《妳不是她》拍攝跟蹤

ching2506

日期： 21/10/2022 (五)
活動： 《妳不是她》拜神
嘉賓： 丁子朗、馮盈盈、張頴康、車婉婉、
          姚嘉妮、馬貫東、黃婧靈、黃庭鋒、
          彭慧中、林景程、翟威廉、利穎怡、
          袁文傑、郭柏妍、葉蒨文、鍾天濠、
          黃一鳴、鄔嘉駿、葉衍佑、黎瑞業、
          劉倬昕、徐正康、陳萍、麥世龍。
時間： 14:30
地點： 將軍澳創新園駿才街77號電視廣播城十三廠

ching2506

(on.cc)
丁子朗被馮盈盈擒足10次：整到條尾龍骨好痛！
10月21日(五) 18:01

藝人丁子朗（丁丁）與馮盈盈今日（21日）為無綫新劇《妳不是她》進行拜神儀式，兩人在劇中飾演情侶，問到有否親熱戲時，盈盈笑言最大難度在於要拍出來感覺浪漫，但男女主角親密鏡頭很少：「主要都係要內心戲去表達。（你演技得唔得？）呢個係要靠感覺，我哋都有睇番之前為劇集拍嘅片。」丁丁就大讚盈盈靚女，故很容易投入：「最正係佢唔打得都睇得，我哋拍到好似MV咁。」不過他自爆拍攝其中一個浪漫場口時卻不受傷：「因為佢要從後跳上我個背脊，跳咗十幾次，整到條尾龍骨好痛。」盈盈指對方拍到內傷，自己亦拍到內傷：「因為佢孭住個背囊，個背囊有啲扣，所以界花咗我對腳，所以係拍到有血、有淚同有汗。」

另外，盈盈相隔2年未有拍劇，問她是否適應？她坦言很習慣：「雖然我冇拍劇，但一直有開工，我哋係專業，隨時都可以投入番，而且個劇本寫得好出色，所以好容易投入。」丁丁大爆對方在圍讀劇本時已忍不住落淚，盈盈否認因以前的愛情經歷而觸動，只是代入了劇集角色，又讚對白到肉。

ching2506

(on.cc)
女神彭慧中首次拍劇飾演阿媽：我好隨和無所謂
10月21日(五) 19:01

《流行都巿》女神彭慧中今日現身劇集《妳不是她》的拜神儀式，今次她是入行以來首次拍劇：「有角色都係第一次，我喺劇飾演一個媽媽，仲有兩個老公，艷福無邊，哈哈。（接受演人母？）接受，我個人好隨和無所謂，我劇中個仔4歲，好得意，其實以我呢個年紀都可以有小朋友，而且劇中角色嘅年紀係比我實際年齡細。」

另外，有指林凱恩加入《流行都巿》是頂她，她表示：「冇話頂唔頂，我都係同以前一樣一星期拍一、兩次《流行都巿》，其實之前都好多人加入，以我所知就唔係頂替我。（嚟緊主力拍劇？）唔到我話事，最緊要有工開，做乜都無所謂。」

ching2506

ching2506

21/10/2022

ching2506

lily123

(on.cc)
馮盈盈音波功失靈　丁子朗如常大覺瞓
11月05日(六) 00:01

藝人丁子朗、馮盈盈、黃庭鋒、馬貫東、黃婧靈(波波)、彭慧中日前於將軍澳一間幼稚園為無綫新劇《妳不是她》拍攝，由於劇情講述眾人前往欣賞馬貫東、彭慧中的兒子表演，現場小朋友甚多，故拍攝時都要較需時，一班演員都相當有耐性，不過朝早便開外景的子朗未正式拍攝時竟坐着瞌眼瞓，坐在馮盈盈旁邊「釣魚」！

子朗受訪時笑言因為朝早太早外景，故有點兒眼瞓，說到他坐於「音波功」強勁的盈盈身旁都居然沒有被嘈醒時，他笑言:「我又完全Feel唔到啲波音，佢都好正經，拍起上嚟大家都有火花，我覺得盈盈都好正，大家都有一段時間冇見，我同佢同年參選香港小姐、香港先生，之後中間都冇合作過，直到依家。今次我個角色係一個大細路，大唔透嘅小朋友，所以都幾好玩，幾輕鬆。」子朗又指劇中有一幕他與盈盈拍拖、胡楓(修哥)與羅蘭又同場拍拖的場口，子朗大讚修哥謂:「真係好正，修哥到依家都非常幽默，氹得18至90歲嘅羅蘭姐都好開心，呢啲真係要學習一下。」

而馮盈盈受訪時亦指自己向來拍劇時都比較靜，不會多出聲說話，她謂:「因為呢套劇劇情有好多內心戲，成日要醞釀情緒，我要專心入戲，所以平時會靜靜地喺一邊聽音樂、睇劇本嚟投入角色，唔多同其他們講嘢，好多時間都係自己沉思，喺自己世界入面，因為唔想分神影響表現。」

至於劇中喜歡盈盈，們又周圍結識女仔的黃庭鋒被大家指是「溝女擔當」不過庭鋒笑言自己是「少布擔當」，因為劇中飾演健身教練的他，經常要着背心上陣。他受訪時謂:「初初睇劇本都嘩咗一聲，我未做過呢啲角色，比較花弗，佢內心冇乜安全感，比較孤獨，但會去識唔同女仔，去到學校見到MISS關楓馨又會有興趣。」問到現實生活中是否都經常結識不異性時，他謂:「我係工作狂，亦都好宅，唔使做嘢我寧願留喺屋企打機，好少出街，冇乜去識女仔，所以角色同自己反差好大，咁先好玩，有挑戰性。」

lily123

(on.cc)
彭慧中首次拍劇壓力爆煲　幸獲「暖男愛妻號」馬貫東照顧
11月05日(六) 02:02

藝人馬貫東與彭慧中(Phoebe)於無綫新劇《妳不是她》中飾演兩夫婦，日前他們拍攝一場兒子於學校表演的戲份，入行多年首次正式有角色上演的Phoebe，坦言今次甚有壓力，她接受東網訪問時謂:「開咗工都差唔多一個月，壓力都大嘅，平時做開主持，但拍劇真係好新，劇入面個仔啲經驗都多過我，佢係我前輩，而且我個角色唔係嘻嘻哈哈，性格比較認真、緊張，之前拍一場喊戲，一嚟就要喊，拍咗豈碼5 take，(要用眼藥水?)用都冇用，一滴未埋到位已經流晒出嚟，惟有培養耐啲用真眼淚。」

至於馬貫東於劇中飾演暖男愛妻號，所有事都不用太太粗心，問他有否指教一下「初哥」Phoebe時，他謙虛謂:「好多時監製都喺現場，自己都冇資格教，只會大家傾吓會點樣做。」劇中他與丁子朗、黃庭鋒是好兄弟，由細玩到大，絕對是打死不離三兄弟，拍攝時戲外戲內他們都關係很好，不時互窒搞笑一番。

ching2506

lily123

(on.cc)
波波做戀愛腦少女　成日要馮盈盈執手尾
11月10日(四) 02:02

無綫藝人黃婧靈（波波）現時正為無綫劇集《妳不是她》拍攝中，劇中她飾演馮盈盈的助手，由於盈盈做時裝生意，故波波於劇中的打扮得甚有少女感。波波接受東網訪問時謂：「我喺劇中嘅角色係一個戀愛腦嘅女仔，比較單純、直接，唔會將啲情感收埋，間唔使都會搞出大頭佛，要盈盈幫我執手尾，成件事都幾得意，對我嚟講係幾新鮮嘅體驗。」她又指現時忙於拍劇，自己又是新人，故平時都勤讀劇本，投入角色，希望自己可以專注一些，故現時都不會顧住拍拖，波波坦言很享受拍劇的過程，寄望將來有更多角色可嘗試。