请选择 进入手机版 | 继续访问电脑版

TVB 剧集情报社 - tvbfiles.com

 找回密码
 立即注册
搜索
查看: 648|回复: 2

[即将开拍] 新版宋世傑

[复制链接]

91

主题

4564

帖子

1万

积分

超级版主

Rank: 15Rank: 15Rank: 15Rank: 15Rank: 15

积分
11633

热心会员突出贡献优秀版主论坛元老

发表于 2022-6-7 00:21:41 | 显示全部楼层 |阅读模式
劇名:

監製/編審: 張達明, 林子聰

暫定演員: 張達明, 林子聰, 王浩信, 姚子羚, 金剛

拍攝時間: 7月
回复

使用道具 举报

91

主题

4564

帖子

1万

积分

超级版主

Rank: 15Rank: 15Rank: 15Rank: 15Rank: 15

积分
11633

热心会员突出贡献优秀版主论坛元老

 楼主| 发表于 2022-6-7 00:23:22 | 显示全部楼层
(on.cc)
張達明出山重塑經典︱王浩信佔「地利」演破格狀王
06月07日(二) 00:00

張達明出山重塑經典︱王浩信佔「地利」演破格狀王
資深藝人兼導演張達明,最近應無綫之邀「出山」,與電影人林子聰聯手重塑「宋世傑」經典劇系列,並將由幕前撈埋幕後一腳踢,預計7月在內地開拍。「宋世傑」一角原屬意黎諾懿演出,但由於內地疫情防控及人手調動問題,最終易角,由身在內地的視帝王浩信擔正。

自從曾志偉上任無綫總經理後,一直致力令劇集種類多元化,務求做到百花齊放,無綫旗下製作公司TVB New Wings最近簽下猛將張達明及林子聰(肥仔聰),他們將聯手翻拍全新一輯宋世傑電視劇。1997年由張達明夥拍郭藹明主演的劇集《狀王宋世傑》可說是達明的代表作,當年大結局平均收視高達32點,成績彪炳,加上今年適逢是劇集播出25周年,故志偉有意翻拍此劇,而達明正是不二之選。今次達明與肥仔聰除了演出外,還會兼任編劇、籌劃、導演及監製於一身,預計7月底在內地橫店開工。據知曾患鼻咽癌的達明有感近年身體狀態不俗,視今次工作為一個挑戰,故當志偉邀請時即欣然接受。

興奮夥拍新陣容
新版的主角宋世傑跟舊版有所不同,舊版在造型上較正經,新版則有所突破,將有多個不同造型,例如扮女人,而全劇以查案為主。由於達明已身兼多職,故即使粉墨登場亦不會出任主角,以免體力上吃不消。據知男一原定首選黎諾懿,但鑑於內地疫情防控非常嚴謹,橫店採取閉環式拍攝,港人要赴當地拍攝申請手續繁複,加上之前王祖藍已率領一班小生花旦北上工作,無綫方面不想再另外派人北上而造成香港人手短缺,故決定與其由正在趕拍《婚後事》的黎諾懿北上,不如改由已身在內地的王浩信擔正,而同樣身在內地的花旦姚子羚及闊別無綫多時的金剛亦有份演出。

王浩信表示已收到有關消息:「依家喺內地同肥仔聰傾緊個古仔,嘗試了解多啲先,佢都好有諗法,呢次係一部喜劇,我都好鍾意拍喜劇劇種。」他對是次陣容感興奮,希望擦出新火花:「有好多未合作過嘅對手,亦有好好嘅前輩,同肥仔聰一拍即合,大家都好努力創作當中。(係咪同子羚好耐冇合作?)係,但大家默契仲喺度。(使唔使剃頭演出?)唔使,呢個係喜劇,能夠拍到一班好好戲嘅喜劇演員,希望大家可以做到好成績、好作品,氹到觀眾開心。」

姚子羚內地劇接劇
子羚透露在內地拍畢劇集《一舞傾城》後會直接轉入《狀》劇組拍攝:「我會同浩信合作,做咩角色仲未知,已經好多年冇合作,對上一套係2013嘅《好心作怪》,同肥仔聰就第一次合作,所以好期待。」現時天氣炎熱,之後在橫店開工要穿厚厚的戲服,子羚表示已有心理準備。至於達明接受電話訪問時笑言仍在準備中:「遲啲有詳情再話畀大家聽,我都有戲癮,想做其中一個角色。」

另外,對於失落新角色,東網就此致電諾懿,他直認其事,但表示「焉知非福」:「大半個月前接到電話通知要北上拍攝,當時拍緊《婚後事》,於是導演就安排趕拍我嘅戲,不過相隔冇耐就收到通知話唔使去。(好失望?)唔會,20年裏面訓練咗我易角係平常事,經常都會有調動,可能公司有特別任務畀我呢?」

再遇肥仔聰 金剛做跟班報恩
將到內地會合劇組的藝人金剛,現時身在台灣,他坦言已有兩年沒有拍戲,故相當期待。曾與肥仔聰多次合作拍電影的他表示今次喜獲對方邀請,坦言一直很感激對方,讓他知道怎樣做一個演員。金剛說:「佢有同我講過大概演啲乜,劇入面我做宋世傑跟班,但實際幾時要飛去橫店我未知,只知7月開拍,依家我要處理自己喺台灣嘅生意先,呢套係輕鬆搞笑劇,我都好耐冇拍戲,而且同浩信、子羚都好熟,所以好期待。」問到拍清裝要否配音時,他笑說:「矛(冇)問題啦!我啲廣東話都唔知幾好。」

回复

使用道具 举报

91

主题

4564

帖子

1万

积分

超级版主

Rank: 15Rank: 15Rank: 15Rank: 15Rank: 15

积分
11633

热心会员突出贡献优秀版主论坛元老

 楼主| 发表于 2022-6-20 13:09:06 | 显示全部楼层
(on.cc)
海俊傑8月返內地拍古裝劇 慶幸有太太同行
06月20日(一) 13:02

歌手海俊傑繼《一切出門之後可能發生的事》後,相隔7個月再推出新歌《平行時空》,不過今次只有個多月時間宣傳,皆因7月時要到北上到橫店拍由林子聰(肥仔聰)擔任編劇、籌劃、導演及監製的新古裝劇。

海仔接受訪問時表示:「其實都唔怕影響新歌宣傳嘅,因為依家都興喺網上做宣傳,唔係次次都要現真身。」談及8月正式開劇時,要在高溫下於內地拍古裝劇是體力大考驗,他認同:「都大鑊架,應該都好熱,不過我都試過冬天時,喺內地拍劇凍到飛起嗰種辛苦,真係無論着幾多件衫、幾多條褲,因為長期喺室外,一樣凍到入骨,(怕熱定怕凍?)兩樣都拍。」

唯一慶幸是此行可和太太同行,方便有人照顧:「冇佢真係唔得,有太太喺度就好好多,我仲會同佢去上海探吓外母,因為內地都有疫情,所以都有一段長時冇見面,仲會同啲好友見吓面,好似陳浩民咁。」問到陳浩民開直播時經常和太太吵架?他稱亦有留意,不過不擔心好友婚姻現危機,他笑問:「係真係假架?等我見面時問吓佢,或者佢要賺點擊啫?!」

而返港後,他又要連拍兩齣無綫劇,工作忙到明年年頭,但覺得做藝人愈忙愈好。
回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2022-8-13 05:19 , Processed in 0.028112 second(s), 20 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表