藝人戀情/婚事/創業/置業/投資相關新聞 (2022 -

ching2506

(晴報)
下流上車族｜關曜儁榮升人父期待囡囡出世 落力操Fit望成為前世情人偶像
2022/10/31

無綫台慶劇《下流上車族》現正播出，劇中關曜儁（Leo）飾演鄧智堅的兒子、林穎彤的老公，是「廢青」一名。不過現實中的Leo卻是非常勤力，最近更是喜事多多，除了創業做老闆外，更即將榮升人父，恭喜恭喜！

Leo年初向拍拖5年的圈外女友求婚成功，預定下年10月27日舉行婚禮。Leo向《晴報》分享喜悅，表示BB而家五個月大，預產期明年三月中。換言之在婚禮之前，Leo與未婚妻的愛情結晶品就已出世，更可以參加父母的婚禮呢！

而昨日Leo與未婚妻舉行產前派對，揭曉BB的性別，老友張振朗都有出席，場面非常熱鬧。不少人猜測BB的性別是男孩，最後揭曉是女孩。Leo表示初為人父心情非常興奮和期待，已經幻想咗好多之後同囡囡玩嘅畫面，「好期待囡囡出世，好想同佢一齊玩。」

他又指自己要操fit啲，想成為囡囡嘅偶像，他說：「好感受到羅子溢之前分享做老竇要keep最好狀態畀個女睇，因為我哋係囡囡嘅前世情人，想畀佢哋知老竇永遠都係最正。我好想操fit啲，成為fit爸爸，想成為囡囡嘅偶像！」

ching2506

忽然心動 丨湯洛雯馬國明遊日後感情升溫 認定對方係好男人預告下年結婚
2022-11-07 22:30

湯洛雯（靚湯）今晚到九展出席有份主演電影《忽然心動》首映禮，剛從日本旅行返港的靚湯透露今次與男友馬國明一起去了11日旅行，問到兩人是否造人成功？靚湯即扮儍說：「玩得好開心！」

靚湯指今次是兩人拍拖後首次去旅行，更指很多人說去旅行可以看清楚對方真面目，但她就冧爆謂看到馬明有更好的優點：「我鍾意plan行程，佢就冇所謂，而佢又好好，任勞任怨，又會幫我拎嘢。」問到去完旅行感情有否升溫？她即冧爆說：「一向冇跌過！」

靚湯又指現在已開始計劃跟馬明去第二次旅行，不過因為男友太忙故比較難度期，問她是否投訴？她說：「唔係，忙係好事，下一次希望同佢去陽光與海灘，又或者係大家讀大學的地方。」

靚湯又指並非預支蜜月，但表示兩人對婚期已有共識，更坦言因疫情減退後隨時會發生：「唔排除出年，不過真嘅話會宣佈。（旅行結婚？）外國機會大！」靚湯又笑指今次旅行發現男友攝影方面有進步，又透露因今次他們是自駕遊，馬明要全程揸車，令她覺得很感動，問到事後有沒有幫馬明按摩？她又冧爆話：「佢怕唧！」

靚湯又爆馬明今晚將會到場支持，問她是否怕被男友看到她在戲內與其他人親熱戲份？她笑指不怕，因戲中只跟別人拖手，問到馬明有否阻止她拍咀戲？靚湯就笑指沒有：「佢自己拍得仲多，人生拍最多咀戲都係同佢（馬明）。」

ching2506

(on.cc)
為定居地開火！莊鍶敏驚爆離婚難忍老公反口
11月07日(一) 22:55更新 22:40建立

「拿督千金」莊鍶敏（Jacquelin）兩年多前閃嫁台灣珍珠奶茶店老闆楊秉逸（Brian），並在女家的豪宅簽字行禮。2人婚後一直表現恩愛，又講明趕生B，惟近日卻驚爆正秘密辦理離婚手續！原來他們就定居問題出現嚴重分歧，Jacquelin難忍對方食言兼三觀不同，痛定思痛，決定好心分手。

42歲的莊鍶敏與台灣商人Brian拍拖半年後，無懼疫情並戰勝遠距離戀愛結成夫婦，2年多前在莊家的山頂大宅舉行婚禮。2人新婚不久就要分居，Brian飛返台灣處理業務，Jacquelin則留港工作，但仍處於熱戀期的他們對遠距離婚姻生活依然信心十足，趕造人的Jacquelin曾被拍得跟來港慰妻的老公買生蠔，又在公開活動上摸梁麗翹的孕肚沾旺氣，至去年7月，Brian更做「跟得老公」隨太太出席公開活動，閃爆全場！

三觀不同 難見未來
然而，Jacquelin近年將發展重心轉移內地，早前她稱Brian於8月會飛內地團聚，當時詐嬌表示：「我同佢講，如果你再唔過嚟搵我，下一步就係離婚，離婚先見！」原來她絕非戲言，而是感嘆出現婚變危機。據知他們的恩愛只是假象，Brian婚前曾承諾遷就太太，願意移居香港或內地生活，惟婚後卻「唔認數」，一味「拖字訣」，更反提議她出嫁從夫，移居台灣，令堅持夫婦同住的Jacquelin大感無奈。

結婚2年多以來，他們為定居問題爭吵過無數次，以往尚肯離台慰妻的Brian，最後一次與太太見面已是去年底的事。Jacquelin於5月慶祝生日，身在內地的她只收到老公的祝福短訊及利是，而早前說好的「8月見」亦以「放飛機」作結，Brian最近更明言不會離開發迹地。由於定居問題一直未能解決，加上三觀不同難見未來，為免浪費時間，雙方早前協議離婚，Jacquelin待完成手頭上的工作後，今個月就會返港正式簽字離婚，回復「單身貴族」身份。

財政獨立 不分身家
早前在內地完成無綫劇《狀王之王》拍攝工作的Jacquelin，接受東網獨家訪問時時直認正辦理離婚手續：「我哋成日為定居問題鬧交，之前佢應承嚟香港、內地陪我，最後佢話放唔低台灣嘅生意。呢個問題點都解決唔到，既然勉強冇幸福，根本走唔到落去，不如離婚啦！」問到夫婦間可有第三者？她說：「我呢邊就冇，佢嗰邊就唔知，基本上應該冇。」她坦言曾努力挽救婚姻，可惜徒勞無功：「離婚都覺得可惜，但佢都唔想同我傾，定居問題一直冇共識，唯一解決方法就係分開。」至於贍養費，她稱2人財政獨立，她不求贍養費，Brian亦沒有要求分她身家。

雖然異地婚姻失敗收場，但她不會因此有陰影：「係睇個人囉，唔關異地戀事！感情事隨緣啦，唔會諗再婚住，因為我事業為重，喺內地真係好多機會。」而其父母亦尊重她離婚的決定。

莊鍶敏與莊思明姊妹情深，之前齊齊在內地拍攝無綫劇集《一舞傾情》，日對夜對。對於家姐離婚一事，思明受訪時坦言：「我知呢件事，佢有同我哋講，不過呢啲始終係佢自己嘅嘢，最好都係由佢自己講番。」問到家姐之前拍劇心情可有受影響？她說：「冇喎！OK嘅，佢不嬲都硬淨同樂觀，所以唔使好擔心，佢咁大個人，呢啲嘢自己識得處理，我有Keep住同佢傾偈，佢依家心情OK。」

另外，思明在社交平台上載與男友楊明撐枱腳的照片，並發文：「好似好耐冇出去食飯啦，等我減完肥之後要食餐勁嘅！」問到現時是否已減肥成功？她笑說：「未成功呀！呢排已經食得好清、好寡。（肥咗好多咩？）又唔係，只不過之後台慶有個表演，件衫都幾性感，所以諗住Keep fit啲！」

ching2506

(on.cc)
電視巡禮︱馬國明計劃與湯洛雯歐遊結婚　未必會攞酒
11月11日(五) 15:56

視帝馬國明今日（11日）在將軍澳電視城出席《無綫節目巡禮2023》，湯洛雯與他遊日後返港宣傳新片大方承認好事近，他受訪直認有共識明年結婚：「未定，預計出年，年中打後，我哋鍾意旅行，可能旅行結婚，或者會去歐洲，擺唔擺酒都未定。」講到是否已求婚，他則賣關子說：「到時再話你聽。」

馬國明在節目巡禮中有主演的劇集《隱形戰隊》向客戶推介，他指過去多演醫生，很少做有型幹探，故今次挑戰相當大。講到在台慶宣片中再以的士司機示人，是否暗示將開拍《降魔的3.0》，他說：「要睇公司、監製，短片反應咁好，大家都好似想睇我揸的士，我諗有機會開啩，自己都鍾意貼地角色。」

ching2506

(晴報)
星格BOSS︳陳敏之投資近7位數創美容品牌 目標國際化：望兒子日後傳承
2022/11/27

Sharon陳敏之近年可謂刻意減產，2022年作品只有《廉政行動2022》及《黯夜守護者》，電視台方面再沒有新動向。原來一切盡在她計劃之內，無非為了追逐夢想，創立個人美容品牌「SHAGIC」，上月8日已舉行隆重的發布會，目標希望將產品推廣至全世界。

陳敏之早於6、7年前已想進軍美容生意，這個夢想近日終於成真，無懼疫市投放了近7位數字，品牌名字取名為SHAGIC，包含了她的英名名字Sharon在內，甚有意思。陳敏之說：「呢個名係Sharon加Magic，想透過我嘅品牌好似變魔術咁，令到你變到好靚又有自信。個名係我細佬同佢女朋友，加我兩公婆一齊諗出嚟，細佬佢哋係做marketing，話個名有番Sharon嘅元素，唔可以第一次做呢門生意竟然冇我嘅嘢，等大家諗到係我去變靚啲人，覺得幾特別，之後去申請成為我嘅個人品牌。」

對於有人話女人錢易賺，陳敏之亦認同這說法，指護膚和食Supplement（營養補充品）一樣，女人用完好會再用，食了健康的會再食，「呢次投資近7位數字，因為有好多錢要用，雖然而家市場話差，但好多嘢都好貴，我啱啱開始都係細公司，最緊要都係睇品質，只要有口碑就可以慢慢發大去搞。（老公雷偉信有否出資？）佢喺背後畀意見，今次係我獨資經營，因為好想靠自己去賺第一桶金，老公始終幾時都會幫手，但係次次係咁就冇意思，純粹係自己先會緊張，如果有老公或同拍檔去搞會差啲。（公司未來目標？）又冇想過要上市咁遠大，係希望每個地方有我嘅品牌，真係等疫情完全減退時，我會周圍飛將產品推廣去全世界。」

眾所周知陳敏之有經營曲奇店，如今再加多一門生意，感覺她十足女強人般。陳敏之說：「我仲係曲奇店老闆，不過交晒畀拍檔去營運，而家專注美容呢邊先。（分享做生意心得？）其實疫情呢2、3年令社會冇咩生氣，覺得唔好畀呢個氣氛籠罩住，呢個又係我嘅夢想及感覺時機到，好似一年前開始搞YouTube頻道，都係一個好大膽決定，覺得唔可以再咁樣等，要搵啲自己鍾意嘅嘢做，生意亦始終係要做，所以趁疫情冇得出街時研發產品，有好多人話我好大膽，講真路係要自己行出嚟，日日係咁等，但年紀會大，每個人係要追夢，你唔行出去係冇機會贏。明白做生意係有輸贏，最終我可能賺唔到錢或點都好，至少我帶到呢樣嘢畀社會，我做生意目標都係想傳承畀我個仔（雷子樂），希望佢大個仔時接手，我諗到時都做到啲成績，等佢將SHAGIC傳承落去。」

提到2011年憑《怒火街頭》獲得最佳女配角，今年9月劇集《黯夜守護者》成為她暫時最後一齣集，似乎為生意放下演戲事業，陳敏之表示：「呢啲順其自然，同公司已合作咗20年，上年攞咗20年服務金牌，真係公司湊大我，大家關係一向好好，公司睇到我嘅發展，自然劇集方面會少啲，有啱嘅節目同劇都會傾，我係採取開放態度，有咩工作可以商量。（會否合約完不再續約？）我仲有約，完約先再傾之後合作模式，而家花唔到好多時間畀公司，會再傾一個舒服模式合作，將來有啱嘅劇本一定會拍，無綫真係我嘅娘家。（這決定跟Haters無關？）6、7年前已想做美容，講真都睇化晒，入行前都大把Haters…，我最開心擁有自己家庭，佢哋係搞唔到我，我行得正、企得正，點會為咗佢哋而唔拍嘢，相反而家仲會做得更加好，真係唔關事，可以講係階段性，而家Timing啱做生意，拍嘢真係拍咗好多年，係時候要為自己打算。（會突然轉行？）唔會，都會做娛樂圈嘅嘢，我條命係鍾意做嘢、增值同探索，咁嘅人生先至好玩，無理由拍住劇去搞生意，全部嘢會運作唔到。」

最後問現時一日24小時是否夠用？陳敏之笑說：「老爺奶奶話我係女超人，我媽咪就擔心我嘅健康，我話一個人冇夢想就連鹹魚都不如，點解唔趁有氣力嘅時候喺社會做一啲嘢，SHAGIC做出嚟有好多人支持，我唔想令人失望，拍嘢真係幾時都可以去拍，生意冇咗嗰團火就做唔到。而家我只係瞓幾個鐘，每朝起身送阿仔返學後就到我開工，做到夜晚又同啲客食飯溝通，最後返到屋企先係我嘅Me Time，沖涼後就陪老公睇戲，終於做老婆嘅責任，但係每次睇戲都瞓著，老公就會叫我入房瞓，好在老公錫我又唔會詐型，佢係好支持又擔心我，老公做生意會好明白當中嘅辛苦，尤其是我剛起步係辛苦到爆，所有嘢要慢慢嚟，同埋好多嘢係靠自己，唔跟到足一定會衰。」

ching2506

(星島/頭條)
陳凱琳宣佈陀第三胎：我們的家庭即將變得更大！
2022-11-28 13:53

陳凱琳（Grace）與老公鄭嘉穎今日在社交平台宣佈家庭再添新成員，兩人即將榮升第三任父母。Grace拍了一條靚靚短片晒孕肚並以英文留言：「世界上最珍貴的禮物，人生或許無法預料，但無疑是充滿了美好的祝福！這就是為甚麼我們今天很高興與大家分享我們的喜悅和幸福：我們的家庭即將變得更大！ 」兩人感謝所有祝福的人，更稱已經迫不及待地想見到寶寶了！

陳凱琳與年齡相差約22年的鄭嘉穎，自2018年結婚後經常公開放閃晒恩愛，而鄭嘉穎亦非常聽老婆話，近日他更於內地社交平台開設個人帳戶分享家庭生活日常，而陳凱琳亦非常熱衷於拍攝並分享日常生活片。

lily123

(on.cc)
秦啟維開娛樂公司　簽13歲混血兒做新人
12月09日(五) 09:14

《愛.回家之開心速遞》的「細力」秦啟維早前不幸確診，他與妹妹兩家合共8口先後中招，不過不幸中之大幸是，康復不久，獲廣告商看中，拍攝健康食品蟲草廣告，可算是因禍得福，他稱今年3、4期間，與妹妹家人先後失守染疫，他成為家中最後一個中招，他說：「不過我無乜反應，無發燒，只有輕微喉嚨痛，康復後就收到廣告邀約，算是年尾大豐收。」

細力透露近日投資開娛樂公司，個人投資6位數，剛簽了一名13歲中印混血兒女仔瑪鎧橋，早前他帶着新人出席活動見世面，他說：「近來工作唔多，都要諗吓將來，想試吓做經理人，都幾有趣，以前畀人照顧，依家要照顧人，（咁細個似湊女？）佢又唔難服侍，同埋佢媽媽都會陪佢出嚟，希望幫佢向音樂方面發展。」問他是否投資整副身家？笑言：「已經攞晒啲廣告費出嚟用。」