電視大戰相關新聞 (2022)

ching2506

(AM730)

AK及Lokman半裸大曬爆肌身形 《繩角》提前播撼台慶劇《法證先鋒V》
2022-11-02 13:36

TVB早前安排由陳豪和龔嘉欣主演的《新四十二章》於11月14日播出，成為無綫台慶劇，然而日前卻突然傳出變陣，由《法證先鋒V》頂上。消息傳出後，有指ViuTV亦立即有變動，播完《季前賽》後，將提前推出由MIRROR成員江熚生(AK)、楊樂文(Lokman)、王智德(Alton)及邱傲然(Tiger)主演的熱血拳擊劇《繩角》，並落實於11月14日晚上9時30分推出。

大曬爆肌身型
《繩角》改編自同名漫畫，講述主角立下決心成為亞洲拳王努力奮鬥，挑戰極限的故事。ViuTV昨日釋出預告片，寫道：「押上半生，三秒封神！擂台之上，三秒之內，勝負之間，出拳快一秒，步法多一步，就多一個機會擊倒眼前嘅對手！」片中見AK、Lokman、Alton半裸上陣於擂台對戰，大曬爆肌身型，一眾鏡粉都紛紛留言狂呼「好有型」，更表示相當期待。

ching2506

世界盃免費直播賽程｜ViuTV提供19場免費比賽　11.20深夜播揭幕戰
撰文：顏銘輝
出版：2022-11-03 14:55

世界盃2022免費直播賽程，已知香港免費電視台ViuTV 99台將直播19場世界盃比賽，包括揭幕戰卡塔爾對厄瓜多爾、兩場4強以及決賽。其中分組賽免費直播中，英格蘭首戰對伊朗，以及其餘受歡迎強隊包括荷蘭、西班牙、葡萄牙、法國、巴西、阿根廷，以及香港球迷喜愛的日本和南韓同樣在列。整個世界盃有64場比賽，ViuTV的免費直播場次佔全部比賽的3成。

卡塔爾世界盃2022香港免費直播賽程：
第一輪分組賽:
11月21日（一）凌晨12時：【A組】卡塔爾對厄瓜多爾
11月21日（一）晚上9時：【B組】英格蘭對伊朗
11月22日（二）凌晨12時：【A組】塞內加爾對荷蘭
11月23日（三）凌晨12時：【C組】墨西哥對波蘭
11月24日（四）凌晨12時：【E組】西班牙對哥斯達黎加
11月25日（五）凌晨12時：【H組】葡萄牙對加納

第二輪分組賽:
11月26日（六）凌晨12時：【A組】荷蘭對厄瓜多爾
11月27日（日）凌晨12時：【D組】法國對丹麥
11月27日（日）凌晨3時：【C組】阿根廷對墨西哥
11月27日（日）晚上6時：【E組】日本對哥斯達黎加
11月28日（一）凌晨12時：【F組】克羅地亞對加拿大
11月28日（一）晚上9時：【H組】韓國對加納
11月29日（二）凌晨12時：【G組】巴西對瑞士

第三輪分組賽 (29/11-2/12) & 16強 (3/12-7/12) : VIU無直播場次

12月9日（五）晚上11時：【8強】第一場
12月10日（六）晚上11時：【8強】第三場
12月14日（三）凌晨3時：【4強】
12月15日（四）凌晨3時：【4強】
12月17日（六）晚上11時：【季軍戰】
12月18日（日）晚上11時：【決賽】

ching2506

(on.cc)
千嬅柏豪「多功能」轉陣　為HOY TV搶收視
04月02日(日) 00:00

被奉為港劇代表、由楊千嬅與周柏豪主演的《多功能老婆》，隨時在HOY TV續前緣！東網收到獨家消息，與「金牌編劇」陳寶華合力打造《多》劇的前無綫高層杜之克，將出任有線寬頻行政總裁，全力打造港劇是其任務之一，正計劃安排千嬅與柏豪相隔4年再合體，而柏豪已表態無任歡迎！加上「綜藝橋王」余詠珊傳重磅推出升級版資訊節目《東呃西騙》，雙劍合璧，電視大戰一觸即發！

2021年，無綫人事連番變動，時任無綫助理總經理（非戲劇製作）余詠珊離任，並成立公司「好好制作」繼續發揮創意，近年更成為HOY TV的綜藝節目掌舵人。同年，時任無綫副總經理（劇戲製作及節目）杜之克轉投ViuTV旗下OTT平台、俗稱「黃Viu」的Viu Original，出任首席原創內容總監，然而今年1月已傳出他會在月內離職。本報收到獨家消息，杜之克的確已離職，並將於5月出任有線寬頻行政總裁，取代原任的黃思源。

再搵金牌編劇合作
杜之克跳槽的消息傳出後，不少業內人士認為本地電視大戰一觸即發！皆因有線寬頻旗下的HOY TV近年積極投放資源製作自家節目，銳意推出多部港劇及培育新一代藝人，本已有「綜藝橋王」余詠珊掌舵綜藝節目，如今再獲杜之克坐鎮，隨時由HOY TV省靚港劇招牌。

杜之克效力無綫時與余詠珊合力開拓收費平台myTV SUPER，為本地電視史寫下新篇章。而他打造的劇集亦贏盡口碑，當中找來「金牌編劇」陳寶華打造、由楊千嬅及周柏豪於2019年主演的《多功能老婆》，更被視迷奉為港劇代表，而《香港愛情故事》及《不懂撒嬌的女人》等也是杜之克得意之作。杜之克一直在內地人脈甚廣，與內地影音串流平台及製作公司更有多次深度合作，以聯合製作或播放等方式，將港劇熱潮帶到內地。

隨着他今次「轉陣」，據知《多》劇班底隨時「過檔」HOY TV出現！《多》劇4年來開續集的消息不絕於耳，有傳余詠珊與陳寶華近期秘密洽談，原來是有意邀請《多》劇原班演員千嬅及柏豪開拍新劇。憑《多》劇被封「暖男」代表的柏豪，近年與千嬅在內地發展暢旺，成為綜藝節目搶手貨，若再合體拍劇可謂一箭雙雕，勢必成為內地與香港網民話題。

任何邀請都歡迎
有線企業傳訊部顧問曾醒明昨日接受本報查詢，對於杜之克加盟之說，他說：「呢一刻未有聽聞。」身在內地舉行巡唱的柏豪，亦透過經理人表示不知情：「暫時未收到邀請（拍劇），邊個前輩搵我拍戲都開心，任何單位邀請我演出，我都無任歡迎！」至於千嬅則暫未回覆；而上周四，她被網民在上海機場野生捕獲，一臉疲態，但返港時因老公丁子高偕子接機而即時High爆！

Ben Sir七師傅
余詠珊80年代末效力亞視時，創製本地電視史上首個資訊性娛樂節目《今日睇真D》，無綫隨即製作《城市追擊》反攻，並逐漸演變成現時的《東張西望》，多次雄霸收視榜榜首。據知，曾為HOY TV打造真人騷《就是青春》的余詠珊再下一城，將推出升級版節目《東呃西騙》！

有傳她眼見五花八門的騙案俯拾皆是，故找來兩大前「東張女神」林泳淘與林希靈上陣，更邀得曾為無綫及ViuTV主持節目的「Ben Sir」歐陽偉豪及七仙羽坐鎮，節目形式破格，將加入個案重演部分，為觀眾帶來資訊及娛樂。Ben Sir昨日受訪，承認去年10月開始籌備，預計本月中開工：「我除咗係主持，都會演埋，因為口講無憑，冇戲冇真相，以騙徒或受害人角度去演，投入騙與被騙嘅思路，更有說服力。七師傅都幾有趣，同佢用『Ben』同『七』或『漆』嚟度單元名，用『Ben七』呢個招牌作為小環節，內容未知，總之夾到個名就可以。」

另外，余詠珊睇準港人外遊增加，打算將《就》一班學員打造成HOY TV綜藝王牌，到日、韓等地拍攝旅遊節目。

ching2506

(明報)
有線人事變動 黃思遠離職 杜之克6月接任CEO 據悉余詠珊、何哲圖齊加盟
文章日期：2023年5月2日 12:38

有線寬頻（1097）公布人事變動，行政總裁黃思遠將離職，TVB前副董事總經理（節目及製作）杜之克將於6月3日起接任。

有線亦宣布，邱達昌辭任非執行董事兼副主席，邱華瑋及孔祥達辭任非執行董事。杜之克獲委任為執行董事，有線內容業務總監陸偉棋獲委任為執行董事，現正擔任非執行董事的胡曉明則接替孔祥達，獲委任為審核委員會成員。上述變動由明日起生效。

消息：余詠珊何哲圖夫婦齊加盟
另外，據了解，除行政總裁變動外，余詠珊及何哲圖加盟亦已正式加盟有線寬頻，余詠珊出任集團旗下香港有線娛樂總經理，何哲圖則出任有線寬頻銷售及市場總監。

余詠珊在電視行業擁有逾40年經驗，將負責集團媒體業務的產品製作及營運；何哲圖則曾在多家唱片公司及電視台音樂部門任職管理層，將協助集團加強節目內容質素，以及開拓其他方面的內容及營銷合作。

此外，集團依然確信「有線新聞」極具公信力、是獲市民信賴的新聞媒體，有線新部將繼續由關慧玲女士負責，今次董事會及管理層變動，不會影響新聞部獨立運作。

有線今年2月宣布交還收費電視牌照，集中資源發展免費電視及新媒體業務，下一階段重點將致力提高節目質素，加強節目內容、製作，以及探索多樣化發展，因此期望招攬更多人才加盟，冀盼是次管理層變動，可引入具豐富相關經驗人才，製作更多優質節目，反映公司持續加大媒體業務投入的戰略。

ching2506

(on.cc)
杜之克出任有線CEO：希望節目獲得觀眾認受！
05月05日(五) 15:26

有線於5月2日宣布委任杜之克先生為執行董事，並由6月3日起接任行政總裁一職，今日（5日）杜之克會見傳媒，他表示自己正式上班三日：「我20年前喺有線做過嘢，今次係副主席曾安業同我傾，好開心可以喺呢度工作，好榮幸喺本土平台工作，呢個一直係我心願。」

問到將來會否製作本地劇？他坦言一定會：「我哋節目數量唔多，香港觀眾好成熟同多選擇，如果唔係同本土息息相關嘅節目，唔需要睇你，香港做媒體，一定要同香港息息相關，自家製作。（有咩下一步計劃？）我要先認識公司同事先，再要清楚公司資源有咩需要補充同更新，所以先利其器。（有線覆蓋範圍唔高同形象唔夠正面，點樣改善？）副主席同我講咗三大方向，第一要做好新聞品牌，第二要將自家製作發展到線上線下，第三要向區域發展，包括大灣區同東南亞。至於覆蓋率其實已達到九成，香港有九成大廈同屋苑都睇到，我哋已經密鑼緊鼓籌備新節目。」

至於會否邀紅星打頭炮？他直言也想，並已有鄭裕玲為電視台拍攝旅遊節目，他揚言：「邊個都可以傾合作，個世界好闊，已經離開一台獨大世界。（鄭裕玲節目嘅製作費達7位數，之後嘅節目可唔可以維持到呢個水準？）唔同節目有唔同成本結構，要諗對邊啲廣告商同觀眾，每個節目都需要合理投資。（會唔會發掘幕前幕後新人？）新人同紅星都需要，我哋公司個收視基礎唔高，需要有叫座力嘅藝人參與，希望之後畀到大家驚喜。（會唔會搞選美同造星比賽？）好多形式都可以搞，總之人才好重要。」有傳邀得周柏豪及楊千嬅合作拍劇，他稱沒有這件事，但可以考慮，合作空間好大。

講到他與余詠珊都是無綫舊將過檔有線，惹人懷疑會否將舊公司一套搬過來？他強調：「我喺電視界工作超過30年，係最後10年先喺TVB，我本身無TVB出身情意結，我20年前喺有線做過，唔同公司有唔同屬性，要針對公司屬性，所以一定唔會將大台嘅嘢搬過嚟，而且都無空間。可能啲人會講咪又係同一班人，我認我哋係老，依家唔係我哋做幾多，而係我哋可以搵到幾多唔同年齡層同事去創作，我哋係發揮團結作用，最新鮮同最有創意一定唔會係我諗出嚟，我哋想搵多啲創作新人。依家冇公司可以養幾千人，有好多節目都係外判，無論係外判定係公司製作節目都係同一個邏輯，希望節目獲得觀眾認受。」

對於余詠珊的製作毀譽參半，問他如何評價？他說：「好製作唔一定有好效果，但好製作嘅成功機會一定大過唔好嘅製作，但都要睇天時地利人和，我都有好多失敗嘅製作，唔可以一個製作判生死。」

ching2506

(HK01)
杜之克否應搵楊千嬅周柏豪拍HOY TV新劇 ：唔會做返大台做嘅嘢
撰文：林得懿
出版：2023-05-05 14:46

杜之克出任有線執行董事及行政總裁，而昔日無綫拍檔余詠珊及何哲圖亦分別出任有線娛樂有限公司總經理和有線寬頻銷售及市場總監。杜之克今午（5日）喺有線大樓會見傳媒，正當大家以為杜生會公布一連串反攻TVB、ViuTV大計，結果一開始他就表示：「而家唔係時候講住，我啱啱返工，第三日。」

杜之克表示自己20年前曾在有線工作，但當時經驗尚淺，沒有太多貢獻，今次重返，笑言自己是「求」返嚟，他希望與現有團隊與新加入嘅同事一齊為有線做出新面貌。「我諗大家都覺得好需要，我哋努力向呢個方向跑。」

楊千嬅、周柏豪未落實拍HOY TV劇集
杜之克坦承甩前自家製節目不多，又認為香港觀眾有太多選擇，如非與生活息息相關。「其實冇咩特別需要睇你，呢個我哋大家都好清晰，所以自家製作係方向。」問到下一步計劃，杜之克只係表示目前最要了解係公司擁有嘅資源、有什麼需要補充或更新，並未有透露任何節目上嘅嘢，但他否認搵楊千嬅以及周柏豪拍新劇。「不過新聞有報導我都會參考，係咪可以值得諗。而家合作空間好大，包括大灣區、東南亞有好多合作空間，因為大家對內容要求唔同咗，同埋經過十幾次，包括NETFLIX呢類線上平台，打開局面後，大家對內容觀感唔同咗。」問到會否搵當紅藝人打響頭炮，杜之克笑言：「我哋好恨。」

有傳鄭裕玲拍攝嘅旅遊節目花費7位數，HOY TV之後嘅節目是否都如此重本，杜之克表示不同節目有不同成本結構。「我哋籌劃時要諗對邊啲觀眾同客戶，坦白講，我哋想個個節目都有好合理投資，雖然唔係講錢，但錢係必須，但要令呢件事發生的話就係市場要接受，一個係觀眾收視、一個係廣告商支持，喺呢半年嚟，我哋做咗好多呢方面嘅努力。我係想個個節目都有規模製作，但前題要諗點同觀眾有關，廣告商要認同，咁我就會有好信心一個個節目開出嚟做俾大家。」

至於選美或造星節目會否在計劃之內，杜之克表示：「好想有新嘢，我哋都會谷大家向一個度一啲新方法做節目，而家講我好空範，但呢啲方針我哋係會做，所以人才好重要，我哋要組織到懂得喺新環境中推進呢件事嘅同事，所以嚟緊一年半裁都係好唔得閒。」

杜之克表示自己在電視行業30多年，在TVB工作大約10年時間，所以並沒有任何TVB情義結。「唔同平台有唔同屬性，我哋要針對住屬性去做，所以一定係唔會做返大台做嘅嘢，冇咩空間咁去諗。」杜之克話自己要做係搵唔同年齡層嘅同事，創作與時代配合嘅事情，自己嘅功能比較是發揖揮餘熱。「我唔會覺得最新鮮、最創作嘅節目會係我諗出嚟。」

余詠珊過往在大台業績毀譽參半，問他如何評價，杜之克表示：「做創作有4個可能性，好嘅創作得到好好嘅效果；好嘅製作但效果唔好；做個唔好嘅創作而有好嘅成果，嗰啲叫好彩；唔好嘅製作應份地得唔到好嘅效果，你放長遠咁睇就無死錯人，好製作成功機會係高過唔好製作，所以我關鍵係搵唔搵到合理團隊做製作，但你話係咪個個製作都好成功，都要睇天事地利因素，我都試過有非常失敗製作，但呢個世界唔係睇一個product 就判生死，我做咁多年製作有咩著數啲，我哋判斷一個製作係咪精細、有合理方向目標執行，所以我哋判斷到咩係好製作再去說服觀眾，唔代表百分百成功，但起碼我哋成功機會係好過唔好嘅製作。」