《異空感應》拍攝跟蹤

lily123

(on.cc)
唔再做肥仔　何遠東自爆同陳曉華有床戲
11月28日(一) 10:12

藝人何遠東（東東）於無綫新劇《異空感應》中，繼續扮演「萬年好友」，對女主角陳曉華有愛慕之情，奈何對方只視他為「閨蜜」，不過二人卻拍戲拍出真感情，東東近日落力為憑3套劇包括《異搜店》、入圍角逐台慶頒獎禮「最佳女主角」的陳曉華拉票，並於自己社社平台出貼文：「1月8日，頒獎典禮全部投陳曉華！1月3日，更重要，陳曉華生日！」

東東事後笑說：「佢咁乖又努力，我梗係投佢一票，送份生日禮物畀佢啦，我哋呢啲前輩，一定要支持新人嘅。（你今次拍劇破例有感情線，仲要同靚女喎。）我仲同佢有『床戲』添，因為同陳曉華坐喺張床拍嘛，哈哈！」東東又打趣對上一次拍戲的感情線，「獻給」了楊卓娜：「總之位位都係靚女，各有韻味，大家唔好羨慕我嘅艷福。」

另外，對於被指「肥唔番」，有網民既妒且羨，東東則表示：「錯覺啫，呢兩年都係咁上下，我仲食番多咗嘢，體重好似增咗少少，但都有keep住運動。其實肥瘦數字嚟啫，最緊要身體健康，好彩好多同事讚我精神咗。」

lily123

(on.cc)
廠景接外景冇停過！陳曉華幾乎捱病　自備床褥補眠
12月06日(二)08:30更新

前港姐陳曉華（Hera）與前輩文雪兒日前為無綫新劇《異空感應》拍攝外景。近日天氣轉涼，Hera埋位前穿上厚褸保暖，因氣溫下降加上近期拍攝廠景接外景，令她睡眠不足，感到身體更加虛弱。

問到她可會擔心捱病？Hera笑說：「前幾日差啲頂唔住，以為自己會病，但拍攝跑咗幾步，個人就好似回光返照咁返咗嚟。運動好緊要，平時開廠、外景好多時坐喺度，個人會比較沉，郁一郁個人都精神番。」經過新劇磨練，她自覺尚算捱得：「有時得一個鐘休息都費事返屋企，買咗張床褥喺架車度瞓一陣，或者放食飯時會去架車瞌一瞌。」雖然身體疲倦，但她稱揸車時會很精神，所以很安全，並相信稍後只需拍外景就會有多點休息時間。

講到台慶頒獎禮有份角逐「最佳女主角」與「飛躍進步女藝員」獎項，她說：「依家啲信心留番嚟拍劇，因為今次劇集挑戰好大，有好多場口要兼顧，最大嘅挑戰當然係唔夠瞓，所以無時無刻要提醒自己進入狀態連戲，亦有同工作人員講，如果有問題要即刻話我知，等我改善。」

lily123

(on.cc)
張美妮同「嫩男」林正峰搞師生戀　笑言過足戲癮
12月08日(四) 02:02

藝人張美妮之前不幸中招，就連囡囡及工人姐姐都被傳染，剛剛康復出關的她即時為無綫節目《流行都市》及劇集《異空感應》開工拍攝。美妮接受東網訪問時坦言:「依家雖然好似仲有少少攰，不過我都有睇中醫調理，已經好番好多！」說到她最近都經常拍劇，美妮表示自己鍾意演戲，若然時間許可的話，都好希望繼續拍。而於《異》劇中，她會參演一個單元，飾演一名老師，更會跟林正峰有段「師生戀」，她笑言:「都幾好呀！有啲小鮮肉同我合作，又有感情戲，過吓戲癮都好！(有冇親熱戲?)咁又冇呀！因為劇中我係老師，佢係學生，所以會有啲學生暗戀老師嘅感情戲囉！」

ching2506

lily123

(on.cc)
陳家樂4月娶連詩雅　婚前搏盡濕身捱打
01月11日(三) 08:11更新 00:00建立

(節錄)
密密開工 休息不足

前日他與陳曉華及阮浩棕於小欖拍攝無綫新劇《異空感應》，劇情講述家樂揭發好友浩棕的罪行，浩棕萌生自殺念頭，幸被陳曉華及時阻止，3人繼而於海灘大混戰，浩棕一怒之下更動殺機，意圖將家樂浸死。因打鬥場面複雜，雖然他們事前經過武指多次指導排練，但最終拍了20多次才完成，家樂與浩棕亦不慎弄傷。而重頭戲為浩棕拖家樂落海中將他浸死，由於近日天氣寒冷，他們濕身後變得更凍，最終導演拍了數次才肯收貨。

家樂被打、碌地沙、落水做到足，同時趕拍電影《衝鋒》的他，未知是否休息不足，不時要拉筋紓緩，拍攝打戲時亦不慎被浩棕打中鼻樑，幸未有破相。他受訪時承認因近期密密開工，導致休息不足：「好事嚟嘅，好過冇嘢做，趁依家仲捱到咪做多啲。」他表示曾嘗試協調拍攝時間，但明白大家檔期也密，不能只遷就他一人：「我公司、《衝鋒》劇組、TVB每日都要打交搶人，哈哈。」又稱試過同時身兼3組拍攝：「當時唔識保護自己，收工仲自己揸車返屋企，差啲瞓着，好危險！依家請咗司機，識得要對自己好啲。」談到劇中兄弟鬧翻，他坦言曾因生意險與好友反面：「同大家初衷唔同咗，最慘係有啲說話講咗收唔番。」他指最終結束了生意，幸好大家依然老友，但自此不敢再與好友合作做生意，無謂因錢銀損害友誼。

ching2506

21/1/2023 (年三十)
tvax2.sinaimg.cn/large/edfbcf8dgy1hazrl9tpikj20f00pkwhx.jpg


25/1/2023
tvax2.sinaimg.cn/large/edfbcf8dgy1hazrpdf3jqj20f00oygo9.jpg

ching2506

(星島/頭條)
獨家丨陳家樂自薦拍翻車戲被拒感失望 陳曉華飛車追逐：無乘客無壓力
2023-01-31 20:45

陳家樂、陳曉華（Hera）及陳少邦為新劇《異空感應》拍外景，當日講述劇中飾演犯罪心理學家的陳家樂被演反派的陳少邦在車上用刀挾持，令陳家樂座駕失控翻車兼車身着火，演刑警的陳曉華則飛車營救陳家樂。     
文：霍淇    圖：錢文坤

劇組日前在黃大仙街頭為了拍攝這一場翻車與營救戲分，約30名劇組人員在拍攝前兩小時已在現場嚴陣以待，雖然拍攝時陳家樂不需要真正翻車，但亦不斷駕車來回度位，非常專業。

被困着火車廂
陳家樂在拍攝前，指當日拍攝的是整套劇後半部「對決終極大Boss」的部分，又透露與Hera已在早上拍互相追逐的飛車戲分，過程亦頗刺激，雖然拍翻車戲的時候有特技人代駕，不過陳家樂就頗為失望，他笑說：「我有申請過，但佢哋唔俾我做，因為只係得一次機會，佢哋唔係擔心我嘅安全，係擔心翻得唔靚。」至於Hera則指自己主要拍攝駕車追逐場面，由於只得自己一個，不需要顧及其他人，所以比較得心應手：「咁樣冇咁緊張，如果隔籬有人的話，壓力就會大啲。」

至於當中最驚險的一幕，就是翻車後陳家樂被困已着火的車廂中，Hera見狀即時落車營救，陳家樂表示拍這場戲雖然沒有很緊張，皆因之前已拍過類似的情節，亦相信現場的工作人員的指導，也會穿上防火衣及弄濕身體，令自己盡量不會感到太熱，Hera笑說：「我只係負責救佢，所以冇咁危險。」

吸引街坊圍觀
拍攝翻車戲一幕，特技人先換上陳家樂的戲服及在手腳戴上護具，之後便駕車駛向斜台進行翻車，由於私家車只翻側了一半，其後由另一部車幫助下才完全「反肚」。當完成翻車後，陳家樂與陳少邦便爬回車廂內拍攝被困的鏡頭，由於要整個身體倒轉，現場所見陳家樂亦甚為辛苦，至於Hera則一直在旁觀察拍檔情況，到拍攝營救戲分時，工作人員又在車底及車頭位置點火，令氣氛變得非常危急，而Hera則很緊張地將陳家樂從車廂內拖出，由於場面頗為驚險，故路過的行山人士亦紛紛站在一旁駐足觀看，而陳家樂與Hera最終拍攝了兩次便完成該驚險的營救鏡頭。

lily123

(on.cc)
陳家樂新劇激戰連場　準人妻連詩雅下令用替身
2023年02月04日 00:01

將於4月迎娶連詩雅的陳家樂，近日拍劇時毫不錫身，不慎被拍檔咬到眼眉，又要求重拍多次具危險性的場面，之後更有大量動作戲，令未婚妻擔心不已，叫他不要親身上陣！

陳家樂、陳曉華（Hera）與阮浩棕日前於屯門拍攝無綫劇《異空感應》，場口講述家樂與浩棕遭綁架，被五花大綁兼矇上眼睛，兩人想盡辦法脱困，而Hera前來營救。拍攝時，浩棕用牙為家樂咬開眼罩，結果不慎咬到家樂眼眉。之後兩人撬窗逃走，有一定危險，但家樂為求效果逼真，主動要求多拍幾次，相當專業。

陳曉華冇時間慶生

即將小登科的家樂表示有大量動作戲：「嚟緊要喺水渠入面游走，又有上游沖落下游，不過未知點拍，聽落幾刺激。（連詩雅有冇提你小心？）可能佢比較少接觸動作場面，唔清楚點拍，所以會叫我小心同盡量唔好自己做。」他指劇組會做足安全措施，故絕對放心。他又稱婚禮會請200嘉賓，日期則留待未婚妻宣布。

出身自演藝世家的阮浩棕指身為導演的父親不時提醒他：「以前會駁佢，但演得耐咗，就明白爸爸講嘅係啱嘅。」至於剛生日的Hera笑言趕拍劇，沒時間慶祝，補祝生日飯已排得滿滿：「要拍多十幾日，好多蛋糕未食，其實我唔介意下年一次食兩個，哈哈！」

ching2506

ching2506

tvax3.sinaimg.cn/large/edfbcf8dgy1hb14snn80zj20c00k2acm.jpg


tvax4.sinaimg.cn/large/edfbcf8dgy1hb14st90usj20mi0y0jv5.jpg


tvax3.sinaimg.cn/large/edfbcf8dgy1hb14szn1s9j20f00qcjta.jpg