萬千星輝頒獎典禮 (2022)

ching2506

(晴報)
無心搶視后恨冧莊衣着獎 陳瀅為台慶押後加國探親
發佈時間: 2022/11/09

陳瀅、周嘉洛、朱敏瀚、王灝兒（JW）及麥美恩，昨日以《痞子殿下》造型，齊齊為台慶表演環節綵排。在《痞》劇演出獲讚，陳瀅被視為台慶頒獎禮的大熱視后，她卻對視后獎項處之泰然，反而恨冧莊「最佳衣着獎」。陳瀅表示已跟造型師商討，預告屆時會有突破性造型現身。

昨日陳瀅與《痞子殿下》演員，為下周六《萬千星輝賀台慶》開幕表演綵排。陳瀅指原本打算返加拿大溫哥華探望家人，為了出席台慶而改期︰「《痞子殿下》同《美麗戰場》都有表演環節，所以決定留低出席！」被封為明年台慶頒獎禮的視后大熱，陳瀅坦言無意搶獎，只希望能再奪最佳衣着獎︰「我今次多數着黑色裙，唔係性感就係靚，已經同造型師講要着啲同以前唔同嘅。」提及是時候瘦身，她聞言一臉尷尬︰「以為着住古裝，大家睇唔到，距離出年頒獎禮仲有時間瘦身，都怪班朋友同《美麗戰場》拍檔，上個月晚晚食生日飯，不過磅數又無太大分別。」

周嘉洛對林敏驄認輸
而周嘉洛亦大讚拍檔陳瀅狀態大勇︰「我都支持佢攞視后。」提到自己有份參演的《新四十二章》下月推出，周嘉洛對視帝之爭卻打定輸數︰「絕對無信心，同林敏驄爭絕對無機會，佢嘅演出好有獨特性，反而想我哋《痞子殿下》攞個組合獎。」另外，有指《新》劇的龔嘉欣將成為陳瀅的最強對手，陳瀅直言︰「唔止我哋兩個，仲有好多好演員，我都好期待睇《新四十二章》。」

ching2506

(星島/頭條)
林盛斌遭當紅男歌手藐視拂袖而去 列兩大特徵網民估係呢3位！
2022-11-08 21:00

(節錄)
近日Bob接受林柏希主持的YouTube節目《月傾會》訪問, 想同邊個爭最佳男配角，Bob就話：「第一我又幾鍾意喺《美麗戰場》嘅李成昌，即係阿威爺啦；另外我鍾意之前《痞子殿下》嘅張頴康，仲有朱敏瀚都係幾出㗎；《黯夜守護者》嘅謝東閔；咁如果你俾我再加埋《下流上車族》，我想加埋鄧智堅，智堅我覺得都好deserve個嘉許，同埋認同嘅機會！」

ching2506

(HK01)

陳山聰手指韌帶斷裂長戴固定器    腫成個星期方就醫：抱到仔就得
撰文：馬嘉怡
出版：2022-11-09 20:30

(節錄)
陳山聰今日（9日）帶傷出席《萬千星輝賀台慶》的錄製，陳山聰今年有三套劇播出，分別是《金宵大廈2》、《美麗戰場》、《超能使者》，三套劇角色上都有很大挑戰，網民都睇好他可以奪得今屆視帝，不過他認為今年有郭晉安、林敏驄坐陣競爭極大，視帝獎項都凍過水啊：「今年對手好多喎，全部都係前輩級，我睇好驄哥應該今年會攞視帝。」

ching2506

(on.cc)
電視巡禮︱譚俊彥冇信心冧莊　投陳山聰奪視帝
11月11日(五) 16:33更新 16:11建立

《無綫節目巡禮2023》今日（11日）於電視城舉行，剛從馬來西亞完成電影《爆裂點》返港的視帝譚俊彥（Shaun），透露加上年頭到內地拍劇，幾乎一整年沒有拍無綫劇，故稍後除「找數」拍新劇，更將主持廚藝節目，發掘一些奇特菜式。

問到今年對冧莊視帝信心？Shaun說：「今年唔諗呢樣嘢，係另一個心情，冇上年咁緊張，反而睇到好多同事都好努力，陳山聰有6套劇、林敏驄又演得好、黃宗澤就嚟有劇出，所以我會喺台下支持佢哋，真係好難選擇，個個都係好兄弟。（撐邊個？）私下我會投票畀陳山聰。」

而今年沒有劇出街的林夏薇，似乎無緣冧莊視后，她說：「之後曾經講過《法言人》會播，後來又冇播，係有啲可惜，因為個角的係畀觀眾見到唔同感覺嘅薇薇，出年的仲有套《寵愛Pet Pet》。（今年冇得爭喎！）呢個唔係重點，我希望每個角色可以畀觀眾唔同嘅感覺，每個角色都係新嘅學習，明年兩套劇一齊播，兩個唔同嘅角色可以睇到。」

ching2506

(on.cc)
電視巡禮︱陳豪唔介意冇劇播　朱晨麗冇諗攞獎
11月11日(五) 16:42

視帝陳豪與朱晨麗（朱朱）現身《無綫節目巡禮2023》，對於原定下月初推出的新劇《新四十二章》突然被抽起，改成播出《輕．功》，有份主演《新》劇的陳豪，表示剛獲悉該劇因變成「同步劇」，故劇情需要修改後才安排播映：「聽到嘅時候有唔開心，但後來調番轉，變成『同步劇』我又開心番。（無緣爭視帝好可惜？）冇咩所謂，入面有好多唔同嘅元素，拍完好似拍咗5、6套劇咁，所以有信心。」

而有參與《輕．功》的朱朱，則表示也是從網上獲得消息：「其實任何時間播出都冇所謂，反而今次係第一次同黎耀祥、蔣祖曼合作得好愉快，所以下月可以一齊宣傳見面好開心。（今年有兩套劇爭獎？）隨緣，作為演員，當下攞到劇本時有得發揮就盡量做好佢，唔會諗一定要攞獎。」

ching2506

(明報)
無綫節目巡禮｜譚俊彥林夏薇睇好陳山聰拎視帝
2022年11月11日 (20:18)

譚俊彥今年推出過《廉政行動2022》及《十八年後的終極告白2.0》兩部劇，他被問到再爭視帝的信心時說︰「我沒想這回事，今年換個心情，沒上年那麼緊張，反而看到很多同事很努力，陳山聰、林敏驄、黃宗澤也很強。個個都是好兄弟，好難揀視帝。不過，我私下會投票給陳山聰，他很犀利，今年6部劇，各有不同發揮。」

林夏薇主演的《法言人》被抽起，令她今年無緣爭視后。她說︰「這個不是重點，重點是我很喜歡拍劇，我見陳山聰今年有6部劇，我也撐他攞視帝。」

lily123

(on.cc)
陳山聰6劇揸手衝視帝　劉穎鏇被睇好奪「飛躍進步獎」
11月13日(日) 23:29更新 17:02建立

藝人陳山聰與劉穎鏇（Tiffany）今日（13日）出席無綫台慶劇《超能使者》宣傳，山聰對於今年有6套劇推出氣勢強勁，被睇好奪視帝呼聲高，他坦言難得一年有5套正劇及一個單元劇，當中更有兩套台慶劇：「我仲有《隱形戰隊》明年播出，其實今年一連咁多套劇，係因為之前有啲劇押後咗推出，有啲拍完冇耐就趕住播，變咗今年連續幾套劇出啫！」

談到上屆視帝兼老友譚俊彥（Shaun）表明會投他視帝一票，山聰笑指有對方一票已足夠：「有視帝投票畀我喎！自己會平常心，起碼唔會冇票先。（擔心幾套劇一齊提名會分薄票源？）如果要我揀都真係好難揀，個個都好似Jaco（山聰兒子），都係親生仔，點揀呢？其實邊套劇入圍都值得開心嘅，因為幾套劇都有唔同風格。」

相對於視帝，山聰直言恨攞由傳媒投票的「最佳衣着獎」，他說：「對一個貪靚又鍾意時裝嘅人嚟講，呢個獎好有意義，之前投資咗30年錢喺時裝上面，都夠買層樓，念在我貢獻咗咁多畀時裝，畀呢一個獎我都得啩！所以依家我會向傳媒積極拉票，務求當晚要攞到呢一個獎。」

至於今年亦有4劇出街的Tiffany，被睇好奪「飛躍女進步女藝員獎」，對此她說：「我都唔敢講，不過幾套劇嘅角色都畀到大家新鮮感，希望觀眾睇到自己有進步。」在旁的山聰搞笑Tiffany穿比堅尼戲份尚未播出，寄望屆時播出會有更高收視。

ching2506

(on.cc)
陳瀅見過鬼怕黑　着4條打底褲防走光
11月15日(二) 17:01

陳瀅在尖沙咀Mira Place 出席「 Let's Gala This Christmas 」 開幕儀式。她早前為台慶劇《美麗戰場》宣傳時不慎走光，今日穿上低胸同樣高衩的長裙時分外小心翼翼，郁動時不時按住高衩位置提防走光，她受訪笑說：「仲唔驚呀？今日着咗4條打底，仲黐埋膠紙，女仔走光唔係咁好，上次係有少少失手，掛住拖劉佩玥囉。」

講到聖誕節，陳瀅透露將會返溫哥華探親，期間順道到日本旅行，1月將會回港出席頒獎禮，其後有機會開拍兩套劇集，包括《痞子殿下2》。講到《新四十二章》再改期播出，未能趕及在台慶頒獎禮前出街，少了龔嘉欣爭視后勁敵，她說：「唔清楚，劇集播放檔期成日都有，好似《痞》本來都唔係嗰個時間播出，亦唔會少咗個對手，因為頒獎禮好多人參加。自己最有信心攞最佳衣着獎，自己一向注重時裝，冧莊就最威。」陳瀅透露還未為台慶及頒獎禮準備戰衣，笑指去完溫哥華和日本回港可能肥了，到時再揀衫。

lily123

日期： 21/11/2022
活動： 《傳承．狂歡55 攜手創無限》暨《萬千星輝頒獎典禮2022》公布提名名單記者會
嘉賓： 譚俊彥、馬國明、陳自瑤、阮兆祥、
          李家鼎、黎諾懿、周嘉洛、宋宛穎、
          梁凱晴、邵初、丁子朗、李芷晴、
          何沛珈、關楓馨、鄭衍峰、林正峰、
          林秀怡、徐文浩、程浩駿、潘靜文、
          林智樂、蔡愷穎、林沚羿、文佐匡、
          侯雋熙、彭家賢、區永權、陳庭欣、
          容羨媛、陳㦤德、吳幸美、游莨維、
          樊亦敏、戴耀明、吳紫韻、王鎮泉、
          林子超、李俊華、劉展霆、黃紫恩、
          蕭秀香、Jacques Kagi、譚以健、曾志偉、
          曾勵珍、樂易玲、鍾澍佳、黃建東、
          蔡國威。
時間： 12:00
地點： 將軍澳創新園駿才街77號電視廣播城十六廠

ching2506

(星島/頭條)
萬千星輝頒獎典禮2022｜一文睇清16項提名名單 陳展鵬自我分票難敵林敏驄？
2022-11-21 13:15

一年一度的《 萬千星輝頒獎典禮2022 》將於2023年1月8日舉行，今日（21日）公布16項提名名單，早前處男拍劇的林敏驄憑住《下流上車族》車志明一角贏盡網民掌聲，被力捧為今屆的視帝大熱門！但另一方面，現正熱播的《超能使者》中，陳展鵬飾演的「阿鏈」鍾孝年亦非常矚目，在網眼中鬥得難分難解！不過由於今次陳展鵬有4劇同時提名，恐怕會有「自我分票」的情況發生！

至於視后方面，之前陳瀅在《美麗戰場》飾演的鍾家寶令觀眾眼前一亮，但《下流上車族》的江美儀的表現亦令人非常深刻！

到底今年的獎項最後花落誰家？今日提名名單公布之後，立即開始至12月30日可以透過網上投票支持自己的心儀角色和節目！