《虛擬情人》拍攝跟蹤

lily123

劇名:《虛擬情人》
監製: 林瑋澄+徐正康
編審: 翁善瑩
主演: 朱敏瀚、王敏奕

拍攝時間: 27/11/2022 - 14/02/2023
造型日期: 14/11/2022

日期： 14/11/2022 (一)
活動： 《虛擬情人》造型
嘉賓： 王敏奕、朱敏瀚、黃子恆、譚嘉儀、
          袁文傑、林景程、鄧智堅、楊卓娜、
          黃子雄、周志康、鄧伊婷、吳文懿、
          馮顯藝、何晉樂、餘富根、廖家爵、
          鄔嘉駿、鄧美欣、朱樂洺、繆家慶、
          徐正康、林瑋澄、翁善瑩。
時間： 12:30
地點： 將軍澳工業村駿才街77號電視廣播城一廠灰位

lily123

(on.cc)
朱敏瀚升呢男一　夥拍王敏奕合作做虛擬情人
09月09日(五)
08:50更新 00:01建立

朱敏瀚近年成功上位成為無綫小生，在2020年及2021年《萬千星輝頒獎典禮》分別憑《反黑路人甲》與《換命真相》先後奪得「飛躍進步男藝員」及「最佳男配角」獎，演技受到肯定並受到力棒。入行12年的他終於升呢一嘗做男主角的滋味，10月將與王敏奕拍攝新劇《虛擬情人》（暫名），化身成男版「阿寶」，談情說愛。

朱敏瀚早前宣佈與拍拖3年的女友余思霆因聚少離多和平分手，情場失意的他收拾心情專注事業，事業近期亦一煩風順，最近播出《痞子殿下》飾演的千刀被發掘出相當有喜劇細胞，除了Cool爆角色外，可塑性相當高。對於升呢做「男一」，他說：「好開心遇到一個有挑戰性O既角色，一如既往，會盡力做好佢，詳情就未知道。」

李佳芯主演的《智能愛人》受歡迎，令無綫加強開拍虛疑科幻題材新片種，講到李佳芯曾指扮演機械人「阿寶」難道其實相當高，他說：「自己未收到劇本，所以未清楚角色，但係以我所知同以前嘅AI片好唔同，已經睇咗好多書、同埋電影去攞靈感去設計一個全新嘅角色。」一身爆肌的他被問到新劇是否要繼續「脫星」騷肌﹖他笑說：「暫時未知，但係都習慣咗唔keep住健身，保持身形。」

ching2506

試造型

ching2506

(on.cc)
朱敏瀚甩拖飛英國睇波　被JW追問有冇艷遇
11月08日(二) 16:02

王灝兒（JW）與朱敏瀚以一身劇集《痞子殿下》造型，今日（8日）在將軍澳電視城古裝街為無綫台慶大型序幕歌舞錄影。兩人指能夠為台慶序幕演出感高興，

朱敏瀚笑言，每次穿起古裝也希望是最後一次，因為拍攝往往要黐上全個頭套，熱得想扯爛和掉了頭套，他透露《痞子殿下》續集預計將會下年3、4月開工，覺得辛苦也是開心。

他表示月尾將為新劇《虛擬情人》開工，最近趁有空檔獨自飛到英國旅行兼睇波。早前與余思霆甩拖的他被問到是否趁機散心？他說：「唔係，本身套劇10月開，但係延咗期，時間太緊迫所以約唔到朋友，都好想自己去一次旅行，不過，有人陪係開心啲。」JW笑問他可有艷遇？他說：「我都想有，但係冇。」

lily123

日期： 14/11/2022
活動： 《虛擬情人》造型
嘉賓： 王敏奕、朱敏瀚、黃子恒、譚嘉儀、
          袁文傑、林景程、鄧智堅、楊卓娜、
          黃子雄、周志康、鄧伊婷、吳文懿、
          馮顯藝、何晉樂、余富根、廖家爵、
          鄔嘉駿、鄧美欣、朱樂洺、繆家慶、
          徐正康、林瑋澄、翁善瑩。
時間： 12:30
地點： 將軍澳工業村駿才街77號電視廣播城一廠灰位

ching2506

(on.cc)
王敏奕創造虛擬情人　要靚仔兼有暖男Feel
11月14日(一) 15:11
藝人王敏奕、朱敏瀚、黃子恒、譚嘉儀今日（14日）等在將軍澳電視城為新劇《虛擬情人》（暫名）試造型。入行12年的朱敏瀚首度做男一，劇中扮演由王敏奕所創造的虛擬情人，講到首次做男主角，他說：「冇乜特別感覺，反而半年前接到呢個高難度嘅角色，覺得好興奮，角色係拍劇以嚟要做最多功夫。」講到角色被指是李佳芯演出《智能愛人》的「男版阿寶」？他說：「今次同其他AI唔同，今次嘅AI係有人性，仲有幾個唔同版本。」

王敏奕被問到所創造的AI是否以老公為藍本，她笑言首先外表俊朗及有暖男Feel，角色亦是她心目中的男神。不過，她透露劇中兩人未有親熱戲，問到豈不是如黃宗澤笑言的「國防級家嫂保護機制」，她說：「唔係，如果係咁，拍咗嘅《婚後事》就唔使出街，Bosco咁講只係保護我，唔使畀佢嘅Fans鬧。」

近年每劇皆要除衫騷肌的朱敏瀚指今次亦不例外，他說：「公司唔會對我咁好，唔使我除。」他又指很開心能與對演戲相當有熱誠的敏奕合作，兩人傾偈話題也不離演戲，她說：「再熟啲應該會講煮餸。」

ching2506

(TVB周刊)
《虛擬情人》
尋回戀愛初心

愛是難以量化，亦捉摸不透。現實中尋尋覓覓，也找不到理想對象，失望之下，不少人也寧願躲在虛擬世界中，尋求最完美的虛擬情人。

15集愛情小品《虛擬情人》（暫名）中，王敏奕所演的程晴創作了虛擬情人Adam（朱敏瀚飾），同時亦周旋於只有利益關係的筍盤男友井俊二（黃子恆飾）之間。

一個講心不講金，一個講金不講心，程晴在愛情二選一中，能否找到愛情真諦，作出最好選擇？

初次當男一
於11月14日，《虛擬情人》舉行造型記者會，王敏奕、朱敏瀚、黃子恆、譚嘉儀、袁文傑、林景程、鄧智堅、楊卓娜、黃子雄等，聯同監製徐正康、林瑋澄及編審翁善瑩出席。出席演員均以劇中造型亮相，並在會上介紹自己角色及人物關係。

入行12年的朱敏瀚首次成為「男一」，感到興奮，亦會多做工夫準備，因為今次也要身材健碩的他除衫show肌。朱敏瀚飾演由王敏奕所創造的虛擬情人，敏奕說敏瀚的角色為外型俊朗的暖男，是她心目中的男神。王敏奕早前被黃宗澤戲言啟動「國防級保護家嫂機制」，不能拍親熱戲，王敏奕在新劇中，與首度合作朱敏瀚亦無親熱場面。她笑著否認有特別安排，並說如果真有其事，早前拍《婚後事》就不用出街。

愛情與麵包
曾參與《跳躍生命線》、《白色強人》、《白色強人2》、《愛美麗狂想曲》等劇集的林瑋澄首次擔任監製，以愛情這個年青人容易引起共鳴的題材，作為切入點去包裝及製作新劇。

虛擬情人為劇集重要元素，林瑋澄表示淺層意義是女主角在虛擬世界創作理想情人，核心理念是透過這段關係，帶出重拾初心的主旨。「女主角在愛情上跌跌撞撞，經歷幾條不圓滿的愛情，身為電腦工程師的她決定創作虛擬情人Adam，為自己打造理想情人。

Adam冇車冇樓，冇任何物質條件，有的只是一顆單純愛程晴的心。AI的愛正好作一個提醒，愛情本來面貌是如何，不需要將愛情變得勢利計算，而是重拾單純愛人的初心。」為了突顯主題，程晴亦有事業有成的筍盤男友，虛擬與真實、麵包與愛情之間，讓程晴面臨抉擇。

虛擬情人以外，劇集亦透過不同角色及愛情追逐，反映現實中人所面對的愛情難題。「角色之間有各種愛情問題，好似譚嘉儀的角色自覺條件不足，即使知道甚麼條件也有資格愛人，但她選擇屈就，嫁了平凡的鄧智堅，不敢追求最鍾意黃子恆。同時黃子恆卻視王敏奕為女神，看不上譚嘉儀。相愛不能愛、得不到愛、錯摸等愛情煩腦，也會透過角色講述。」

監製徐正康、林瑋澄及編審翁善瑩帶領新劇演員出席造型記者會。


- 王敏奕在劇中周鏇於虛擬情人朱敏瀚及真實男友黃子恆之間。
- 王瑋澄認為朱敏瀚畀人的感覺乾淨簡單純粹，符合Adam的人設。
- 程晴外表剛強，內心脆弱，王瑋澄說創作劇本，已經想到王敏奕適合做這個角色。


譚嘉儀與鄧智堅飾演夫妻，配搭新鮮


出席演員分組亮相，當中包括（左起）吳文懿、鄧伊婷、黃子雄、楊卓娜、林景程、周志康及袁文傑。

ching2506

(on.cc)
王敏奕做運動操Fit　對黃宗澤展開追求
11月26日(六) 16:31

(節錄)
藝人王敏奕今午（26日）現身鑽石山，宣傳主演新劇《法證先鋒V》

由於明天要開始為新劇《虛擬情人》開工，她刻意操弗自己，已略見成績：「冇特別磅過瘦咗幾多，女仔成日記住呢啲太大壓力，我覺得最緊要望落去Fit同健康。飲食我都唔係戒得好清，因太鍾意食嘢同整嘢食，惟有做多啲運動，晚餐食少啲，同埋拍檔朱敏瀚太Fit喇。（佢又要除衫？）唔除有啲嘥，大家都好期待睇，佢應該要，因為講佢係個AI製造人，初頭應該冇衫着，後來我有安排衫畀佢着。（你咪有機會睇好多？任睇任摸？）唔知，劇本唔會刻意寫呢啲，重點唔係咁，今次係現實喜劇，好輕鬆幽默搞笑，但同時亦係認真愛情片，現場走位再算啦。（咁忙咪冇時間陪老公？）放工咪二人世界囉，之前去咗歐洲，有時間相處喇，我想做吓嘢。」

lily123

(on.cc)
王敏奕笑朱敏瀚悶爆　拍親熱戲唔使老公批准
12月13日(二)09:02更新 00:01建立

藝人朱敏瀚與王敏奕日前為無綫新劇《虛擬情人》拍攝外景，場口以文戲為主，講述Venus與她創造的虛擬人物朱仔在海旁漫步，期間兩人深情對望，場面溫馨浪漫。首嘗「男一」滋味的朱仔自言壓力不大，還大讚拍檔Venus勤力專業：「拍咗10日都好順利，我尋日同《痞子殿下》班演員食飯，話遇到一個好勤力嘅演員，佢哋仲呷醋添！」

為拍檔解圍

Venus笑言朱仔跟她性格相似：「同我一樣咁悶，每次開工都係傾套劇，睇嚟佢同我一樣唔係好識得同人溝通，哈哈！」問到如此沉悶，豈不是很難結交異性？朱仔怕醜說：「呢年都冇時間啦！順其自然，冇得話要識個女仔就有㗎嘛！（有乜嘢擇偶要求？）唔可以影響大家做嘢，要工作第一！」Venus即替他解圍，表示緣分要來就來，無法計劃。

劇集以甜蜜為主，朱仔坦言大家也很專業，不擔心與「國家級保護家嫂」拍親熱戲，Venus即笑言自己不是受保護：「《婚後事》都拍晒啦，呢套相對純潔好多。（拍親熱戲要唔要同老公曾國祥備案？）唔使，上一套都冇。」

lily123

(on.cc)
楊卓娜跳鋼管舞要超性感　唔使老公批准先剝
12月13日(二) 18:27

藝人楊卓娜、陳嘉倩、梁芷珮今日（13日）現身銅鑼灣出席頒獎禮活動。早前楊卓娜千呎庭園曝光，她稱並非她家庭園，其實是屋企附近的一處種植場，面積有數千尺，是租用的，但就沒有透露租金多少，她說：「自己鍾意種食材，嗰度有果樹，聖誕樹都係我搬過去，我叫呢度係『種心田』，我每日都會去散步，飲吓茶和燒烤，我鍾意大自然多過行街。」另外她透露稍後要拍攝新劇《虛擬情人》，劇中需要跳鋼管舞，現跟老師學，暫時只上了兩堂，仍未有太大信心，要努力keep fit以應付性感舞衣。問到性感衫要否老公批准？她笑言：「又唔係比堅尼，只係比較貼身，自己驚凍啫！老公覺得還好，係健康性感。」聖誕節將至，聖誕日她將會請朋友回家，由她親自下廚炮製大餐，10幾人包括妹妹楊茜堯一家，她預備整8、9度菜式，要提前2日開始買餸。