： 2/2/2023 (四)
活動： 《奪命提示》拜神
嘉賓： 陳山聰、劉佩玥、張振朗、劉穎鏇、
          丁子朗、郭柏妍、林子善、謝東閔、
          張國強、鄧智堅、林景程、呂珊、
          楊卓娜、黃子恒、吳家樂、韓馬利、
          戴耀明、魯振順、黃建東、區明妙、
          許俊豪、袁鎮業、王菲、周嘉全、
          梁凱晴、梁皓楷、郭海楓、湯之欣、
          陳少邦、吳瑞庭、麥詩晴、文偉鴻、
          譚劍偉、梁恩東、湯健萍。
時間： 16:00
地點： 將軍澳創新園駿才街77號電視廣播城一廠停車場

lily123

(on.cc)
「賤格老公」吳家樂真人反差大　享受演渣男：做同平日唔同嘅嘢
11月21日(一) 10:02

藝人吳家樂於無綫劇《超能使者》內扮演賤格老公兼爸爸，要「妻子」楊卓娜賣淫幫手還債，兼連累妻女被人拋落街！現實生活中家樂是名好父親，疫情以來多次往返倫敦照顧留學子女，更經歷過「無止境隔離」，近日他亦剛往從英國返港：「以前啲仔女仲細，今次我留咗個幾月，可以坐定定同佢哋睇自己嘅演出，佢哋都好明白只係角色需要。依家檢疫措施放寬咗，輪到佢哋可以飛返嚟探我，唔需要我來來回回得咁密嘞。（諗過喺英國置業？）又直係冇，如果講熟路，太太比我更犀利！」

至於多次與拍檔楊卓娜合作，家樂笑說：「佢啲氣場好勁，搞到我好大壓力，用十萬分嘅努力，都覺得唔係好夠。（你係Big Boss？）個個角色都有嫌疑，唔係咁簡單，就係可以做啲同平日唔同嘅嘢，先令我咁鍾意演戲。」他透露稍後再次接拍監製文偉鴻新戲，但開拍日期或會延期，可以做足準備及忙宣傳工作。

ching2506

(on.cc)
劉穎鏇劉佩玥升呢做「主」　孖咇玩神秘
12月04日(日) 00:00

近年實力與人氣急升的陳山聰，明年1月再度與監製文偉鴻班底合作新劇，兩位「J女郎」劉佩玥及劉穎鏇更升呢，首度擔正女主角！由於劇中動作連場，新加入的張振朗、丁子朗與郭柏妍都要大鬥「功」力，希望於最短時間內操到至Fit狀態。

陳山聰今年成績大勇，在無綫劇集《美麗戰場》及《超能使者》中的「王一言」及「膠勇」兩個角色，均被激讚演得出色，在一眾藝人中獲得15項最多台慶頒獎禮提名，亦是今年的「視帝」頂頭大熱，來勢洶洶！

據知，監製文偉鴻（Jazz）明年1月將開拍新劇《奪命提示》，並以《超》劇原班人馬上陣，當中包括陳山聰、劉佩玥（Moon）、劉穎鏇（Tiffany）及林子善，雖然陳展鵬與唐詩詠分別因拍攝《逆天奇案2》及已離巢而未能參演，但會加入張振朗及《下流上車族》CP郭柏妍與丁子朗。Jazz每套劇集都有噱頭，繼《同盟》、《城寨英雄》、《鐵拳英雄》、《隱形戰隊》及《超能使者》後，今次以神秘訊息調查科作核心，拆解離奇命案，劇情緊張懸疑得來帶點科幻感。

4主角戲份平均
《奪》劇男、女主角分別是陳山聰及Moon、張振朗及Tiffany兩Pair，據知4人戲份平均，而Moon及Tiffany已是監製Jazz的寵兒，近年每部劇都有她們份，今次更齊齊升呢女主角成為「J女郎」，定能大顯身手。

早前在《美》劇演技出色、有份提名「視后」的Moon受訪，她說：「咩角色我都會盡心盡全力去做，至於故事方面好神秘，監製只講咗三分之一畀我哋知，不過Jazz今次好強調要訓練肌肉，同埋要打，所以預咗會周身傷㗎喇！上次拍《隱形戰隊》着重槍械訓練，今次就要上堂，學埋身搏擊技巧。」

而外形及身手愈來愈好的Tiffany直言好開心：「超級期待，依家開始鍛煉體能，因為聽過個古仔，Jazz都話好多埋身肉搏場口，係一個新挑戰。（今次同振朗演一對？）同佢識咗好耐，之前一齊拍《靈戲逼人》，但今次首度演情侶，希望帶到新鮮感畀觀眾。」

新組合撞出新鮮感
山聰亦對這個新組合非常期待：「我未正式同振朗合作過，今次係第一次，雖然好多劇入面都有我同Moon出現，但未試過咁多同場，所以希望有火花，滿心期待嘅！」對於Moon升呢「女一」，山聰大讚：「第一次合作係2015年嘅《殭》，睇到佢呢幾年好畀心機，喺《超能使者》演得非常好，我哋私底下食飯都話一齊加油，希望再畀到觀眾驚喜。」

而振朗入行拍攝的《法網狙擊》亦是由Jazz監製，相隔多年再聚頭，他表示很開心：「Jazz嘅劇集風格向來特別，我睇《超能使者》都睇到毛管戙！首次同山聰合作，都想向佢學習吓嗰份堅持。今次打鬥一定有，都要操番體能，同呢班咁Fit、火力十足嘅團隊合作，自己都要Fit啲。」

陳展鵬撞期約定再合作
視帝陳展鵬本有份拍攝《奪命提示》，無奈因撞期而告吹！由劉家豪擔任總監製、展鵬偕林夏薇擔演的《逆天奇案》，去年5月播放時收視、口碑俱佳，早已準備開拍續集，但因疫情關係一拖再拖，現已定於明年初正式開拍，與《奪》劇撞到應。

展鵬受訪時說：「冇辦法，真係撞咗，《逆天》第一輯收視好好，內地口碑亦相當唔錯，所以《逆天2》要拍㗎喇！不過大家有緣總有機會合作到，咁多年同Jazz（監製文偉鴻）、山聰合作都好有默契，希望佢哋今次都有好好嘅火花，期待2024年再合作啦！」他趁《逆天2》開拍前飛往馬來西亞搵真銀，拍攝代言廣告。

ching2506

(東方日報)
「下流情侶」Encore 郭柏妍力追暖男丁子朗
12月4日(日)

在大熱劇集《下流上車族》飾演小情侶的丁子朗與郭柏妍非常討好，絕對是無綫力谷上位的小生及小花，甚少拍劇的郭柏妍演出更獲讚賞，現正跟黃宗澤、蔡潔等拍攝《我和殭屍有個約會》電影版《驅魔龍族馬小玲》。

而在新劇《奪命提示》中，郭柏妍將飾演Sweet爆的新紮師妹，更會主動出擊追求「爆肌」暖男刑警丁子朗，單看角色人設已相當吸引。

丁子朗昨日受訪時說：「我只知要做警員，下星期先正式見監製，呢段時間要操番少少，因為依家拍緊《妳不是她》，要瘦弱、孩子氣啲，冇乜點操，所以要操番大隻啲，希望時間上可以啦！」談及與郭柏妍再度合作，他說：「梗係好啦！佢真係一位好好嘅拍檔，我都好期待。」

ching2506

林子善DrLamVM :
工作喜訊
剛剛收到了TVB訊息邀請
參演文偉鴻監製為期半年
的大製作電視劇奪命提示
二零二三年一月二日開始
好友之開心飯局不能出席
進入工作狀態要全程投入
希望各位能夠體諒
#文偉鴻作品 #奪命提示

ching2506

02/01/2023開拍

ching2506

陳山聰拍新劇要惡補滾軸溜冰 劉穎鏇再要著泳衣出鏡又要學跳水
2023-01-04 17:48

藝人陳山聰與劉穎鏇（Tiffany）於無綫劇集《超能使者》的CP相當受歡迎，今午獲邀「合體」，到西環出席洗車屋擔任剪綵嘉賓，山聰笑說：「2023年有個好兆頭，除咗剪綵外，我哋仲一齊開緊文偉鴻新劇。第4次合作嘞，不過今次對手戲反而唔多，我扮演重案組探員，佢係我下屬。」之前兩人拍劇演過情侶及父女，山聰表示無論搞笑及運動產品都可以，他們在健身室做運動也經常撞到。

問到拍新劇有甚麼要準備？山聰透露飾演重案組探員要查案，有好多對白要處理，昨晚拍了10多埸戲，講對白講到聲沙。他說今次角色除動作打戲，另一難度要踩滾軸溜冰轉圈，由於他本身不懂，所以要搵教練惡補。劉穎鏇之前因拍劇學識踩滾軸溜冰，笑言可以教山聰，她說學滾軸溜冰一定會跌，因此要戴護膝及護踭。山聰指年少時較喜歡踢波及踩單車，相信有運動底好快會上手。

她又透露新戲內踢腿戲多：「所以真係要拉多啲筋，同埋比較多埋身打鬥場面。我有跳水戲，呢樣比較擔心。（會再著泳衣？）會啩，跳水用嘅泳衣未揀。今次為我嚟講好大考驗，因為劇情交代我係跳水專業。」

ching2506

微博圖片外鏈已失效, 想看大圖, 點擊圖片, 後按右上角(有三個圖案)左一的圖案"在新窗口打開"就看到原圖

微博图片外链已失效, 想看大图, 点击图片, 後按右上角(有三个图案)左一的图案"在新窗口打开"就看到原图

廖慧儀：
tvax1.sinaimg.cn/large/edfbcf8dgy1hazszvhzlaj20tp1gsgox.jpg

ching2506

(星島日報)
獨家丨陳山聰 劉佩玥拍激情戲唔尷尬 奪視帝及大馬視后神采飛揚齊開工
2023-01-10 06:00

出爐視帝陳山聰和馬來西亞視后劉佩玥（Moon）前晚得獎後，昨日即為新劇《奪命提示》開工。二人獲獎後，分別獲太太（Apple）及媽咪讚叻仔、叻女，但強調攞獎不是一切，要繼續努力超越過往的成績，承諾會繼續努力做得更好。

陳山聰及劉佩玥昨日齊齊開工，監製文偉鴻及林子善送花恭喜兩人。山聰指監製一向好窩心，有喜慶日子及生日都會安排小驚喜，事前他們沒有諗過，見到兩束花還以為是道具；子善則大讚山聰實至名歸。

山聰表示前晚獲獎後回家已凌晨二時許，因為成晚冇食嘢、好肚餓，太太為他煮麵已是最大慶祝，更拿獎與太太影相放閃，吃完麵即睡，因昨晨要開早班，兒子Jaco起身返學時錫了他幾啖，拿起獎座時好開心。至於太太有否送香吻？山聰說：「一定有，仲讚我好叻仔，佢好少讚我，已好足夠！」此外，胡蓓蔚透露他答允請一班兄弟姊妹吃日本菜，山聰表示要開工、未安排，多謝好多同事及朋友送上無限祝福，報答兄弟姊妹支持，他要請好多餐飯，總之有拖無欠。

趕返屋企攬太太放閃
Moon指山聰歸心似箭，沒有與她和陳瀅、周嘉洛等一齊食宵夜，不過她昨日要開工所以早走，但回到家父母已經睡了，昨早爸爸偷偷對她說，媽咪看到她攞獎感動到喊，她指媽咪和山聰太太一樣，由細到大都不會讚她，因媽媽是好傳統的老人家，驚讚壞她，媽咪第一次讚她是大學畢業，昨日讚她叻女，但仍有好大進步空間，叫她繼續加油。山聰覺得攞獎不是一切，要繼續努力，超越過往成績；Moon收到好多祝賀訊息，繼續努力做得更好。

雖然山聰開早班，但神采飛揚，他說睡了三小時還好，可能捱慣了，攞完獎有工作是開心事。Moon讚他似發光，人逢喜事精神爽，山聰也指她發光，Moon則笑言是現場打燈效果。

今次新劇二人分別飾演重案組及CIB總督察角色，山聰指這場戲主要講細姪女知道一些往事嬲了他們，兩人在餐廳正討論此事。說到首次演情侶，山聰透露有少許激情戲，但拍拖戲暫未發展到好深入，兩人合作過多部劇，Moon稱與山聰拍激情戲完全不尷尬，山聰說可能大家覺得他是大哥哥識照顧人，故不會尷尬，演員投入角色也不應尷尬。

而Moon表示平日最鍾意笑，今次角色較嚴肅，最難是要收起笑容，戲言拍完劇不但瘦面，皺紋都變少，有打美容針的效果。

ching2506

(晴報)
郭柏妍靠「魔音」帶挈唱埋廣告歌 「派派派」包洗腦：唔會容易走音
發佈時間: 2023/01/11

新一代女神郭柏妍憑劇集《下流上車族》而人氣急升，在《萬千星輝頒獎典禮2022》上獲得「飛躍進步女藝員」獎，工作及機會可謂接踵而來。雖然她早陣子獻唱《歡樂滿東華》主題曲《一家人》後，遭外界形容為「魔音」，仍獲廣告商青睞，力邀郭柏妍拍攝新廣告，又唱又跳。

郭柏妍這日在錄音室錄製錄廣告歌，聽到她不時唱出「派」字，十足洗腦歌。郭柏妍接受無綫娛樂新聞台訪問，表明為擺脫「魔音」稱號做足準備，她說：「錄音之前喺屋企係咁唱，我好小心呀，嚟錄音之前盡量唔食咁多辣嘅嘢，仲有飲多啲水，唔好咁易走音或者好高音，又或者唱錯聲，好好彩今次得我一個人，唔會影響其他人。」

對於在廣告內又唱又跳，郭柏妍稱：「跳舞方面OK，唔會好難，同埋舞步好得意，好活潑，仲有好多得意表情要做，夾埋其他舞蹈員出嚟效果好豐富，幾好睇，佢哋又好好，未拍之前大家一齊練習吓。」

郭柏妍劇接劇，完成《妳不是她》後再拍《奪命提示》，跟丁子朗已是第三度合作，同劇對手還有出爐視帝陳山聰，及大馬視后劉佩玥，陣容唔弱。郭柏妍表示：「劇入面同山聰哥、阿Moon（劉佩玥）同丁子朗較多對手戲。山聰哥係做我表哥，阿Moon就係其中一位上司，丁子朗...可能有感情線發展。（同陳山聰合作好緊張？）都會！開拍之前，山聰哥好親切叫我做表妹，令我冇咁緊張。新劇入面我有打戲，自己第一次參與拍攝動作場面。」