7月新劇. 監製陳維冠

ching2506

(頭條/星島)
獨家丨陳茵媺完成隔離著露臍裝Fit爆復工 心情大靚稱囡囡已康復仲好好力
2022-09-14 15:50

陳茵媺(Aimee)和陳豪因細女Camilla確診染疫，兩夫婦屬密切接觸者而需接受7天居家隔離，二人正在合演新劇《羅密歐與祝英台》(暫名)也隨即停工。今日（14日）隔離期滿，Aimee率先復工拍攝新劇。

今日中午1點半左右，《星島頭條》獨家直擊Aimee親自開車返將軍澳電視城開工，到達電視城入閘時，她先與閘口的保安員核對資料，期間亦不忘向在場追訪的記者揮手示意。當完成入閘檢疫程序，Aimee離遠向記者表示要趕時間入去化妝，隨即開車直駛入電視城。未幾，Aimee折返閘口並應記者要求受訪，問到細女的康復情況，一直笑容滿面的她表示，「而家平安，好好力呀，所以安心終於可以返工。」又坦言辛苦了一輪，但一切順利。問到是否復工後要追趕劇集進度，她表示今日才首天復工所以未清楚，說畢便急步入電視城開工。

Aimee穿上露臍裝首日復工，事隔多年回歸熒光幕，她事前狂操Body以最Fit狀態入劇組，今日見她回復未生三個仔女前的索女身形，狀態大勇，據知Aimee今日將直踩到凌晨2點才收工。

ching2506

陳茵媺復出新劇造型曝光！俐落短髮皮膚似剝殼雞蛋網民：靚到癲
16/09/2022 17:45:00
   
陳豪陳茵媺愛女Camilla及家傭確診，令陳茵媺復出拍劇工作無奈停工，幸好近日陳茵媺終於復工，她與陳豪夫妻檔演出新劇《羅密歐與祝英台》（暫名），其造型終於曝光！

陳茵媺昨日在TVB娛樂新聞台受訪，她一身中性打扮配襯中古造型，爽朗俐落美若天仙，獲網民大讚「靚到癲」！另外她亦分享一家人隔離時的經過：「「囡囡OK佢好堅強，但就發好高燒，頭幾日真係比較辛苦，可能因為小朋友所以TOUCHWOOD都康復得好快。（源頭搵到嗎？）工人同司機感染先，可能唔小心帶咗返屋企就傳染到囡囡。其實都有少少驚慌，始終係小朋友病仲要係細女，嗰陣剛開一日工，又會驚互相傳染啦，又怕三個都中招又點呢，所以全程戴住口罩瞓覺！阿Mo要求呢樣嘢，又猛噴酒精。阿Mo負責湊細女，我就負責照顧兩個仔，要5點半清潔、煮飯，搞到12點半先至瞓覺，真係好難忘嘅經驗。」

ching2506

lily123

(on.cc)
拍劇換新Look！陳茵媺剷青紋身爆阿囡唔鍾意
09月17日(六) 12:01

陳茵媺（Aimee）日前與丈夫陳豪為無綫新劇《羅密歐與祝英台》（暫名）開工，她接受TVB節目《東張西望》訪問，談到女兒Camilla確診新冠肺炎需停工，她直言當時要跟陳豪分開照顧囡囡，她謂：「因為要隔離，同埋要照顧Camilla兩個哥哥，所以，我哋分開照顧佢哋。」

現已復工的Aimee，在新劇中有不少造型，其中一個造型是兩邊剷青，她笑言囡囡不太喜歡這個造型，Aimee笑言：「佢話媽咪，點解咁似男仔嘅？留番長頭髮要幾耐。」Aimee從未試過剷青，問她可覺得今次好大犧牲？她笑言：「少少，但都非常值得嘅。」

ching2506

馬海倫TVB :
近期工作好忙但係開心啲
有2天晚上請工作人員宵夜，非常熱鬧
09月18日 18:09

ching2506

lily123

(on.cc)
鄺潔楹突襲中環市集　做生招牌促銷

09月25日(日) 17:18

(節錄)
Judy稱今日出來見人好開心，因為快將入組為劇集《羅密歐與祝英台》開工，她說：「擺埋呢次，要專心拍劇，我係同周嘉洛、吳子沖條線，今次我要着好多露腰裝，導演認真大整蠱，我做甜品成日要試食，特別凌晨先有靈感，所以我嘅消夜時段就係食甜品，搞到條腰唔夠firm，好彩甜品都係低糖。」

ching2506

日期： 30/9/2022 (五)
活動： 《羅密歐與祝英台》拜神
嘉賓： 陳豪、陳茵媺、蔣祖曼、周嘉洛、
          游嘉欣、鄭子誠、江美儀、鄺潔楹、
          林景程、吳子冲、馬海倫、潘志文、
          羅毓儀、楊證樺、李君妍、徐文浩、
          邵展鵬、徐榮、煒烈、古佩玲、
          李爾晨、何珀廉、莫偉文、衛志豪、
          黎學勤、杜燕歌、邵卓堯、蘇麗明、
          李漫芬、史穎喬、朱斐斐、吳綺珊、
          陳維冠、鄭成武。
時間： 15:00
地點： 將軍澳工業邨駿才街77號電視廣播城一廠Common Room

ching2506

lily123

(on.cc)
陳豪陳茵媺夫妻檔拍劇sweet到爆　「公器私用」攞正牌親熱
09月30日(五) 19:52

陳豪與陳茵媺夫妻檔在劇中飾演梁山伯與祝英台，陳豪變成「長Mo」，飾演話事人的茵媺則以中性打扮，兩邊頭髮鏟青，加上手部紋身，相當有霸氣。茵媺近10年沒有拍劇，過去有過不少劇本接洽，但坦言復出是時機配合，因為現在3個小朋友也上了小學，自己較多時間，加上今次角色複雜有挑戰性，除了有不少動作場面，更要女扮男裝，好像一人飾演兩個角色，相當有挑戰性，但拍攝初期也不習慣，笑言廣東話、中文也退步，要老公人肉翻譯。

兩人被爆開工時以sweet到爆以honey和Baby相稱，陳豪笑說：「呢個係我哋嘅真實一面，平時真係咁對話，但係戲裡面就要有啲隔膜。」講到他們可以「公器私用」在劇中攞正牌拍攝親熱戲，他笑說：「只係蜻蜓點水式，又好又唔好，拍親暱戲冇咁擔心，係會自然啲，但平時就反而有啲唔舒服，因為未試過咁樣嘅相處方式。」茵媺說：「呢樣都係好擔心嘅，因為對住老公太熟，但係拍戲就要忘記佢係老公，要代入佢梁山伯。」問到茵媺的造型可有嚇親小朋友？她笑說：「個女話太過男人，佢唔係咁鍾意，兩個仔就對我嘅紋身好有興趣，佢哋都未見過媽咪拍戲。」

講到女兒早前確診，令他們也要接受隔離停工，陳豪指女兒兩三日就已經迅速康，也沒有感染其他人，相當幸運。