《企業強人》拍攝跟蹤

ching2506

(on.cc)
外闖受阻錯過與阿佘合作　張曦雯獲無綫補償孭飛拍重頭劇
07月13日(四) 00:00

索爆女神張曦雯（Kelly）原本「一箭雙雕」連拍兩大劇集《企業強人》及《家族榮耀之繼承者》，但由於《家》劇要等待佘詩曼檔期埋位，故延遲了拍攝，現時Kelly無奈辭演。無綫派了兩位美女陳瀅及王敏奕飛到馬國助陣《家》劇的同時，更加重Kelly於《企》劇戲份「補飛」，難怪她指是最好的安排。

無綫女神張曦雯形象討好，樣靚身材正的她，更是少有的零負面新聞，故甚獲無綫重用。近年她劇接劇，連開多套重頭劇「強人」系列，包括《白色強人》、《白色強人II》及《破毒強人》。少有出外拍劇的她，4個月前開心透露將到馬來西亞拍劇，所指正是剛於當地開機的新劇《家族榮耀之繼承者》，加上她早已被無綫Mark期拍攝今年重頭劇《企業強人》，劇中與兩大視帝陳豪、譚俊彥及龔嘉欣齊齊擔當主角，原以為可一箭雙雕拍晒兩套，但如今事與願違，《家》劇因一直要等待終極女主角佘詩曼拍畢無綫另一新劇《新聞女王》才開工，故延遲至今才拍攝，不巧與《企》劇拍攝期撞到正，故Kelly無奈辭演《家》劇。據知《家》劇的劇本之前進行大洗牌，無綫亦安排了陳瀅及王敏奕加盟，陳瀅會飾演羅嘉良女兒、梁靖琪的妹妹。

期待與龔嘉欣過招
不過，作為無綫「親生女」，Kelly雖然失去外闖機會，但於《企》劇中亦獲加重戲份來「補飛」。Kelly接受東網獨家訪問時表示對《企》角色及故事都非常喜歡。剛與男友在菲律賓度假的她開心地說：「開工前可以同男友Relax一下好開心，我相信公司安排畀我嘅都係最好。當然作為一個演員，所有演出機會畀我拍晒就最好，但人就得一個，撞咗期都冇辦法。我自己啱啱睇晒《企業強人》劇本，好鍾意個角色同故事，睇到我好感動。」

原本她於《家》劇飾演羅嘉良女友，今次失去合作機會，她坦言不覺可惜：「我覺得依家嘅安排係最好嘅安排，我又唔係唔做，一定會再有機會。」她又指於《企》再可跟陳豪、譚俊彥合作很開心，而跟龔嘉欣是首次合作，坦言相當期待。

再同羅子溢「談情」 王敏奕有排冇得返屋企
隨着張曦雯辭演，《家》劇劇本要重新改寫，造就了王敏奕與羅子溢「談第二場戀愛」。去年2人於無綫劇《婚後事》夥拍陳自瑤及黎諾懿等合作，發展出多角關係。目前身在馬來西亞開工的王敏奕透露，昨日（12日）首天進組，與台前幕後合作愉快，問到她事前準備功夫，她笑說：「主要準備好暫時冇得返屋企嘅心情，我係第一次出埠拍劇，要離開屋企咁長時間咋！」

羅子溢今次隨大隊在馬國逗留兩個月，與王敏奕再度合作自然駕輕就熟。對於再度演出《家》劇系列，他表示：「雖然同上集一樣係富二代，但今次角色壞事做盡，無論喺情緒同身世方面都複雜好多，相信係一次突破。今次同羅嘉良係父子關係，我哋兩個咁啱都姓羅，每次同佢合作都得到好多嘢，雖然啱啱開工，已經好期待同佢鬥戲喇！」

ching2506

(on.cc)
《靈戲逼人》效應！龔嘉欣密密接Job狂吸金
07月31日(一) 16:24

藝人龔嘉欣及馮素波今日（31日）出席醫美品牌剪綵活

嘉欣即將要投入新劇《企業強人》拍攝，拍攝期長達4個月，而劇組已表明可讓她請假搵外快。談到與《靈》劇台前幕後慶功，她笑說：「可以呀，我哋喺群組留言雀躍，大家喺度討論續集可以點玩，但監製未表態。（張振朗笑你拍煞科戲喊到嘔。）我手頭上仲有條片，係叫咗cut機大家依然控制唔到情緒，我都未見過張振朗喊到氣喘，我實公開畀大家睇。」


(on.cc)
謝東閔水底拍攝新歌MV　自編自導自演一手包辦
08月01日(二) 02:02

藝人謝東閔日前與樂宜齊齊出席汽車品牌活動，他透露之後會開拍無綫新劇《企業強人》，首次跟女友朱智賢齊齊上陣拍攝，坦言二人會有對手戲。「我哋都係第一次同劇，之前真係未試過，(有感情線?)冇，不過有同場。」

lily123

(on.cc)
張曦雯翻Loop剪短髮傷心落淚片　竟被網民以為戴假髮
08月06日(日) 22:01

藝人張曦雯（Kelly）出名樣靚身材正，本身擁有一把長髮嘅佢，於熱播劇《破毒強人》作出好大犧牲，以短髮造型上陣，佢日前於社交網大晒番當日「落髮」嘅片，睇見佢好唔捨得把長髮，又笑又喊仲拎紙巾抹眼淚，真係睇見都心傷！

有唔少網民都讚佢短頭髮Look好睇，但係竟然有網民「二次傷害」話唔信佢真係剪短咗頭髮，覺得佢喺劇中只係戴假髮喎，而張曦雯就發文指：「是不捨得，但如果你怕遇挑戰，你永遠不會知自己能做到甚麼。100%會再做一次！」佢早前都表示最初要剪走長到腰嘅頭髮，真係好唔捨得，但係後嚟又覺得好配合番個角色，而且頭髮短咗可以留番長，所以最後睇開咗覺得冇所謂，仲話嚟唔怕剪Skin Head添！

ching2506

(on.cc)
張曦雯唔介意剷光頭　冧爆獲男友讚頸型靚
08月07日(一) 18:02

藝人張曦雯（Kelly）今日（7日）先為新劇《企業強人》開工，再趕往出席熱播劇《破毒強人》宣傳活動。

(《企業強人》角色有乜特別？）我演個不擇手段嘅女強人，同之前《再見枕邊人》一樣奸嘅，我幾鍾意喎，觀眾依家都鍾意睇呢類角色，因為多啲發揮，有空間作大膽嘗試。」

ching2506

07/08/2023 開拍

黃子桐

lily123

(on.cc)
張曦雯開拍新劇　《強人》班底拍得開心
08月12日(六) 08:01更新 02:02建立

無綫藝人張曦雯(Kelly)現正為新劇《企業強人》拍攝，Kelly坦言開拍了一星期，之前她連拍多套《強人》系列劇集，包括《白色強人》、《破毒強人》等，故今次再與班底合作，過程順利又愉快。她接受東網訪問時謂：「都好開心，因為劇組都係《強人》班底，今次呢套劇全部都係外景，沒有廠景，自己嘅戲份好多都喺香港拍攝，之後劇組都要返內地開工，所以呢個多月會比較忙碌，我都忙緊做功課、睇劇本，要捉番拍劇嘅節奏，過程都好開心、滿足感好大。」現時她有份擔演的《破毒強人》正熱播中，收視亦相當不俗，Kelly坦言:「每日收工我都會返屋企睇番，與觀眾同步欣賞。」

ching2506

14/09/2023


17/09/2023

ching2506

20/09/2023

ching2506

(HK01)
陳豪被連環偶遇為「斷崖式衰老」平反　暖心舉動堪稱絕世好男人
撰文：張嘉敏
出版：2023-09-24 16:30

現年52歲的陳豪與老婆陳茵媺於2013年結婚，14年陳茵媺以全職照顧小朋友及家庭為由宣佈暫時淡出娛樂圈，主力做陳豪背後的女人。二人育有三名小朋友，陳茵媺一直過住少奶奶的生活，專心相夫教子，陳豪就努力拍劇賺錢養家，辛勤工作，男主外女主內，一家五口十分幸福，兩人更是圈中的模範夫妻。

最近陳豪正為無綫新劇《企業強人》進行拍攝工作，近日就有多名網民於中環偶遇陳豪，並成功與他合照，還放上社交網分享，即惹來網民熱議。那些偶遇陳豪並與他合照的網民，全都異口同聲大讚陳豪親切友善，溫柔儒雅，盡顯紳士風度，堪稱圈中絕世好男人。其中一位網民表示：「他看出來了我們想合照還主動叫我們拍照，人又白又高，真的這麼多年來一直沒有老。」從網民分享的多張相中可見，陳豪真是帥氣有型，重回最佳狀態，一洗之前被指斷崖式衰老的污名。

ching2506

(on.cc)
李佳芯呻中秋冇人約　張曦雯人月兩團圓
09月26日(二) 17:20

視后李佳芯（Ali）與張曦雯（Kelly）今日（26日）現身活動，狀態甚佳的她，透露視保養皮膚為工作一部分，試過因拍劇欠缺休息，影響皮膚質素，至於拍劇的工作要等公司安排，現把握休息時間打好底子。

張曦雯貴為無綫《強人》系列鐵腳，透露《企業強人》香港戲份今日拍完，10月1日將隨大隊移師到深圳繼續開工，中秋仍可以在港陪伴男友，透露父母近日來港，可以一齊賞月團圓。將在深圳拍攝兩個半月，期間都可以回港，男友亦可以往探班，故不會掛住男友，反而會掛家中貓狗，趁出發前爭取時間陪伴愛貓愛犬，她說：「好彩男友唔識中文，知道我咁講，一定好傷心。」她表示執了3大篋行李，當中有大量護膚品，並已搜尋定深圳美食，最鍾意食辣和串燒烤肉，笑言會向導演要求道具都加辣。自言一開工便瘦，不擔心吃肥，反而怕熱氣爆瘡。