TVB藝人合約事件簿 (2022 - 2023)

lily123

(on.cc)
藝人祝文君因癌病逝　黃智賢：我好愕然
03月02日(三)
08:48更新
00:36建立

女藝人祝文君因病離世，享年55歲，據知她因不敵肺癌在家中去世。第3期無綫訓練班出身的她，更是藝進會永遠榮譽會長，故對她突然病逝感到相當愕然，之前未聽聞過對方患病。同是會友的藝人鄧英敏表示好難過，他傷感地說：「剛剛收到藝進會師妹傳出消息，話文君係噚晚因病與世長辭，但好安詳好似睡夢中離開咗我哋咁，佢屋企人一直有係身邊陪伴，係沒有痛苦中悄悄走完了佢一生，家人都囑咐向各方好友轉告消息。（知唔知佢患癌？）我就從來未聽聞過。」

另外，其他藝進會成員亦一樣難以接受，黃澤鋒透露去年與祝文君合作劇集《拳王》，當時完全睇唔出有異樣，他說：「我記得每年12月30日藝進會會慶，文君一定會出席，今次佢都有去，大家仲傾咗幾句，因為藝進會要無綫藝訓班同學先可以入會，所以全部都係師兄妹...我同佢真係好熟，識咗好多年，之前又一齊主持《城市追擊》，諗唔到咁後生就走咗。」至於黃智賢亦與祝文君相識多年，可以話睇住對方入行，最近合作是劇集《親親我好媽》，他說：「大家間唔中都會係公司撞到，所以收到佢離世消息好突然，真係唔知講咩好。」而麥長青就話前幾年為會務經常聯絡，指文君為個會好出力，不過，他自從少了參與藝進會會務後，同對方已沒有見面。祝文君是無綫第3期訓練班學員，由於口齒伶俐轉數夠快，被安排做主持工作，最為人熟悉為《城市追擊》，之後連周星馳也欣賞她，獲邀客串電影《食神》。

1994年城城當時接受《娛樂新聞眼》主持祝文君訪問，問他會否派利是？當年得28歲的城城就話：「我未結婚嘛！」文君話：「呢一行唔使結婚先派嘛！」城城再秒回：「傳統思想就係話，結咗婚先派利是，咁我希望有一日我結咗婚嘅時候先派。」佢仲要強調個個都有：「我講過嘅，全港市民都會收到我嘅利是！」而成為經典！

ching2506

(晴報)
愛回家丨王朝離開接龍保安部兄弟歡送？ 莫家淦暫別妻兒請長假北上發展
2022/03/24

《愛回家之開心速遞》保安員人才濟濟，在申叔（李海生飾）、鐵面陳（王致狄飾）帶領之下，有王朝（莫家淦飾）、馬漢（衛志豪飾）、張龍（黃耀煌飾），亦有新加入的阿壯（焦浩軒飾）和阿穎（李紹堅飾）。幾位「保安」演員猶如兄弟手足，昨日王致狄和黃耀煌在社交平台分享與莫家淦的合照，並留言說：「兄弟一路順風！」似乎家淦將會離開劇組？

莫家淦接受《晴報》電話訪問，他承認將會請長假暫別《愛回家》，事關他要北上發展一段時間。家淦表示一直以來跟TVB是基本藝員合約，最近轉為「一騷」合約，因去年已經簽約譚詠麟旗下的藝能娛樂公司，旨在內地發展，「簽咗藝能之後，始終TVB有劇集同工作在身未能抽身， 一直留喺香港，直至啱啱轉咗合約，相信會上內地大約4至6個月，而家陸續已經為內地綜藝節目和劇集試鏡，不過始終要個人喺內地先可以全面規劃到。」

39歲的莫家淦跟太太黎慧盈結婚10年，先後誕下大仔莫朗翹和細仔莫皓賢，家淦今次北上難免掛念妻兒，「一定唔捨得佢哋，冇辦法，始終想多啲方法搵工作嘅可能性。」

莫家淦大學畢業之後加入有線娛樂新聞台擔任主播，2013年轉到TVB做娛樂台主播，後來專注演戲，參與劇集超過80部，大多數都是小角色，而他在《愛回家》中飾演的保安王朝最深入民心，角色縮骨愛偷懶，跟現實中的他剛巧相反。莫家淦除了幕前的工作外，曾被報道在公餘時間送貨賺錢幫補家計，而他亦有參與不少生意的投資，為妻兒提供更好的生活，絕對是好老公、好爸爸。

家淦感激《愛回家》角色令他在內地都多咗人認識，現時算向劇組請長假，未知何時歸隊，他表示：「由有線轉去TVB時收入都唔錯，TVB收入再加上TVB畀我嘅知名度，令我搵外快都唔錯！維持八年幾時間，不過到現階段感覺好似到咗樽頸位，我前排拍咗好多網上片段，被藝能公司睇中咗，因為而家好興喺網絡媒體再延伸去娛樂圈搵錢機會，佢哋問我有冇興趣，我覺得係一個新嘗試都唔錯！我係一個幾肯接受新嘢嘅，咁都係一個新機遇，趁自己仲未夠40歲，就把握機會試一試！」

ching2506

(on.cc)
鄭俊弘重投星夢懷抱　一回巢即刻有歌出
04月06日(三) 11:01

歌手鄭俊弘（Fred）2020年底約滿星夢，在樂壇休息了一段日子，據知最近他已重投星夢懷抱，更獲安排為《金宵大廈2》唱片尾曲，跟無綫一直有經理人約的Fred昨日（5日）承認說：「係呀！我簽返星夢，我離開咗年幾，係樂小姐（樂易玲）幫我安排，簽番都開心嘅，因為有個歸屬感，加上本身好多歌都喺晒星夢度，今次返去有一個新鮮感，因為全個音樂班底、管理同製作都係新嘅。」

Fred透露已經同公司傾緊新出新歌，開始製作中，今次在歌曲創作方面他有較大自主權，他說：「可以揸多啲主意，對我嚟講好緊要，希望可出多啲自己鍾意風格嘅歌。」6月就將做爸爸的他笑言心情開始緊張，他笑說：「好快啦，愈嚟愈期待BB出現，BB需要嘅嘢已經準備得七七八八、好似BB床、衫仔，換片地方等等，希望冇咩甩漏啦。」

lily123

(on.cc)
邵氏新簽索女登場　鄺靜汶靠3招瘦腿
04月16日(六) 04:01

無綫早前招募藝訓班學員，有指邵氏率先在藝訓班揀蟀，簽了曾參選港姐的鄺靜汶（Cindy）為旗下藝人，成為視后林夏薇以及陳瀅的師妹，本身是模特兒的她，拍過近20個電視及平面廣告，堪稱廣告界的寵兒，潛力十足！

早前她於社交網上載身形Fit爆靚相，問她有何收身妙法？Cindy表示：「都係經常做運動，之前有同鄧麗欣玩開排球隊，仲練到有腹肌。依家就主要睇片做運動，因為我以前玩田徑同籃球，所以腰位一向都唔肥，反而做運動重點做對腳，因為都比較肥，如果問我有乜嘢瘦腿心得，咁有三寶嘅，按摩、浸腳同埋運動，三管齊下好Work！」

ching2506

(頭條日報)
獨家丨余德丞約滿TVB結束8年賓主情 極速接新job迎新挑戰2022-05-01 00:08

現年32歲的余德丞（Dickson）當年在TVB的《體育世界》出任記者，及後至2014年5月轉為藝員；正式加入娛樂圈，至今8年發展尚算不俗。但今年Dickson決定約滿TVB不續約向外闖，嘗試其他不同的範疇，而他在今日（1日）約滿回復自由身後，於凌晨在個人YouTube頻道上載一條farewell短片，剖白心聲及向TVB講bye bye，據知Dickson已極速接下新工作，很快又跟觀眾見面。

片中甫開始是Dickson去清理在TVB的儲物櫃，櫃內見有他貼上轉做藝員後第一次拍的靚仔相，還有初期主持兒童節目《Think Big》時，收到小朋友寄給他的聖誕咭，另外，還有2016年巴西奧運時TVB風褸及有份拍攝劇集的紀念品。由於物品不多，因此Dickson很快已清空儲物櫃，清空一刻，他謂：「其實都啲傷感，但舊嘅唔去新嘅又點會嚟。」而他更如拍劇一樣，用紙皮箱收拾個人物品離開。

接着Dickson為新開始拍攝新一輯個人相片，期間談到在TVB時的一些回憶及感受，他謂：「喺TVB時做過奧運、講波；又拍飲食及旅遊節目，又拍過劇，最後係《青春不要臉》，8年冇白過，雖然冇代表作，但咩都試過，至少盡心盡力做過。」但Dickson指當中有一件事令他多年來仍耿耿於懷，就是2018年他踢足球期間，突然心臟出事昏迷入院：「當時有個人出嚟話我阿媽去跪佢幫我免費點燈續命，但根本我同媽咪唔識呢個人，我哋識嘅人都冇人去搵過佢，我當時好想企出嚟，但公司認為最好嘅回應就係唔回應，最後更只係叫我答：『多謝關心，我沒有回應。』我唔明點解要咁，係啱就啱；係錯就錯，但而家咁回應，咪令其他人更多揣測，有冇諗過咁嘅決定會有影響，仲會伸延落去，以後人哋諗起我都諗起呢件事。我自己做呢行冇所謂，但我媽咪出到去人哋會點諗佢，咁係傷害一個唔係呢行嘅人。到而家我仲可以坐喺度，好多人就覺得係因為我媽咪去點燈續命。」

願意跟不同公司單位合作
就離開TVB一事，是否基於健康考慮，始終做電視比較辛苦，Dickson回覆《頭條娛樂》表示：「其實呢個都唔係突然之間做嘅決定，都考慮咗好一段時間，跟隨自己內心選擇，有機會都想試吓見識吓唔同嘅嘢。如果真係健康問題，我直頭退休唔做啦，過咗去就唔使再提。」若其他電視台如ViuTV邀請合作會否考慮？又聽聞已接了新工作即將開工，他謂：「而家回復自由身，當然希望有新嘅嘗試同火花，都期待有唔同嘅工作機會。其實唔一定要電視台，可能其他平台好似網上嘅YouTube或者收音機都有機會呢？所以我都拍咗條CV擺喺YouTube畀大家睇，希望好快有得再同大家見面啦！」

ching2506

郭田葰約滿離開tvb

lily123

(on.cc)
「風少」陳浚霆忽派散水餅惹離巢疑雲
05月06日(五) 10:02

憑《愛．回家之開心速遞》「風少」一角而成功入屋嘅藝人陳浚霆，近年密密現身劇中即人氣急升，不過尋日（5日）佢忽然上載寫上「散水餅」嘅蛋糕照，仲留言：「Thanks for all the love」，令人不禁聯想佢係咪要離開TVB，成為近日離巢潮嘅一員！唔少人都好擔心以後再冇得喺《愛回家》見到風少，原來佢係將合約由邵氏轉到TVB，正式做TVB親生仔，以後繼續有得睇佢！

ching2506

(on.cc)
羅子溢簽約無綫即獲力捧　望事業再創高峰
06月04日(六) 00:01

藝人羅子溢當年被星皓電影發掘入行，十多年來攜手走過高山低谷，不過近年星晧將發展重心轉移往內地，加上自家製作不算多，子溢方面則覺得是時候「求變」，考慮長達半年後，他月前改簽無綫經理人合約，希望於事業上獲得新一張成績表。

據悉，子溢早於去年已約滿星晧，老闆王海峰期間開出不錯的條件作挽留，與此同時子溢近年亦與無綫合作無間，有關方面出招「爭人」，洽商期間處處表現出誠意及遷就。子溢有感「魚與熊掌」，考慮多時兼與身邊熟悉的朋友商討。由於快將踏入38歲。而且是兩位小朋友父親，子溢動筆前心情可謂如履薄冰。最終他被無綫打動，四月份低調加盟，隨即為新劇《婚後事》開工。

有指完成該劇拍攝後，子溢手頭上尚有兩、三個劇本，相信今年內工作檔期已填滿。鑑於無綫近日「缺（人）才」，可調用的小生買少見少，子溢剛加盟即獲力捧，自然可理解。而一向識做的子溢與舊東家星皓依然保持友好關係，倘若對方開戲而角色合適的話，他絕對樂於接演。

ching2506

(on.cc)
簡淑兒突然宣布離巢：唔想再活喺個框框入面！
06月20日(一) 20:01

早年憑《愛‧回家之開心速遞》的「熊尚善」為人認識的簡淑兒，一度獲無綫力捧，參演過好多劇集演出，如《踩過界II、《C9特工》、《智能愛人》、《我家無難事》等，本來她要飛到馬來西亞為《聲夢傳奇2》擔任評判及表演嘉賓，組合出身的她之前還表示好耐冇唱歌，出發前要練吓歌先，又話當地同事知她將到馬國，準備帶她四圍去食好西，但今日她忽然宣布離巢無綫。

馬國之行突然「失蹤」的她在社交平台透露正式回復自由身，她留言:「曾經有一份執着，好想喺度做到啲成績出嚟，去到有一刻，發覺自己唔想再活喺一個框框入面，慢慢咁失去自己的價值，之後仲有好長嘅路，我會繼續努力。」她好想多謝公司合作過的導演同監製，多謝大家給她機會、鼓勵同肯定，她續寫：「多謝曾經美好過嘅回憶，最開心喺到認識好多好好嘅同事，跳出框框的勇氣，自由身，新開始吧。」

ching2506

(HK01)
獨家｜鄧佩儀加國回歸校園　名校續修工管學士：說過回來完成學業
撰文：賴家杰
出版：2022-07-18 07:30 更新：2022-07-18 13:26

藝人鄧佩儀（Gloria）近年是TVB力捧的花旦之一，這幾年拍攝劇集都是充當女主角，尤其是在《換命真相》中有不錯的表現，獲觀眾激讚。在去年11月Gloria在備受力捧的時候回到加拿大放了一個假期，在對外訪問中稱因為疫情關係有四年沒有見過家人，非常想念他們，所以向公司請了一個假期，期間曾傳出指是被公司雪藏而回加拿大。

至今Gloria回到加拿大已經超過半年以上，並沒有回港跡象，不時也可以看見Gloria分享在當地日常生活的動態照片。近日有讀者爆料，她在加拿大讀書，指Gloria是她的同班同學。

記者特意短訊問到Gloria是否屬實，她很快便回應這件事：「確實正在讀書。其實以前曾說過一定會找時間回來完成我的學業，而很感謝公司去年年頭讓我請假回來讀書。本來報了名應該去年九月開學的，但最後因工作關係才推遲到今年的一月份學期先開始。正在UBC尚德商學院完成我的工商管理學士學位，也有額外再讀一些關於電影製作的課程。」

對於外界的揣測，Gloria一概亦不再多回應，為免再節外生節，但很感激公司的支持，相信不久便會回來香港，再在幕前看見觀眾。