《企業強人》拍攝跟蹤

ching2506

(on.cc)
譚俊彥約定陳豪舉家親子遊　孖張曦雯百人大隊北上3個月
09月27日(三) 00:01

兩大視帝譚俊彥與陳豪即將到內地為新劇拍外景，身為廿四孝老竇的他們，已約定雙方小朋友齊齊玩轉深圳，而同劇的張曦雯（Kelly），透露數十日外景最掛念並非男友，而是寵物貓狗。

譚俊彥（Shaun）、陳豪、龔嘉欣及張曦雯等主演的無綫新劇《企業強人》將於下周出發到深圳，展開為期90日的外景拍攝，屆時大隊將近100名台前幕後浩浩蕩蕩北上，聲勢強勁！

忙於經營新餐廳的Shaun，連日來公私兩忙，除了為完成香港戲份，一有時間亦去餐廳助陣，結果缺乏休息而病到，家人亦一併傳染，他說：「呢排天氣好易病，不過我唔冧得，因為去深圳前要飛台北拍節目，預計遲大隊幾日報到。（唔掛住對仔女？）咁啱佢哋學校放假，已經約好陳豪幾個小朋友一齊上去玩，不過到時我要開工，我嘅主要作用都係讓個酒店房出嚟，冇得玩之餘只負責畀錢，哈哈！」

談到有份演出的台慶劇《新聞女王》稍後播出，Shaun透露屆時應仍在深圳外景，相信未能現身宣傳，但指有拍檔佘詩曼、馬國明等份量人物，信心十足。龔嘉欣則表示連日來趕進度，尚未有時間執行李，但對大隊過百人出發表現興奮：「我諗上一次咁大陣仗係幾年前嘅事，不過我中間都會返嚟一日、半日做商演。」

ching2506

25/09/2023

ching2506

張曦雯IG:

ching2506

(on.cc)
朱智賢做「義工」埋尾了斷10年情　跳出舒適圈靠謝東閔
10月04日(三) 00:01

已經約滿無綫的朱智賢以「義工」身份繼續拍攝劇集《企業強人》，直言工作要有始有終。離開效力10年的TVB，她坦言是最後一刻才下定決心，也多得「最強後盾」男友謝東閔支持。

朱智賢與張曦雯日前在灣仔為無綫劇集《企業強人》拍攝外景，已經約滿離巢的朱智賢以「義工」身份繼續拍攝，她說：「依家係自由身、冇晒約，但做嘢有頭有尾，冇理由開咗個頭就走咗去，所以會完成埋佢，之後會去深圳拍到12月。」朱智賢效力無綫10年，坦言一直也沒想過離開，去到完約前3個星期才積極考慮，到最後一刻終下定決心外闖，想接觸不同的事物，不想每天過得一樣，坦言計劃趕不上變化。

自由身後她的工作亦接踵而來，先後到澳門與馬來西亞工作，亦有網上平台邀請合作，她最希望能繼續拍戲，不論角色，有演出機會便很開心：「因為都10年，想轉換環境，想有啲改變，大個女要出去闖吓。」敢於跳出舒適圈，亦有賴背後有「最強後盾」男友謝東閔的無限支持，她說：「呢個係自己決定，不過，我咩決定佢都支持，佢冇得唔支持我啦！」問到離巢是否有意拉埋天窗？她說：「唔係，如果結婚就更加唔使外闖，依家咁大轉變，又要計劃過我人生，依家最需要工作機會。」

張曦雯背對白下苦功
至於當晚的拍攝場口，是講到張曦雯與朱智賢在街頭相遇互訴，劇中角色亦正亦邪的張曦雯說：「反派挑戰好大，好唔似平時角色，但裏面事業心重就似自己。」戲中不擇手段的她指對白多多，花了不少苦功背對白，日日返屋企也要溫書。

ching2506

李成昌: 港劇「企業強人」 姓方的一家
2023-10-27 15:18

ching2506

(TVB周刊)
【娛樂熱話】
《企業強人》
為食龔嘉欣買磅警剔自己
Fit爆張曦雯最愛重口味

《強人》系列一直大受歡迎，近日由騰訊視頻及無綫電視聯合出品的《企業強人》亦於深圳拍攝得如火如荼。《企業強人》演員陣容有陳豪（阿Mo）、譚俊彥（Shaun）、龔嘉欣、張曦雯（Kelly）、姜大衞及李成昌等，日前劇組為幕後人員大搞慶生派對，台前幕後打成一片。

陳豪是譚俊彥精神食糧
首度加盟《強人》系列的 Shaun，受訪時大讚《強人》團隊十分團結。「好榮幸可以進入《強人》世界，呢個可能係我近年來參與過最團結嘅一個劇組。因為一班工作人員要離開自己屋企一齊進行幾個月嘅拍攝，的確係需要互相扶持。雖然依家拍攝仲未完結，不過大家已經有依依不捨嘅感覺。」Shaun笑言在深圳開工，最難抵擋是美食誘惑。「拍劇嘅時候，我都會保持食得清淡，但深圳實在太多美食，我只可以每日保持適當運動量，都算冇肥冇瘦。今次嘅服裝大部分都係西裝，一定要保持身形。」

談到新劇拍檔陳豪，Shaun笑言對方是其精神食糧。「而家成日有得飲Mo記咖啡，佢唔喺度時，冇咗杯咖啡真係提唔起精神講對白。」

龔嘉欣拍嚨痛兼腳痛
龔嘉欣同樣首度加盟《強人》系列，曾於社交網上載靚相，分享拍攝開會戲份的花絮。「感謝企業強人團隊的每一員，合力打造一場又一場的精彩場口，不容易！是挑戰，但更是享受！稍稍鬆了一口氣，才記得自己講完八場戲對白，喉嚨痛了，還有那膝蓋發炎了幾星期的腳，哈哈！一演戲就是這樣忘我！」最近榮升老闆開餅店的嘉欣坦言拍攝《企業強人》時，特別有共鳴。「依家餅店生意靠香港團隊幫手睇住，佢哋都好好、好體諒。劇本寫嘅嘢就係現實生意上經常都會發生嘅事，令我都更加有投入感。」


嘉欣謂不用拍攝時，大家會瓹窿瓹罅搵嘢食。「當然唔少得飲咖啡啦，飲咖啡時，仲有阿Mo講解，直頭好似上咖啡堂咁。大家每日都會互相準備好多美食，日日都有唔同驚喜，好似水煮魚、港式麵包、珍珠奶茶，搞到我特登買咗個磅，提醒自己！」

張曦雯最愛「萬歲」
今次已是第五度拍攝《強人》系列的Kelly透露與幕後班底合作無間，感情猶如家人一樣。「今次幕後同事比較辛苦，要日日開工，所以每日開工都會諗吓叫啲咩外賣，同大家『萬歲』 開心吓。」Kelly自爆是宅女一名，「我係一個Homebody嚟，雖然有時都會去食吓嘢，但大部分時間都係留喺酒店，睇劇本、睇書同煲劇，又可以叫吓外賣，好享受呢幾個月嘅拍劇時間。」


Kelly透露自己愛吃重口味食物，卻很少人看得出，更曾因而發生笑料。「因為同Shaun第一次合作，大家唔係好熟悉，有一次佢萬歲請大家食Lunch，Shaun以為我係好鍾意食健康嘢嘅人，專登嗌咗兜蔬菜畀我食，我望住兜嘢，以為佢講笑。當時阿Mo已經喺側邊爆笑，佢好清楚我唔係食呢啲嘢嘅人。」