《靈戲逼人》拍攝跟蹤

ching2506

劇名: 靈戲逼人

監製: 王偉仁
編審: 譚翠珊

暫定演員: 龔嘉欣, 張振朗, 劉穎鏇

拍攝時間：08/06/2022 - 20/09/2022
拜神日期: 24/06/2022 (五)

日期： 24/6/2022 (五)
活動： 《靈氣逼人》拜神
嘉賓： 張振朗、龔嘉欣、阮浩棕、劉穎鏇、
          蔚雨芯、吳子冲、阮嘉敏、李成昌、
          江欣燕、謝雪心、魯振順、衛志豪、
          文竣瑋、黎瑞業、郭海楓、劉芷玲、
          張韡騰、李啟傑、劉桂芳、黃梓瑋、
          鄧永健、王偉仁、譚翠珊。
時間： 14:00
地點： 將軍澳創新園駿才街77號電視廣播城十二廠

ching2506

(on.cc)
無綫趕食靈異潮︱李佳芯包薪用到盡　智能人變女鬼
05月03日(二) 00:00

「視后」李佳芯曾因政治言論被無綫「雪藏」，解凍後的她爭氣憑《智能愛人》機械人「阿寶」一角大翻身。據悉，作為包薪藝人的她，被無綫「盡用」，繼機械人角色後，再獲安排棘手角色，落實6月中拍攝靈異劇扮演女鬼，與張振朗譜出人鬼戀。

憑無綫劇集《BB來了》在2018年封視后的李佳芯（Ali），事業本應一帆風順，但因翌年在社交網發表的言論被送入「雪櫃」，多部劇集遭換角，事業一度陷入谷底。Ali停工大半年後才獲「解凍」，接拍另類劇集《智能愛人》，幸成功憑「阿寶」一角大翻身，而在今年初的《萬千星輝頒獎典禮2021》中，當外間預料她必食白果的情況下，卻爆冷憑《愛美麗狂想曲》奪得「最受歡迎電視女角色」獎項。

Ali雖然保持女一地位，但受制於內地市場碰壁，拍劇亦只能以小品、偏鋒題材為主，繼《智》劇後，她於《有種好男人》演繹單親媽媽，與20多歲藝員吳偉豪飾母子，於新劇亦將繼續被「委以重任」，今次連女鬼都要做埋。據悉，無綫乘着《金宵大廈2》奇情題材受歡迎的勢頭，決定打鐵趁熱，趕於6月火速開拍靈異劇《靈戲逼人》，男主角一早篤定由張振朗孭飛，但「女一」卻相當頭痛，除了要就花旦檔期，今次「女鬼」選角既要美艷、又要演技出眾，高層經多番討論後，角色最後落在善於處理棘手角色的Ali手上，看好她能將女鬼角色發揮得淋漓盡致，而早於《踩過界》合作過，並有情慾戲的2人，將在劇中譜出淒美的人鬼戀。

撈埋綜藝 最驚孤獨終老
有指無綫如此「重用」Ali，其實亦是「盡用」！有見現時經濟環境麻麻，無綫考量到要加倍善用資源，索性將簽了經理人包薪合約的Ali用到盡，既有視后級演技保證，亦不會浪費資源，才造就她過去一年工作一項接一項。而做到冇停手的Ali，由劇集、綜藝到電視台自家收費平台的代言人及平面廣告都撈埋，幾乎無處不在！近日她便與黎諾懿、麥美恩、劉穎鏇在元朗一連8日拍攝綜藝節目《仨心友行3》。

三女不約而同慨嘆感情沒有着落，黎諾懿卻表示不擔心3位靚女，認為只是時間問題，對的人總會出現。反而Ali擔心自己會孤獨終老：「好多時等吓等吓，就等到不婚、不嫁，好多女藝人都係咁。其實我好擔心自己，靚女、身材好大把啦！但係緣分，有時就係冇得強求。」黎諾懿即笑謂：「依家咩世界，連女神都要擔心起嚟！」他笑言身邊最好的馬國明已被私有化，有其他「筍盤」但又擔心年紀太輕，Ali聞言即笑說：「我去到依家嘅年紀，係乜都得。」節目亦令她反思，她曾經以為過去在感情上沒有傷害過人，但反思下察覺年輕時不懂戀愛，可能無意中會傷害別人。

ching2506

(on.cc)
劇組亂陣腳︱李佳芯扭計唔做鬼　龔嘉欣執二攤
05月16日(一) 00:00

視后李佳芯近日被無綫安排於新劇演難頂女鬼角色，沒料她誓不賣帳，最終扭計兼以身體不適為由推劇，搞到劇組大失預算，臨急另謀女角，近日終落實由上位小花龔嘉欣「執二攤」上陣，未知此角色能否助她攀事業高峰一嘗視后滋味呢？

曾因政治言論被無綫掟入「雪櫃」的李佳芯，雖然「融雪」後獲委以重任接拍《智能愛人》，表面上似事業有轉機，但實情遭公司「用到盡」，被安排於下月開拍的靈異劇《靈戲逼人》演惡啃角色，扮演女鬼與張振朗譜人鬼戀。

正當外間期待李佳芯演繹的新作之際，據知忙於錄影清談節目《夢中．情．人》的她，幾經扭計掙扎過後，最終以健康理由辭演。由於她的女鬼角色設定既要美艷又要演技出眾，面對她臨陣劈炮，該劇監製王偉仁及劇組陣腳大亂，幸與無綫高層連日來商討後，終敲定「女一」人選，決定由龔嘉欣臨危受命上陣頂替。其實嘉欣與王偉仁過往合作無間，她孭飛的劇集《十八年後的終極告白2.0》，亦是由王偉仁出任監製，故可說是愛將一名，如今她獲對方點名演《靈》劇，自然二話不說答允，即使下月同時要開拍古裝賀歲劇，屆時定必有得拍冇得瞓，但她依然無悔，皆因自2年前《殺手》及《香港愛情故事》後未再有話題作，故也想藉今次機會「升呢」創事業高峰。

身體健康要緊
東網昨日（15日）就以健康理由推劇一事聯絡李佳芯，她表示：「我會盡力保持工作與健康之平衡。」而被指「執二攤」演女鬼的嘉欣坦言不太清楚：「我冇留意，呢排專心開緊《回歸》，所以都係睇公司安排，到時會盡力去做。」不過，王偉仁則對嘉欣能演出感高興，更力撐李佳芯因身體問題未能拍攝：「聽講佳芯身體唔太好，都驚佢辛苦頂唔住會冧低，雖然係好想同佢合作，但相信總有機會。」

除了嘉欣的女鬼角色外，據知無綫小花劉穎鏇亦有份演出，不過她並非扮靚鬼，而是演一名性格爽朗的凡人，劇中除了要做替身及搬運之外，還需要唱粵曲，日前已率先試造型。她受訪時大玩神秘：「角色細節都要準備，暫時只知重點要搣甩晒啲英文口音，我要努力去改善，做多啲功課。」

ching2506

(明報)
無緣演女鬼嘆可惜 李佳芯健康為由推劇 龔嘉欣頂上
文章日期：2022年5月17日

李佳芯（Ali）原本接拍新劇《靈戲逼人》，劇中跟張振朗譜人鬼戀，6月正式開工。昨日傳出Ali健康出問題決定辭演，劇組頓失預算，最後女主角由龔嘉欣頂上。Ali早前拍畢新劇《有種好男人》，參與綜藝節目《仨心友行3》，又跟黃庭鋒主持myTV SUPER節目《夢中．情．人》。她因身體不適辭演《靈》劇，粉絲關心她的健康。Ali回覆《明報》說要在工作和休息間取得平衡，因為身體應付不到日以繼夜的通宵拍攝。

「醫生再三叮囑注意休息」
Ali表示並非患上大病，「就係不想變為大病，家庭醫生再三叮囑要我注意休息」。問她不能捱夜，將來能否再拍劇？她說：「可以捱夜，而且我仲好鍾意拍劇，所以唔會放棄，只係不可以再3個月內24小時拍攝。今次好可惜，我未演過女鬼，應該幾好玩。」

《靈戲逼人》監製王偉仁稱劇集有幾個演員選擇，要看公司編排演員的檔期，他早想跟龔嘉欣再合作，去年拍《十八年後的終極告白2.0》合作過，她的表現非常到位和精彩，所以不存在什麼執二攤。

龔嘉欣劇接劇盡力做好
龔嘉欣表示正在趕拍《回歸》，剛好完成此劇後再投入拍攝《靈戲逼人》，她會盡力做好，開心再跟監製王偉仁合作。她稱《靈》劇是輕鬆開心為主，不會太辛苦。

ching2506

18/05/2022


30/04/2022

ching2506

(HK01)
靈戲逼人｜李佳芯突辭演 龔嘉欣不介意執二攤：呢個攤咁好
撰文：吳子生
出版：2022-05-27 17:15

李佳芯早前以健康理由突然辭演新劇《靈戲逼人》，令劇組陣腳大亂，而無綫高層幾經辛苦商討，最終落實「女一」人選，決定由龔嘉欣臨危受命上陣頂替。對於被指執二攤，龔嘉欣今日出席劇集宣傳活動時說：「其實當時我收到通知要演呢個角色嘅時候，我係唔知道李佳芯唔做先搵我，因為我從來都唔會問。公司搵我做，我就去做。反而當日我收咗劇本之後，就要即刻熟讀晒劇本裡面嘅內容，原因係緊接住下個星期就要開工。」

嘉欣續指：「其實好多時公司都會有好多安排同調動嘅，咁所以我就唔會介意人哋話我執二攤，而呢個攤咁好，我就唔介意執啦，因為執到都開心。而我覺得每一個演出嘅機會我都會好好珍惜，尤其是我哋而家做咗咁多年，由配角慢慢一步一步去做一啲戲份重嘅角色，咁所以嚟到咪做好佢。」

ching2506

李成昌V :
兩個極具挑戰的劇中人……

ching2506

(on.cc)
高海寧女強人變8歲細路　拍擋張振朗高呼期待
06月01日(三) 23:01

(節錄)
正忙於拍攝《靈氣迫人》的張振朗，對於女主角由李佳芯換了龔嘉欣表示:「呢套我都好期待，話晒嘉欣係馬來西亞視后，佢哋兩個都好好，我都4、5年冇同佢合作，大家成長咗好多，希望會有新火花。」劇中振朗飾演一名音樂家，故近日他都不時彈琴，他說：「雖然時間唔係好長，但我都有彈吓琴，攞番個感覺，同埋因為嘉欣係隻女鬼，我自己都好鍾意呢啲古靈精怪嘅劇種，一望到劇本就好鍾意呢個角色，所以好期待！」
 

ching2506

(on.cc)
吊威吔吊到傻！龔嘉欣夜闖廢校做阿飄
06月07日(二)
19:25更新 18:25建立

藝人龔嘉欣今日（7日）出席《十八年後的終極告白2.0》宣傳活動，她透露正準備新劇《靈氣逼人》明天首拍：「今次會去好多廢校同村屋取景，因為係鬼片，所以夜班特別多。（扮女鬼使唔使吊威吔？）多呀，成日要飄嚟飄去，我同張振朗仲有浪漫愛情戲。（性感女鬼？）唔係，好多衫着。（本身容易感應靈體？）冇事嘅，同埋今次係喜劇，應該會好啲。」對於《十》劇收視麻麻，嘉欣說：「我冇留意，因為呢排忙為新戲做緊功課，不過我覺得最緊要自己盡咗力演出。」

ching2506

李成昌V :
大勝村眾街坊……‘’靈戲迫人‘’