7月新劇. 監製陳維冠

admin

劇名:

監製: 陳維冠

演員:  陳豪, 陳茵媺, 游嘉欣, 周嘉洛

拍攝時間: 07/2022 -

admin

On.cc 陳豪助陳茵媺出山拍劇圓夢　相隔12年奉旨晒愛！
06月11日(六) 00:00

(節錄)
已8年沒拍劇的陳茵媺（Aimee）將於7月「出山」，與老公陳豪（Mo）婚後首次拍劇。對於角色度身訂造，心情興奮的她表示想證明自己對演戲那團火從沒熄滅！

他們將於7月中拍攝監製陳維冠的新劇，更飾演情侶，亦是2人婚後首次夫妻檔拍劇。

「演戲團火冇熄」
其實Aimee向來醉心演戲，最後演出劇集已是8年前《叛逃》。雖然陳維冠多年前誠邀她「出山」，但當時她覺得仔女年紀尚小，故婉拒對方，但她心中演戲那團火一直仍在！快將開工的她除了要盡快適應外，最重要的是輔導小朋友，她受訪時表示：「的確有啲擔心，我同佢哋做輔導之餘，都要輔導自己。平日我有好多嘢要處理，要送佢哋返學，又要睇功課，嚟緊阿女都升小一，我都係時候為自己理想再出發。監製好有誠意，劇中角色係佢為我度身訂造，真係好興奮！」
至於監製陳維冠坦言邀Aimee合作，事前有跟Mo商量。問今次女方「出山」有甚麼要求？他表示：「佢好好喎！冇乜特別要求，只係想演好嘅角色、好嘅劇集。」問他有否安排親熱戲給2人？他表示：「冇喎，唔會專登安排，會含蓄啲。」

ching2506

(東方日報)
游嘉欣恨與童年偶像合作

無綫小花游嘉欣與周嘉洛早前拍畢劇集《回歸》後，將於7月跟陳豪及陳茵媺合演新劇。嘉欣受訪時表示與嘉洛飾演情侶：「角色性格同以前做嘅分別好大，我好期待再次同嘉洛合作，因為佢好古靈精怪，開工時好好笑，希望大家有多啲火花。」對於首次跟陳茵媺合作，她說：「細個睇《單戀雙城》印象超深刻，因為佢喺劇入面勁Cute，好可愛又有活力。之後好少見到佢嘅戲，今次可以同佢有對手戲，我真係超級期待，好想同真實嘅佢相處。」

至於劇接劇的嘉洛表示：「我其實知嘅唔多，亦唔知同嘉欣演一對。雖然8年前我好少睇劇，但陳茵媺係人都知人又靚、同陳豪又有個好美滿家庭，佢喺我心目中嘅印象係非常好。」

ching2506

(on.cc)
陳茵媺「出山」做打女操到周身傷　陳豪心痛：安全好重要！
08月21日(日) 00:01

即將「出山」拍劇的陳茵媺（Aimee）近日秘密練功，原來她的角色是一名「打女」，雖然Aimee平時有做Gym，但向來有「火」的她博到盡，每日訓練5小時之多，但因太用力，導致身體多處勞損，經醫生診斷後，現時要戴腰封保護。愛妻的陳豪受訪時說：「我都會作出提醒，拚搏係好，但安全都好重要。」

已8年沒拍劇的陳茵媺即將「出山」為娘家拍劇新劇《羅密歐與祝英台》（暫名），而此劇是與老公陳豪（Mo）婚後首次拍劇，角色更是無綫為Aimee度身訂造，之前她受訪時坦言希望證明自己對演戲那團火從沒熄滅！近日，Aimee狂刨劇本，更試過以11小時不間斷的讀劇本，同時又要照顧子女的她，絕對有熱誠。

醫生叮囑戴腰封
不過，Aimee於劇中的角色動作戲甚多，當中不乏親身上陣的打戲，故除顧劇本外，更要每星期返電視城訓練，據知她由於太盡力，引致身體周身傷，更有勞損的情況出現，看了醫生的她，現時要戴腰封，防止再過分勞損。她接受東網訪問時說：「係呀！個劇都好多動作，每個星期盡量都要返電視城2、3次，每次Train 4、5個鐘，都好吃力呀！我哋未正式開工，但知道會拍呢個劇時，我已開始做運動，等身體盡早準備同適應，依家喺TVB都Train得密，加上我都傷咗少少，所以暫時我唔會做Gym住，剩係返TVB訓練。」

問到有否跟老公陳豪一起操練時，她說：「我比較要練多啲，因為佢喺劇入面係槍神，所以動作方面我多啲，我都幾Enjoy嘅，但醫生話我勞損，因為每次練4、5個鐘我都好盡力，用晒啲Effort去練，變咗傷咗啲，依家要戴住腰封，仲要小心啲，學識點樣去留力， 唔好去咁盡，劇入面我都有好多打戲嘅，都要練定身手，到時有咪大派用場，阿MO都有練，但槍手應該唔使練咁多。」

叫陳茵媺就住操
而老公陳豪被問到會否心痛改叫太太就住操時，他說：「Aimee今次非常重視多年後第一次嘅復出，佢努力不懈去鍛煉動作、 槍械技巧同劇本研究！由於過分鍛煉身體， 因而導致輕微勞損，不過亦無大礙，作為丈夫亦明白佢嘅想法，演戲係佢一生嘅夢想，難有得機會再次來臨，佢一定會盡全力好好哋把握，佢依家內心嘅那團火，比較以前單身的時候仲要嚟得更旺盛，我係真心為佢嘅拚搏而感到高興，不過我都會作出提醒，拚搏係好嘅，但係安全都好重要，今次佢嘅戲份比較重， 所以一定要好好地保護身體，先可以保持演出水準！」

ching2506

ching2506

監製: 陳維冠
編審: 鄭成武

tvax1.sinaimg.cn/large/edfbcf8dgy1h5rc7u1mj5j20u00zedjp.jpg[/img]

ching2506

tvax2.sinaimg.cn/large/edfbcf8dgy1h5snqf5hioj20tp1ezadz.jpg[/img]

[/img]

ching2506

02/09/2022 開拍

ching2506

(on.cc)
「防疫超人」失守！細女確診舉家隔離　陳豪陳茵媺新劇停工
09月07日(三) 00:00

陳豪與陳茵媺主演的新劇日前正式開拍，可惜不久便迎來「第一擊」，2人的細女Camilla上星期確診新冠肺炎，令他們擔心不已，更因成為密切接觸者而要隔離，劇組拍攝工作亦告煞停，待陳豪夫婦「出關」才復工。

藝人陳茵媺（Aimee）與陳豪2013年結婚後育有兩子一女，為全力照顧家庭，Aimee淡出娛樂圈，已8年沒拍劇，最近她終決定復出，接拍監製陳維冠的新劇《羅密歐與祝英台》（暫名），兩公婆相隔12年再合作，Aimee當然不容有失，落足心機刨劇本及狂操武打動作，為新劇作最佳準備。日前她上載靚相，穿上緊身背心的她明顯清減不少，狀態大勇！

劇集已於日前開拍，原以為一切順順利利，可惜隨着近日疫情轉壞，一向安全至上的陳豪一家因傭人中招的關係，細女Camilla亦確診！兩公婆當然非常擔心，全天候貼身照顧，加上2人是密切接觸者，需要隔離，故劇組亦告停工。

台前幕後每日快測
東網就停工一事致電監製陳維冠，他承認陳豪夫婦是密切接觸者：「佢哋上星期六拍完戲之後，發現呢件事，我哋冇停工，尋日都有開工拍其他人嘅戲份，之後就會休息4日，因為本身個景係拍Aimee嘅戲，依家等佢哋OK就會開番工。」陳維冠指整個劇組由開工至今都非常小心，每日台前幕後工作人員都會做快測，確保大家安全。

《羅》劇除了陳豪夫婦外，演員還有游嘉欣及周嘉洛等，當中游嘉欣連踩2劇，同時要偕蔡思貝等為無綫劇《你好，我的大夫》開工，日前她在社交網上載拿着《羅》劇本的照片，留言：「新挑戰！」並以緊張、興奮、期待形容心情，可惜開工不久便要停工。至於周嘉洛正拍攝另一劇集《寵愛Pet Pet》，故還未入《羅》劇組，亦未知陳豪夫婦成了密切接觸者一事。

24小時戴口罩
疫情爆發至今，陳豪夫婦出名謹慎，尤其以陳豪更甚！他拍攝劇集《破毒強人》期間，為確保太太及子女的健康，回家後大部分時間獨自在露台生活，並於獨立房間睡覺，幾乎24小時戴着口罩，出席公開活動更曾口罩打孖上。而今次一齊開劇，兩公婆更是高度戒備，返家即躲入房「自我隔離」，無奈疫症防不勝防。東網就囡囡確診一事致電陳豪及陳茵媺，至今仍未有回覆。

ching2506

(on.cc)
囡囡中招康復　陳豪陳茵媺完成隔離正式復工
09月14日(三) 00:01

藝人陳豪與太太陳茵媺之前為無綫新劇《羅密歐與祝英台》（暫名）開工，二人相隔12年再次合作，故不容有失，準備十足才上陣。不過，其細女Camilla上星期就不幸確診，由於陳豪與陳茵媺是密切接觸者，故同樣需要接受隔離，劇組亦因而全停工，不過據知二人將於今日（14日）正式復工，再次投入拍攝。而陳豪接受東網獨家訪問時，坦言細女已完全康復，他表示：「囡囡好叻，病咗3日就已經好番！實在非常感恩，而我同太太亦將重投拍攝，回復正常生活。」此外，現時「中招」數目很多，二人開工時，仍需加倍小心，陳豪亦呼籲大家努力、小心，一齊咬實牙根捱過難關。