藝人戀情/婚事/創業/置業/投資相關新聞 (2022 -

ching2506

坤哥27歲日籍藝人老婆曝光
2022-05-08 03:14

32歲的吳業坤（坤哥）今日凌晨在IG公告已婚：「小弟結婚了，感覺好微妙，一直都覺得自己仲係小朋友咁，唔知道幾時先叫大人，可能調番轉要比（俾）佢照顧番。」坦言好幸福嘅新任人夫仲話：「最後暫時關於她的事情都想留一點空間，日後再介紹給大家認識，謝謝大家。」

但網民實在太強大，坤哥結婚消息公佈兩個鐘，網民已從坤哥耳仔嘅一粒癦將坤嫂起底，原來係27歲嘅日籍藝人及主持浜口愛子，今年27歲，5呎4吋高，拍過戲同劇又會做主持及DJ，有可愛爆牙，身材仲相當唔錯。其實坤嫂亦有在個人Twitter公告結婚消息，但自坤哥公佈結婚後坤嫂即將Twitter Set晒Private。

有消息指已在日本數月的坤哥計劃下星期返港，坤嫂的Twitter除貼咗遮住坤哥樣嘅結婚相外，亦透露已結婚，上月尾已離開舊經理人公司，未來會將生活基地搬到海外，更公開點解會嫁畀坤哥，「第一次喺海外生活，一個新環境及新開始，我想同一個總係令我開懷大笑嘅愉快夥伴一齊，邊行邊互相扶持。」被連登巴打瘋狂羨慕嘅坤哥娶到日本妹全因夠搞笑。

黐線網民憑新郎哥耳仔粒癦認到係坤哥

ching2506

(on.cc)
伍富橋註冊結婚感動到喊　希望追兔年BB
05月08日(日) 15:23

今日（8日）是歌手伍富橋（Alvin）和圈外富家女梁兆楹（Shirley）註冊結婚的大日子，一對人於香港西貢相思灣家中在雙方家長見證給律師陪同下註冊結婚，問到結婚感受，Alvin表示：「今日非常開心，適逢是母親節和佛誕所以非常特別好日子，等待疫情過後再補辦婚宴，度蜜月也會之後安排。」新郎和新娘也感動落淚，Shirley也謝謝老爺奶奶教導出一個好兒子成為他的好老公，被問到造人計劃？她說：「造人大計順其自然，希望可以追到兔年BB吧。」

ching2506

名人沽貨｜視帝郭晉安1874萬沽紅磡工廈 大賺逾1300萬

東鐵線過海段通車後，帶動沿線屋苑成交，就連工廈市場亦受惠。據土地註冊處資料顯示，紅磡民樂街駿昇中心低層G室，建築面積3,408方呎，本月初以1874.4萬元售出，呎價5,500元。據悉，原業主是視帝郭晉安，他在早在2007年以550萬元購入上址，持貨15年，帳面獲利1324.4萬元或約2.4倍。

家姐同樣持貨 去年易手帳賺逾2千萬
翻查資料，視帝郭晉安姐姐為保健食品品牌牌草姬國際有限公司創辦人及主席郭致因，同樣持有駿昇中心一個低層A單位，建築面積6,232方呎，持貨14年，去年初以3,240.6萬元沽出，呎價5,200元，帳面獲利約2,069萬元或約1.8倍。

ching2506

(on.cc)
租貴捱唔住！莊思明認楊明燉湯店門市全線結業
05月23日(一)
16:52更新 12:01建立

莊思明與男友楊明經營的燉湯店生意，早前受疫情影響停業，每月硬蝕租錢7位數，雖然防疫措施已放緩，晚市恢復堂食，但近日網上流傳一張飲食程式的截圖，當中顯示楊明旗下的燉湯店全線分店，包括元朗、屯門、將軍澳、深水埗、佐敦、北角及灣仔，均顯示已結業，而該店的社交平台專頁亦自2月開始已沒有更新。

而楊明與思明現正於內地拍劇，思明接受東網訪問說：「我哋係轉咗模式，轉為線上服務，因為我哋自己有工場，做大單批發同賣外賣熱線，咁就可以免交租。」問是否門巿全停業時，思明又謂：「係呀！門巿全部租約滿後就唔做，之前灣仔間舖由疫情開始停業，六月約滿，我哋依家納空租，之後都唔會再做喇！」思明坦言疫情經歷多時，措施又經常有變，故之前萌生轉換形式之意，她說：「其實好多食店都係問我哋攞貨，我哋有做開批發，亦都計咗條數，只係做線上同批發仲賺得多過做門巿，始終租金都好貴。」

ching2506

何雁詩順產誕B仔改名Asher Douglas Cheng 鄭俊弘陪入產房
04/06/2022 14:50:00
   
鄭俊弘（Fred）和何雁詩今日宣佈BB出世：「我們正式成為爸爸媽媽了！」一索得男，恭喜晒！二人在社交網分別上載一張BB的腳仔相，而Fred和何雁詩就各自伸出一隻手，做出心型手勢，喻意一起建立幸福三口之家，Fred並透露囝囝在6月1日國際兒童節出世。

29歲的何雁詩初為人母，透露BB名字叫「Asher Douglas Cheng」，她透露這幾天一直忙於準備新居，怎料BB一足月已急不及待要出來見爸爸媽媽，何雁詩寫著：「那天一心準備去產檢，怎知一起床就發現穿水，還跟醫生指示先吃飽飽，跟老公撐枱腳去吃了個沙爹牛麵常餐，到醫院後經歷一輪陣痛，盆骨快要撕裂般，還好有麻醉師救命。打完無痛，立即回魂，還玩了一鋪，再經觀察一輪，婦產科醫生說是時候了，老公一直在旁替我打氣 you can do this， 費盡九牛二虎之力把寶寶推出來，現在雖說得輕鬆，其實是我身體經歷過最大的挑戰。」

讚老婆是Super Hero
Fred亦以英文寫著：「我們的兒子 Asher Douglas Cheng 出生於 2022 年6月1日。他早早地來到這個世界上，他很強壯，這讓我們倆都感到意外。一個奇妙的驚喜。 我們三個人很高興能踏上這段新的旅程。Asher，你是個好孩子。願你快樂健康成長。爸爸媽媽永遠愛你，保護你，指導你。」他亦盛讚太太是一位超級英雄，「 A real life super hero.親眼目睹您生下Asher 是一次令人驚嘆和謙卑的經歷。你是一個強大的母親。我非常愛你，我感謝你為我們付出和犧牲的一切。」

ching2506

(傳聞, 未確定)

(on.cc)
2年地下情修成正果！陳家樂船P求婚　連詩雅感動Say Yes
06月07日(二) 12:18

藝人陳家樂同連詩雅（Shiga）地下情玩足2年，早係圈中公開嘅「秘密」，2人愛得甜蜜，即使去年曾傳港姐黃嘉雯介入，但都無損感情，最近仲拍住上情侶檔拍劇，感情升溫，終迎來好消息！有指佢哋不但一早融入家中，見晒雙方家長同朋友，近日更有傳陳家樂求婚成功，準備同Shiga拉埋天窗！

有指日前陳家樂約埋成班朋友同Shiga出海釣墨魚，可惜當日天氣不似預期一直落雨，不過見男友一早Book好晒船，身為廿四孝女友嘅Shiga唔想浪費對方一番心機，都繼續照行程出發，好彩釣墨魚之旅如期進行，事關原來好戲在後頭，當Shiga去完洗手間返上船艙一刻，陳家樂就攞住戒指求婚，場面浪漫，Shiga亦被其誠意打動，答應求婚，相信對即將於月底（29日）34歲生日嘅Shiga嚟講，升呢「準陳太」就係最好嘅生日禮物！


13:36更新
東網致電陳家樂，他並冇否認求婚成功一事，只表示交由公司回應，而其經理人霍汶希（Mani）則指稍後會一併回應。

ching2506

嫲嫲都唔知︱陳家樂向連詩雅求婚成功　瞞晒全世界
06月07日(二)
15:22更新 12:18建立

陳家樂之後回應傳媒，承認已跟連詩雅訂婚：「多謝大家關心，我哋訂婚啦，收到好多朋友既祝福，好感恩！但係結婚日子未有確實嘅計劃，因為我哋大家手頭上仍然有好多工作要專注完成先，結婚嘅計劃同籌備都需要好多精神同時間，所以暫時先放下，遲啲有好消息一定同大家分享。」據知，家樂今次求婚保密工夫做到足，只有老闆楊受成和Mani等人知，連屋企人也蒙在鼓裏，連最錫他的嫲嫲也是看新聞才發現，搞到要跟嫲嫲解畫，認真瞞晒全世界。而連詩雅有回應了跟家樂訂婚一事。

連詩雅閨蜜黃翠如對於好友就快嫁人，她開心地說：「我知道呀！好為佢哋開心，佢哋係好可愛同好靚的一對！等待他們的婚禮中！」

ching2506

陳家樂承認向連詩雅求婚成功 籌備需時暫未落實婚期
07/06/2022 15:07:00
   
今日有消息指陳家樂日前在船P上向連詩雅求婚，為本月尾34歲生日的女友預早送上驚喜禮物。而陳家樂今日回覆傳媒時坦認向Shiga求婚一事，他謂：「多謝大家關心，我哋訂婚啦。收到好多朋友既（嘅）祝福，好感恩。但係結婚日子未有確實嘅計劃，因為我哋大家手頭上仍然有好多工作要專注完成先，結婚嘅計劃同籌備都需要好多精神同時間，所以暫時先放下，遲啲有好消息一定同大家分享。」

至於Shiga的回應也跟家樂一樣，她謂：今天想跟大家分享一個消息：我們訂婚了！收到大家的祝福，很感恩…至於關於婚禮詳情，暫時未有確實時間表，現階段我們仍專注於手頭上未完成的工作。結婚的計劃同籌備需要注入心神，加上在疫情下舉辦婚禮需要很多細節安排，所以稍後再作安排及有進一步消息也會跟大家分享。祝福大家生活愉快！」

ching2506

(Topick!)
【初為人母】前港姐陳苑澄宣布誕女　Tania經歷超過20小時陣痛：非常非常難忘
2022/06/08 (18:05)

前港姐及前女子組合「As One」成員陳苑澄（Tania）去年11月與老子號酒行太子爺Gary結婚，除夕宣布懷孕。今日（8日）她在社交平台上載多張初生女嬰的照片，宣布女兒Nea平安出世。她留言寫道：

報下平安先，Baby Nea在2022年6月8日凌晨時分順產出生～
母女平安，多謝好多朋友親戚的祝福和關心。
Msg加dm有多過1000個，未能一一回覆，唔好意思。

陣痛逾20小時
Tania分享生產過程，透露經歷了20多小時的陣痛，最後順利誕下愛女，形容過程「非常非常難忘」：

我一定係好愛好愛好愛呢個男人同呢個屋企先做到呢件事。多謝醫生、護士陪伴咗我咁長嘅過程。我（應該會可能會）出個vlog分享，到時再同大家詳細講由陣痛到出世嘅20多小時我到底經歷左啲咩。補多句！原來真係自己個bb係全世界最得意！我個BB係全世界最得意！roarrrr

不少圈中藝人紛紛留言送上祝福，包括蘇皓兒、陳穎欣、莊韻澄、何泳芍、鞏姿希等，整個社交網流露滿滿的愛意。

曾到韓國發展
Tania曾為香港藝術體操隊成員，2012年跟蘇皓兒等組成女子組合As One，並曾到韓國發展，2017年她退出As One，回歸校園修讀心理學。

2018年，Tania參加香港小姐，並競選順利晉身最後五強，之後作為TVB藝人，曾演出多個綜藝節目及劇集。

ching2506

頭條獨家丨黃智賢拒談蝕住走:唔回應嘞 投資百萬美容王國已頂讓
13/06/2022 07:00:00
採訪：方騫平
   
新冠肺炎肆虐近三年，美容院不斷被迫停業，本年初第5波疫情反覆，高峰期美容業停業3個月，《頭條日報》收到獨家消息，連環幾波疫情，令黃智賢 (Ben) 迫不得已放棄辛苦建立咗4年嘅美容王國，數月前已低調地將醫學美容中心股權頂讓畀拍檔陳國強醫生，即陳煒未婚夫，Ben向本報坦承有此事，但詳情不多講，問到是否蝕住走?他只淡然表示：「唔回應嘞！」。

現年54歲黃智賢（Ben）近半年再度活躍於幕前，去年11月返內地拍攝TVB有份投資嘅網劇《無相之城》，其間仲演埋網劇《漫影尋蹤》及網絡電影《再見地球》，又獲邀出席商演活動，密密吸金！原來佢已經放棄經營美容王國，全職做返藝人。

承認疫情下經營困難
據多位美容業界人仕向本報報料，指黃智賢年初已將經營咗4年，用佢嚟做生招牌嘅醫學美容中心低調賣盤，不過，本報卻發現雖然黃智賢已抽身而出，但店名、地址、電話、醫生資料依然不變，致電美容中心，職員還表示可以安排陳國強醫生預約應診。記者就醫學美容中心易手一事以短訊形式向黃智賢了解，他更正說：「沒有轉手，是由陳醫生主理，我專注打理澳洲代理的護膚抗敏品牌。」記者再追問：「即係美容中心同你冇關了？佢 (陳醫生) 頂晒啲股權？」他亦坦言無關了：「(依家) 陳醫生自己做！以前是拍檔，現在是朋友。」問到係咪疫情下經常被迫停業，要貼錢好難捱？他亦承認疫情下各行業都困難，係控制唔到嘅：「唯有平常心隨遇而安！而且有股東要移民退出！所以要重組。」

轉做代理澳洲護膚品
黃智賢經歷過星途大起大跌，曾表示唔想一線小生地位不保，所以轉營鋪定後路。2018年他大張旗鼓投資7位數與陳醫生及另一男拍檔喺中環開設醫學美容中心，主力針對高檔顧客，做落口碑唔錯，生意愈做愈好成為主要收入來源，更豪擲$895萬購入西貢獨立屋，現市值近千萬！千辛萬苦捱過一波又一波的疫情，喺第5波疫情下卻失手，問到黃智賢有冇蝕住走，定以朋友價頂畀陳醫生？會否有啲唔開心？Ben就唔想多講，只淡然表示：「唔回應嘞！謝謝關心。」但強調從未停過拍劇。提到當日他曾話過做藝人靠唔住才去投資，對此他說：「依家仍會代理澳洲鱷魚油抗敏護膚品。」至於陳國強醫生亦向本報承認，現在獨自經營醫學美容中心，黃智賢只係做返護膚品：「我哋係傾返嚟嘅 (所有條件)。」

黃智賢和拍擋合資百萬經營醫學美容中心，合伙人包括陳煒未婚夫陳國強醫生(右1)



黃智賢目前代理嘅抗敏護膚品牌於美容中心寄賣