萬千星輝頒獎典禮 (2022)

ching2506

(on.cc)
勁風騷！陳瀅露「勝利乳溝 」賀入圍視后10強
12月14日(三) 19:05更新 18:44建立

無綫《萬千星輝頒獎典禮2022》今日（14日）於將軍澳電視城舉行記者會公布10強入圍名單。「最佳女主角」獎項方面多位熱門人物包括「亞視幫」鮑起靜、江美儀、陳煒皆順利入圍，陳瀅與好姊妹劉佩玥亦雙雙入圍，最令人意外的是龔嘉欣在「視后」提名10強不入。

以「戰鬥格」性感服飾示人的陳瀅晒「勝利乳溝」，講到奪「視后」信心？她說：「喺台上有少少感動，因為同阿Moon 2014年一齊拍《四個女仔三個BAR》，今次喺我哋兩個第一次一齊提名『女主角』同埋『女角色』。」劉佩玥亦覺得相當難得，但認為兩人是戰友而不是敵人。劉佩玥總共有四項提名，在女演員中與JW皆是最多，她說：「好驚喜，自己最希望攞飛躍女藝員，已經提名咗好多年，多到次數都唔記得。」

陳瀅被問到遭「亞視幫」圍攻？她說：「佢哋經驗豐富，相信我哋要過多一段時間，儲多啲實力，先可以同佢哋平起平坐。」對於龔嘉欣10強不入，可覺得少了一個勁敵，她則說：「自己一向對視后都冇太大信心，所以多咗、少咗對我都冇乜影響。」對於龔嘉欣十強不入原因，她說：「志偉都講今年頒獎禮好公平，係網民、觀眾、同事去投票，可能因為佢套劇早播所以有影響。」

早前有傳龔嘉欣因寸陳瀅而得罪高層，她否認兩人不和，認為大家也是大人，不會出現「小學雞」的問題，將來合作也不會有芥蒂。

ching2506

(HK01)
台慶十強 | 最佳男配大熱林盛斌激戰李成昌　樊亦敏蔣家旻爭女配
撰文：張嘉敏
出版：2022-12-14 19:30

無綫今日（14日）公布了《萬千星輝頒獎典禮2022 》多個獎項的10強名單，當中注目度僅次於視帝視后的，可說是最佳男女配角獎項。十強男配角名單包括：馬貫東、戴耀明、鄭子誠、吳偉豪、張頴康、李成昌、林盛斌 (Bob)、鄧智堅、林景程、林子善。十強女配角名單包括：樊亦敏、麥美恩、姚子羚、趙希洛、賴慰玲、楊卓娜、蔣家旻、郭柏妍、羅毓儀、劉穎鏇。

今年最佳男配角之爭，大熱人選是Bob，他憑住《美麗戰場》殺入十強，在劇中表現亮眼的Bob，今屆贏得男配的呼聲極高，很大機會令他贏得入行以來首個演技上的獎項。而Bob的強勁對手就是李成昌，李成昌是公認的好戲之人，演技早已毋庸置疑，但最令人意外的是他竟然並非憑《美麗戰場》打入十強，卻是憑J2播出的《兇宅清潔師》爭獎。

至於最佳女配角則被視為是樊亦敏與蔣家旻之爭，樊亦敏於《愛‧回家之開心速遞》飾演的三太角色入型入格，為她贏得極高人氣。蔣家旻於《美麗戰場》的反派角色亦成功引起了很大迴響，搶眼度不輸女主角。

ching2506

(on.cc)
蔣家旻攻入「女配角」10強　吳偉豪擸3項提名
12月14日(三) 19:27

藝人吳偉豪和蔣家旻分別爭男配和女配，蔣家旻曾表示有信心女配入5強，指今日看到「女配」和「最受歡迎電視女角色」競爭都好大，現希望兩項提名都能入到5強。問2個獎最想得邊個？她表示：「2個都鍾意，貪心啲。（驚分薄票？）都有諗過，覺得女配機會大啲。（邊個係假想敵？）全部對手都係假想敵。」認為《痞子殿下》、《下流上車族》收視都好高。

吳偉豪共有3項提名，包括「最佳男配角」「飛躍進步男藝員」和與陳浚霆和焦浩軒的「最受歡迎電視拍檔」，自言估不到3項提名都能打入10強，但無特別信心，蔣家旻在旁即時給予信心，撐他獲「飛躍男」。吳偉豪覺得大家都好努力，都很值得獲獎，雖然信心不大，但都會落力拉票，以答謝監製和珍姐，問會否投好兄弟周家洛視帝一票，他笑說：「等我重溫套劇先，睇吓佢係咪做得咁好。」

***********************************************************
(on.cc)
陳山聰大熱衝視帝　勁敵周嘉洛：平常心
12月14日(三) 19:37

無綫《萬千星輝頒獎典禮2022》今日於將軍澳電視城舉行記者會公布10強入圍名單，候選「視帝」十強包括林敏驄、陳山聰、陳展鵬、黃宗澤、馬國明、陳豪、黎耀祥、郭晉安、周嘉洛、丁子朗入圍，最威水要數林敏驄以在男藝人中獲得最多4項獎項提名，但衛冕「視帝」的譚俊彥則十強不入。

陳山聰與周嘉洛出席記者會，嘉洛首次拍攝的劇集《痞子殿下》就已經打入「視帝」十強，在台上他笑言：「攞同唔攞都係遟早嘅事，所以對攞獎抱住隨緣心。」受訪時他表示：「大家將重點擺咗喺前面嗰句，個重點係後面嗰句，就算攞唔攞獎都用平常心去享受工作，唔急，完全係平常心。」身旁的山聰笑說：「你一定大把機會！」

山聰憑《金宵大廈2》打入十強，他說：「《金宵》入到五強，今次《金宵2》入十強，對自己嚟講都已經好開心，《金宵》係我代表作，入圍更加有意義。」而他憑《超能使者》角逐「最受歡迎電視男角色」，笑言當然都希望兩個獎也攞晒。

提到他演出的《十八年後的終極告白2.0》在十強名單好似突然消聲匿跡，山聰說：「其實今年頒獎禮要睇投票，可能套劇喺年頭播比較蝕底，唔緊要，Shaun(譚俊彥)上年都攞咗視帝啦，仲有馬來西亞「視帝」，仲有機會嘅。」

ching2506

(晴報)
萬千星輝頒獎典禮2022丨龔嘉欣視后落馬仲同死敵陳瀅同台 傾緊續約：冇提名唔代表冇實力
發佈時間: 2022/12/14

《萬千星輝頒獎典禮2022》將於1月8日舉行，今日頒獎禮率先公布16個大獎的十強名單，部分入圍者出席記者會，趁機會為自己拉票。十強名單中，「最佳男、女主角」之中，最令人驚訝的是《十八年後的終極告白2.0》的譚俊彥和龔嘉欣雙雙「落馬」，無緣晉級。龔嘉欣在台上突發感言說：「冇提名唔代表冇實力！」

「最佳女主角」方面，大熱的陳煒、江美儀和陳瀅都有現身拉票，加上「影后級」人馬鮑起靜，絕對是競爭激烈。不過龔嘉欣《十八年後的終極告白2.0》就未能打入十強，她在台上為「最受歡迎電視女角色」拉票時一臉感慨說：「每個角色對劇集都好重要，冇提名唔代表冇實力，呢個好重要。拍《十八年後》時好大壓力，好怕演得唔好會影響套劇，幾場好重要好重要嘅戲，多謝Shaun（譚俊彥），雖然佢今日冇嚟，佢同我同一類人，大家都係博到盡嘅人，危險嘅嘢就自己做，慶幸今次拍檔係佢！拍《殺手》嘅傷，直到今日我仲睇緊物理治療，手指尾就係咁斷咗，我記得有日去樂小姐（樂易玲）間房，佢捉住我隻手時，佢好心痛。」她一邊講一邊哽咽，稱自己由十幾歲到三十幾歲都留在娘家TVB，會繼續努力。

對於未能晉身視后十強，龔嘉欣受訪時坦言沒有失望，「每次有提名已經好開心，因為唔容易㗎，獎真係真係好難攞㗎！當去一個party，同事之間互相鼓勵，恭喜對方，戥對方開心，我覺得成件事都好開心。」提到她站在台上看似有點感觸，龔嘉欣表示因鼻敏感所致，「近排身體唔係幾好，可能感受會大啲！」她拍《殺手》時搞到周身傷，以致現時仍要做物理理治療，說：「我有問醫生，佢話全部都係舊患，我係痛到瞓覺都起唔到身！條頸硬...早兩個禮拜，我都幾嬲自己咁孱，呢度唔舒服嗰度唔舒服！」還有哪裏不舒服？她補充：「之前我都有講過，心囉！心臟囉！我都唔好意思講，嗰陣我拍《新四十二章》請過一日病假，因為我心口真係好痛好痛，Joe監製（陳維冠）好擔心，佢叫我唔好返嘞，叫我喺屋企休息一日。」

《十八年後的終極告白2.0》播出時成為熱話，現在的聲勢卻有點弱，龔嘉欣說：「我唔知咩原因，我記得播時評語都好好，成績唔錯，唔緊要啦！我post精華片段畀大家睇，其實都開心嘅，努力咗，其他嘢唔係我哋控制範圍。」

問到是否覺得早前寸爆陳瀅而受影響？她即時澄清：「其實呢個我好想講番，成件事都幾無辜，其實我冇講過！我都唔知點解件事會發酵成咁。我因為呢件事同身邊前輩傾過，大家都覺得，最緊要問心無愧。我真係冇講過，真係冇做過，咁樣就OK啦！當然有呢種報道，好老實講，自己有唔開心，我真係冇講過，（你講過乜嘢？）我從來冇評論過陳瀅，我覺得評論任何人，唔輪到我，係由觀眾去評論，唔輪到我去評論，所以我從來唔會講其他人。當報道發酵時，我都有諗好唔好講番清楚件事？前輩、屋企人都覺得唔使為咗呢啲小事特登去交代，總之自己問心無愧咪得囉！放心，我冇畀人雪藏，唔使擔心，公司好有誠意同我續約，而家傾緊，公司畀我好好條件，（加啲換獎條款？）你哋幫我寫...哈哈哈...有冇呢啲嘢㗎？冇呢啲嘢嘅，我攞嗰年都冇換獎，冇續約，冇呢啲嘢，自己畀心機做嘢，唔好理其他嘢。」另外她指在現場，未有機會跟陳瀅打招呼。

陳瀅在訪問中說，比較有信心「最受歡迎電視女角色」方面，自問實力未及「亞視幫」鮑起靜、陳煒和江美儀，「佢哋比我有經驗，呢個係事實，希望總有一日同佢哋平起平坐。（龔嘉欣不入十強？）總經理同我哋講，賽果係完全靠網民、觀眾投票，非常公平公正，呢十強係靠投票，可能因為佢套劇比較早播？（有傳你哋不和，見面尷尬？）唔會！作為女仔或女演員，做呢行已經好多嘢要煩同辛苦，呢啲是非嘢，我哋年紀唔細，唔係十幾歲，唔係玩小學生問題。」

而江美儀對於有沒有信心奪得「最佳女主角」，她表示能夠與鮑起靜齊名候選，已經當贏；但如果可以交換，希望將獎項留給劇集《下流上車族》得到「最佳劇集」。她接受訪問時稱：「好少可有提名，難得遇到好劇本、好角色，有功勞都係大家嘅。」

ching2506

ching2506

(on.cc)
陳山聰「膠勇」上身落力拉票：好似馬拉松咁出力跑！
12月17日(六) 11:02

藝人陳山聰、劉佩玥、劉穎鏇及陳曉華等出席無綫一年一度的職藝員聯歡晚宴，同場還有無綫主席許濤、總經理曾志偉及各高層。每年盆菜宴，一班有份角逐台慶頒獎禮獎項的藝人都會於台上落力拉票，連幕後工作人員的一票亦絕不放過。

今年陳山聰絕對是「視帝」頂頭大熱，他接受東網訪問時被問到戰況激烈，前晚「最強對手」林敏驄、陳展鵬都不在場，他極可擸盡公司同事選票，他笑說：「盆菜宴其實係拉票大會，我梗係落力啦！我係憑《金宵大廈2》入圍視帝，所以就喺現場唱咗主題曲《今宵多珍重》，期間好多同事都有嚟同我哋影相，仲話已經投咗我哋票，呢啲票一定有幫助嘅！（有冇向主席同高層拉票呀？）高層票就真係冇得拉，我又唔會咁Hard sell，不過佢哋睇晒我哋嘅成績，去到最後會睇票數決定。無論點都好，盡力玩呢場比賽，就好似跑馬拉松咁，盡力去跑！」

提到網民亦很喜歡《超能使者》「膠勇」一角，問到有否以「膠勇」的說話腔調拉票？山聰即轉Tone笑說:「喎（我）梗係有用膠勇個腔叫大家投喎（我）呀（一）票啦！最受歡迎電視男角色係膠勇嘛！我一講『膠勇腔』大家就好開心。」

ching2506

馬來西亞10強:

最喜愛TVB電視劇集:
愛上我的衰神
鐵拳英雄
金宵大廈2
童時愛上你
回歸
白色強人2
美麗戰場
下流上車族
超能使者
法證先鋒V

最喜愛TVB男主角:
何廣沛 (異搜店)
陳展鵬 (鐵拳英雄)
陳展鵬 (超能使者)
陳山聰 (金宵大廈2)
陳山聰 (美麗戰場)
譚俊彥 (十八年後的终極告白2.0)
張振朗 (童時愛上你)
馬國明 (白色強人2)
周嘉洛 (痞子殿下)
黃宗澤 (法證先鋒V)

最喜愛TVB女主角:
李施嬅 (金宵大廈2)
陳煒 (回歸)
胡定欣 (白色強人2)
唐詩詠 (白色強人2)
唐詩詠 (超能使者)
陳瀅 (美麗戰場)
劉佩玥 (美麗戰場)
江美儀 (下流上車族)
王敏奕 (法證先鋒V)
蔡潔 (法證先鋒V)

ching2506

15/12/2022






21/12/2022

ching2506

ching2506

日期： 21/12/2022 (三)
活動： 《萬千星輝頒獎典禮2022》10強候選人會晤傳媒
嘉賓： 鄭衍峰、孔德賢、林子超、吳偉豪、
          黃建東、陳曉華、陳嘉慧、王灝兒、
          炎明熹。
時間： 15:00
地點： 將軍澳創新園駿才街77號電視廣播城工場大樓三樓Skywing