歡樂滿東華12月5日舉行

lily123

(on.cc)
【合作打功夫結緣】伍允龍避談廖慧儀前度輕生

藝人伍允龍將為《歡樂滿東華2020》表演功夫，該項目原定由廖慧儀合拍演出，事前她已綵排及錄影，但今晚卻不會現身。伍允龍被問到有冇留意廖慧儀前男友墮樓事件？他避談表示甚少睇新聞，繼又指大家都好努力綵排：「個個本身都唔識功夫，但都打得好專業。（都有接觸廖慧儀？有冇慰問佢？）剛認識，冇佢電話。」

有份參加今次表演的伍允龍大感興奮，他為今次演出受傷亦覺只是小事，他說：「我右邊膝頭傷咗，行路有少少唔方便，但係好小事，食咗藥，敷咗藥膏。（點樣受傷？）綵排時地下鋪咗厚軟墊，我因要做高難度動作，要360度旋轉，落地時軟墊吸收咗啲力，起唔到身而整親，依家換咗地氈就冇問題啦。」

lily123

(明報)
與菊梓喬譚嘉儀保持距離 王灝兒不怕台上除罩獻唱

【今日直擊】王灝兒（JW）透露今晚會在《歡樂滿東華2020》上與菊梓喬、譚嘉儀合唱，由於她們屆時會相隔一段距離，所以不擔心安全，至於唱歌時會否戴口罩就由大會安排。

有新冠肺炎確診者曾於潛伏期入紅館看張敬軒演唱會。今晚《東華》騷人多出入，JW坦言擔心，因此會佩戴特別厚的口罩，又準備了消毒噴霧，進入化妝間後會先進行消毒。

有新冠肺炎確診者曾於潛伏期入紅館看張敬軒演唱會。今晚《東華》騷人多出入，JW坦言擔心，因此會佩戴特別厚的口罩，又準備了消毒噴霧，進入化妝間後會先進行消毒。

她說︰「這幾天的確診人數都過百，我也擔心，大家要小心點。我不怕在台上演出，因為工作人員和樂隊都戴口罩，反而害怕表演以外的時間，因為會有很多人出入，所以表演完即戴回口罩，我家姐有BB，要小心些。」

lily123

(on.cc)
無綫大型節目《歡樂滿東華2020》於將軍澳電視廣播城舉行，現時除了有藝員外，還有幕後工作人員、東華董事局成員及嘉賓合共逾百人出席。現時新冠肺炎嚴峻，為安全起見，無綫專登安排了2部智能消毒機械人於後台「巡邏」，更有6部智能滅菌消毒機於多個不同的出入口供各人進行消毒，以策安全

lily123

(on.cc)
咁決絕！郭子豪丁子朗講明唔救鄧佩儀

藝人鄧佩儀、丁子朗和郭子豪為無綫《歡樂滿東華2020》表演踩燈膽環節，鄧佩儀受訪時表示總綵排時都差點踩爛，她謂：「好耐未試過為一件事而瞓唔着，飯又食唔落，但為咗要補充體力，所以食朱古力頂住。」

正式表演時，郭子豪都有踩爆燈膽，而鄧佩儀與兩男則大玩疊羅漢踩燈膽，成功過關，眾人成功籌得20萬。他們表示訓練了3日，最困難是平衡力，而之後有善長仁翁加碼，鄧佩儀穿着5吋高踭鞋上陣再接受挑戰，最終成功合共籌得善款30萬。
正式表演時，郭子豪都有踩爆燈膽，而鄧佩儀與兩男則大玩疊羅漢踩燈膽，成功過關，眾人成功籌得20萬。他們表示訓練了3日，最困難是平衡力，而之後有善長仁翁加碼，鄧佩儀穿着5吋高踭鞋上陣再接受挑戰，最終成功合共籌得善款30萬。

lily123

(on.cc)
同場避合照！陳家樂玩失蹤　連詩雅解釋原因係…

藝人連詩雅（Shiga）參與無綫慈善節目《歡樂滿東華》，並與緋聞男友陳家樂齊齊比併廚藝，不過Shiga卻被安排與菊梓喬一組，事前已透過公關表示他們不會一起受訪及拍照，不過Shiga談起工作滔滔不絕，當提起家樂卻渾身不自然，不斷拉開話題。

Shiga透露節目內會與菊梓喬一起炮製龍蝦湯，惟每次拍攝煮食節目也出現蝦碌事，故寄望今次不要失手，問到可有信心贏家樂？Shiga笑說：「私下對隊友有信心，對自己就冇，覺得會輸畀全部人（有冇試過大家手勢？）以前一齊拍過短片，有試佢手勢，都正常，不過佢冇試過我嘅手勢（點解今晚咁避忌？）想大家集中喺慈善度（首次大家同台？）唔記得，不過工作都冇咩尷尬（之前影到一齊做運動！）唔講啦！都回應過，當日係約咗去郊外，食少少嘢（好甜蜜！）唔講呢啲今日（咁開心都唔講？）做慈善最開心（同家樂一齊好開心？）我同周柏豪一齊最開心，佢係我最愛嘅家人，佢都設計口罩，希望可以參與。」

問到是否做慈善便不可以與家樂合照？Shiga即推卻指與公司同事一起拍大合照，那是否以後亦不會合照？她卻表示：「將來事將來先算（公司唔畀影？）唔關事，今日係慈善活動嘛！同埋想大家專注我嘅工作（怕咗緋聞？）唔想特別去講（結婚先講？）咁遙遠，到時先算啦！」

在亮燈儀進行，一眾歌手藝人包括連詩雅均有上台，但竟然不見陳家樂蹤影，為避合照他們真的是法寶盡出，但家樂接受訪問時卻稱不介意合照：「我冇介意，撞到咪影囉，一陣睇吓有冇機會影啦！（被影到一齊食魚蛋？）其實我哋一齊做完運動，我容易肚餓，佢咪陪我囉！（公開關係？）冇公開咩…（明朗化？）希望大家畀啲私人空間，唔交代太多，我哋各自都專注工作（公司畀壓力？）我哋都會保持住呢個狀態，約吓做運動都幾開心，公司冇畀壓力，亦冇過問，（知道而冇問？）唔係，係公司覺得我大個仔，知我會專心工作，亦唔會過問私人事。」

lily123

(on.cc)

歌手楊千嬅宣布因疫情關係，取消原本月底舉行的6場紅館跨年演唱會，而她今晚亦有份出席無綫《歡樂滿東華2020》活動。打頭陣擔任表演嘉賓的她，與馮允謙一起演繹多首歌曲，包括《火鳥》、《可惜我是水瓶座》及《鍊金術》，不過千嬅就拒絕接受傳媒訪問。

lily123

(on.cc)

港姐冠軍謝嘉怡與藝人戴祖儀於《歡樂滿東華2020》中以排球新玩法挑戰前國家排球隊隊長孫玥，謝嘉怡相當活躍，不時接波，最終她與戴祖儀更勝出，而孫玥則大呼這類另類排球玩法很有趣，更可籌到善款故相當開心。至於與孫玥一組的黃庭鋒則慘被陳百祥指表現差，相當無奈。

lily123

(on.cc)
周柏豪4層樓高表演驚到腳軟　臨出門同囡囡吻別

歌手周柏豪為《歡樂滿東華2020》擔任表演嘉賓，他表示今次的表演很大挑戰，畏高的他要站於錄影廠最高的位置唱歌，而企的亦是透明板，事前要於上面Stand by一段時間作準備，他說：「高度都有3、4層樓高，所以都好驚，臨出門口都有同囡囡吻別。」
講到紅館表演時都試過企高，他表示感覺不同，加上今晚是直播，驚會失禮，希望可籌到多點善款。講到現場都很多人，做完工作返家會否消毒好才吻囡囡時，他謂：「會事先消毒晒成個人，做埋測試先返去，阿女之前生日都在家慶祝，沒有出去，（會否幫囡囡追細佬妹？）依家疫情咁樣暫時唔會住，順其自然，(千嬅演唱會取消咗！)都好可惜，佢都訓練咗半年，2020所有嘢都好可惜，期待好嘅事情快啲來臨，之前我都有同千嬅聯絡，佢都OK，佢不嬲都開朗。」

lily123

(明報)
歡樂滿東華｜曹永廉黎諾懿黃智賢勇字行頭 繼續無罩上陣

【今晚直擊】《歡樂滿東華2020》今晚在無綫電視城舉行，雖然無綫加強防疫，在場內外設置多部智能消毒機械人及智能滅菌消毒站，但部分藝人如曹永廉、黎諾懿、胡楓、黃智賢等在錄影廠內均未有戴上口罩。黎諾懿和陳敏之這對好拍檔見面時，更在沒有戴口罩的情形下親密攬攬。大會司儀包括汪明荃、黎芷珊、陳百祥等戴上透明口罩演出。不過，修哥在錄影廠外就用消毒機械人「蒸」口罩！